لقاء كـ،ـ،ـارثي

نعيمه….هرجع والله يا لولي لو لاقيت الوضع مش حلو اكيد هاجي بس هو والله الدنيا تمام بره خلاص ضربوا اللي عايزين يضربوا وخلصت

ليله…..اوووف يا نعيمه بس تابعيني بالموبايل ممكن

نعيمه….حاضر يا قلبي يلا روحوا اتبسطوا بقي و هليني اتفرج علي المسلسل

ليله…..انتي عايزه تتشتمي فعلا روحي يا حيوانه

نعيمه….بضحك باي

قفلت نعيمه معاهم و هي مرعوبه كانت بتحاول تطمنهم وهي اصلا مش متطمنه من الرسايل التحذيريه اللي عماله تيجي علي موبايلها

………

رشيد….ايه قالت ايه و مش عارفه تتكلم ليه

ليله…معرفش هي بتقول الدنيا تمام عندها و انها بخير وفي البيت بس غالباً باعتين رسايل محذرنهم انهم ميتكلموش مش فاهمه اوي بس هي مش عارفه تتكلم فعلا

حسان…..لو فعلا في رسايل تحذيريه يبقي نعيمه لازم ترجع لان كده الوضع مش هيبقي تمام

ليله….انت بتقلقني ليه يعني ايه الوضع مش هيبقي تمام

حسان…..ماهو الرسايل دي معناها انهم مش عايزين الاخبار تنتشر ولا عايزين بلبله و ده يوضح ان الموضوع مش بسيط

سلمي…..يعني ممكن يضربوا تاني

حسان…..ممكن و المشكله لو قفلوا المجال الجوي وقتها نعيمه مش هتقدر ترجع

ايمي… الله يخربيتك يا نعيمه احنا ناقصين توتر

ليله….اقسم بالله هاين عليا اروح اجيبها من شعرها

نادين…..طيب ما هي بجد لازم ترجع هي مستنيه ايه افرضوا فعلا قفلوا المجال الجوي

ايمي…..بغضب وطريقه مضحكه هو انت ساكت كده ليه انت كمان ما تقول حاجه.

ابتسموا الشباب بهدوء

ليله…بهمس استر يارب هتتحول

ضحك عشري وكتم ضحكته

فضل…بص حواليه لقاها بصاله انااا

ايمي….امال أمي يا فضل اه انت قاعد مستمع ليه ما تشارك في الحوار

فضل….ااااه احممم خير ان شاء الله مش هيحصل حاجه

ايمي…..لا يا شيخ ده اللي ربنا قدرك عليه

فضل…ابتسم علي ضحك الشباب ياستي اقول ايه طيب ما انا بقولك خير ان شاء الله

ايمي….اه صح افتكرت انت لسه مصلي يعني دعوتك مقبوله

ضحك سلامه

فضل…..ايه عجبتك يا ظريف

سلامه….بضحك انت مش قادر عليها هتقدر عليا

ايمي…..خد بالك انا مش طيقاك علي فكره

فضل….ليه بس يا ايمي عملت ايه انا الوقت

ايمي….ما المشكله انك معملتش يا فضل معلش بس سؤال كده محشور في زوري و مش هقدر يعني اسكت

فضل….اتفضلي

ايمي…..هي نعيمه مش فارقه معاك يعني عادي كده تعرف ان في قلق وضرب وحرب و قاعد هادي كده