لقاء كـ،ـ،ـارثي
محمود….مقولتش تتكلمي بطريقه وحشه بس شايفه ان في واخد مش قاعد علي بعضه و تصرفاته مش مريحه البس الوش الخشب و عموما هو مش هيجي تاني
ريهام….انت قولتلوا ايه
محمود….قولت اللي قولتوا يا ريهام المهم انه مش هيجي و لو حصل وجه هطين عيشة امه و انتي لو جه وفكر يتكلم معاكي انا اللي بقولك متقفيش معاه لحظه تمام
بصتلوا ريهام و سكتت
محمود…..تمااام
ريهام…..تمام يا محمود
محمود……انا ماشي سلام
ريهام…..سلام
سكتت ريهام و كانت مضايقه راحت تطلع غضبها منه في باقي الكراتين اللي مليانه ورق و مش بتخلص كل ما تبقي فاضيه تفضي منهم شويه و ترتب المكتب اكتر .
مشي محمود و هو مضايق و خلاص متأكد ان غيرته بقت واضحه و مشاعره بقت اقوي و كان غيران بجد من الشاب ده و بيركبه ميت عفريت اما يشوفوا لان عنده نظره مختلفه عن ريهام و حقيقي مكانش مريح و تصرفاته مفهومه
في صباح يوم جديد اليوم كان مضغوط في بيت زوزو الوقت عمال يعدي و المكان بره متظبط و جاهز لاستقبال الكل زي كل سنه المرادي العدد كان اكبر بس كانوا مبسوطين من اللمه دي أيمي راحت و امنيه كمان وسلمي وايه ونغم نزلوا بدري شويه و راحوا يساعدوا زوزو شويه ونادين كمان راحت و علي الساعه خمسه كان الكل تقريبا بيوصل اخوات ليله نجلاء و عادل و نسمه و نادر تجمع عائلي كبير شويه وباقي الشباب راحوا وليله وعشري فضل قال هيروح بس كان بيثبتهم مكانش حابب يروح عشان ميحصلش اي كلام و خصوصا ان اهل نعيمه هناك مكانش حابب يقول حاجه تضايقهم.
نادين…..هي ريهام مش هتيجي ولا ايه
ايمي…..هاتي الموبايل اتصل بيها اتاخرت ميدو و سلامه وحنون كمان اتاخروا
ايه….هما جايين في الطريق
ايمي….يمكن مستنيه تيجي او هيروحوا يجيبوها
نادين …لا هي معاها عربيتها
ايمي….تستنوا هكلمها
خرجت بره تتصل بيها وطبعا محمود كان سامع راحت وراها من بعيد كده يسمع
ايمي…..الوووو
ريهام…ايه يا قلبي كنت لسه هكلمك
ايمي…..انتي فين كل ده
ريهام…في المطعم ااا انا مش هعرف اجي علي فكره
ايمي…..لا بتهرجي ليه
ريهام….ااا عربيتي مش شغاله معرفش فيها ابه هساني بعد الفطار يكون الناس شغاله وهشوف كده
ايمي….طيب سيبها و تعالي او شوفي اخواتك فين يجيبوكي
ريهام….اا لا مش هعرف بقي خليهم اصلا لو جم هيفضلوا شايلين هم العربيه و الاذان هيأذن سيبيهم
