چاسمين

رواية
چاسمين
أميره اسامه
صاحبة البطل لواحد
فتجدهم حيارى مضطربين ليسوا على يقين من أمرهم
البارت الثاني و العشرين
صړخت بيري باعلي صوتها و دخل عليها فريد في اللحظه دي
فريد…..بيري في ايه
بيري….باڼهيار و خوف قامت من علي السرير و هي بتصرز…خ فريد هما هنا يا فريد هنا في البيت
فريد…مين دول
بيري…..ماما يا فريد ماما وانكل مهيب وخالد كلهم كلهم هنا
فريد….اهدي مفيش حد هنا انتي بتحلمي
بيري….لا لا مش بحلم هما كانوا واقفين هنا شاورت علي المكان وهي في حالة ذعر فظيعه خدوني منك يا فريد انا انا انا شوفتك شوفتك واقع و في ډم اه اه في ډم معرفتش انقذك و انت معرفتش تاخدني منهم خدوني معاهم و خدوك انت كمان خالد خدني معاه
فريد….قرب منها ومسك ايدها كانت بتترعش جامد و جسمها متلج بيري ده كان كابوس صدقيني مفيش حد هنا في البيت
بيري….لا لا هما هنا صدقني انا سمعت صوت فتحت الباب لاقتهم قدامي انا ناديت عليك بس انت مسمعتنيش كنت واقع تحت انا شوفتك و شوفت كل حاجه متكسره خدوك معاهم خدوك عشان يعرفوا انت مين ماما ماما يا فريد معملتش حاجه سابتهم ياخدوني
فريد….بيررررررري
بصتله بيري و هي بتتنفض من صوته وعينه جاحظه بطريقه باين انها مړعوبه
فريد….قولتلك اهدي انتي كنتي بتحلمي انا قدامك اهو كويس مفيش فيا خدش وانتي كويسه مفيش حد معانا هنا الابواب كلها مقفوله و كل حاجه تمام انتي في امان بصي كده حواليكي
بصت بيري و هي دموعها نازله لمحت الشباك كانت الدنيا لسه ليل كل حاجه تمام الجو هادي حتي فريد واقف قدامها سليم
رجعت بصت تاني لفريد
بيري….بدموع بببس هما خدوني منك يا فريد خدوني
فريد….بنبره صوت هاديه محدش يقدر ياخدك مني يا بيري انتي فاهمه انتي معايا و في امان انا وعدتك يا بيري لو اخر نفس ليا في الدنيا مش هسيبك وهفضل جنبك و هحميكي و حتي لو الکابوس اللي شوفتيه اتحقق لو بمۏت وسايح في دمي هقاوم عشانك لاخر نفس فيا انتي فاهمه
من غير اي تردد او تفكير حضنته بيري و اتعلقت في رقبته و مسكت فيه بكل قوتها
مقدرش فريد في اللحظه دي انه يبعد عنها و من غير اي تردد هو كمان ضمھا ليه بكل قوته و هو بيهمس بصوت واطي لكن مسموع
فريد…اوعي تخافي طول ما انا جنبك يا بيري انا هفضل امانك وحمايتك مستحيل اخلي حد يقرب منك او يفكر يأذيكي انتي امانه ربنا بعتها ليا عشان احافظ عليها و انا هحافظ عليها لاخر يوم في عمري
بيري….بدموع اوعي تسيبني يا فريد ليهم اوعي تبعد عني
فريد….شششششس خلاص اخدي وبطلي عياط اسيبك ايه ردد فريد جواه من غير صوت انا ما صدقت لقيتك .
بعد ثواني و يمكن دقايق بعدت بيري عنه بهدوء وهي منزله راسها للارض كانت محروجه منه عشان قربت منه بالشكل ده لتاني مره تترمي في حضنه من غير اي تفكير بس كل مره متقدرش تمنع نفسها الامان اللي بتحس بيه في قربه عمرها ما شافت او حست بيه
فريد….بهمس احسن الوقت
هزت بيري راسها من غير ما تبص في عينه
بيري….هي الساعه كام
فريد….الساعه اربعه الفجر
بيري….براحه خدت نفسها هو انت منمتش لسه
فريد…لا كنت بشتغل و محستش بالوقت بس خلاص انا هنام
يلا تعالي نامي و مټخافيش مفيش حاجه حصلت
بيري….حاضر
خدها فريد علي السرير طلعت بيري بس كان لسه باين عليها الازعاج من الکابوس
بيري….فريد
فريد….نعم يا بيري
بيري….اااايعني ممكن تفضل هنا لحد ما انام انا خاېفه اوي
فريد….حاضر انا جنبك بس مش عايزك تخافي
بيري …بدموع مكانش كابوس عادي صدقني ده كان حقيقي اوي كل حاجه كانت حقيقيه لدرجه اني حاسه انهم لسه هنا معانا.
فريد….مفيش حد معانا هنا يابيري و انا حاسس بيكي و عارف ان احساس الکابوس ده مزعج اوي لاني جربته كتير جدا و يمكن كمان تأثيره كان بيفضل معايا طول اليوم واوقات كان بيفضل ايام من كتر ما هو كان حقيقي بس نصيحه مني ليكي ادام صحيتي و اتاكدتي انه مجرد كابوس اوعي تفكري فيه او تخليه يأثر عليكي اتعاملي عادي و اهدي خالص و اتبسطتي انك صحيتي و مطلعش كل ده حقيقه.
بيري…انت شوفت كابوس قبل كده
فريد….بابتسامه ياااااه كابوس واحد ده انا في فتره في حياتي كنت يوميا بشوف فيها كوابيس ولما كنت اصحي و ارجع انام تاني يرجع الکابوس يكمل لدرجه ان في اوقات كنت بخاف انام
وبعدين مين فينا مشافش كابوس يا بيري
بيري…..بس احساسه صعب اوي
فريد….عارف طول ما عقلك شغال و مش بيبطل تفكير لازم تشوفي كابوس و خصوصا لو اللي بتفكري فيه هو اصلا صعب
بيري….صعب بس الواقع اصلا ميختلفش عن الکابوس اللي شوفته و انا واثقه اني لو كنت صاحيه ومش بحلم كان ده نفسه اللي حصل
فريد….مفيش حاجه هتحصل يا بيري و كل حاجه هتخلص قريب مټخافيش
بيري….يارب يا فريد
فريد…يلا ممكن بقي تغمضي عينك وتنامي
بيري…..بس خليك هنا شويه
فريد…انا جنبك والله مش همشي
بيري….فريد هو انا ممكن اقولك حاجه
فريد…اكيد طبعا قولي يا بيري
بيري….مازن ومريم و حشوني اوي و مش عارفه ليه قلقانه عليهم يعني كنت بقول اني عايزه اطمن عليهم عايزه اشوفهم او حتي اسمع صوتهم
فريد….بيري انا مقدر جدا ان بعدك عنهم مش سهل عليكي خالص و اكيد وحشوكي بس كمان احنا محتاجين شويه وقت عشان نقدر نثق في كل اللي حوالينا
بيري….بس انا واثقه فيهم صدقني.
