لقاء كـ،ـ،ـارثي

سلمي….بس هي فارقه معاك يا فضل و انت كمان فارق معاها و الدليل انها قالتلنا محدش بزعل فضل ولا يضايقه و كلامها كله عنك حلو

فضل….مش بالكلام يا سلمي بالافعال و هي افعالها واضحه ليكم قبل ما تكون واضحه ليا انا مابكلش من حلاوة اللسان يا سلمي عشان معدتي مبتهضمش غير المواقف

ايه…..عادي يا فضل كلنا بنمر بظروف نفسيه مش حلوه و ردود افعالنا بتبقي غصب عننا لما زعلنا من نعيمه زعلنا منها كان قوي و مكلمنهاش كام يوم بس بمجرد ما عرفنا انها سافرت وحصل كل ده نسينا و بسرعه كلمناها و ده لاننا لازم نعزر بعض يعني اه نزعل بس وقت الجد بيبان يا فضل مين اللي ممكن ينسي زعلوا عشان الشخص فارق معاه و مين لا مش جايز يا فضل هي مستنيه وقفتك انت بالذات

فضل…..خليني امشي معاكي للاخر و اقول نفسيه و انسي خالص فكره ان مهما كانت نفسيتها لازم انا اكون اقربلها و تحكيلي و خليني اقول انها كانت مضغوطه لدرجه انا كمان محستش اني قريب منها طيب ما انا حاولت معاها و عذرتها في حجات كتير تخطيت حجات كتير لدرجه اني قولتلها نروح لدكتور نفسي اتكلمي معاه لو مش عايزه تتكلمي مع حد ايه اللي حصل سافرت و بعتتلي دهبها و نسيت خالص اننا كنا هنتجوز بعد العيد

ايمي…..طب ما انت بتقول اهو بنفسك يعني انت طلبت منها تروح لدكتور يعني معني كده انك كنت شايف انها تعبانه بجد ده ميخلكش تعذرها او تحاول معاها

فضل…..احاول في ايه يا ايمي جماعه انا بجد مش عايز اتكلم خلاص لاني مهما قولت انتوا هتاخدوا صفها لانها صحبتكم و صدقوني كلامي هيضايقكم

ليله….بهدوء فضل اسمعني محدش فينا واخد صف نعيمه صدقني انت لو حد وحش مش هنفكر نتكلم معاك
بس احنا بنتكلم معاك عشان انت غالي عندنا و موجوعين عليك زي ما احنا موجوعين عليها احنا مش بنقعنك بحاجه عشان انت غلطان و بنيجي عليك عشان انت الطرف اللي عليك اللوم اجيبهالك من الاخر نعيمه اللي غلطت في حقك يا فضل يوم ما خدت قرار السفر من غير ما ترجعلك او تعرفك و برضوا غلطت لما قررت تنفصلك عنك من غير ما تشاركك القرار ده و غلطت لما فهمتك كل ده في رساله عايز اكتر من كده بس كلامنا معاك او اننا نحط مبررات مش معناه انك غلط بالعكس كلامنا معاك عشان نوصل لحاجه تريحك و تهدي الوضع بينكم جايز تشوفنا جابين عليك بس دي مش حقيقه