لقاء كارثي

ليله كان طالع عينها في المطعم خلصت كل حاجه و عملت الصيانه و ظبطت الشغل و بعدين راحت لاميمه اختها قعدت معاهم و استنت عشري يتصل عليها و طول الوقت كانت عماله تتصل بأيمي و تطمن عليها خصوصا بعد ما زوزو كمان مشيت و سابتها.

اما عشري كان مطحون من بداية اليوم و مش قاعد علي رجلوا خالص كان بيسابق الوقت بايده و سنانه عشان يلحق يخلص كل حاجه مرتب ليها خلال كام يوم عشان يرتاح قبل الفرح بشويه و يقدر يبقي مع ليله في مشاويرها و كمان يلحقوا يلفوا علي فستانها خلص اتفاقه مع الودينج بلانر و اختار كل حاجه و كان مخطط لفرح اسطوري لليله اللي مكانتش متوقعه خالص اللي عشري ناوي عليه كانت فاكره الفرح مقتصر بس علي مكانه في الهرم اللي اعترضت عليه و عشان كده قرر انه يخبي عليها كل المفاجات اللي عاملها عشانها كان حابب يفاجئها و مكانش عايز يعرفها عشان متعترضش خلص كل حاجه و اتصل علي سلامه قالوا ان هو و ليله هيعدوا عليهم شويه عشان عايزينهم و اتفقوا علي مكان قريب من بيتهم

وصل عشري تحت بيت اميمه كانت ليله نزلت و قاعده في العربيه مستنياه كانت عماله تلعب في الموبايل قرب من العربيه جنبها و نزل الشباك.

عشري…..واقف لوحدك ليه يا قمر

بصت ليله عليه و ابتسمت بحب

ليله……مستنيه واحد قمر يجي ياخدني

ابتسم عشري و طلع بالعربيه قدامها ركن و نزل ابتسامتها وهو بيقرب عليها كانت تجنن نظراتها كلها حب.

قرب منها وقف جنب الشباك و مد ايده مدت هي كمان ايدها تسلم عليه باس كفها

عشري…..وحشتيني

ليله…..انت وحشتني اكتر شكلك ضايع يا عشري

عشري….بضحك ضايع بس انا مش معاكي اصلا

ليله…..سلامتك

عشري….الله يسلمك يا قلبي يلا هتطلعي ورايا و لا تسيبي العربيه و نبقي نرجع ناخدها

ليله….لا خليني وراك لسه هنرجع هنا تاني

عشري…..طيب يلا خليكي ورايا و علي مهلك

ليله….ماشي

ابتسم و غمزلها و بعدين راح ركب و اتحرك و هي اتحركت وراه.

………………..

في منزل احمد

سلمي…..يعني ايه تعبت و دخلت عمليات هو انت مش قولت خرجت

حسان…..شادي قالي انها تعبت و نزفت جامد و كلم الدكتور قالول ياخدها علي المستشفي بسرعه لما راحوا دخلوها اوضه العمليات

سلمي…..لا حول ولا قوة الا بالله طيب ماماها عرفت

حسان…..لا سافرت خلاص المفروض