فريد….بس انا مش واثق في اللي حواليهم يا بيري يمكن يكون معاكي حق و انهم قد ثقتك دي بس اللي حواليهم الوقت مش ثقه اكيد هيحاولوا يوصلوا ليكي عن طريقهم و احنا عايزين نبعد عن اي حاجه تأذيكي او تعمل قلق خصوصا الفتره دي
بيري…فهمتك بس حتي علي الاقل اسمع صوتهم
فريد…حاضر يا بيري انا هظبط طريقه كويسه و اكون مأمن فيها كل حاجه وهتفق مع سهر تظبط مكالمه بينكم تطمنوا فيها علي بعض بس الاول يعني
سكت فريد شويه بصتله بيري
بيري….سكت ليه بس الاول ايه
فريد….بتنهيده ااا لا مفيش يعني هبقي اظبط مع سهر
بيري….فريد هو انت مخبي عني حاجه
بصلها فريد وسكت وهو بيفكر مكانش عارف يحكيلها عن سهر ولا لا كان خاېف يقلقها وفي نفس الوقت هو حاسس انه محتاجها معاه
بيري….فريد قولي في ايه احنا اتفقنا منخبيش عن بعض حاجه و بعدين علي فكره انا كان ممكن اكلم اخواتي من غير ما اعرفك بس انا قولتلك و خدت رايك عشان الاتفاق اللي بينا صح
فريد….مش مخبي يا بيري بس يعني
بيري….قول يا فريد عشان خاطري انت كده قلقتني
فريد….طيب بصي انا هقولك يمكن مكنتش حابب اعمل كده بس انا يمكن احتاجك معايا في حاجه مهمه
بيري….قول يا فريد
وبدا فريد يحكيلها عن مكالمه أمجد ليه و عن اتفاقه مع الشباب في حمايه سهر.
بيري….پخوف طب انت ازاي متقولش لسهر سهر لازم تعرف يا فريد عشان تاخد بالها
فريد…بالعكس سهر او عرفت هتخاف وتقلق وهيبان عليها وانا مش عايز حد يحس انها واخده بالها منهم عشان نعرف اخرهم
—
طول ما عدوك قدامك واتتي عامله نفسك مش شيفاه هيفضل قدامك وهتبقي سبقاه بخطوه لكن لو عرفتيه انك واخده بالك منه هيخاف ويحاول يخفي نفسه ووقتها مش هتقدري لا تسبقيه بخطوه ولا هتعرفي امته ضړبته هتصيبك فهمتي
بيري….ايوه بس يعني هي كده في خطړ علي الاقل عرفها وخليها متخرجش من البيت خالص
فريد….مش صح يا بيري هتفضل محپوسه اكيد لأ و حتي لو فضلت حابسه نفسها تفتكري اللي مقرر يأذي حد هيفرق معاه اذا كان حابس نفسه في البيت او خارج في الشارع
بيري….طيب انت واثق في الشباب دول انهم هيقدروا يحموها.
فريد…انا واثق فيهم بس كمان مفيش حد قدامي غيرهم الجأ ليه.
بيري….طيب ما نبلغ احسن ايه رايك
فريد…هنبلغ عن ايه مفيش حاجه ملموسه نبلغ عنها الكلام ده وصلنا من امجد و مفيش اي دليل يثبت ان سهر في خطړ
بيري…لا فيه الرجاله اللي واقفين قدام بيتها بيراقبوها
سهر….محدش فيهم اذاها او قرب منها يبقي هنبلغ عن ايه صدقيني انا عارف القانون كويس عشان كده لازم احنا نتصرف
بيري….طيب انت قولت انك محتاجني معاك قولي محتاجني في ايه
فريد….هقولك يا بيري اسمعي ..
علي الساعه سته الصبح دخلت فاتن البيت كان الجو هادي و واضح ان الكل لسه نايم قفات الباب لكن مريم كانت في اوضتها و لسه صاحيه سمعت الباب و هو بيتقفل بسرعه قفلت النور بتاع اوضتها وردت الباب اللي اتكسر شويه و عملت نفسها نايمه.
طلعت فاتن علي فوق و راحت الاول تطمن ان مازن و مريم مسابوش البيت فتحت علي مازن كان نايم علي السرير و بعدين راحت فتحت الباب بهدوء علي مريم لقتها نايمه ردت الباب تاني وراها وراحت علي اوضتها
قامت مريم بهدوء وخرجت من الاوضه قربت من اوضه فاتن و سعيد تسمعهم.
سعيد….بقلق قام من النوم رجعتي
فاتن….اه لسه جايه
سعيد….ابه اللي اخرك كل ده
فاتن….بارتباك وڠضب يعني هيكون ايه اللي اخرني يعني بحاول اصلح اللي ولادك هببوا
سعيد….طيب قوليلي حصل ايه طمنيني يا فاتن انا ھمو……ت من القلق
فاتن….قلق ايه وانت متغطي ونايم في سابع نومه
سعيد….انا نمت ڠصب عني وبعدين كلها ربع ساعه انا لحد من شويه كنت صاحي و شايل الهم
فاتن….هممم محدش يتكلم عن الهم في البيت ده غيري انا كل واحد فيكم مرتاح وبيفكر في نفسه وبس وانا اللي شايله هم كل حاجه حتي انت ولا في دماغك اي حاجه
سعيد….فاتن انا مش قادر اټخانق معاكي علي الصبح و بعدين انا عملت ايه مش انتي اللي خرجتي وقولتي هروح احل الموضوع
فاتن….عشان لازم يتحل يا سعيد مكانش ينفع الصبح يدخل علينا من غير ما اروح وراء مهيب وخالد و احاول اعمل اي حاجه
سعيد…طيب طمنيني عملتي ايه
فاتن…..كان رافض يتكلم معايا اصلا ومصمم ان مفيش اي كلام في الموضوع غير بعد المده اللي قال عليها حاول معاه كتير و اعتذرت ليه بالنيابه عن مازن قولتله انه عيل و لسه صغير ومش فاهم اللي عمله فين وفين لحد ما اقتنع و رغم الحاله اللي خالد كان فيها بس وقف معايا واقنع ابوه صدقني خالد ده خساره في بيري مش فاهمه هي شايفه نفسها علي ايه خالد بيحبها بجد و رغم اللي عملته حاول يقنع ابوه و وقف معايا جامد.
سعيد….يعني وصلتي لايه معاه طمنيني
فاتن…..قدامنا عشر ايام يا سعيد لازم بيري ترجع فيهم لازم نلاقيها باي شكل حتي لو هنقلب الدنيا عليها ولادك لازم ينطقوا لازم نراقبهم لازم نعرف اي حاجه
سعيد…طيب و الشغل هرجع
فاتن….شغل ايه الوقت يا سعيد انا بتكلم في ايه وانت بتتكلم في ايه
سعيد….مش لازم اعرف اروح ولا لأ
فاتن…..لو كلمك روح مكلمكش ياريت ميشوفش وشك لانه مش طايق نفسه المهم اننا ندور علي بيري و انت لازم تقلب الدنيا علي الاقل لما يعرف انك بتحاول يرضي عنك شويه
سعيد….طيب قوليلي اعمل ايه وانا اعمله
فاتن…مريم هتسيبها عليا و مازن مسروليتك انت تعرف بيروح فين وبيجي منين عيزاك كمان تراقب سهر
سعيد…ما هما قالولك سهر متعرفش مكانها ليه نضيع وقت معاها
فاتن….وانت صدقتهم اقطع دراعي ان ما كانت سهر تعرف مكانها اصلا هي سبب كل اللي احنا فيه ده هي اللي ملت دماغهم و مسيطره عليهم هي اكيد اللي خططت لكل ده عموما مهيب شكله ناويلها علي نيه طين تستاهل خلينا نخلص منها
سعيد….هيعمل ايه يعني
فاتن…..يعمل اللي يعمله فارق معاك في ايه المهم يخلصنا منها زي ما خلص هو والجماعه زمان من اختها.
