لقاء كارثي

عشري…..هو انتي هتجيبي ايه بالظبط عايز اعرف

ليله…..يعني لبس ميك اب برفيوم شنط شوزات لبس للبيت

عشري….طيب دي خليها من بكره وخلصي انهارده مشاويرك دي الاول عشان تبقي فاضيه لنفسك بعد كده و ياريت تنظمي مشاويرك عشان انتي كده هتتعبي

ليله…..متقلقش انا هعمل كده انا اصلا رايحه انهارده لامبمه وقمر فرصه انهم متجمعين لاني مش هقدر اروح تاني خالص الفتره الجايه كمان لازم مشوار المطعم ده عشان اخلص الصيانه اللي فيه

عشري…..طيب خلصي كل ده و انا هقابلك بليل خالص و هاخدك و نطلع علي عسال و سلامه في البيت عندهم نتكلم معاهم و نخلص الحوار ده

ليله….طيب حلو بس ليه في البيت ما تخليه بره احسن عشان لو رفضوا ريهام متزعلش هي متعرفش اي حاجه علي فكره علي موضوع المطعم مش عيزاها تتعشم و ترجع تحس ان اخواتها رفضوا فا تزعل منهم يعني لو قالوا لا تبقي معرفتش اي حاجه فاهمني

عشري…..طيب خلاص زي ما تحبي خلينا نشوفهم بره بس زي ما قولتلك بليل عشان نبقي خلصنا مشاويرنا و كمان هما يكونوا خلصوا شغل و انتي ياريت تخلي اخر مشوار ليكي عند اميمه عشان اخدك من هناك علي طول و تبقي قعدتي معاهم براحتك تمام

ليله…..طيب كويس قولي بقي انت ايه ظروفك انهارده صوتك تعبان اوي يا عشري

عشري….انا منمتش غير اربع ساعات و تعبان اوي والله ياليله انا خلصت حوار العمره بتاعت محمود دي الحمد لله

ليله….لاقيت حجز قريب

عشري….اه بكره علي العصر باذن الله واحد صاحبي خلصلي كل حاجه الحمد لله روحت الوقت جيبتلوا لبس احرام جديد الوقت انا رايح عشان اقابل التيم بتاع الفرح عشان اخلص بقي معاهم كل حاجه هقعد مع الودينج بلانر اخلص معاه و بعدين عندي مشوار كده و شويه حجات هعملها في البيت زي صيانه بردوا هرجع اظبط الدنيا و بعدين الشباب هيتابعوا هما و هرجعلك نروح لسلامه و ميدو

ليله…..طيب با حبيب المهم كل عشان خاطري و لو عرفت ترتاح حتي نص ساعه اعمل كده

عشري…..تمام يا حبيبي خدي بالك من نفسك وابقي اتصلي عرفيني يعني فينك و كده

ليله….اوك متنساش تكلم خطيبه محمود تطمنها

عشري….كويس انك فكرتيني انا مرضتش اتصل بيها امبارح الوقت كان اتأخر هكلمها الوقت

ليله….تمام يا حبيبي يلا روح و شويه و هتصل عليك

عشري…..تمام سلام يا عمري