لقاء كـ،ـ،ـارثي
عسال….بهمس احطلك ايه يا قلبي
نادين….لا انت كل انا هاكل كل حاجه قدامي
عسال…..ما انا عارف انك مش هتاكلي في الاخر
نادين….لا والله هاكل يلا كل بقي
ليله….حبيبي طبقك
عشري….ماشي يا قلبي ممكن تقعدي تاكلي بقي انتي
ليله…..هاكل اهو ميدو ممكن تاكل و ملكش دعوه بنادين انا هحطلها
عسال….بابتسامه هاكل والله
رشيد….هو ممكن انتي بقي تقعدي تاكلي و لا هتفضلي واقفه تشرفي كده كتير
سلمي…..بابتسامه لا هتشرف يا رشيد لولي لما كنا بنتعزم عندها مبتعرفش تاكل تفضل واقفه كده
ايمي….ماهي عشان عماله تدوق نفسها اتسدت
بصتلها ليله بصدمه هي والبنات و ابتسموا
بخت ايه من بوقها المايه و ضحكت
ايمي….ابتسمت و بصت بصدمه ايه بوظت الدنيا صح
بصلها عشري بصدمه و برقاها و هو مبتسم و عمال يعض علي شفايفه كانه بيستحلفلها الشباب اتصدموا و عملوا نفسهم عبط وبصوا في طبقهم
ليله….بهمس مسموع اه يا اوطي من الرصييييف
ضحكوا كلهم و كانت حاسه انها اتدلق عليها مايه ساقعه
ايمي…..بضحك اااا لا ماهي بتدوق و تتف
ليله…..زي ما هتف عليكي الوقت يا حيوانه
كلهم ماتوا من الضحك
عشري…بضحك انا بقول تقعدي انتي و انا اقطع
ايمي…..بضحك لا وانا مجنونه اسلمك انت و مراتك السكينه بعد اللي قولتوا
كلهم كانوا مكسوفين بالنيابه عن ليله بس ميتين من الضحك وهي واقفه باصه لايمي و مصدومه و عماله تضحك
بصلها عشري و ابتسم بهدوء
عشري…..ايه صاحبتك حبيبتك
ليله…..معرفه وسخه اقسم بالله
ايمي…..بضحك قربت منها باستها من خدها و هي ميته من الضحك خدي قلبي بس بلاش البصه دي
ليله…..بهمس و هي مبتسمه ده انتي هيطلع عين اللي خلفك يا ايمي الكلب
ايمي…بضحك باست كتفها السماح والرضا ذلة لسان
ليله…..طب ابعدي ابعدي عني مش طيقاكي
قعدت ليله و هي مش باصه لحد و عماله تعض في شفايفها بغيظ و احراج و مبتسمه
و فجأه صوتوا تاني لما سمعوا صوت صاروخ سلامه حدفوا عشان حس انه لازم ينقذ الموقف
ايمي….الله يخرب بيت ام الجنان
سلامه….بضحك بغير الاجواء والله ما كله منك و بسببك
عشري….بضحك جدع ياض و ياريت لو واحد في راس ايمي عشان نخلص
ليله….بغيظ او في لسانها عشان يتقطع
ايمي….اهون عليكي
ليله…اااااه تهوني
رشيد و الشباب كانوا ميتين من الضحك
و البنات فاصلين و محدش عارف ياكل و ايمي واقفه مش عارفه تنقذ الموقف ازاي و ميته من الضحك