حطت مريم ايدها علي بوقها پصدمه كبيره حست ان حد ضر…..بها ضر؟؟؟؟؟به قويه علي راسها ومكانتش قادره تصدق اللي بتسمعه سالي اټقـ,ـتلت و مهيب و ناس معاه اللي خلصوا عليها
مين الناس التانيه اللي قتـ,ـلوا سالي مع مهيب دول وازاي ابوها وامها عارفين حاجه زي دي وساكتين و ازاي فاتن اصلا قادره تعرف حاجه زي دي وتسكت لا وكمان متحمسه ان يحصل كده مع سهر كمان دخلت مريم بسرعه علي اوضتها و هي مصد….ومه و دموعها نازله و حست انها عايشه مع عصابه مش
ابوها و امها بصت مريم علي ايدها كانت بتترعش جامد و كان جواها خوف فظيع منهم
مش سهل ابدا علي اي شخص فينا انه يحس بالخۏف من اقرب ناس ليه .
استنت مريم الجو يهدأ خالص راحت بهدوء طلعت شنطه سفر صغيره و راحت علي الدولاب و بدأت تحط في الشنطه هدومها
مكانتش عارفه هي بتعمل ايه لكن كل اللي كانت بتتفكر فيه انها لازم تمشي القلب لو دخل فيه الخۏف لا يمكن يفضل في مكانه فضلت مريم تتحرك بسرعه زي المجنونه تحط في كل حاجه تخصها او هتحتاجها
قفلت الشنطه و مسكت موبايلها و اتصلت علي مازن .
مازن….بصوت نايم الو ايوه يا مريم
مريم….مازن فوق لحظه وكلمني
قام مازن قعد علي السرير بسرعه وهو بيبص علي الساعه و قلق من صوت مريم
مازن….في ايه ياا مريم انتي بټعيطي و لا ايه
مريم….بدموع مازن سالي اتقلت يا مازن سالي مش ماټت في حاډثه
للحظات حس مازن انه بيحلم او عشان لسه صاحب مش مركز
مازن…..مريم بطلي عياط انا مش فاهم انتي بتقولي ايه
مريم….بقولك سالي اټقتـ,ـلت الحاډ……ثه اللي حصلتلها كانت مدبره انا سمعت ماما الوقت وهي بتقول كده لبابا بتقوله ان انكل مهيب ناوي لسهر علي نيه مش حلوه وزي ما خلص من اختها هو والجماعه هيخلصوا من سهر
مازن….پصدمه مريم اهدي كده و وحدي. الله انتي عاره انتي بتقولي ايه
مريم….بقولك سمعتهم و الله العظيم انا لا يمكن اقعد في البيت ده لحظه واحده انا مړعوبه منهم يا مازن ومش قادره اتلم علي اعصابي من وقت ما سمعت انا حضرت شنطتي و مش هقعد هنا لحظه ومكانش ينفع امشي من غير ما اقولك عشان خاطري يا مازن قوم جهز شنطتك وخلينا نمشي من هنا
مازن…..و هو بيمسح علي وشه يا مريم انتي مستوعبه اللي بتقوليه متأكده انك مش بتحلمي اصل لو دي حقيقه تبقي مصېبه
مريم….والله ما نمت لحد الوقت ماما لسه جايه من شويه
—
كل ده كانت عند انكل مهيب و هي اللي قالت لبابا انا روحت وسمعتهم عشان خاطري يا مازن قوم يلا متضيعش وقت
مازن….طيب استني بس يا مريم احنا لازم نفكر الاول
مريم….نفكر في ايه مفيهاش تفكير يا مازن خلاص انا همشي و يحصل اللي يحصل عايز تيجي معايا تعالي مش عايز خليك بس لا انا انا مش هسيبك هنا معاهم انا خاېفه منهم يا مازن
مازن…..طيب اهدي اهدي بس وخليني افكر انتي عارفه اننا رجعنا هنا لما سهر طلبت مننا كده و ده معناه ان في حاجه في دماغها اكبر بكتير من اللي بنفكر فيه و بعدين احنا لازم نفضل هنا يا مريم عشان نعرف بيفكروا ازاي و بيخططوا لايه مع مهيب وخالد.
مريم….بس انا مړعوبه يا مازن مش هقدر اقعد مع ماما هنا لوحدي انت طول اليوم في الشغل و اديك شوفت عملت فيا ايه المره الاولي كانت ټهديد المره الجايه مش بعيد ټمو….تني
مازن….بطلي عبط محدش يقدر يلمسك احنا عايشين مع عصابه
مريم….اه عصابه يا مازن مخبين بقالهم سنين ان بيري مش بنتهم و الله اعلم الحكايه اللي قالوها صح ولا خاطفين بيري اصلا كمان عايزه تجوزها بالاجبار و عارفين اللي حصل مع سالي و عادي بيتكلموا في الموضع كأنه حاجه بسيطه و مستغرب و بتسأل هما عصا……به ولا لا
مازن…مريم انا مقدر اللي انتي فيه و حاسس بيكي و مش هكدب عليكي انا كمان قلقان منهم بس احنا لازم نستني علي الاقل نتكلم مع سهر لازم نتفق مع بعض يا مريم قبل ما ناخد خطوه زي دي
مريم….بس سهر مش لازم تعرف حاجه زي دي يا مازن سهر لو عرفت هتعمل مصـ,ـېبه ومش بعيد ېقتـ,ـلوها وبعدين انا خاېفه تزعل مننا لما تعرف ان ماما وبابا عارفين حاجه زي دي و ساكتين
مازن….اولا سهر لازم تعرف بس اكيد مش الوقت علي الاقل نطمن عليها ونعرف مهيب ناوي ليها علي ايه ونحذ…….رها منه ثانيا احنا ملناش ذنب يا مريم عشان سهر تزعل مننا و لو علي امك و ابوكي انا قولتها من اول ما عملوا كده في بيري هما يستاهلوا يحصل فيهم اللي يحصل و الوقت بعد اللي قولتيه ده انا اتمني ياخدوا العقا.پ اللي يستحقوا
مريم….بس بردوا انا مش هقدر يا مازن مش هقدر اقعد معاها لوحدي
مازن….طيب انا عندي حل كويس
مريم….قول
مازن…هاخدك معايا الشغل
مريم….هعمل ايه معاك في الشغل اول كلمه هيقولوها ليك انت واخد اختك الصغيره
مازن….معنديش حل غير ده هقولهم انم هتبدأي معايا شغل وانب محتاجك في كذا حاجه وهتصل بأمجد افهمه عشان يبقي موافق قدام الكل انك تشتغلي معايا
مريم….طيب افرض ماما اعترضت
مازن….مش هتقدر هقولها ان بعد اللي عملته فيكي مش هقدر اسيبك او اثق فيها يلا قومي شيلي شنطتك دي تحت السرير او اي مكان مخفي بلاش تفضيها لحد ما نشوف سهر هتقول ايه عشان لو قررنا نمشي نبقي جاهزين
مريم….حاضر
مازن….انا هقوم اخد شاور وابدا اجهز و هعدي عليكي
مريم….ماشي يا مازن
مازن….يلا سلام
مريم….سلام
…………..
في منزل فريد كان في الاوضه بتاعته مستني اي مكالمه من الشباب الساعه بقت سته ونص و لسه محدش اتصل كان قاعد يفكر فيهم وفي سهر وفي اللي ممكن يحصل وفجأه سمع موبايله بيرن مسكه بسرعه ولمح اسم ماڤيا.
