لقاء كارثي

عدي…..تقي انا مش عاجبني موضوع المقارنه ده ودي اخر مره هقولهالك

تقي…..انا مش بقارنك يا عدي انا بفهمك

عدي…..بعصبيه لا بتقارني و علاقتي بيكي ملهاش علاقه باي حد خلقوا ربنا يا تقي لا حدوته ولا غيره و انا عارف ان حدوته بالنسبالك اخ و عارف كويس انتي ايه بس فكره انه يحط ايده عليكي مش حلوه و مش عجباني و لو هندخل في مقارنه يا تقي فا يوم ما خرجت معاكي اول مره و مكنتيش عارفه تعدي و مسكت ايدك مكنتش قاصد استغل الموقف انا كنت بعديكي بجد و الدنيا كانت زحمه فضلت ماسك ايدك عادي و يوم ما خدتك في حضني يا تقي لا انا كنت قادر اتلم علي اعصابي ولا انتي كمان مكانش في عقل في اللحظه اللي مرينا بيها دي عشان استغل الموقف انا كنت شايف حالتك لاني كنت زيك مش مستوعب اللي حصل و هزاري معاكي في الجونه اديكي قولتي كان هزار

تقي…..وانا مقولتش انك بتستغل الموقف يا عدي انا لو شيفاك الشخص ده اصلا مكنتش هبقي قريبه منك كده انا بس بفهمك ان زي ما انت قريب مني حدوته كمان قريب مني احنا صحاب و علاقتنا ببعض كويسه و انا لو مش واثقه فيكم مش هسمح لاي حد فيكم انه بكون قريب مني

عدي…..تقي هفقد اعصابي بجد و هقول كلام يزعلك بطلي المقارنه اللي تخرق الدم دي انا مش زي حدوته يا تقي

تقي…..هو انت ممكن توطي صوتك طيب

عدي….لاااااا متستفزيش امي و ترجعي تقولي وطي صوتك

تقي…..طيب انت ليه متعصب الوقت

عدي…..عشان انتي مستفزه و عشان الصوره مستفزه و عشان تبريرك ليها مستفز اكتر

تقي….فين الاستفزاز في كل ده احنا كلنا صحاب يا عدي هو صاحبي و انت صاحبي

عدي…..بغضب جاب اخره انا مش صاااااحبك يا تقي و فكك بقي من حوار حدوته صاحبي ده عشان الجمله نفسها اصلا مستفزه

تقي……بصدمه ااااا تقصد ايه بإنك مش صاحبي و جمله ايه اللي مستفزه؟

عدي……جمله انك تقولي علي شاب صاحبي دي مش جايه معايا من الاخر مفيش صحوبيه بين شاب و بنت يا تقي جمله رخمه و مستفزه و مش حلوه اصلاً انا مقدر عشرتك و علاقتك بيه و صداقتكم لكن انه ياخد عليكي بالشكل ده لا مش حلوه خالص

تقي……و انا كمان مقدره غيرة الصداقه اللي اتكلمت عليها معايا قبل كده بس كمان انت مش ملاحظ ان الموضوع بقي واخد اكبر من حجمه يا عدي دي مجرد صوره حدوته عملي مفجأه هو و صحابي و احتفلوا بيا و كنا مبسوطين و اتصورنا