لقاء كـ،ـ،ـارثي
سلمي….طيب واختها مزعلتش مثلا انك اتكلمتي معاها كده
ليله….لا خالص رضوي عسوله وطيبه اوي و تاني يوم اعتذرتلي و قالتلب متزعليش و علي فكره هي رحاب دي مش وحشه يعني تبان لذيذه و عشريه و متكلمه بس واضح ان هي مركزه علي هدفها و طبيعي انها تحاول تاخد مكانها بالنسبه ليها فرصه متتعوضش ان نعبمه و فضل سابوا بعض الساحه فضيت قدامها
ايمي…..عشان كده بفكر اننا نقول لنعيمه اللي حصل ده ايه رايكم مش يمكن لو عرفت حاجه زي دي متتحملش و تنزلها و ترجع امكانها تاني قبل ما ترجع تندم من كلامك ان البت ناعمه و سياسيه وده صنف وسخ عرفاه كويس بتعرف توصل للي عيزاه من غير مشاكل و بكل هدوء و براءه
ليله….والله انا فكرت يا ايمي بس مش عارفه رد فعل نعيمه خايفه تصدمني و يطلع مش فارق معاها هروح اجيبها من شعرها
سلمي…..بيتهيألي لا نعيمه بتحب فضل يا ليله و كلنا عارفين
ليله….عارفه بس دماغها وسخه ممكن تفكر اننا بنضحك عليها او ان فضل ممكن يضايقها و تكبر دماغها و تعمل فيها واثقه فيه
سلمي…..طب وانتي تفتكري ان ثقتها في فضل مش في محلها
ليله…..لا بس فضل موجوع منها يا سلمي و حاسس انها جات علي كرامته يعني ممكن شيطانه يسوحوا و يفكر انه بالطريقه دي هيردها لنعيمه وقتها المشكله هتتعقد
ايمي….وغير كده الراجل اه بيتسوح و هو لو موجوع الوقت ولقي اللي يطبطب عليه ممكن غضبه يعميه و يخليه يتجر معاها عادي جدا و نعيمه بعيده عنه و مفيش بينهم كلام يعني لو طولت اكتر من كده البعد بيعلم الجفا و هو مش ناقص اصلا موجوع منها بما فيه الكفايه
سلمي….خلاص خلينا نبقي نتكلم معاها ونقولها و ننصحها و نتكلم بقي بالعافيه يعني غصب عنها هتسمعنا
ليله….الاول بس اخد منها العنوان الحيوانه دي عشان لو عرفت وزعلت او اتعصبت ممكن ترجع تقفل الموبال و قتها ورحمه امي هطب عليها زي القضي المستعجل و هجيبها من شعرها
ايمي…..طيب وفضل مش هنتكلم معاه
ليله….انا اتكلمت و وعدته اني هسيبه يرتاح شويه و يفكر
ايمي….انتي اتكلمتي انا لسه و بعدين ما هو ارتاح اهو كام يوم و دي فرصه اننا متجمعين و انا اصلا قايله لرشيد اني هتكلم معاه انهارده قالي اتكلمي وكلما معاكي
ليله….ماشي اتكلموا تعالوا بس نديهم القهوه دي هاتي يا سلمي الاطباق دي