فريد….ايوه يا ماڤيا
ماڤيا….صباح الخير يا كوتش احنا الوقت و صلنا غلي العنوان اللي بعته و واقفين قدام البيت
فريد…طيب كويس قولي الدنيا عامله عندك ايه
ماڤيا….شوف انا واقف قبل البيت بحوالي 15 متر الصف الشمال واقف قدامي علي طول اكمل و قدامه بشويه واقف شاهين جنب لفه الشارع اللي انا و مصطفي واقفين فيه مصطفي بقي واقف بعد بيتها بشويه قريب من اللفه اللي شاهين واقف عندها و بعد اذنك يعني احنا قررنا نعمل كده حاجه من دماغنا لو واثق فينا يعني
فريد…اكيد واثق فيكم يا ماڤيا والا مكنتش كلمتكم بس عرفني هتعملوا ايه الناس دي انا حافظ دماغهم كويس وعارف ايه اللي ممكن يخيل عليهم وايه اللي مش هيدخل دماغهم اصلا وحاجه كمان انت شايف اي عربيه من اللي بعتلك صورها
ماڤيا…..اولا اه في عربيه واقفه منهم و فيها اتنين شكلهم جامدين انا ومصطفي محاصرينهم انا واقف وراء ومصطفي قدام وهما في النص
فريد….طيب تمام قولي بقي هتعملوا ايه
ماڤيا….يعني اتفقنا انها لو خرجت في اي وقت و اتحركت بالعربيه انا هفضل مكاني لو العربيه دارت و حبوا يطلعوا وراها مصطفي هيعديها و اول ما تعدي علي طول شاهين هياخد اللفه في نفس الوقت اللي مصطفي كمان هيطلع مع خبطه خفيفه كده في العربيه هينزل مصطفي يتخانق مع شاهين ويقطعوا عليهم الطريق و انا واكمل نتحرك اكمل يلف زي شاهين و انا اجي من. راهم وبكده هن قف الشارع رايح و تقاطع لحد ما هي تطلع خالص من المكان ولو لاحظنا ان في عربيه تانيه جات و طلعت وراها هنعمل اللي قولتلنا عليه و نطلع وراها بهدوء من غير اي حوار عشان نأمنها ايه رايك
فريد…..تمام يا ماڤيا بس لو مفيش غير العربيه دي وهي عدت من غير اي قلق تعرفني بسرعه انها في امان عشان انا اكلمها واقولها تتصرف ازاي
ماڤيا….تمام يا كوتش متقلقش هفضل معاك خطوه بخطوه
فريد….خلاص روح انت وركز وخليكم علي تواصل مع بعض من غير ما حد يحس
ماڤيا….تمام يلا هرجعلك تاني
فريد….مستنيك
…………….
داخل منزل سهر بعد حوالي ساعتين صحيت سهر من النوم دخلت خدت شاور و بعد نص ساعه كانت لبست راحت بصت من الشباك علي العربيه لقتها زي ما هي في الوقت ده كانت الساعه 8 ونص الصبح.
ظبطت شعرها و خلصت ونزلت علي تحت كانت و الدتها صاحيه
سهر….صباح الخير يا اموله
امل….صباح الخير يا حبيبتي
سهر…لسه صاحيه ولا ايه
امل….اه معرش ايه اللي نيمني كتير كده
سهر….هو ايه اللي كتير بس الساعه لسه 8 ونص انا نفسي اعرف انتي ليه بتصحي بدري كده
امل….اتعودت علي كده و بعدين انا ورايا ايه يعني
سهر…ما عشان انتي مش وراكي حاجه عيزاكي تنامي وترتاحي انتي اصلا بتنامي متأخر نفسي اعرف بتقومي فايقه كده ازاي
امل….البني ادم كل ما بيكبر ساعات النوم بتاعته بتقل ڠصب عنه و بيقلق من اقل حاجه
سهر….يكبر ايه بس يا اموله ده اللي بيشوفك بيفكرك اختي الكبيره
امل….يابت يا بكاشه انا قمر كده
سهر….ده انتي احلي من القمر يا اموله المهم خارجه امته
امل….لسه شويه يعني ساعه كده و لا ساعه ونص
سهر…انتوا هتتجمعوا بدري كده
امل…لا انا لسه رايحه اعمل التحليل اللي قولتيلي عليه عشان اخلص من زنك
سهر….اخيرا ده انتي زمان الانيميا بتاعتك بقت في الارض
امل…بقولك ايه متفضليش تسمعيني كلمتين انتي عارفه اني لا بحب الدكاتره ولا التحاليل ولا الكلام ده انا رايحه بس عشان اخلص من زنك اصلا اتحسنت كتير لما بدأت اشرب واكل حجات فيها حديد
سهر….معلش اطمني بردوا و علي الاقل نروح للدكتور يكتبلك شويه ڤيتامينات تساعد مع الاكل اكتر انتي مستهونه بالانيميا يا ماما بس والله دي مش
—
سهله خالص
امل….واديني رايحه اهو علي الله تبقي مبسوطه
سهر….طول ما انتي كويسه انا اكيد مبسوطه يلا انا همشي بقي
امل….تمشي فين و الله ما. هتخرجي غير لما تفطري
سهر….لا افطر ايه انا مش عايزه اتاخر علي بيري
امل…..هي بيري هتسافر ما هي قاعده مستنياكي و بعدين انتي بقالك كام يوم مش بتفطري معايا
سهر….ماشي يا ست الكل هفطر معاكي ولا تزعلي
امل….يلا روحي اقعدي لحد ما احضر الفطار
سهر….تمام مش عايزه مساعده
امل….لا يا ستي شكرا
سهر….فين الكيك صحيح
امل….هجيبلك منه حاضر و اوعي تنسي العلبه بتاعت بيري
سهر….حاضر مش هنساها
………
في منزل فريد بص في ساعته كانت الساعه لسه تسعه الا تلت
مسك موبايله واتصل علي ماڤيا
ماڤيا…..ايوه يا كوتش
فريد….ايه يا ماڤيا مفيش اخبار
ماڤيا….لسه والله يا كوتش محدش ظهر انت متأكد انها هتخرج
فريد…متأكد اه اكيد شويه وهتلاقيها خارجه معلش با ماڤيا انا عارف انكم من سته ونص وانتوا واقفين
ماڤيا….لا عادي مفيش مشكله متقلقش احنا جاهزين في اي وقت و علي فكره من حوالي نص ساعه كده العربيه اللي كانت واقفه مشيت و سلمت لعربيه تانيه
فريد….طيب قولي متأكد ان العربيه التانيه مشيت
ماڤيا…..اه متأكد مفيش الوقت غير عربيه واحده بس
فريد….طيب كويس اوي فتح عينك بقي هي زمانها خارجه
ماڤيا….تمام يا كوتش يلا سلام
فريد….سلام
نزل فريد علي تحت و دخل مكتبه فكر انه يشغل نفسه شويه بأي حاجه علي اللاب توب.
شويه ونزلت بيري من اوضتها لمحت باب المكتب مفتوح مشيت براحه فريد كان باصص في اللاب توب و مش شايفها
فريد….تعالي يا بيري
بصت بيري پصدمه و دخلت بهدوء رفع فريد وشه
فريد….اقعدي واقفه ليه ومالك بصالي ليه كده
بيري….بصراحه في سؤال هيجنني كل ما اجي أساله يحصل حاجه تخليني انسي أسأل
فريد….سؤال ايه
بيري….ازاي عرفت اني واقفه من غير ما تشوفني
ابتسم فريد بهدوء وفضل باصصلها.
بيري….بابتسامه اصل دي مش اول مره تحصل اول مره خالص حصلت لما دخلت بيتك من غير ما تكون موجود وقت ما حسيت بيك جريت علي اول باب قابلني و كان الصاله بتاعت الچيم تحت و الغريب اني لا عملت صوت ولا حتي كان في نور شغال وفجأه لاقيتك قدامي و بردوا اخر مره جيت هنا فضلت واقفه قدام الباب شويه و كنت متردده اخبط ولا امشي و فجأه لاقيتك بتفتح الباب و يوم ما كنت عايزه فوطه لقدر نزلتلك تحت كذا مره و كل مره مكنتش بعمل صوت و بتعرف اني موجوده من غير ما تبصلي.
