لقاء كـ،ـ،ـارثي
فضلوا يضحكوا البنات عليهم و راحوا يساعدوا ليله فضوا الاكل اللي اتبقي و سلمي رصت كل الاطباق في الغساله و نضفوا المطبخ
الشباب خرجوا كلهم
ايمي…كلمتي نوني انهارده
ليله….اه كلمتها و عشري كمان كلمها
ايمي…..قالت اي حاجه
ليله….نفس الكلام مفيش جديد بس علي الاقل فكت و بدات تتكلم شويه
سلمي…..انا كلمتها امبارح بليل انا وايه و قعدنا نهزر و نتكلم و علي فكره عرفت ان نغم اشتغلت مع نادين
ليله …اوعوا تكونوا قولتلها ان نادين مش هطتلعها من الشغل دي مجنونه و ممكن تصمم
سلمي….لا لا مقولناش بس قالت كويس وعشان نودي متتعبش و حتي سلمت علي نغم و قعدت تهزر معاها و قعدت تفهمها حجات في الشغل كانت بتعملها و بصراحه انا حاسه ان موضوع سفرها ده علي قد ما ضايقني بس هو كان خطوه كويسه يعني حاسه ان نوني بجد نفسيا متحسنه و طريقتها افضل واهدا حتي انا وايه استغربنا طريقتها مع نغم
ايمي….هي حست انها جات عليها خدي بالك نعيمه والله طيبه اوي مشكلتها في لسانها ومبتعرفش تعبر عن خوفها لينا
سلمي….عارفه والله رغم انها سعات بتطلع دبش بجد بس بحبها و عارفه انها قلبها ابيض
ايمي…..بقولك صحيح البت دي مجاتش تاني ولا لسه لازقه هنا لفضل
ليله…..لا ما امونه بقي حكيتلي الحوار بتاعها هي بتروح وتيجي علي اختها بصي هما والدهم و والدتهم منفصلين من زمان بس هما كانوا عايشين مع والدهم لان والدتهم اتجوزت هو كمان اتجوز و انفصل بس حتي لما اتجوز فضلوا معاه عشان ميعيشوش مع جوز ام و بس والدهم اتوفي بعد جواز رضوي بكام شهر فا هي عايشه لوحدها طبعا رضوي متجوزه بقالها سبع سنين و اختها علاقتها باهل فضل و بالكل كويسه بتروح وتيجي عليهم و بقت واحده من العيله
سلمي….هي الصغيره
ليله….لا الكبيره
سلمي….طيب بتشتغل ولا ايه ظروفها
ليله….بتشتغل مهندسة ميكانيكا و سافرت بره شويه ورجعت تاني استقرت هنا و بس
ايمي….طيب و حماتك قالتلك انها معجبه فعلا بفضل
ليله….لا مقالتش وهي غالبا محدش يعرف ده اوي نجود اللي ملاحظه ده
بس شكلها مش متأكد اصلا هي كانت مخطوبه و فكرشت من كام شهر
ايمي…..وخير يعني حلي فضل في عينها
ليله….تقريبا كده يمكن لما خطب نعيمه كبرت للحوار بس طبعا الحيوانه اللي اسمها نعيمه فتحتلها الباب من تاني
