لقاء كارثي

سليم….ابدأي اهم حاجه بكل الحاجه الخاصه بالعمره بتاعتك و بعد كده شوفي بقي حابه تاخدي معاكي ايه و حطيه

نسمه…..بابتسامه اااا انا عايزه اقولك حاجه

سليم…..حاجه ايه شكلك عامله مصيبه

نسمه….بضحك والله ابداً

سليم…. بابتسامه تجنن طيب قولي يا قلبي

نسمه……طيب ممكن تقفل و تتصل بيا ڤديو كول هوريك حاجه حلوه اوي

سليم…..طيب اقفلي

قفل سليم و ثواني ورجع اتصل بيها تاني

سليم….ايه القمر ده

نسمه…. بضحك وحشتني حاسه اني بقالي كتير مشوفتكش

سليم….ياااااه من امبارح مشوفتكيش

نسمه….بضحك بتتريق يارخم والله وحشتني

سليم…..بابتسامه والله وانتي كمان وحشتيني

نسمه…..بص هفرجك علي حاجه كنت طلبتها قبل ما نسافر بيومين و المفروض كانت توصل امبارح بس انا طلبت تيجي انهارده عشان اكون رجعت

سليم….ايه هي بقي ؟

نسمه…بابتسامه استني هفرجك

جابت الكاميرا علي شنطه صغيره

نسمه….خليك معايا استني شايف كده

سليم….اه دي شنطه

نسمه….استني هفرجك فيها ايه

طلعت منها مصحفين و طلعت منها اذكار شكلها تجنن كانها مصحف مصغر مليان اذكار فتحت اول صفحه في المصحف

نسمه….شوف كده مكتوب ايه

بص سليم و ابتسم بسعاده لما شاف اللي مكتوب

وقف لله تعالي و صدقه جاريه من سليم عشري اللهم اجعل اجره في ميزان حسناته..

سليم….بسعاده وصدمه تجنن ايه ده ؟

نسمه….بسعاده عجبك

سليم…اوووووي يا نسمه اوي بجد انتي جات في بالك ازاي اصلا

نسمه…. بابتسامه مفيش بابا كان بيتكلم مع ماما وقال انه ان شاء الله اما يروح هيشتري مصاحف و يحطها في الحرم تكون صدقه جاريه عشان كل ما حد يقرأ ناخد الثواب و بس فا انا حبيت الفكره و قررت اني مشتريش من هناك معرفش يعني حبيت اني اسفره من هنا لهناك بس

سليم….ياعمري تجنن دي احلي حاجه في الدنيا طيب التاني ايه
وايه كل ده اصلا

نسمه…. بابتسامه التاني ده بتاعي انا و دول اذكار بس هو عامل زي كتيب صغير مليان اذكار و ورد يومي حجات كتير بس اخف شويه ده بقي
للكل

سليم….يعني ايه للكل

نسمه…. بابتسامه ده كتير اوي منه يعني كتب في كل واحد انه صدقه جاريه عنه للبنات والشباب لماما وبابا ونادر و نعيمه لاخواتك لامونه لامكل عشري لكل الناس اللي اعرفها كتبت اسمهم و ناويه باذن الله طول ما انا ماشيه احط في كل ركن واحد منهم و هخلي جزء في المدينه يعني اسامينا هتنتشر هناك و يارب يكون في ميزان حسناتهم كلهم