فريد….بابتسامه جميله مستغربه يعني
بيري….لا بصراحه اوقات بخاف منك
فريد….بضحك پتخافي مني انا طب ليه
بيري….اه بحس انك مخاوي جن او ملبوس
فريد….بضحك مخاوي او ملبوس مره واحده
بيري….طيب قولي تفسير اصل اكيد مش صدفه و بعدين انا متاكده اني مش بعمل صوت لدرجه اني اوقات ببقي متعمده معملش صوت عشان اتأكد
فريد…تتأكدي من ايه
بيري….انك ملبوس
فريد….بضحك لا يا ستي مش ملبوس
بيري….امال ايه
فريد…يعني. تقدري تقولي انها موهبه من عند ربنا
بيري….ايه بتشوف بضهرك ولا بتعرف منين
فريد….من ريحتك
بصتله بيري وهي رافعه حاجبها
بيري…ايه من ريحتي دي هو انا ريحتي مش حلوه
فريد…بضحك لا خالص بالعكس ريحتك مميزه و حلوه
بيري….يعني ايه بردوا مش فاهمه
فريد…مفيش بس تقدري تقولي اني بقدر اشم اي ريحه من علي بعد و اقدر اميز الروايح اللي علقت معايا و اعرف مين صاحبها وتقدري كمان تقولي ان الميزه دي اتميزت بيها في شغلي و كمان كانت بتساعدني كتير اوي
بيري….ازاي بقي الريحه دي هتفيدك في ايه
فريد….في حجات كتير يعني مثلا لما كنت بروح اي مهمه كنت اوقات بدخل اماكن مهجوره او شبه خاليه من البني ادمين كان بيوصلنا اشاره للاماكن دي ان بيحصل فيها كارثه في مره دخلت و دي كانت اول مره خالص اكتشف الموهبه دي او بمعني اصح الجهاز نفسه كان اول مره يستخدم موهبتي دي في شغلي انا كنت عارف اني عندي حاسة شم قويه بس مكنتش بركز المهم لما دخلنا المبني ده كان معمول علينا كمين و عرفوا اننا رايحين عليهم من اول ما دخلت شميت ريحة سائل غريب اوي فا طبعا حذرتهم و منعتهم من الدخول و بعد كده عرفنا ان الغاز ده ممېت و لو كنا دخلنا كان المۏت مؤكد لينا كلنا لان الغاز دي بيخترق خلايا المخ
وفي مره تانيه جالنا بلاغ عن مجموعه متطرفه خاطفين باص سياحي روحنا المكان بس لاقينا المكان مفيهوش اي حاجه و كان مكان كويس جدا و نضيف في حد من اللي كان معايا قال ان احتمال يكون البلاغ اللي جه عن المكان في حاجه غلط بس انا كان ليا رأي تاني لاني كنت شامم ريحة ډم في كل مكان في البدايه قالوا لا المكان نضيف بس لما وصل فريق الطب الشرعي اكدوا ان انا صح و كان في بقيا ډم في المكان يمكن مش ظاهر بالعين كده لكن هما ليهم طريقتهم يعني اللي مسح الډم ونضف مكانه مكانش يعرف ان ريحة الډم بتفضل موجوده وقت طويل
و من هنا بقي بدأوا يستغلوا الموهبه دي في اغلب العمليات اللي عملتها و اتلقبت بالفهد الافريقي في الجهاز كله
بيري….وايه الفهد الافريقي ده
فريد….يعني الفهد هو اسرع حيوان في الدنيا و اللقب ده انا خدته لاني بيقولوا عليا يعني سريع
بيري….بتعرف تجري يعني
فريد….بضحك بعرف اجري جربي كده
بيري…بابتسامه واعجاب لا بجد يعني سريع لدرجه ايه
فريد….يعني لدرجه اني اقدر اجري جنب عربيه علي اعلي سرعه ليها تقريبا حققت رقم قياسي في سباق ال متر كنت عامل حوالي عشر ثواني
بيري…انت بتتكلم جد ولا بتضحك عليا
فريد…لا والله بتكلم جد
بيري….انت كنت بتتمرن اصلا وانت صغير
فريد…لا خالص بس طول عمري كنت بحب اجري و كنت سريع جدا في المدرسه لما كنت العب مع صحابي مكانش حد يعرف يمسكني ولما كنت العب كوره مكانش حد يقدر ياخد مني الكوره من كتر ما انا سريع بس طبعا لما اشتغلت مع التمارين والتدريبات السرعه عندي زادت و اتعلمت فنون الجري وهما ركزوا معايا اكتر لما شافوا اني فعلا سريع
بيري….هو الجري ليه فنون
فريد…اكيد طبعا عشان ميحصلش اصابه في مشط الرجل و بتتعلمي ازاي تجري صح و انتي محافظه علي عصب رجلك احيانا بيحصل اما بتجري كتير بسرعه عاليه بتحسي في لحظه كده ان رجلك ممكن تنطر منك و ممكن تقعي او تحسي للحظات انك مش قادره تحسي بيها
بيري….ايوه صح
فريد…ده بيحصل لما بتجري غلط او بتضغطي علي العصب الجري ليه طريقه صح وطريقه غلط يعني لما بتبدأي تجري بتكوني بطيئه وبعدين بتسرعي و لازم كل كام متر تزودي السرعه بمقدار يناسب الطلعه اللي طلعتيها احد ما توصلي لاخر سرعه عندك و اما بتيجي توقفي محدش بيقدر يوقف بسرعه لازم تبطئي جريتك لحد ما تقدري تسيطري علي جسمك و تظبله السرعه المطلوبه اللي توقفك زي العربيه بالظبط لو فرملتي و انتي علي اعلي سرعه ممكن العربيه تتقلب بيكي او يختل توازنها
بيري….طيب ليه مفكرتش انك تاخد الموضوع جد و تدخل بطولات اصل الرقم
—
اللي انت بتقول عليه ده يدخلك الاولمبياد
فريد….مكانش في بالي اوي و بعدين انا كنت مركز في شغلي وهو ده اللي فارق معايا يعني الرياضه نفسها مش هي اللي بسعي ليها
بيري….بس انت بتحب الرياضه
فريد….بحبها كا تمارين تفيدني في شغلي و تفيد جسمي يعني كا لياقه لكن مش لدرجه انها تكون هدف
بيري….طيب وايه بقي الافريقي ده
فريد…..يعني الفيل الافريقي بيصنف انه اقوي حيوان عنده حاسه شم رهيبه و لما عرفوا ان حاسة الشم عندي قويه و كمان سريع جدا سموني الفهد الافريقي
بيري….بس دي معلومه جديده كنت فاكره ان الكلاب و الذئب هما اقوي حاسه شم
فريد…هما حقيقي حاسه الشم عندهم قويه جدا بس العلماء اثبتوا ان حاسة الشم عند الفيل الافريقي اقوي بكتير من الكلاب والذئاب.
بيري….باعجاب حلو ده طيب قولي انا ريحتي قدرت تميزها بأيه
فريد….البرفيوم بتاعك ريحته قويه ومميزه بمجرد ما دخلت البيت اول مره اكيد عرفت ان في ريحه غريبه في بيتي وبعدين الچاسمين بالنسبالي ليه ذكري عندي
بيري ….ايه هي
فريد….كانت الزرعه المفضله لابويا كان بيحب يزرع اوي و كان مهتم بالجنينه حدا وكان عنده ركن خاص بالياسمين كان مليان و شكله يجنن وريحته ماليه البيت كان ديما يعمل قهوته ويخرج يقعد بره يشربها بره جنب زرع الياسمين بس طبعا لما اټوفي انا مقدرتش اهتم بالزرع و الياسمين كله ماټ و لما دخلت وشميت الريحه في البدايه اتاخدت وافتكرت ابويا مشيت وراء الريحه لحد ما لاقيتك وبس هي دي كل الحكايه.
