لقاء كارثي

عسال……بابتسامه لا انتي ولا هو محتاجين وسيط يا ليله

سلامه…..بضحك هو في ايه انا مش مرتاحلكم

ليله…..خالص والاه بصوا انا مش بحب الف وادور كتير امي زمان كانت تقولي قطمه احسن من نحته بصوا طبعاً انتوا عرفتوا ان ايمي ماشاء الله حامل في ثلاثه

سلامه……اه عرفنا اللهم بارك ربنا يكملها علي خير

ليله….اللهم امين طبعاً انتوا اكيد عارفين كل الظروف اللي ايمي مرت بيها و عارفين هي عملت ايه عشان بس تحمل و عارفين اللي حصل معاها كله و الحمد لله ان ربنا كرمها هي ورشيد و طبعاً حمل ايمي مش سهل بعيداً عن ان ده حلمها هي و رشيد و بعيداً خالص عن موضوع الحمل في السن ده و خطورته بس ايمي حامل في ثلاثه و التوأم عموما بيبقي حملهم صعب فا ما بالكم ثلاثه و انا كنت معاها وهي بتكشف و الدكتوره طلبت منها الراحه التامه طول فتره الحمل و انت يا ميدو كنت معانا انهارده لما الاوضه اتنقلت لان السلم كمان مش حلو ليها

عسال….اه حصل

ليله…..كمان بعد كل تعليمات الدكتوره دي اكيد ايمي مش هينفع تنزل الشغل يعني مجهود و و عربيه و طلوعها اصلا المكتب علي السلم كل ده خطر عليها

سلامه…..اكيد طبعاً

ليله…..و زي ما انتوا عارفين بالنسبه لايه يا سلامه هي عندها شغلها مستحيل تقفل محلها و تهتم بالمطعم و نادين كمان يا ميدو يعتبر هي اللي ماسكه شغلنا كله و هي اللي ديما متابعه كل حاجه غير شغلها الخاص هي و نوني يعني هيبقي لوود كبير عليها انها تتحمل اداره المطعم كمان من البدايه اصلا معروف ان في مننا يقدر يتابع و في مننا يقدر يمسك شغل بجد و نعيمه اخرها تتابع تروح مشوار خاص بالمطعم لكن تقف و تدير بنفسها انتوا عارفين طبعا ان ده مش اختصاصها و بصراحه من البدايه هي كانت واضحه قالت انا شريكه لكن مليش علاقه بالاداره خالص سواء في المطعم الشقق المزرعه هي بره كل ده و سلمي عندها عيادتها مستحيل تسيبها و اكيد محدش فينا هيوافق علي كده ده مستقبلها

عسال….اكيد طبعاً

سلامه….سلمي شغلها صعب

ليله…..بعيداً عن انه صعب هي سلمي ماسكه الشغل مع ايمي في المطعم اكيد و يمكن في البدايه قبل ما يقف علي رجلوا كانت تعبانه جدا فيه بس حالياً سابت كل حاجه في المطعم لايمي فا بالتالي اللي عايزه اقولوا ان حالياً مفيش غيري يمسك المطعم انا مستحيل اخلي ايمي تنزل و تتعب في وضعها ده بس كمان انتوا عارفين ظروفي حالياً انا داهله علي جواز الفتره دي بالنسبالي صعبه و مضغوطه جدا و ده غصب عني والله