لقاء كارثي

عدي…..اه ده واضح ان مش انا بس اللي براقب الانستا بتاعك

تقي….اااااا انا مش براقب حاجه عادي يعني شوفتهم اول ما ضيفتك مش اكتر و بعدين هراقبك ليه

عدي……بابتسامه هاديه تمام يا تقي انا هقفل باي

تقي…..اوك باي يا عدي

قفل عدي و مسك الانستا فضل يمسح كل الصور اللي عليه مكانش بيسيب غير الصور اللي فيها صحابه او اخواته او صور من رحلتهم مع بعض و بعد كده بدأ يمسح كل البنات اللي عاملهم متابعه كلهم سواء صحاب من المدرسه او زمايل من الجامعه او معارف مكانش بيسيب اي حد فضل اكتر من ربع ساعه لحد ما خلص كل حاجه و بعدين رجع اتصل عليها.

تقي……خير افتكرت حاجه مقولتهاش

عدي……افتحي الانستا عندي

تقي….نعم

عدي…..افتحي يلا وانتي معايا

تقي….لحظه طيب

فتحت تقي الانستا و مكانتش فاهمه

تقي…..فتحت في ايه

عدي……بصي علي الصور و المتابعات كده

بصت تقي و ابتسمت و هي مصدومه و عماله تقلب و هو سايبها براحتها و عماله ينفخ في السيجاره و هو متعصب.

تقي…….عدي انت مجنون انت بجد عملت كده

عدي…..مش ده شرطك اديني نفذته مسحت اي صور لاي بنت و مسحت كل البنات مفيش حد فيهم غير اللي تعرفيه ليله و البنات و في كام اسم بنت دي مرات عمر مرات سليمان مرات علي بس كده

تقي…..عدي انا كنت بهزر علي فكره
مكنتش قصدي انك تشيل صحابك و ذكرياتك معاهم انت كنت معصبني بس فا قولتلك اي كلمه وخلاص

عدي…..بتهزري متعصبه بتتكلمي جد اديني عملت اللي خرج من قلبك وخلاص و نفذت اتمني بقي انتي كمان تنفذي يلا انا هقفل عشان عندي شغل

تقي…..عدي لحظه

عدي…..تقي انا علي اخري والله من امبارح و انهارده اليوم بالنسبالي زي الزفت و بجد عايز اقفل عشان مش قادر و هقفل مع الشباب و هطلع يلا سلام

قفل عدي من قبل ما يسمع ردها و كان بجد مضايق و الصوره معصباه حدوته كان واقف و حطت ايده علي كتفها و قريبه منه اوي لان كل صحابهم كانوا واقفين جنب بعض

ابتسمت تقي بهدوء و فضلت سرحانه شويه في الاكونت بتاعه و هي عماله تقلب.

تقي…..يا مجنون ده مسح كل حاجه بجد

مسجت بايدها علي وشها و هي مبتسمه و بعدين جابت صورها فضلت باصه علي صورتها هي و حدوته شويه و بعدين مسحتها بس متصلتش عليه و لا قالتلوا.

بعد حوالي عشر دقايق كان عدي لسه مضايق فتح الاكونت تاني و فضولوا خلاه يبص تاني علي الصور اول ما شاف ان الصوره مش موجوده ابتسم بهدوء و كان فرحان بجد..