بيري….كل شويه اكتشف فيك حاجه جديده
فريد….يعني بس كلها حجات بسيطه
بيري…بالعكس مش بسيطه خالص المهم صحيح في اخبار عن سهر
فريد…الشباب واقفين و لسه مخرجتش
بيري…..طيب و اللي قولتلي عليه بخصوص طنط امل هنعمل في ايه مش المفروض اروحلها افضل
فريد…لا طبعا انتي مش هتخرجي من هنا اصلا رجالة مهيب و رأفت واقفين وارد جدا حد فيهم يكون عارفك ووارد جدا المرات اللي خالد كان بيراقبك فيها ويعرف اي مكان تروحيه كان بيبقي موجود حد من الرجاله دي يعني سهل يتعرفوا عليكي وبعدين من المفترض يعني ان سهر ممكن تيجي علي هنا عشان تشوفك فا انتي هتروحي فين هتيجي مش هتلاقي حد هنا.
بيري….طيب امال ليه كنت بتقولي اني عايزني اساعدك في موضوع طنط امل
فريد…الست متعرفنيش يا بيري وطبيعي جدا لو احتاج الامر اني اتصل بيها او ابعتلها حد يأمنها
هتخاف لانها عارفه ان سهر اكيد في خطړ فا لو انتي كلمتيها او سمعت صوتك هتطمن شويه فهماني
بيري….فريد هو ممكن يحصل حاجه لسهر او طنط امل انا خاېفه عليهم بجد يعني انا عماله اتكلم معاك و ارغي عشان اخفف التوتر ده لكن بجد انا مړعوبه
فريد….ان شاء الله مش هيحصل اي حاجه بس لازم نكون جنبهم ونأمنهم كلام امجد بيقول انهم ناوين علي نيه مش تمام و انا مش قادر اوصل للاذي اللي في دماغهم
بيري….طيب ليه عايز تامن طنط امل هي واضحه اوي ان الخـ,ـطړ علي سهر مش عليها
فريد….انا لما كنت وراء الناس
دي يا بيري اول اذي حقيقي طالني منهم لما قتـ,ـلوا ابويا و مراتي و بعد كده خطفوا اختي الناس دي عارفه نقط ضعفنا وعارفين ايه اللي يوجعنا بجد وانا عشان عارفهم كلام امجد خلاني اشك اكتر في تفكيرهم هما قاصدين يخو.فوا سهر و يرقصوا ودنها عشان تبعد عنهم و اكيد اكتر حاجه تهز سهر هي امها فهمتي .
بيري….فهمت بس عموما اطمن يعني طنط امل في العادي ست بتحب البيت و مش بتخرج كتير يعني كل فين وفين لما تخرج خروجه
فريد….ولو اللي في دماغي صح يبقي عدم خروجها مش هيوقفهم يا بيري و اكيد ممكن هما اللي يدخلوا ليها اصل ايه اللي يخليهم واقفين كل ده بيراقبوها و من غير ما يطلعوا وراها في اي مشوار تروح فيه الا لو كانوا مستنين تعليمات معينه
بيري….ربنا يستر بقي ان شاء الله خير .
فريد….خير يارب
علي الساعه تسعه خرجت سهر من البيت راحت علي عربيتها
لمحوها الشباب في الوقت ده و كانوا فاتحين مع بعض مكالمه جماعيه
ماڤيا….شباب سهر العدوي خرجت اهي اجهزوا مصطفي عديها و خليك مركز في المرايا لو اتحركوا وراها اطلع يا شاهين قدام مصطفي و وراك اكمل اقفلوا الطريق خالص
شاهين….انا جاهز متقلقش
ركبت سهر عربيتها و دورت وطلعت فضلوا الشباب مركزين لحد ما طلعت بعد مصطفي لكن العربيه فضلت واقفه زي ما هي متحركتش.
اكمل….العربيه متحركتش يا ماڤيا نعمل ايه
ماڤيا….خليكم معايا هتصل بكابتن فريد بسرعه.
قفل ماڤيا الاتصال معاهم و اتصل علي فريد .
فريد….بقلق ايه يا ماڤيا طمني
ماڤيا …طلعت يا كوتش بس العربيه لسه واقفه محدش طلع وراها.
فريد….طيب اسمع اتنين منكم بطلعوا وراها و يحصلوها و يفضلوا معاها عالطريق وانتوا خليكم شويه ركزوا مع العربيه يا ماڤيا انا حاسس انهم عايزين يأذوا والدتها
ماڤيا…..فهمتك يا كوتش طيب اقفل
قفل معاه فريد و اتصل ماڤيا بشاهين واكمل وقالهم يطلعوا وراها وفضل هو ومصطفي واقفين.
بيري….في ايه
فريد….مطلعوش وراء بيري
بيري….طيب دخلوا لطنط امل او في حاجه
فريد….لا واقفين زي ما هما
بيري….يمكن هيفضلوا واقفين
فريد…مش عارف هنشوف
في اللحظه دي وصل بلال علي بيت فريد وفتح ودخل.
بص فريد علي الباب و اول ما شافه فضل واقف ساكت.
بلال….صباح الخير
بيري..فريد….صباح الخير
بلال….ايه لسه صاحبن ولا ايه
فريد….يعني من شويه
بلال….طيب هجهز الفطار حالا
بيري….خليك انا هجهز
بلال….لا لا عادي خليكي انتي تعالي بس حطي لقدر الاكل لو لسه مكلش
بيري….حاضر
بلال….حس ان فريد في حاجه و باين ان هو وبيري متوترين فريد فيك حاجه
فريد….لا تمام
بلال….امال مالك كده حاسس انك مش علي بعضك ليه حتي بيري باين عليها ان فيها حاجه
فريد….لا خالص كله تمام لسه صاحبن بس
بصتله بيري من بعيد باستغراب و سكتت حست ان فريد مش طبيعي نظراته وكلامه اللي غلي القد مع بلال كمان قاله انه لسه صاحب وهو منامش اصلا بصلها فريد من بعيد من غير ما يقول ولا كلمه حست بيري بعد نظرته دي ان احساسها صح.
سكت بلال وهز راسه لفريد وراح علي المطبخ.
………….
في منزل سعيد الصاوي
سعيد….ايوه يا ابني بس اختك تفهم ايه في الشغل و بعدين مش تستأذن من خالد الاول
مازن …و استاذن الواطي ده ليه هو ماله اصلا انا بشتغل معاه ولا مع أمجد.
سعيد….يا ابني بس دي اصول
مازن….والله الاصول بتقول استأذن اللي انا شغال تحت اسمه و اللي اعرفه كمان ان زي ما خالد شريك بالنص امجد شريك بالنص يعني الاتنين واحد
فاتن….لا مش واحد و بعدين انا مش فاهمه شغل ايه اللي طلع جديد ده
مازن….معلش اختي هتبقي في امان معايا اكتر بعد اللي حصل منك مستحيل اسيبها مره تانيه
فاتن….ليه ان شاء الله خلاص هاكلها ولا همـ,ـوتها
مازن….والله مبقاش في حاجه مضمونه.
سعيد…يا ابني في ايه بس وليه التغيير اللي حصل فيك ده خلاص بقيت شايف اننا قتالين قټله.
مازن….جايز اذا كان اللي اتعرف من اسراركم مصايب امال اللي مستخبي يطلع ايه
فاتن….خد بالك انا صبري قرب يخلص لسانك بقي طويل و اتماديت فيها
مازن….لكل فعل رد
—
فعل و اظن انتي اللي بدأتي وانا بعمل الصح
فاتن…والصح بقي يا محترم انك تقف قصاد امك وابوك ادام انت مثالي اوي كده دينك بيقولك انك تفضل تحت طوع امك و ابوك مهما حصل
مازن….انتي صح بس مش في الغلط والمصاېب الغريب ان في ناس زيكم كده بياخدوا من الدين الجزء اللي هما عايزينه بس و الجزء التاني بيحللوا علي مزاجهم بص لمريم يلا يا مريم خلينا نمشي
مريم ..انا جاهزه
فاتن….ماشي يا مازن لما اشوف اخرتها معاك
بصلها مازن و خرج من غير ما يقولها ولا كلمه.
