چاسمين

رواية
چاسمين
أميره اسامه
صاحبة البطل الواحد
فتجدهم حيارى مضطربين ليسوا على يقين من أمرهم
البارت الثامن عشر
قبل كام ساعه
بعد ما سهر خلصا مكالمتها مع ياسر روحت علي البيت قعدت اتكلمت مع والدتها و اتعشوا سوا حكيت ليها اللي حصل مع بيري لكن بدون دخول في تفاصيل عن اي حاجه تخص فريد قالت ليها بس الجزء اللي يخص بيري ان عيلتها مطلعوش عيلتها و حكيت ليها اللي حصل من مهيب وعرفتها ان بيري في مكان امن وهي اللي مخبياها.
حزنت امل عليها اوي و فضلت تدعيلها كانت مستغربه فاتن وسعيد احتقرتهم و في نفس الوقت فرحت انها مطلعتش امها لانها عارفه انها لا تصلح تكون ام وبيري تستاهل حياه افضل من غيرها طلبت من سهر انها تخليها تشوفها عشان تتكلم معاها وتقولها انها جنبها لكن سهر رفضت و اتحججت تن ده مش وقته عشان خاطر امان بيري
وبعد كلام كتير بينهم طلعت سهر علي اوضتها وقفت قدام الشباك تشرب سېجاره نور الاوضه كان مقفول و الستاره مغطيه اكتر من نص الشباك بصت سهر علي السماء و فضلت تبص شمال ويمين وفجأه بصت لبعيد شافت عربيه و واقف قدامها اتنين بيشربوا سجاير وبيتلفتوا حوالين نفسهم شكت فيهم من هيئتهم بدل وسماعات علي ودنهم هيئتهم كانت بتقول انهم بودي جارد او امن او تبع حد بيراقبها
حست بالقلق و التوتر وفضلت واقفه كتير علي امل انهم يمشوا او تكون ساءت الظن بيهم او من قلقها حست ان حد واقف مخصوص يراقبها.
لكن مكانوش بيتحركوا شويه يدخلوا يقعدوا في العربيه وشويه وينزلوا وده خلي شكها فيهم يزيد.
خرجت بهدوء من اوضتها كانت والدتها نامت راحت اتأكدت ان الباب مقفول كويس و بصت علي الشبابيك و رجعت تاني طلعت علي فوق لقتهم لسه زي ما هما واقفين قدام العربيه
مسكت موبايلها و طلعته براحه قربت صورتهم ولقطت كام صوره ليهم وبعدين فتحت ڤديو و صورتهم ولأن سهر ذكيه جدا ودماغها مش سهله حاولت علي قد ما تقدر تاخد اكتر من صوره لنمرة العربيه.
قفلت الموبايل و فضلت واقفه يمكن هي جريئه بس مقدرتش تنكر خۏفها وقلقها خصوصا علي والدتها مكانتش تعرف هما واقفين يراقبوا بس و لا عايزين يدخلوا البيت و فضلت سهر علي وقفتها دي لحد ما الصبح طلع
في صباح يوم جديد ملئ بالاحداث.
صحي سعيد من النوم علي صوت المنبه قفاه ولمح فاتن واقفه قدام الشباك.
سعيد…..ايه يا فاتن انتي هتفضلي واقفه كده علي طول ايه مش بتنامي خالص
فاتن…..اجيب النوم منين يا سعيد اللي انا مش قادره افهمه فعلا انت ازاي قادر تنام
سعيد…..ايه افضل صاحي و امو….ت من التعب انا مبقعدش في الشغل يا فاتن و طول اليوم واقف علي رجلي و بعدين لو فضلت صاحي زيك كده ايه اللي هيتغير
فاتن…..علي الاقل يا اخي تطمني نفكر سوا نشوف حل نعمله
سعيد….انا لو لاقي حل كنت اتصرفت من غير ما اقولك يا فاتن بس مفيش حاجه في ايدي اعملها.
فاتن….لا في يا سعيد في حلول كتير فكرت فيها
سعيد….زي ايه قوليلي وانا مش هتأخر
فاتن….زي انك تحاول تعرف مكانهم من رقم موبايلهم او حتي من ارقام عربياتهم
سعيد…ودي اعملها ازاي يا فاتن فكراني شغال في المخابرات صعب يا فاتن و عشان اعمل حاجه زي دي يبقي هحتاج لحد من اللي خالد بيشتغل معاهم و لو عملت كده اكيد هيعرف هو ومهيب باشا وقتها هيسألوا ويعرفوا.
