لقاء كـ،ـ،ـارثي

يمكن متكلمتش مع الدكتور ولا مره من اخر مره حكت فيها كل اللي في قلبها بس كانت ملتزمه بالتدريبات لانها في وقت من الاوقات كانت حاسه انها بتريحها كمان كانت مستنيه الوقت المناسب اللي تحس فيه انها عايزه تتكلم او عندها حاجه تقولها و الحقيقه انها كان جواها كلام كتير و أسأله اكتر بس كانت بتحاول تتجاهلها و يمكن ده كان غلط و كان لازم وقت ما تحس ان جواها كلام تتكلم معاه عشان مترجعش تنتكس او تدخل في اكتئاب الوحده اللي اختارتها بإرادتها

………….

عند ليله كان بقالها يومين بتجهز لعزومتها للبنات والشباب عماله تفكر في الاكل و هتعمل ايه و قبلها بيوم جهزت حجات كتير و صحيت من بدري تجهز عشري حاول معاها انه يقنعها يجيبوا اكل جاهز مشوايات وكده بس رفضت و كانت عايزه تعمل بنفسها اقترح عليها هو وامينه
ان حد من البنات اللي بيساعدوا امينه يطلع يساعدها بس برضوا مرضيتش و كانت مبسوطه اوي و عايزه هي اللي تعمل كل حاجه بنفسها لكن في النهايه اقنعها علي الاقل الحلو يكون جاهز فا وافقت

عشان تريحوا صحيت من بدري تجهز و سابت عشري نايم انجزت حجات كتير و كانت عامله أصناف كتير عشان اللي بيحب حاجه ياكلها

صحي عشري و راح وقف معاها يساعدها شويه و علي حظها حست بوجع خفيف في بطنها و كانت خايفه تكون البريود و تفطر

عشري…..حبيبي انا خلصت ده اساعدك في ايه تاني

ليله…..بص تعالي كمل بس تقطيع لحظه ثواني و هرجع

عشري…..طيب ماشي

دخلت ليله علي الاوضه و شويه و رجعت و هي مكشره

عشري…..انا قطعت يا قلبي اعمل ايه تاني

ليله….استني متعملش اشيل بس الكركبه دي

عشري……طيب مالك مكشره ليه

ليله…..انا فطرت

عشري…..فطرتي ازاي نسيتي يعني

ليله….لا البريود

عشري بصلها وضحك

ليله…..انت بتضحك ليه يا رخم

عشري….بضحك علي منظرك زعلانه ليه كده

ليله….عشان كنت عايزه اصوم و اكمل اليوم

عشري…..طيب خلاص حصل خير يا قلبي مش بمزاجك يلا افطري بقي و كلي حاجه

ليله….مش واكله العد من قدامي يلا

عشري…..بضحك طب وانا مالي يطب متعصبه عليا ليه و بعدين حرام لازم تاكلي

ليله….يا سيدي انا مش جعانه مالك و مالي انت الوقت بقولك ايه اخرج من مطبخي يلا

عشري…..بضحك بت امسكي العقل هي الهرمونات ما صدقت تحضر ولا ايه

ليله…..يعني مش قادره تستني لبعد الفطار