لقاء كارثي

تامر….تمام حلو المهم بقولهالك تاني في اي حاجه حابه تعدلي عليها تاني عشان من اللحظه اللي هتخرجي فيها من هنا حضرتك مش هتعتبي البيت تاني خالص

ايه…..بابتسامه ليه بقي ان شاء الله

تامر….هو كده عشان تتفاجئي بالبيت زي ما عملنا مع ايمي انتي اختارتي كل اللي عيزاه و هتختاري كل حاجه مع سلامه لكن تشوفي البيت و هو بيجهز خطوه خطوه لا مش هيحصل

ايه…..بضحك ايه الرخامه دي ده بيتي علي فكره

سلامه….بابتسامه ما انتي هتشوفيه اكيد بس لما يخلص و يتفرش

تامر…..بالظبط كده تشوفيه و انتي عروسه بقي ان شاء الله

ايه ….ماشي يا سيدي اتفقتوا عليا انتوا الاتنين

تامر….ما انا هعمل كده في سلمي قولتلها متروحش تاني خلاص

سلامه….خليها مفجاه احلي

ايه…..تمام موافقه

تامر…..علي خيره الله

اتكلموا شويه و بعدين نزلوا من الشقه.

تامر……فتح العربيه بتاعته يلا محتاجين مني اي حاجه انا هروح بقي عشان هطلع علي حسان

سلامه….حبيبي يا تيمو ربنا معاك تسلم

تامر…..حبيبي يا سلامه يلا باي يا يوي

ايه…..باي

طلع تامر و قربوا من عربيه ايه

ايه….انت هتعمل ايه الوقت ولا هتروح فين

سلامه…..انا هروح علي المعرض شويه و بعدين هطلع علي الكافيه عشان المفروض اني هستلم الكراسي و الترابيزات و كل حاجه

ايه…..هو انتوا قربتوا تعملوا الافتتاح ولا ايه

سلامه…..هو خلص خلاص يعني يتفرش بس و نستعد بس غالباً الافتتاح هيكون بعد فرح عشري و ليله لسه مش متأكد بس عشري قال هنستني بعد الفرح بكام يوم كده ده هتأكد منهم اكيد

ايه….اممم تمام خير ان شاء الله هو افتتاح مصطفي امته

سلامه…..لسه بردوا هتأكد منه بس مصطفي يعتبر خلاص بيفرش و بيجهز المكان هو خلص واحنا مسافرين اصلا فا يظبط بس دنيته ممكن كمان اربع خمس ايام

ايه…..علي خير ان شاء الله

سلامه…..هتروحي علي المحل

ايه….لا انا هروح الاول ابص علي ايمي و اطمن عليها صحيح انت عرفت موضوع التوأم ده

سلامه….بابتسامه اه ماشاء الله فرحت اوي والله

ايه…..وانا كمان والله ربنا يقومها بالسلامه هي و هما

سلامه….يارب هتتاخري هناك

ايه….لا انا عندي شغل هبص بس عليها و بعدين همشي و كمان هشوف سلمي هتحيبلي هنا ولا لا

سلامه….هنا مين بنت حسان

ايه….اه ما هي بايته معانا انت متعرفش