لقاء كارثي

عسال…..طيب بقولك ايه لو مش محتاجني هروح كده ابص علي حسان بصه و اطلع علي الشغل

رشيد…روح يا حبيبي متحرمش منك يا صاحبي تعبتك معايا

عسال….بابتسامه ياجدع اتلم بقي

ماريز…..يا استاذ ميدو مش هتيجي تشوفلي حل في النحل ده

عسال….اه صح انا قولتلك بعد ما ارجع من السفر طيب شوفي امته عيوني والله

ماريز….تسلم عينك يارب الوقت اللي انت فاضي فيه

عسال…..ولو مش فاضي والله افضيلك نفسي

ماريز…..يا حبيب قلبي متحرمش منك النحل اصلوا كتر اوي و مبهدل الدنيا مبقتش اعرف اخرج منه بره كتير مبهدلنا قرص

ايمي….يا اختي تخرجي فين في الجو ده

محمود….المشكله حتي لو مش هتقعدي لازم تتقرصي بقي صعب و بيدخل جوه كمان سعات

عسال…..خلاص بكره باذن الله اجي اشيلوا بس هيكون بدري شويه عشان اروح احطه في المزرعه

ماريز….ماشي اي وقت براحتك انا كده كده بصحي بدري

عسال…..خلاص هكلم حودا و هاجي بكره باذن الله

ماريز…..ماشي يا حبيبي هتعبك معايا يا ميدو

عسال….تعبك راحه يا ست الكل
فين نودي بقي عشان اعرفها اني ماشي

رشيد….جوه مع البنات نادين يا نودي

نادين…..ايوه جايه اهو

عسال…..انا ماشي تمام

نادين….بابتسامه طيب اوك

عسال…..هبقي اكلمك بقي

نادين…..ماشي انا شويه كده و همشي

عسال….تمام يا روحي يلا باي

نادين….باي

عسال…..يلا سلام عليكم يا جماعه

الجميع….عليكم السلام

خرج رشيد معاه يوصلوا.

و كملوا البنات مع بعض الاوضه و رجعوها زي ما كانت

ايمي…..تسلم ايديكم يا بنات

ايه….كلوا تمام كده

ايمي….اه والله جميله

نادين….بابتسامه رجعت زي ما كانت اهي

ايمي…..ربنا يخليكوا ليا

ليله…. بابتسامه اي اوامر تاني يا ست البنات

ايمي….ضحكت و غمزتلها بنات ايه بقي عيب علي الثلاثه اللي في بطني

ليله…..بضحك اه يا سهله يا رخيصه

ضحكت ايمي و حضنتها

ايمي…تسلم ايدك انتي و البنات ممكن بقي و حياتي تمشي و تريحني

ليله….يا بت انا قاعده علي قلبك بقولك ايه يا زوزو بنتك بتطردني بالطريقه

ماريز…..تربيه وسخه

ايمي….بضحك هو اي ظيطه يا زوزو البت وراها هم خليها تروح

ماريز…..اه بجد يلا روحي يا ليله خلصي دنيتك و انتوا يا بنات يلا اللي عندها شغل تروح انا هقعد معاها شويه لان رشيد هيسيبها و يروح شغلوا الوقت

ايه…..انا لو مش محتاجني هروح المحل عشان عندي شغل