فاتن….طيب نعمل ايه يا سعيد نعمل ايه قولي
سعيد…..مش عارف يا فاتن انا بنام عشان مفكرش كل ما الوقت بيعدي بحس ان نهايتي قربت
انا بقول اتكلم مع خالد بهدوء من غير ما ابوه بعرف واحكيله اللي حصل يمكن يعرف يتصرف
فاتن…..لا والله وانت فاكر ان خالد هيسكت
سعيد…..خالد عارف ان ابوه مش عايز شوشره و عارف كمان انه عايز يخلص من الموضوع ده في اسرع وقت و بيتهيألي هيخاف يقوله اي حاجه عشان ميقلبش عليه
فاتن….لا لا بلاش ده مش حل مضمون خالص
سعيد….بس للاسف مفيش غيره كده او كده هيعرفوا ان مكانش انهارده يبقي بكره بالكتير اكيد مهيب هيحب يعرف رأي بيري وقتها هنقول ايه
في اللحظه دي سمعوا صوت قفل الباب تحت.
فاتن…ايه ده ايه الصوت ده
سعيد…مش عارف يمكن حد من الولاد.
فاتن….طيب تعالي بسرعه نشوف مين.
خرجت فاتن من الاوضه بسرعه و نزل وراها سعيد لمحوا مازن ومريم ماسكـ,ـين في ايدهم شنطهم وداخلين.
سعيد….مازن مريم اخيرا رجعتوا كده يا مازن متردش عليا انت ومريم كنتوا فين يا حبايبي قلقتوني عليكم
فاتن….انت كنت فين انت وهي و فين بيري.
بصلها مازن بقرف وفضل ساكت
فاتن….پغضب انت مبتردش عليا ليه وانتي ساكته ليه
مازن…..بقولك ايه انا مش حمل كلام ومناهده عالصبح عايز اطلع اغير و اخد اللاب توب عشان اروح شغلي
فاتن…..لا والله يعني بعد كل اللي حصل ده و مش عايز تتكلم وبعدين ايه اللي رجعك مش قولت انك مش هترجع غير لو بيري معاك هي فين بقي
مازن….بتسألي عليها ليه تهمك او تخصك في ايه
سعيد….يعني ايه يا مازن يا ابني اكيد تهمنا وتخصنا بيري مهما حصل بنتنا
مريم….بابتسامه ده بجد بنتكم يعني تربيتكم ليها خلت في شعور جواكم انها بنتكم طب كويس والله لو هو كده فعلا اثبتوا
سعيد….يعني ايه نثبت و نثبت ازاي
مريم…اثبت كلامك يا بابا لو فعلا بتعتبرها بنتك و خاېف عليها اتصل الوقت بخالد وقوله معنديش بنات للجواز و اقفل معاه اتصل بمهيب قوله لا عاش ولا كان اللي ېهدد بنتي طول ما انا عايش علي وش الدنيا.
