لقاء كارثي

فضل…يا ليله افهمي انا مش بدافع والله العظيم بس انا عارف ان رحاب متعملش كده

ليله….عارفه وانت سمعتني وانا بقولها مش رحاب و مش بقول كده عشان اهديها علي فكره انا كمان واثقه ان رحاب متعملهاش اينعم يعني انا قولت في البدايه خالص ان رحاب مش سهله و بتقول كلام في النص مش عاجبني بتلميحات مش هجباني بس انا عارفه ان رحاب مش شخصيه شر و بعدين امك حكيتلي علي الحوار اللي دار بينهم لما راحتلها و اظن تبقي غبيه جدا لو فكرت تعمل حاجه زي دي بعد كلامها لان اول حد هيتشك فيه هي و رحاب ذكيه مش غبيه يعني لو دي نيتها مش هتعملها برضوا و هتبقي عارفه ان الكل هيفهم ان هي وراها

و البنت في اكتر من مره اما شوفناها كانت محرجه و حاسه انها متغبره عن المرات اللي شوفتها فيها عشان كده انا حاولت اقربهم من بعض و اكسر الاحراج الي رحاب حاسه بيه وسطنا و اخليها تتعامل عادي متحسش انها عامله عامله

فضل……طيب ما كل ده قولته لنعيمه وهي راكبه راسها

ليله…اعذرها يا فضل نعيمه لو مش بتحبك وبتغير عليك مكانش ده هيبقي رد فعلها كمان زي ما عشري قال الموقف رخم و انت عارف نعيمه دماغها قد كده لو هتعدي اسمك اللي اتقال مش هتعدي معرفتها انك جاي من سفر ولا هتعدي قفل الموبايل من امبارح و احنا لما بنقعد مع نفسنا يا فضل دماغنا بتركبنا فا اعذرها

عشري….فضل اسمع مني ليله معاها حق نعيمه لو مش طيقام و مش عايزه تبص في وشك كانت رمت الخاتم في وشك و انت عارف دي مجنونه و لما بتتعصب مش بتشوف قدامها بس هي جواها حته مصدقاك عشان كده هي منهتش كل حاجه ولا ركبت دماغها لو عالعصبيه خليها ياسيدي تتعصب حقها هتهدأ اكيد وهتفهم

فضل….طيب الوقت بكره هي مسافره معقول مروحش اشوفها او اوصلها ازاي بس اخوك مكلمني اصلا و بيسالني هتعمل ايه ودي اللي طالع عليها اياك تيجب مش عايزه اشوف وشك و مينفعش اسيبهم يروحوا لوحدهم

ليله….طيب بص هنقسم البلد نصين انا من وقت اللي حصل مشوفتش نعيمه غير قدام بيت نادين وميدو واحما بنوصلهم و ملحقتش اتكلم معاها عشان كان لازم نوصل اهل نادين الفندق ومن الصبح بكلمها بس

بكره انا هروحلها وانا واثقه لما اشوفها واتكلم معاها هعرف اتفاهم معاها واهديها و هتسمع مني بلاش بقي انت تيجي علي البيت قبل ما اكلمها عشان دب مجنونه اعمل نفسك مش جاي وانا عارفه صحبتي اصلا لو لقيتك مجيتش هتتجنن و علي ما نوصل المطار اكون كلمتها وهديتها و انت بقي روح مع سليم من هنا علي طول و قابلها في المطار