لقاء كـ،ـ،ـارثي
ايمي….يا شيخ الله يرضي عليك اول مره تقول كلمتين عاقلين
عشري…..سلامه معاه حق في كل كلمه قالها اي طرفين يا فضل بيبقي فيهم واحد غلطان و واحد معاه الحق لو اللي معاه الحق فضل راكب دماغه بتخرب يا فضل و صدقني جايز في وقتها تحس انك صح و انك كده حافظت علي كرامتك بس قدام شويه هتتعب صدقني و هتندم و هتتمني لو يرجع الزمن عشان تدي فرصه و بعدين يا فضل دي اول مشكله ليكم تكون كبيره مينفعش تعطل او تقف
فضل… نعيمه وجعتني يا عشري و جعتني اوي جايز بحن بتوحشني ده طبيعي لاني حبيتها بجد عشان كده اتوجعت بس الوجع عمره ما كان مبرر للرجوع و الرجوع قرار تقيل اوي ميتاخدش بالقلب بس يتاخد بقلب شايف تغيير حقيقي و واضح لازم تكون متاكد ان الاسباب اللي كسرتك مقنعه غير كده اي رجوع مبني علي حنين بس و شويه ذكريات هو رجوع لوجع اكبر و تضييع وقت علي نفس النهايه اللي احنا فيها الوقت انتا نبقي مش بعض
صدقوني انا بجد لما بتكلم في الموضوع ده بيركبني ميت شيطان عشان خاطري لو انا غالي عندكم اقفلوا لان هي اللي قفلتوا مش انا انا مليش ذنب في اي قرار هي خدته و لا هقدر اغير قرارها حتي لو ده اللي عايزه لاني مش هبقي مرتاح وانا كرامتي مكسوره منها
نادين….بهدوء طيب ممكن اقول حاجه بسيطه يا فضل
بصلها فضل و متكلمش
نادين….انت الوقت لسه موجوع و كلامك كله بيقول انك موجوع بس كمان انت كرامتك وجعاك اوب و ده حقك بس حبك لنعيمه بيتهيألي كان واضح في كلامك قدامنا كلنا انا بس هقولك نصيحه صغيره اوي يمكن انا ديما بعمل بيها…
انا ديماً يا فضل بفتح حساب في قلبي للناس اللي بحبها و بحط في حسابهم ده مواقفهم الجميله كلامهم الحلو تضحياتهم احترامهم ليا ذكرياتهم اللي متتنسيش خوفهم و قلقهم عليا سؤالهم كل حاجه حلوه عملوها معايا بحكها في حسابهم اللي فتحه ليهم في قلبي
و بمجرد ما الناس دي تعمل معايا حاجه تزعلني بجد قبل ما باخد موقف برجع لرصيدهم عندي وافتكر الحجات الحلوه اللي عملوها عشاني واغفرلهم الحاجه اللي ضايقتني و ده مش عطف او احسان مني ده حقهم عليا لاني شوفت منهم حجات حلوه كتير تخليني اغفرلهم اللي ضايقني منهم يمكن انا زعلت من نعيمه كتير و كنت بعدي عادي زي ما بنزعل كلنا من بعض و يمكن انتوا عارفين اللي حصل منها معايا وقت الزعل اللي فات بس حق نعيمه عليا
اني ارجع لرصيدها في حسابها اللي جوه قلبي ليها و اغفرلها و اسامحها لان رصيديها عندي كبير و يمكن اكبر بكتير من زعلنا مع بعض و مس انا بس ايه وسلمي كمان محدش فيهم اتردد لحظه انه ينسي زعلوا منها لما عرفوا اللي حصل و انت يا فضل مهما كان زعلك منها اكيد نعيمه ليها رصيد في قلبك يخليك تنسي زعلك منها اكيد ليكم مواقف وذكريات و حجات حلوه كتير تخليك تحاول