سعيد…..انتي بتقولي ايه يا مريم
مازن…..ايه بتقول ايه بتقول الصح مش حضرتك بتقول انها مهما حصل بنتكم اثبتوا بقي كلامكم ده
فاتن….انت اكيد اټجننت انت وهي و مش عارفين بتقولوا ايه انتوا عايزنا نروح في ستين داهيه
مازن…..اممم معني كلامك ده انك كنتي مستنيه بيري ترجع معانا عشان تكملي اللي كنتي عايزه تعمليه
فاتن…..عندك حل تاني انا بحافظ عليكم يا غبي من شرهم
مريم…..تقومي ترمي بيري بسهوله في شرهم وتضحي بيها صح طيب مش خاېفه ربنا يردلك ده فينا مش خاېفه مثلا ان اليوم اللي تضحي ببيري فيه ربنا ينتقم منك فيا انا ومازن
فاتن…..هو انا هرميها في الڼار دي هتتجوز جوازه متحلمش بيها اي بنت هتبقي الكل في الكل هتملك كل حاجه في ايدها خالد بيحبها وده معناه كبير اوي عمره ما هيخليها محتاجه حاجه هيكبرها معاه و ولادها هياخدوا كل حاجه من مهيب لان مهيب ملوش وريث غير خالد يعني انا مش بضرها انا بأمنها وبحميكم
مازن……يا خساره يا خساره بجد
سعيد….مازن يا حبيبي افهم وبلاش تنشف دماغك امك معاها حق انا اكتر حد يعرف مهيب ده نابه ازرق وهيدمرنا سيبك مني انا وامك انت ومريم هتدفعوا تمن ملكوش دعوه بيه
فاتن…..انا مش هتحمل اشوفك انت واختك تحت رحمة مهيب يا مازن افهمني انا خاېفه عليكم مستقبلكم ھيتدمر صدقني ده الحل الوحيد مفيش غيره
مريم….ليه مفيش غيره
فاتن….لاننا مديونين ليهم بكتير اوي كتير لدرجه لو عملنا ايه
—
مش هنقدر نوفيهم حقوقهم دي
مازن…لا في في حل مناسب و بيتهيألي ده هيريح الكل و هنحافظ علي بير ونحميها ونحمي نفسنا منهم
فاتن…..وايه هو الحل ده بقي يا مازن
مازن…..نرجع كل الحقوق لصحابها الڤلتين اللي اتكتبوا بأسمنا وهيبقوا سبب حبسنا نرجعهم تاني ليه و بكده العقود تتقطع و مش هنبقي مديونين ليه نرجع الڤيلا اللي خدتيها من ورانا نرجع العربيات حتي البيت نسيبه و نشوف بيت صغير علي قدنا نعيش فيه بيتهيألي احنا لحد الوقت في امان في ايه تاني المصاريف اللي صرفها علي تعليمنا طول السنين دي نحسبها و يبقي هو ده الدين الحقيقي هشتغل انا ومريم وبابا ولو حكم الامر حضرتك كمان تشتغلي و نسد الدين ده و كل دفعه نسدها يقطع الشبك بتاعها
فاتن…..ونعيش عمرنا كله ندفع في دين لمهيب
مازن….بس علي الاقل هنعيش راسنا مرفوعه
فاتن…..ونعيش منين احنا لما كل اللي هنشتغل بيه هنسده لمهيب
ايه عايزنا نعيش في مكان شعبي عايزنا نتبهدل في مواصلات عايزنا نسيب كل العز ده و ننزل من سابع سماء لسابع ارض
مازن…..لو ده هيحمي بيري منهم ويحمينا كلنا من السچن والبهدله معنديش اي مشكله اني اعيش في مكان شعبي
فاتن….بس انا مش موافقه و مستحيل اوافق علي حرف من اللي قولته ده طول ما في حل احسن و هو جواز بيري من خالد
مازن…..انتي عارفه مشكلتك ايه انك مش عايزه تخسري اي حاجه ولا تتنازلي عن المستوي اللي انتي عايشه فيه ده و علي اتم استعداد تضحي ببيري في مقابل انك تعيشي نفس العيشه
فاتن….اسمها نعيش كلمت هنعيس نفس العيشه ومش هنخسر اي حاجه
مريم….طيب وبيري يا ماما ايه ذنبها تخسر حياتها عشاننا ليه تشيل الشيله دي كلها وهي مش بتاعتها اصلا
فاتن….مين قال ان الشيله دي مش بتاعتها هي السبب في كل اللي احنا في ده خالد اختارها هي
مازن….پغضب وخالد مش إله ولا نبي عشان يأمر فيطاع ده بني ادم
فاتن…..صح بني ادم بس في ايده كل حاجه و قادر يعمل اي حاجه.