فاتن….پغضب خد بالك انا هرتكب چريمه في ولادك بسبب برود اعصابهم وطريقتهم دي انا مبقتش متحمله
سعيد…ربنا يهديهم
فاتن…ده اللي ربنا قدرك عليه ربنا يهديهم بدل ما تقوم تمشي وراهم اقطع دراعي ان ما كان خروج مريم مش عشان شغل ولا حاجه و مش بعيد يكون رايح يوديها لبيري
سعيد…تفتكري !
فاتن….افتكر جدا طبعا يلا قوم وراهم خلينا نشوف اخرتها
سعيد….ماشي
………….
مر نص ساعه علي تحرك سهر اتصل ماڤيا مره تانيه بفريد
بعد فريد بالموبايل و وقف جنب الشباك.
فريد….بصوت واطي قولي يا ماڤيا
ماڤيا….كلمت شاهين واكمل مفيش اي حد وراها و الدنيا تمام
فريد….طيب وعندكم
ماڤيا….نفس الوضع واقفين زي ما هما
فريد…طيب تمام خليكم شويه كمان معلش
ماڤيا….تمام يا كوتش
قفل فريد معاه و راح قعد علي الكرسي و هو بيلعب في الموبايل
قرب بلال يحط الاطباق علي السفره وبعدين بص علي فريد
بلال ….الفطار جهز يلا يا فريد
فريد….تمام يلا يا بيري
قامت بيري قعدت وقعد فريد قدامها و بداوا ياكلوا في صمت.
بلال…..فريد
بصله فريد من غير ولا كلمه
بلال….هو انت متأكد انك بخير ومفيش فيك اي حاجه
فريد….في ايه يا بلال ما قولتلك مفيش حاجه
بلال….طيب تمام انا بس شايفكم ساكتين و انت بتكلم حد في الموبابل وباين عليك التوتر عشان كده سألت
فريد….لا مفيش
بصله بلال باستغراب من لهجته الغريبه وسكت.
بيري….مفيش حاجه يا بلال صدقنا احنا لسه صاحين زي ما فريد قالك
بلال….تمام حصل خير المهم انكم بخير.
راح بلال وقف قدام الشباك وسابهم يفطروا لكن من جواه كان حاسس ان في حاجه.
بعد حوالي نص ساعه كمان وصلت سهر قدام بيت فريد كانوا خلصوا فطار
اتصل اكمل علي فريد يبلغه انها وصلت قدام بيت و مكانوش يعرفوا اصلا انه بيت فريد ولا حتي لاحظوا الاسم المكتوب علي باب الڤيلا
فريد….ايوه يا اكمل
اكمل….ايوه يا كوتش الوقت سهر وصلت قدام بيت كده وهي بتركن قدامنا و متقلقش الجو قدامها هادي و مفيش حد وراها
بص فريد من الشباك وشاف سهر
فريد….طيب تمام يا اكمل خلاص روحوا انتوا
اكمل….محتاج اي حاجه
فريد….لا تسلم تعبتكم معايا انا هاصل بماڤيا الوقت اشوف الدنيا عامله ايه عنده
اكمل….تمام يا كوتش يلا سلام
فريد….سلام.
قفل فريد معاهم واتصل بماڤيا
فريد….ايه يا ماڤيا لسه مفيش جديد
ماڤيا….خالص كله تمام بص هو احنا مش مستعجلين ولا ورانا حاجه بس عايزين نعرف نفضل واقفين لحد امته
فريد….يعني ممكن نص ساعه كمان او ساعه بالكتير معلش يا ماڤيا انا عارف اني تعبتكم اوي بس خليني اطمن ان والدتها بخير
ماڤيا….متقولش كده با كوتش مفيش تعب عموما تمام هنفضل واقفين و قبل ما امشي بردوا هعرفك
فريد….تمام يا ماڤيا
فريد….سلام يا كوتش
فريد….سلام يا ماڤيا.
ثواني وخبطت سهر علي الباب
فتح بلال الباب.
سهر….بابتسامه صباح الخير يا بلال
بلال….بابتسامه صباح الفل
جريت بيري عليها و حضنتها
بيري….انتي كويسه
سهر….بابتسامه الحمد لله في ايه مالك
لحقها فريد بسرعه .
فريد….مفيش بس شافت كابوس و من وقتها وهي قلقانه عليكي وعلي اخواتها و ملك وامجد
سهر….كابوس ايه يا هبله انا قدامك زي الفل اهو مفيش اي حاجه
بيري….الحمد لله تعالي يلا.
بلال….سهر فطرتي
سهر….بضحك اقطع دراعي ان ما كان حلمك زمان انك تطلع شيف
بلال….بابتسامه طب يا ريت ارحم من ۏجع الدماغ اللي احنا فيه ده
سهر….علي رايك والله علي الاقل كان هيبقي اخر مشاكلنا ن
مع ڼار عاليه وفرن بايظ و شويه حجات ضايعه في المطبخ
بلال…..طب ايه فطرتي
سهر….اه الحمد لله سبقتكم
رن الجرس مره تانيه راح بلال فتح لقاه ياسر دخل وسلم عليهم
ياسر….ايه الاخبار كله تمام
فريد…تمام
ياسر….فنجان قهوه من ايدك بقي عشان انا عندي انهارده شغل كتي في المكتب و عايز افوق
بلال….حالا حد يشرب حاجه
سهر….بضحك عجبك كده شغلته تاني انا لا يا بلال
ياسر….شغلت ايه مش فاهم
سهر….اصل كل ما يشوف وش حد يسأله فطرت طب تشرب ايه
ياسر….بلال و المطبخ قصة عشق لا تنتهي و خدي بالك فريد كمان كده
سهر….ايه ده فريد ليك في المطبخ
فريد…يعني علي قدي ياسر بيبالغ
بيري …لا علي فكره مش بيبالغ بيعمل اكل حلو اوي يا سهر
سهر….اممم يبقي ندوق ونحكم ااااااه صحيح بمناسبه الاكل امسكي الشنطه دي
بيري….فيها ايه دي
سهر…..دي اموله يا ستي بعتالك كيك عشان عارفه انك بتحبي كبك الشوكلت.
بيري…ياروحي و تعبت نفسها ليه
ياسر….بضحك ده واصح ان انتي وفريد حماتكم بتحبكم امسك يا فريد
فريد…ايه ده
ياسر…امي يا سيدي صعب عليها انك مروحتش قالت والله لا هتبعتلك نصيبك جوز حمام بقي ومكرونه بشاميل و ورق عنب
سهر….بضحك اوبااا اهو حلو وحادق امهاتنا حاسين بيكم شكلهم
فريد…..كتير والله يا ياسر ما انا قولتلها هبقي اروحلها يوم
ياسر…يا عم لا كتير ولا حاجه بالف هنا و بردوا ليك يوم ان شاء الله.
فريد…ان شاء الله.
ياسر….خد يا بلال شيل بقي الاكل ده.
بلال….هات.
دخل بلال الاكل و جع بالقهوه لياسر ابتسم ياسر ورفع حاجبه لبلال هو في ايه ماله فريد مش حاسه تمام يعني انهارده
بلال….طيب كويس ان انت كمان لاحظت مش انا بس
فريد….هو انا مش فاهم انت فيك ايه بالظبط ما قولتلك مفيش حاجه
بلال…..اصلا عصبيتك دي عليا كفايه انها تخليني اتأكد انك مش تمام.
