لقاء كـ،ـ،ـارثي
حسان….لا يا فضل انا مش معاك في دي نعيمه بتحبك وانت عارف ده كويس تغيير نعيمه في الفتره الاخيره كان واضح لينا كلنا مش ليك انت بس تقلباتها المزاجيه و الحزن اللي كانت فيه مش نعبمه اللي نعرفها نعيمه لو مش بتحبك او مشاعرها تجاهك كانت مزيفه كان بان عليها بس انا شاهد علي حبها ليك انا راجل عندي خبره و نظره و مهما كنت بختلف معاها في حجات كتير مقدرش اختلف علي حبها ليك و دي شهادة حق عايز تزعل ازعل بس انت نفسك عارف من جواك انها بتحبك و بعدين انا سايبك براحتك وانت مانعنا نتكلم و احنا محترمين زعلك بس لا البنات معاهم حق في كلامهم و اه لازم تعاتب قبل ما تاخد الموقف اللي انت واخده ده اسمع جايز تقتنع و تكمل و جايز تتأكد انك صح و جابز تحس انها ندمت زي نا بيقولوا و حست انها مكانش ينفع تعمل كده و تعتذر ممكن وقتها كرامتك تبقي ناقحه عليك عادي بس ندمها يعني تمسك بيك و انها لسه عايزه ترجع او ببساطه هي مكانتش عايزه تبعد و قتها هتقتنع برضوا حتي لو من جواك مش راضي بس علي الاقل نبقي فتحنا الباب بدل ماهو موارب
سلامه…..لو مش فارقه معاك يا فضل مش هتضايق كده هي فارقه وانت فارق يا صاحبي بص يا فضل انا هقولك علي حاجه احنا كلنا صحاب و اخوات و علاقتنا بالبنات بقت قويه وهنا علاقتهم بينا بقت قويه نعرف حجات كتير عن بعض تقريبا حافظين تفاصيلنا بس ما همها عرفنا و حفظنا كل اتنين فينا ليهم اسرار وحكايات و مواقف الباقي ميعرفش عنها حاجه يعني محدش فينا يعرف تفاصيل العلاقه بين سلمي و حسان بين ميدو ونادين رشيد وايمي ليله وعشري انا وايه انت و نعيمه في مشاكل و خناقات بتحصل قدام الكل و في مشاكل مبتتعرفش يعني مثلا انا وايه زعلنا مع بعض في مره و قلعت دبلتها و محدش عرف حاجه مش هنكر خدت الموضوع علي كرامتي بس لما اتكلمنا و اتعاتبنا الدنيا هديت و فهمنا بعض لياه كمان قلعت شبكتها و اللي كان بينها وبين عشري كان قوي و كلنا شاهدين عليه و كلنا بلا استثناء جينا علي عشري بس برضوا وقفنا معاه و الاهم من كل ده ليله رجعت عشان عاتبت وسمعت وفهمت حسان وسلمي بعد موقف ليله وعشري علي طول حصل بينهم موقف مش حلو و حسان زعل بس سلمي مسابتهوش و هو مسبهاش ايمي ورشيد جايز برضوا حصل بينهم كده ميدو نادين لو زعلك يا فضل ان مشكلتكم كانت قصادنا فا احنا مننا في بعضنا بتعدي و اهو انا قولتلك علي موقف بيني و بين ايه محدش كان يعرفوا ويمكن انت يا صاحبي مش غلطان لو الكلمه دي بتضايقك نعيمه اللي غلطانه وايه كانت غلطانه وسلمي لما زعلت حسان كانت غلطانه و عشري لما زعل ليله كان غلطان بس الطرف اللي مكانش غلطان عذر و سامح و ادي فرصه تانيه حتي لو كان من جواه مش مقتنع او لسه واخد علي خاطره يعني حتي لو اسباب نعيمه بالنسبالك مش مقنعه وحسيت انها ندمانه او انت فارق معاها عدي و اتمسك مش عيب لو بجد بتحبها