مريم….ليه بتتعاملي مع خالد علي انه ربنا لا يا ماما خالد مش ربنا حضرتك واللي زيك للاسف اللي عمل للناس دي قيمه
سعيد….يا بنتي ربنا خلق الناس درجات
مازن…..والدرجه اللي خالد ومهيب اتخلقوا فيها متديلناش الحق اننا نعظمهم و نحطهم في مكانه مع ربنا ده انتوا ناقص تعبدووووهم
فاتن…..لو حكم الامر يا مازن هنعمل كده
مازن…..باحتقار انتي تعملي كده انما انا عمري ما هركع غير للي خالقني حتي لو روحي في ايد مهيب وخالد
فاتن….مش هيسيبوك يا مازن
مازن….اخر همي ولا فارق معايا انا هعمل اللي عليا هسلم الڤلل بتاعتي وبتاعت مريم ليهم علي يد محامي عشان اضمن حقي و هديهم العربيات كمان
فاتن….لا مش هتعمل كده لان لو عملت كده تبقي بتكتب نهايتنا بايدك و قتها هيعرفوا السبب ومش هنشوف النور بعد كده
مازن…كان نفسي توافقوا علي كلامي كان نفسي تثبتوا حسن نواياكم وقتها مكنتش هتخلي عنكم ابدا
فاتن….انا مش عايزه كلام فارغ بيري فين يا مازن تعرف مكانها ولا لا
مازن….بابتسامه ڠضب اه اعرف مكانها واه انا اللي مخبيها عن عيون الكل و محدش فيكم هيقدر يوصلها اختي هحميها وبطريقتي و يوم ما تقدروا توصلوا ليها يبقي بتوصلوا لروحي معاها عارفه ليه عشان يوم ما خالد او مهيب يفكروا يقربوا منها هقـ,ـتلهم بس لازم تعرفي اني لو مقدرتش هما ھيقـ,ـتلوني اتمني وقتها تبقي مبسوطه بحمايتك لينا و تبقي مبسوطه بالعز والفلوس
فاتن…..مازن متعملش فيا كده انا امكككك و خاېفه عليك
مازن….للاسف انتي متعرفيش حاجه عن الامومه و متعرفيش تخا..في غير علي نفسك و بس
فاتن….هترجعها يا مازن لو مش بمزاجك هيبقي ڠصب عنك انت فاااااهم بيري هترجع واللي قولته هيتنفذ ڠصب عن عين الكل .
بصلها مازن بحزن وسابها بتتكلم وتصر..خ في وشه هو ومريم وطلعوا وسابوها.
سعيد…بهدوء فاتن اهدي شويه اللي بتعنليه ده مش هيحل ده هيعقد الامور اكتر
فاتن….عايزني اعمل ايه انت مش سامع كلام ابنك
سعيد….سامع بس العند مش هيوصلنا لحاجه مازن شاب و دمه لسه حامي شايف نفسه كبر وبقي راجل و شايف انه من حقه يحمي اخوانه بطريقته كل ما هتعندي معاه هيعند معاكي اكتر
فاتن….امال اقوله انت صح وموافقه انا حتي لو عملت كده عشان يصدقني ابنك مش هيعرفنا طريقنا غير لو عملت اللي قالك عليه تتصل بخالد وبمهيب و تعمل كل اللي قاله وقتها يبقي يعرفنا مكانها
سعيد…..مش كده يا فاتن بس علي الاقل نحسسه اننا هنفكر في كلامه نحسسه اننا شايفين انه معاه حق لكن طريقتك دي هتخسرنا كتير وهتضيع من ايدنا الوقت
فاتن …وقت ايه هو بقي في وقت يا سعيد احنا انتهينا خلاص
سعيد….ولا انتهينا ولا حاجه ابنك الوقت رايح الشغل عارفه ده معناه ايه
فاتن…..معناه ايه ان شاء الله
سعيد….معناه ان ابنك لو كان عايز يعمل اللي قاله ده فعلا يرجع الڤلل والعربيات ويشتغل ويجيب فلوس كان اول حاجه عملها ساب الشغل عند خالد خالص لكن هو لسه بيشتغل معاه يعني كل اللي قاله ده مجرد فرد عضلات مش اكتر عشان يحس بروحه انه كبر وليه كلمه خديه علي قد عقله يا فاتن و شطارتك بقي تأثري علي مريم و احنا مش هنا و انا عارف ان مريم هتخاف وهتقولك كل حاجه.
فاتن….وافرض مقالتش
سعيد…هتقول يا فاتن انا عارف انك هتقدري
فاتن…..تمام يا سعيد لما نشوف اخرتها بس لو منطقتش محدش يلومني علي اللي هعمله
سعيد….ابقي اعملي يا ستي اللي انتي. عيزاه
فاتن….ماشي يا سعيد خليني معاك للاخر.
