لقاء كارثي

فضل…مش رحاب يا نعيمه بقولك

نعيمه…..وانت ليه متاكد كده

فضل….عشان واثق انها متعملش كده لا تربيتها ولا اخلاقها يخلوها تعمل كده و لعدين تعمل كده ليه هي مش بتحبني ولا انا واعدها بحاجه رحاب متعملش كده يا نعيمه انا واثق فيها

نعيمه….بغضب لا يا شيخ و الثقه دي بقي خدتها منها من خروجتين ولا هو كان في اكتر من كده يا فضل!!

فضل…نعيمه خدي بالك من كلامك

نعيمه….انا اللي اخد بالي من كلامي انت واقف تدافع عنها قدامي

فضل…عشان عارف انها متعملش كده رحاب جايز دماغها سوحتها بس هي مش وحشه مش شيطانه افهمي بقيييي

نعيمه……و انا مش مصدقاك يا فضل ومش هصدقك الا لو الموبايل ده اتفتح و البنت دي ردت واحده واحده بقي مش انت كنت بتحاول تدور علي مبرر تديني فرصه عليه انا بقي دماغي قفلت و مبررك الوحيد عندي ان الخط ده يتفتح و ترد عليا

فضل…..طيب بصي يا بنت الناس الخط اتفتح اتقفل ده اخر كلام عندي انا معرفهاش و واثق ان المكالمه دي كانت صدفه مش اكتر تصدقي براحتك متصدقيش برضوا براحتك و هعيدها تاني رحاب ملهاش علاقه و دي حاجه انا واثق منها وجدا موضوع رحاب ده يتقفل و ميتفنحش نهاىي بمزاجك او غصب عنك وده مش تهديد بس ده لاسباب كتير حوار رحاب ده ممكن يعملي مشاكل مع اخويا يعمل لاخويا و مراته مشاكل يعمل بين رضوي واختها مشاكل و انا مش عابز مشاكل من النوع ده نهائي لو شاكك واحد في المليون ان رحاب شيطانه يا نعيمه هقولك اعملي فيها ما بدالك حتي لو هتحصل مشاكل الدنيا بس انا عارف بقولك ايه كويس و بالنسبه بقي للمبرر يا نعيمه

اللي كنت متمسك بيه انا كنت متمسك بيه عشان خاطر رجولتي اللي انتي دوستي عليها باوسخ جزمه عندك و مع ذلك انا عديت واقتنعت باللي قولتيه مع انه ممكن ميقنعش اي راجل غيري بس انا صدقتك عشان باقي عليكي لو انتي بقي هتحطي علاقتي بيكي قصاد فتح الخط و لتاني مره موقفه علاقتي بيكي عشان التفاهات دي يبقي تمام اوي شوفي انتي عايزه ايه با نعيمه عشان صدقيني انا معنديش حل اصلا اللي عندي قولتوا وانا مش مضطر ابدا اني افضل احلف واقسم علي حاجه معملتهاش اصلا المفروض يكون في ثقه في و في حسن ظن بينا انا عاذرك لآخر لحظه وعارف كويس اوي ان الموقف رخم وحقك و انا لو مكانك كنت هعمل زي ما قولتي بالظبط كنت هق/تلك فيها يا نعيمه بس انا يا بنت الحلال في عز ما انا عاااااذرك صدقيني معنديش اي حاجه في ايدي تخليكي تصدقي تاني فكري مع نفسك يا نعيمه و شوفي اللي يرضيكي بقي سلاااام