لقاء كـ،ـ،ـارثي

أميره أسامه
صاحبة البطل الواحد

. البارت المئه 137.

………………………..

فات عشر ايام من رمضان و كل يوم كان بيعدي أحلي من اللي قبلوا

طبعا الكل نزل الشغل ليله و ريهام كانوا مظبطين كل حاجه مع بعض

اللي يروح الصبح ميروحش بليل و لو ليله معزومه بيعرفوا يظبطوها وطبعا ليله كانت مقضياها عزومات
اول يوم كان عند اهل عشري و بعد كده اتعزموا عند وليد و بعدين عن قمر و طبعا العزومه الكبيره عند اميمه كانت متأجله كالعاده لليله 27

و كانت مقرره تعزم صحابها بس هما كمان مكانوش عارفين يظبطوها مره سلمي تروح هي و اهلها عند اهل حسان ومره تانيه اتعزمت هي و حسان عند علا و شادي و مره تانيه نادين اتعزمت عند خالها و جدتها هي و عسال ايمي كمان كانت عند اهل رشيد و بعدين هي عزمتهم غير مواعيد الشغل اللي مش متظبطه ايه فتحت محلها اخيراً ورجعت نزلت الشغل عدي و سليم جابوا كل حاجه في المغسله معملوش افتتاح كبير بس علقوا انوار و طبعا صحابهم كانوا معاهم و الشباب كمان اما فضل فاهو كمان بدأ في الورشه بتاعته بس كان بيجيب الخرده و يركنها المكن و المواتير اللي تلفت نظره كان طول الوقت مشغول و عمال يروح اسواق العربيات القديمه و العربيات اللي اتركنت سنين في الجمارك و كان بيحاول يلاقي الحاجه اللي واثق انها هتبقي كويسه بس مكانش عايز يبدأ الا لما يجمع اكبر عدد من الخرده و المكن كان متحمس جدا و بيحاول يلهي نفسه في الشغل باي طريقه

و يمكن كمان موقفش شغل في البيت بتاعه لان العمال مكانش ليهم ذنب و كان البيت قرب يخلص خلاص فا قرر انه يكملوا و يوقف علي كده ميجيبش عفش ولا اي حاجه من اللي كان مختارها هو ونعيمه كان هيسيبوا فاضي ..

وطبعاً الكل كان مشغول اول تسع ايام جدا فا مكانوش عارفين يظبطوها الا علي اليوم العاشر

اما نعيمه وضعها كان زي ماهو بتحاول تكون كويسه طول الوقت بتكلم صحابها اهلها بقت تتكلم مع نسمه كتير و دي حاجه كانت مخليه نسمه مبسوطه اوي و هي كمان كانت مبسوطه بس كانت بتحاول تعوض اختها بأي طريقه كان نفسها تلغي الصوره اللي خدتها نسمه عنها و كان نفسها تحسن معاها العلاقه
عشان تاكدلها و تريحها ان اللي حصل ده مش بسبب ارتباطها بسليم

كانت طول الوقت بتشغل وقتها تعمل اكل في البيت مش حابه تشتري من بره عشان تلاقي حاجه تشغلها تنضف ترتب تنزل تتمشي تشتري حجات تقرا قران تصلي اشتركت في چيم قريب من البيت
راحت مرتين بس كانت بتحاول تضغط علي نفسها عشان تنزل تاني