فريد…اطلع من دماغي يا بلال
ياسر…..يا عم احنا قلقانين عليك بس لو انت تمام احنا تمام
فريد…انا تمام متقلقش
ياسر….بس دي اهم حاجه.
بيري….سهر بقولك ايه مكلمتيش مازن او مريم صراحه من وقت ما شوفت الکابوس ده وانا قلبي مقبوض كنتي خاېفه عليكي بس الحمد لله اطمنت بس بصراحه لسه خاېفه عليهم وعلي ملك وامجد
سهر….بابتسامه صراحه مكلمتش امبارح خالد مازن ومريم كلمت مازن بس مره الصبح وقالي انه في الشغل و كله تمام بس انا بقي بالنسبه للكابوس اطمني هو تقدري تقولي كده انه اتحقق ومتحققش
بيري…..يعني ايه في حاجه حصلت
فريد….خير يا سهر في ايه
سهر….امبارح أمجد و مريم كانوا هيقعوا في مصېبه واكيد كنا هنقع معاهم بس عدت علي خير الحمد لله
فريد…پصدمه اوعي تقولي شافوا معاهم الورق او شافوا الموبايل بتاع صاحب الكشك
سهر…لا لا ده ولا ده الحمد لله وانا اصلا اتأكدت من أمجد علي حوار الورق ده قالي انه غرقه بالنايه لغايه ما بقي ملهوش ملامح و الورق اتهربد من المايه وبعدين جمعه بايده كوره ورماه في النيل و التليفون هو مخبيه كوبس متقلقش
بيري….طب امال حصل ايه
سهر….رأفت الباشا فضل شاكك ومصدقش انهم متضر…….بش عليهم ڼار و قرر بحجه يعني انه يطمن انه ياخدهم بنفسه ويروح لصاحب الكشك
شهقت بيري وحطت ايدها علي بوقها پخوف.
فريد….أوووف ازاي فاتت عليا دي طب و بعدين خدهم فعلا
سهر….بابتسامه اه خدهم بس اطمن الحمد لله عدت علي خير و الراجل قال انه مش هما
فريد….حد تاني يعني
كان واقف
سهر….لا مفيش غير الراجل ده بس تقدر تقول كده ان بعد ربنا و كرمه علينا بلال قدر ينقذنا كلنا
بص فريد لبلال و رجع بص لسهر
سهر….يعني ايه
ياسر….بابتسامه عملت ايه يا بلال.
سهر…..لا بصراحه عمل كتير امبارح بعد ما مشينا من هنا اتصل بلال عليا اول ما وصلت و طلب مني اتصل بأمجد اعرف منه مكان الكشك ضروري لانه خاف رأفت ميصدقش ويروح بنفسه يتأكد هو كان كل قلقه انا بروح ويفرج صاحب الكشك علي صورهم مجاش في باله ان رافت هياخدهم بنفسهم و فعلا اللي حسبه بلال هو اللي حصل بس الحمد لله ظبط كل حاجه و علي بليل لما رجعوا وخادهم رأفت و راح بيهم صاحب الكشك قال انه مش هما بالمناسبه يا بلال أمجد بيشكرك اوي
بلال….بابتسامه انا معملتش حاجه
فريد…بتفكير لا لا لحظه انا محتاج افهم يا بلال
بلال…مفيش هو ده اللي حصل بالظبط بعد ما هما خرجوا جالي تصور كده انه ممكن يشك فيهم فضلت شويه في العربيه بفكر ازاي نحلها وملاقتش غير الفكره دي كلمت سهر كانت مشغوله شويه كانت وصلت وطلبت منها العنوان وفهمتها السبب وامجد قالها العنوان و بس روحت للراجل اتكلمت معاه و اديته مبلغ و طلبت منه اشوف الكاميرات و طبعا قطعت الجزء اللي كان ظاهر و خليته يظبط الكاميرا علي مكان تاني عشان لو راح فعلا وسأل عن الكاميرا يقوله ان وقت الحاډثه كان لسه فاتح ومشغلهاش و كمان يقوله ان الكاميرا اخرها الجزء اللي قدامه
بس عرفت كمان من الراجل ان الكاميرا اللي قدامه علي العمود بتاع الكهرباء بايظه بقالها فتره فا قولتله يأكد علي الجزء ده ليه .
وبس مشيت و الحمد لله اني لحقت افكر صح
فريد….طيب مقولتليش ليه
بلال….كنت عارف ان انت مش ناقص وبعدين بعد اللي حصل امبارح قولت اكيد دماغك مش هتبقي رايقه هتشتغل هتفكر فا خلصت انا الموضوع بنفسي
فريد….طيب ازاي لحقت تعمل كل ده وانت في الشغل
بلال….ماهو بصراحه انا كدبت عليك لما كلمتني مكنتش لسه وصلت اصلا علي الصاله فا قولت بلاش اقلق لا تفكر اني فيا حاجه.
فريد….يعني انت لما قولت انك في الصاله وقتها كنت راجع من عند الراجل
بلال….بالظبط.
سهر …صراحه بلال انقذنا
ياسر…..فعلا غلطه زي دي لو كانت حصلت كانت هتبقي كارثه
بيري….يا لهوي لو كان بلال ملحقش ينقذ الموقف و راحوا معاه والراجل اتعرف عليهم
ياسر….كانت هتبقي مصېبه عليهم هما اكتر بس الحمد لله ربنا ستر
فضلوا يتكلموا مع بعض وفريد كان في دنيا تانيه بيجلد فيها نفسه عشان شك في بلال و هو من البدايه عارف انه مستحيل يبيعه او يخونه كان حاسس بتأنيب ضمير فظيع لكن قرر انه ميقولش لبلال اي حاجه عشان ميزعلهوش لكن قرر انه يعوضه بطريقته دي عن شكه فيه يمكن يقدر يسامح نفسه.
بيري…..بس انت كمان طلعت دماغ شاطر يا بلال
بلال…اي خدمه اللي ېعاشر فريد لازم ياخد حذره من كل حاجه ويفكر كويس قبل ما ياخد اي اكشن ولا ايه يا فريد
فريد….صح يا صاحبي بس انت المرادي غلبتني
بلال….تلميذك يا بوص
فريد…بابتسامه رفع ايده و عمله تحيه .
ابتسم بلال و رجعوا يكملوا كلامهم عادي .
فريد…طيب بخصوص بقي امجد هو كلمني انا كمان وقال ان في كلام ومعلومات مهمه محتاج يقولها لينا ضروري
ياسر….طيب كلمه بس بلاش يجي يا فريد اكيد ابوه هيفضل حاطه تحت عينه فتره
بلال…اه بلاش بجي بالله عليكم رجلي بتورم من كتر الوقفه قدام الشباك اراقب
فريد….تمام متقلقوش
فجأه الباب خبط
بلال…پصدمه امجد !!
امجد…صباح الخير اسف جاي من غير معاد
ياسر…..ايه اللي جابك بعد اللي حصل يا امجد اتأكد لو في حد وراك
امجد…اطمنوا مفيش اي حد ورايا و انا خارج عليكم بطريقه شرعيه تقدر تقول ان الصدفه هي اللي جابتني هنا و انا في امان متقلقوش انا جاي اقول كلمتين و همشي بسرعه عشان احتمال مقدرش اشوفكم الفتره الجايه هيبقي بينا تليفونات بس
فريد….طيب قول يا امجد
راح بسرعه بلال علي الشباك و في اللحظه اللي هيتكلم فيها امجد ويحكيلهم عن اللي سمعه وعن اللي حصل مع اخوات بيري
اتصل ماڤيا علي فريد
فريد…..ايوه يا ماڤيا انت بتقول ايه !!!!!
وللحديث بقيه ….