خرجت سهر من الحمام بعد ما لبست وغيرت هدومها بصت من الشباك لمحت العربيه لسه واقفه وقبل ما تسيب الشباك عشان تكمل لبسها لمحت عربيه تانيه جات وقفت رجعت تاني بسرعه وبصت عليهم لمحت شابين تانيني بيسلموا علي اللي كانوا واقفين و خدوا العربيه ومشيوا
واللي لسه جايين وقفوا بدالهم.
سهر…..بهمس حلو اووووي انتوا بتبدلوا كمان
طلعت موبايلها و صورتهم من بعيد و صورت كمان ارقام العربيه التانيه.
سهر…..لما نشوف بقي انتوا تبع مين وعايزين ايه
خلصت سهر لبسها و نزلت علي تحت كانت والدتها لسه صاحيه من النوم.
سهر….صباح الخير يا ست الكل
امل…..صباح النور ايه ده انتي خارجه فين عالصبح كده
سهر….اكيد يعني مش هسيب بيري لوحدها يا اموله انتي عارفه ان حالتها زي الزفت واكيد هي محتجاني جنبها الفتره دي
امل….ايوه يا بنتي بس هتخرجي الوقت علي الاقل افطري الاول لسه بدري يعني
سهر…معلش يا ست الكل هي رافضه تاكل اصلا خليني اخدلها فطار و افطر معاها
امل….طيب يا سهر اللي تشوفيه بردوا مش هتاخديني معاكي
سهر ..قولتلك بقي يا ست الكل مش وقته خليني اطمن عليها في الاول
امل …ماشي يا سهر سلمي عليها طيب و خدوا بالكم من نفسكم
سهر….حاضر يا حبيبتي يوصل متقلقيش يلا سلام
امل….سلام يا حبيبتي
خرجت سهر من البيت و هي لابسه النضاره كانت بتشوفهم من غير ما تلفت نظرهم انها شيفاهم
كانوا جوه العربيه بس لاحظت انهم شافوها وفضلوا مركزين معاها.
ركبت العربيه و عدلت المرايا و طلعت من قدام البيت بس فضلت العربيه
—
في مكانها استغربت انهم مطلعوش وراها لكن في نفس الوقت كانت مرتاحه عشان تقدر تروح علي بيت فريد.
فضلت طول الطريق عينها علي المرايا و تدخل من شارع وتخرج من شارع عشان تطمن ان مفيش اي عربيه بتلاحقها.
وفعلا مكانش في اي عربيه وراها بس حست بقلق علي والدتها خاڤت يكونوا مستنين خروجها عشان يعملوا في والدتها حاجه مسكت الموبايل بسرعه واتصلت عليها تطمن انها بخير.
امل….الووو ايوه يا سهر
سهر….ايوه يا حبيبتي
امل….ايه نسيتي حاجه ولا ايه
سهر….لا خالص انا بس بتصل عشان أكد عليكي لو الست اللي اسمها فاتن دي جات و سالت عني او عن بيري اوعي تقعي في الكلام يا اموله
امل…..هو انا عبيطه يا سهر اكيد لا طبعا مش هعمل كده
سهر….انا عارفه يا حبيبتي بس حبيت اقولك مش اكتر اصل انا متوقعه حركاتهم دي هما عارفين ان بيري قريبه مين واكيد هتبقي معايا او اعرف حاجه عنها عشان كده خاېفه حد يجي
امل….لا مټخافيش مش هتكلم اقولك حتي لو حد جه وخبط مش هفتح خالص
سهر….ياريت يا اموله انا كده كده معايا مفتاح احسن بردوا متفتحيش احد خالص عشان ميبقاش باين عليكي انك مخبيه حاجه
امل….ماشي يا حبيبتي اطمني
سهر….لما اوصل هكلمك تاني
امل…اه كلميني عشان اكلم بيري واعرفها انك مرضتيش تاخديني معاكي
سهر….بتفتني عليا يا اموله
امل…..لا والله بس عشان البنت متزعلش وتفكر اني مقصره معاها
سهر…لا متقلقيش بيري فاهمه كل حاجه
امل….ماشي يا حبيبتي
سهر….يلا خلي بالك من نفسك سلام
امل….سلام يا حبيبتي
قفلت سهر ورجعت تاني بعينها علي المرايا طول الطريق.
في منزل فريد.
