لقاء كارثي

تامر….لا متقلقش التيم كبير و احنا ثلاثه اللي ماسكين التيم يعني هنقسم نفسنا عليكم و علي حسان و كمان ميدو

سلامه…..انت صحيح هتشوف المقاسات دي امته عند ميدو

تامر…..وقت ما يقولي انا تمام انا هكلموا انهارده كده و اشوف معاه و اي وقت انا تمام هاجي ارفع المقاسات و نبدأ..

سلامه…..ميدو شقته فوق بالروف

تامر….ان ماهو كان قالي ان شاء الله هنظلطها متقلقشالمهم انتوا محتاجين اي تظبيط تاني

سلامه….اما تمام المهم ايه

تامر….ايه لو بدأنا مش هقدر ارجع عن اي حاجه قرري من الوقت لو محتاجه تعدلي علي حاجه

ايه…..لا انا تمام خلاص

تامر…..طيب و رقه المقاسات دي اللي معاك يا سلامه هي اللي هتجيبوا بيها الفرش كلهو هقولك زي ما قولت لحسان و سلمي التزموا بالمقاسات و انتوا بتختاروا مفيش حاجه اسمها مش مهم فرق سم و لا اتنين و لا خمسه يعني متستهونوش بالمقاسات دي خالص لانها بتفرق معانا احنا في الشغل خصوصا الاماكن اللي هيحصل فيها تكسير

سلامه…..طيب انت مش هتبقي تيجي معانا المشوار ده

تامر …وقت ما تحتاجوني انا معاكم بس انتوا اكيد هتنزلوا مع بعض تتفرجوا الاول انتوا مستقربن علي الالوان و اكيد عارفين الفرش هيبقي لونه ازاي فا بالنسبالي المهم المقاسات و لو معرفتش اجي هبقي معاكم بالتليفون زي ما عملت مع رشيد و ايمي يعني لو عندك يا ايه مشكله في تظبيط الالوان هتتصلوا عليا ڤديو و هنختار مع بعض مش شرط اكون معاكم يعني

سلامه…..طيب خلاص اتفقنا بس النزوله دي بقي تحصل امته عشان مش عايز انزل و نلاقي مثلا حاجه تعجبنا و تبقي جاهزه علي الاستلام هنجيلها ازاي و انتوا بتشتغلوا لسه

تامر….الاماكن اللي انا كاتبها ليك دي بنتعامل معانا يعني لو حتي لاقيتوا اللي عجبكم جاهز عادي انا هتواصل معاهم و هعرفهم المعاد المناسب للاستلام

سلامه….طيب يعني ممكن كده اسبوع و نبدأ ننزل ولا ايه

تامر….لو حابين تبداوا من بكره اعملوا كده لان خد بالك انت ممكن تنزل ميعجبكش حاجه و ممكن تلاقوا مثلا حاجه واحده الموضوع مش بالسهوله دي انت مش نازل تشتري غرفه اطفال و لا غرفه نوم و لا مطبخ انت نازل تجيب كل حاجه فا محتاج وقت و زي ما قولتلك لو قلقان من موضوع الاستسلام متحملش هم دي بتاعتي انا

سلامه…..خلاص تمام انت قولت هتبداوا بعد بكره احنا ممكن ننزل بعد ما تبدأ تاني يوم