لقاء كـ،ـ،ـارثي

بصتلوا بصدمه و سكتت بس اتوترت اوي

فضل…..كان حاسس ان الكلام بيطلع بصعوبه ااا انتي كويسه

هزت نعيمه راسها وهي مش بصاله

فضل…..متخافيش

بصتلوا تاني و معرفتش ترد و هو مكانش عنده كلام تاني يقولوا وفجأه الخط اتقفل مره واحده

غمض فضل عينه و خد نفس عميق وهو بيضغط علي نفسه وراح حط الموبايل علي التربيزه

ايمي…..ايه هي فين؟

فضل…..بابتسامه هاديه معرفش قفلت

ايمي…..ليه قفلت قالتلك ايه

فضل….مقالتش حاجه خالص ولا كلمه

ايمي….استني لا يكون حصل حاجه؟

عشري…في ايه؟

ليله…..حاجه ابه اللي حصلت وقفلتوا ليه مع نعيمه

ايمي…..معرفش كان مع فضل انا بسالوا اهو حصل ايه

فضل….محصلش يا ايمي هي مش عايزه يا ايمي و مش بالعافيه ولازم تفهموا ده كويس مشششش بالعافيه انا عملت اللي عليا و اكتر من كده خلصت

ايمي…..الموبايل مقفول يا فضل اكيد في حاجه.

ليله…انتوا اتكلمتوا

فضل…انا اللي اتكلمت وسألت و هي منطقتش هزت راسها بس وبعدين قفلت

عسال…..ما تهدا يا عم يمكن فصل شحن يمكن النت قطع يمكن في اي حاجه

حسان….طيب هو مش وقته يا فضل صح نطمن عليها و بعدين احنا لسه قايلين من شويه اننا متوقعين متردش عليك

رشيد….فضل فيك ايه يا صاحبي متخليش غضبك ينسيك الاصول

فضل…..اعتبرني يا رشيد معنديش اصول و عشان خاطري محدش يفتح الموضوع معايا تاني لو باقين عليا سواء انتوا او البنات سيبوني بقي سيبوني

عشري…..طب استني انت رايح فين

فضل….سلام يا عشري

فتح فضل الباب و نزل و هما بصوا لبعض و سكتوا

ليله….هو حصل ايه انا مش فاهمه

رشيد….مفيش قولت لايمي تقوم وشاورنا للشباب يبعدوا عشان نديهم فرصه يتكلموا فضل خد الموبايل بعيد ثواني و رجع و هي قفلت تقريبا كان بيطمن عليها بس قفلت

ايمي…..ايوه بس مش وقته صح يعني انا معاه وجدا بس ده مش التوقيت الصح خصوصا ان الموبايل مقفول خالص يعني جايز يكون فيها حاجه

رشيد…..عارف بس انا مش عايزكم تزعلوا من فضل بالله عليكم فضل الفتره دي مضغوط وهيبقي حساس و مهما قولنا ممكن ترد ممكن متردش هياخد الموضوع علي اعصابه

ايه…..ايوه يا رشيد بس حقيقي هو مش وقته يعني مجاش في باله يكون حاجه حصلت

حسان….ايه فضل خايف علي نعيمه و اتوتر جدا من اللي حصل و كان باين عليه عشان خاطرنا احنا نهدا و نستني واهم حاجه الوقت اننا نطمن علي نعيمه مش مهم اي حاجه