لقاء كـ،ـ،ـارثي

ايمي….اهي قالتلك فضل لو في واحده فينا عندها شك واحد في الميه انك انت السبب في اللي حاصل مع نعيمه مش هنقعد معاك القاعده دي كلامنا معاك يا حبيبي مش هجوم بس برضوا مش صح انك تفضل ساكت خرج اللي جواك و بما انتا قريبين من نعيمه هنفهمك اكتر

عسال…..عاتبها يا فضل العتاب بيريح صدقني يمكن في عتابك معاها يتفتح كلام وتقدر تفهم ليه عملت كده

فضل…..العتاب في الاصل موده يا ميدو بس لو أتقدم لشخص مش بيقدرك او مش باقي عليك بيتحول لقهر بياكل في كرامتك و بتحس وقتها انك بتجري وراء سراب و بتحرق دمك عالفاضي عشان كده لما تقرر تعاتب بجد عاتب الشخص اللي شاري خاطرك الشخص اللي شاريك و فارق معاه منظرك الشخص اللي ميخلكش تحس انك عيبئ عليه عايز يهرب عشان يخلص منه

ايمي….الالتزام في العلاقات مش عيبئ يا فضل ده اساس العلاقه العتاب بيبقي علي قد المحبه ولو حبيتها بجد هتعاتبها مينفعش يا فضل اقولك كلمه وقت غضب و انا مش دريانه بنفسي فا تمشي و تنسحب من حياتي و متسألش او تديني عذر يشفعلي عندك..

صدقني يا فضل مفيش حب مع غياب طويل و لا في صداقه بتعيش من غير تواصل علي قد وجودك في حياة الشخص بتحدد مكانتك و علي قد غيابك مع الوقت المشاعر بتتغير

سلمي….ايمي معاها حق يا فضل اوقات يا فضل بناخد قرارات غلط و بنرجع نندم عليها و يمكن نعيمه كانت مضغوطه من حاجه محدش فينا يعرفها و عشان كده بعددت و اكيد ندمت و بتندم بس يمكن وجودك جنبها و تمسكك بيها يفوقها انما لو غيبت هتتأكد انها كانت عندك شخص عادي وجوده من عدمه مش فارق

فضل…..أتمسك بمين يا جماعه نعيمه لو نفسيتها تعبانه فعلا و قررت تسافر و تبعد حتي من غير ما تحطني في الصوره جايز كنت هزعل وهطين عيشتها بس هي معملتش كده افهموا نعيمه قفلت كل حاجه بأيدها و بعدت خالص بعتتلي اللي كان بيربطني بيها مع نادين و قالتلي مش هكمل و حتي لو زي ما بتقولي يا سلمي ندمت و خدت قرار غلط انا مش محطه يا سلمي تقف فيها وقت ما تحب و تمشي منها وقت ما تحب
مش شخص احتياطي يا سلمي مش هتمسك بنعيمه ولا هجري وراها ادام هي اللي اختارت البعد لو كانت عايزه تفضل في حياتي و وجودي فارق معاها كنت هتمسك بيها بس لو هتمشي هسيبها مش هوقفها لان كرامتي عندي فوق اي مشاعر و للاسف مشاعر نعيمه اكتشفت انها مكانتش حقيقيه