لقاء كارثي

حسان….حاضر هنا كويسه

سلمي….اه كويسه بتلعب مع ميلو و بابا بيجهز الفطار جوه علي فكره شويه كده و هاخدها و هننزل مع بعض شويه

حسان….علي فين

سلمي….هنروح نطمن علي ايمي و هشوفها لو محتاجه حاجه و بس هنشوف بقي هنعمل ايه بعد كده

حسان…..تمام يا حبيبي و انا هتصل علي شادي و هبقي اتصل عليكي تاني

سلمي…..تمام مستنياك باي يا حبيبي

حسان….باي

…………….

عند نعيمه…

نعيمه….الوووو

فضل….ايه يا حبيبي صباح الفل

نعيمه….صباح النور

فضل….لسه صاحيه ولا ايه

نعيمه…..لا صحيت من عشر دقايق كده بس كنت بصلي و هجهز عشان نازله

فضل……طيب انتي لبستي

نعيمه….بلبس لسه في حاجه ولا ايه

فضل…..انا داخل عليكي بعني خمس دقايق وابقي تحت البيت

نعيمه…..ده بجد ليه

فضل……جيبتلك الكريم وصل و امبارح معرفتش اجيلك خالص

نعيمه….يا حبيبي طيب كنت سيبوا الوقت جاي مخصوص كل ده عشان تديني الكريم

فضل……عشان تبدأي تحطي منه بقي يلا روحي كملي بسرعه انا خمس دقايق و ابقي عندك

نعيمه….بابتسامه ماشي يا عمري

فضل….باي يا حبيبي

نعيمه…باي

…………

صحيت تقي من النوم و اول حاجه عملتها مسكت الموبايل لقت عدي متصل عليها و باعتلها مسدچ شافت المسدچ و بعدين قامت دخلت علي الحمام و خدت لبسها معاها خدت شاور و لبست و جهزت و بعدين خرجت من الاوضه عشان تفطر طلبت اوبر كان قدامه عشر دقايق كملت فطارها بسرعه وسلمت علي امها و اخواتها و نزلت

دقيقه بالظبط و وصل اوبر ركبت و بعدين اتصلت علي عدي.

تقي…..الوووو

عدي….ايه نمتي امبارح و لا كنتي مطنشاني

تقي…..علي فكره انا اتصلت بيك و بعتلك مسدچ الاول يعني متهرجش انت اللي طنشتني

عدي…..مقدرش انا قولتلك اني كان معايا حوار و معرفتش ارد و لما فضيت كلمتك و بعدين بعت المسدچ بس قولت يمكن تكوني نمتي

تقي…..انا فعلاً نمت رجعت تعبانه اوي لسه كمان نومي متظبطش خلصت المحاضرات و جبت الورق كنت راجعه خلصانه والله بس لاقيت بابا و ماما عاملين مفجأه ليا و احتفاوا بعيد ميلادي

عدي….بابتسامه اه ما انا خدت بالي و شوفت الصور

تقي….بابتسامه امممم ده انت مراقبني بقي

عدي….والله ابداً كنت بقلب في الانستا و شوفت الصور

تقي…..ماشي يا سيدي انت في الكافيه

عدي….اه انتي نزلتي ولا ايه ؟ ايه الصوت ده