لقاء كـ،ـ،ـارثي

ايمي…..بتتكلموا جد ولا بتهزروا

عشري….طيب ما تطمنوا عليها

سلمي….اه تعالوا نكلمها

حسان….بس الضرب بعيد عن المدينه دول بيضربوا القواعد الامريكيه بس

مسكت ليله موبايلها واتصلت علي نعيمه ڤديو مردتش كانت خايفه تكون ليله قاصده عشان فضل معاهم و خافت ترد

قفلت ليله و اتصلت تاني بس اتصال عادي مش ڤديو وردت نعيمه

نعيمه….ايوه يا ليله

ليله…..بت انتي كويسه في قلق عندكم او ضرب

نعيمه….اااا احم بصي انا تمام بس مش هعرف اتكلم

ليله….يعني ايه مش هتعرفي تتكلمي في ايه يا نعيمه

نعيمه….اممم لولي افهمي مش هعرف

ليله…لا مش فاهمه يعني مش هتعرفي انتي كويسه انتي فين اصلا

نعيمه …لولي اهدي انا في البيت وبخير بس ممنوع يعني نقول حاجه فاهمه يعني في رسايل جات لينا كلنا منتكلمش

ليله….طيب طيب خلاص فهمت طيب ريحيني ايه الاخبار يعني خير

نعيمه….خير والله انا زي الفل وفي البيت اهو

ايمي…..طيب في ضرب عندك

ليله….اسكتي انتي الوقت

نعيمه….قوليلها شويه بس انا تمام

قامت ليله وراحت عند الشباك بس صوتها كان واضح

ليله….طيب بصي عشان انا كده جيبت اخري منك الدنيا مش بخير عندك ولا هتبقي بخير شكلها يعني زي الشاطره كده ترجعي مفهوم

نعيمه….ليله انا بخير والله و الدنيا امان

ليله….بغضب امان ايه و زفت ايه علي دماغك ده جنبك يا غبيه

نعيمه….طيب اهدي احنا في البيت والدنيا امان والله لو في حاجه اكيد هاجي

ليله….هو احنا هنستني لما يبقي فيه

نعيمه…..طيب اهدي و انا هشوف الدنيا كده و لو كده والله هرجع متخافيش بقي

ليله….ماشي يا نعيمه بس خليكي معايا علي التليفون انا مش ناقصه قلق

ايمي…..ايدين البت دي كده

ليله…بس متتكلميش في حاجه

ايمي…..هو انتي عايزه ايه مش فاهمه بجد عايزه اكتر من اللي حاصل هترتاحي لما الدنيا تبوظ اكتر عندك و متعرفيش تيجي

نعيمه….هاجي يا ايمي والله هاجي بس اطمنوا الدنيا بخير وامان و كلنا زي الفل

ايمي…..طيب انا مليش دعوه بكل ده الوقت انتي تيجي و بس

نعيمه….حاضر هاجي

ايمي…..انتي بتاخديني علي قد عقلي

نعيمه….بضحك والله ابداً بس مش عايزاكم تقلقوا

ايمي….امسكي البت دي مستفزه بدل ما اشتمها

ليله…نعيمه عشان خاطري و النبي متوجعيش قلبنا و تعيشينا في قلق ارجعي بالله عليكي