لقاء كـ،ـ،ـارثي
ايمي…امممم عندنا مريم تانيه يعني
ليله…..لا في فرق كبيررررر مريم كانت مريضه و بتلوش يا ايمي لا حبت عشري ولا حتي حبت نفسها هي لقت نفسها بتخسر كل حاجه و بتدمر فا مبقتش عارفه تعمل ايه ولا عارفه مين الظالم ولا مين المظلوم كانت بتنتقم عشان تقنع نفسها انها ضحيه انما رحاب دي فاهمه كويس بتعمل ايه بتلعبها بذكاء بمعني اصح البت ناعمه و سياسيه و مش سهله يعني لما طلعت فيها سكتت و بسرعه عملت نفسها متقصدش و لما رجعت اعتذرت قدام الكل و عملت فيها طيبه و بريئه بس انا هرشاها
حتي فضل لما طلع وقالي انه وقفها عند حدها اعتذرتلوا من الاخر بتحاول تكسب بهدوء و ذكاء و تبين انها مش قاصده بس كلامها كان واضح و عشان اكون صريحه اكتر يمكن معاها حق نعيمه غلطت في حق فضل لما سابته بالطريقه دي
سلمي….لا مش معاها حق طبعا هي اصلا مهما كانت علاقتها بيهم كويسه مش من حقها تدخل
ليله….ماهو عشان مش من حقها انا مسكتش انا بتكلم بيني و بينكم نعيمه اللي ادت الفرصه لغيرها يبخ سمه انا اه عارفه انه غصب عنها و نفسيا تعبانه بس كمان لولا اللي عملتوا ده مكانتش واحده زي رحاب اتكلمت
ايمي….بس علي فكره نجود شكلها جدعه نظرتي فيها مخيبتش ست بميت راجل وكلامها في حق نعيمه كان حلو اوي
ليله….نجود بتحب نعيمه يا ايمي و قالتهالي قبل كده انها بتحب البنات كلهم بس نعيمه ليها غلاوة اكبر
ايمي…..عشان كانت هتبقي مرات الكبير و نعيمه شخصيتها اقرب لنجود
ليله….بالظبط
ايمي….طب ايه هنسكت للحربايه دي و لا نتصرف لحد ما الموكوسه دي ترجع
ليله….المشكله يا ايمي ان البت بجد ناعمه و بتعرف تسحب كويس مش سهله اعتذرت و بينت سلامة نيتها و مينفعش نعمل اي تصرف
سلمي….لا طبعا مينفعش علي الاقل عشانك انتي بقيتي من العيله و مينفعش تعملي مشاكل
ليله….لا سيبك مني انا انتي عارفه ولا يشغلني اي حاجه هي لما حرقت دمي لا همني اني اول مره اروح ولا همني اي حد قاعد و لا همني اني مش في بيتي او منظري قدامهم بس زي ماقولت هي لما طلعت فيها كشت و بسرعه عملت بريئه
ايمي….طيب امونه مزعلتش او عاتبتك
ليله…بضحك امونه دي تجنن كلمتني تاني يوم و قالتلي متزعليش و كانت مبسوطه اصلا اني متحملتش اي كلمه علي نعيمه
ايمي….بضحك حماتك دي سكر والله
