لقاء كارثي

سلامه….اكيد يا ليله فتره التجهيز دي مش سهله و انتوا بتسابقواوالزمن خلاص اقل من اسبوعين و تتجوزوا

ليله…..بالظبط بس انا موجوده يعني هضغط علي نفسي علي قد ما اقدر عشان مبقاش سايبه الدنيا من الوقت و كمان بعد الجواز اكيد هاخد اجازه شويه يعني اسبوع عشر ايام

عشري…..وبعدين احنا هنسافر يعني ليله مش هتبقي موجوده

عسال….بابتسامه اممممم طيب انا تقريباً فهمت

ليله….بضحك عارفه انا حبيت بس اشرحلكم اللي حاصل عشان احطكم في الصوره قبل ما اطلب الطلب اللي جيت عشانه الوقت

سلامه…..طب ايه انا مش فاهم حاجه

ليله…..بس يا سلامه انا عارفه انك انت و ميدو رافضين شغل ريهام و حقكم تخافوا عليها لان انا واحده من الناس اتعاملت مع جنيع الفئات و عارفه الشغل و قرفوا و بهدلتوا بس يعني انا اتمني توافقوا ان ريهام تنزل معايا المطعم بيتهيألي شغل المطعم مريح مفيهوش مشاكل مش هتشتغل مع حد غريب هي تقريبا هتبقي شغاله في مكانها خوفكم عليها لبه كل الاحترام و التقدير بس انا واثقه انكم مش قاصدين ترخموا عليها او ترفضوا انها تشوف مستقبلها و حياتها عموما بس دي فرصه ليها و انسوا خالص الكلام اللي قولناه في السفر علي موضوعوالعريس و الجو ده لا خالص يعني هي فرصه تفك تغير جو و روتين تتعامل مع الناس تكتشف الدنيا بعيداً عنكم و في نفس الوقت المكان امان هي مش هتبقي لوحدها كلنا حواليها هنتابعها هنروحلها اي وقت تحتاج اي حد الف واحد مننا هيروحلها ايمي هتبقي معاها طول الوقت بالموبايل و انا هكون معاها الفتره دي و بعد الجواز هرجعلها و هنقف مع بعض كمان ايه ممكن تروحلها اي وقت هي و سلمي و نادين و نعيمه من الاخر محدش هيسببها لوحدها هو سهل علي فكره نمسك اداره المطعم لاي حد من الموجودين هنا فاهمين الشغل كويس بس في كذا نقطه تمنعني انا شخصيا أولهم الثقه مفيش اي حد اقدر اثق فيه في الشغل ثانياً هي محتاجه الشغل ده و انتوا شوفتوا بنفسكم انها حابه ده و ثالثا و ده الاهم احنا محتاجينها اكتر ما هي محتاجانا علي فكره كمان ريهام والله العظيم ما تعرف بالمقابله دي ولا عنده خلفيه عن موضوع المطعم او الشغل عموما الموضوع اتفتح في السفريه و اتقفل وقتها و خد بالك انت وهو انا مكنتش ناويه اتكلم فيه تاني لحد ما عرفت موضوع ايمي كمان هقولكم علي حاجه يمكن ده طلب حنون هي اتكلمت معايا بس مش في الشغل اتكلمت بصفه عامه و طلبت مني ابقي اسال علي ريهام انا والبنات لانها شافت ان هي مبسوطه و غيرت جو وقربت مننا و من كلامها هي خايفه عليها نفسها كمان تحس ان ريهام بتعمل حاجه جديده و عندها حاله من تأنيب الضمير انها وافقتكم من البدايه علي انها متنزلش و لا تشتغل ولا تتعامل انا محبتش ان ريهام تعرف خالص عشان لو رفضتوا طلبي ده هي متزعلش او تحس تاني انكم واقفين قصادها فا احنا المفروض صحاب و قرببين من بعض و مفيش بينا اي احراج لو الموضوع بالنسبه ليكم مرفوض قولوا عادي