لقاء كارثي

لقاء كارثي
أميره أسامه
صاحبة البطل الواحد

. البارت المئه 107.

………………………

في صباح يوم جديد خرجت ايه من اوضتها و هي لابسه.

ايه….صباح الخير يا بابا

احمد…..صباح الخير يا حبيبتي استني افطري و بعدين انزلي

ايه…..هو تامر بيلبس و لا لسه نايم ولا ايه

احمد ….تامر ماهو نزل يا بنتي من ربع ساعه ولا اكتر

ايه….نزل فين ؟

احمد….راح لسلامه تقريباً

ايه…..سلامه ايه اللي راحلوا احنا المفروض نروح انا وهو مع بعض

احمد …..انتي كنتي رايحه

ايه….ايوه يا بابا سلامه هو اللي قالي و المفروض معادنا معاه بدري عشان تامر هيخلص معانا و بطلع علي حسان و اكيد يعني مش هيرفع مقاسات و يستقر علي اي حاجه قبل ما انا اختار

احمد…..والله يا بنتي ما عارف طيب اتصلي عليه يمكن حصل اي تغيير بينه و بين سلامه و راح شغلوا

ايه….هو قالك انه رايح لسلامه

احمد….انا مشفتهوش وهو نازل بس صحيت علي الفجر كان هو بيتوضا و قالي انه هيروح لسلامه الصبح
بس مجابش سيرتك عشان كده مش عارف

مسكت ايه الموبايل و اتصلت علي تامر.

تامر….صباح الخير

ايه…..هو انت فين يا تامر

تامر….انا نزلت يا ايه من شويه

ايه…..نزلت روحت فين ؟

تامر…..انا رايح بس المكتب اخد ورق مهم و هقابل بس صاحبي اللي هياخد التيم و يطلع علي حسان و بعدين هروح لسلامه

ايه…..هو انت مش عارف اننا هنروح مع بعض

تامر…..حقك عليا انا بس نزلت مستعجل معلش روحي انتي و نتقابل هناك

ايه……طيب يا تامر ماشي

تامر……متزعليش معلش بس صاحبي مستني و انا مش عايز اضيع وقت

ايه…لا ازعل ايه بطل هبل يلا اشوفك هناك

تامر….تمام علي مهلك يلا باي

ايه…..حاضر باي

احمد……ايه مش هتروحي

ايه…لا هروح هو هيسبقني علي هناك بيجيب بس ورق مهم و هيروح هنزل انا بقي

احمد…..طيب مش هتفطري

ايه…..انا مش جعانه يا بابا كلت متأخر و لو جوعت هبقي اكل

احمد….طيب خلي بالك من نفسك و براحه و انتي سايقه

ايه….حاضر يا حبيبي يلا باي

احمد….سلام يا حبيبتي.

………

نزلت ايه ركبت العربيه دورتها و اتصلت علي سلامه

سلامه….بصوت باين عليه النوم الووو

ايه…..هو انت لسه نايم يا سلامه

سلامه….لا يا حبيبي انا صحيت و خدت شاور و بلبس كمان بس ايه مفيش صباح الخير

ايه…..صباح الخير انا نزلت