كانوا نايمين من بليل علي نفس وضعهم بيري سانده راسها علي كتفه وهو ساند راسه علي راسها وقدر نايم علي رجل بيري
قلق فريد حس ان في حاجه علي كتفه فتح عينه بهدوء و رفع راسه براحه لمح بيري نايمه علي كتفه اټصدم بس رجع ابتسم بهدوء لما حس انه نام هو وهي من غير ما يحسوا مش فاكر امته نام ولا كانوا بيقولوا ايه
لمح قدر علي علي رجلها بصله پصدمه وفضل يشاورله بايده عشان يبعده وينزل
حس ان بيري بتتحرك رجع راسه لوراء بسرعه وعمل نفسه نايم عشان متتحرجش.
فتحت بيري عينها بهدوء و قامت بسرعه من علي كتفه قبل ما يقوم و يشوفها وهي نايمه عليه.
بيري…بهمس مسموع احممم انت نمت انت كمان يا قدر يلا انزل بسرعه انزل قبل ما يصحي بلاش تضايقه وتخوفه يلا روح من هنا.
ابتسم فريد من غير ما تشوفه و اكتر حاجه فرحته انه قدر سمع الكلام ونزل.
بيري….اااا فريد فريد
فريد…امممم
بيري….فريد قوم يلا
فتح فريد عينه وبصلها
فريد….صباح الخير
بيري….صباح النور
فريد…هو احنا نمنا هنا ولا ايه
بيري….بتوتر اااا لا انا لسه نازله من فوق بس انت شكلك نمت هنا
سكت فريد شويه و عمل نفسه مصدقها عشان كام باين عليها التوتر.
فريد….ااا مش عارف نمت ازاي
بيري….طيب يلا اصحي عشان زمانهم جايين مش انت قوات ان سهر جايه
فريد….اه ياسر قال كده انا هطلع اخد شاور واغير يكونوا وصلوا
بيري….طيب وانا كمان هفطر قدر واطلع
فريد….ماشي
طلع فريد وهو مبتسم و دخل علي الاوضه بتاعته.
دخلت بيري بتوتر علي المطبخ حطت الاكل لقدر و بعدين طلعت علي فوق.
عشر دقايق و وصل بلال الجو كان هادي راح علي المطبخ من غير ولا كلمه يحضر فطارهم فضل يلاعب قدر شويه و يطبطب عليه و رجع كمل تجهيز الفطار.
دقايق وسمع صوت جرس الباب
بلال….ايوه
قرب من الباب بص من العين السحريه شاف ياسر فتح علي طول
بلال….صباح الفل
ياسر….صباح الخير لسه جاي ولا ايه
بلال…يعني من عشر دقايق كده
ياسر…..فريد صحي
بلال….مش عارف بس اكيد يعني انت عارف فريد مواعيده مظبوطه الوقت ينزل
ياسر….طيب
بلال…..هتفطر ولا فطرت
ياسر….لا انا عايز بس قهوه
بلال….فطرت ولا لا يعني
ياسر….لا ياعم مليش نفس عايز قهوه بس
بلال….لا يا حبيبي مفيش قهوه غير بعد الفطار
ياسر….لا بقولك ايه انت فاكرني فريد.
جه صوت غريد من وراهم
فريد…ماله فريد
ياسر….بابتسامه باشا مصر طبعا
بلال…جبان
ياسر….خليك في حالك يا سوسه
وانت يلا اعمل القهوه
بلال…قولت مفيش قهوه غير بعد الفطار
ياسر….ماله الواد ده بيتعامل معانا ليه علي انه امنا
فريد…متحاولش مع بلال عشان مش هتعرف انا حاولت كتير وفشلت ده عملي الاسود في الدنيا
بلال…..انا الحق عليا والله خاېف عليكم القهوه علي معده فاضيه خطړ خصوصا لو بن اصلي
ياسر…و الله الواحد احتار معاك انت مهندس برمجه و لا مدرب و لا شيف ولا دكتور تغذيه.
فريد….بلال بيلعب في كل حاجه
ياسر…..بضحك بيلعب في كل حاجه ازاي
بصله فريد وضحك
بلال…..اه بتحدفوني لبعض علي الصبح وقلبت معاكم بقلة ادب
فريد…انا مالي انا فتحت بوئي
بلال….ما انت اللي بتقول بلال بيلعب في كل حاجه
فريد….بضحك اقصد شاطر يعني
ياسر…..غمز وهو بيضحك شاطر اوي .
بص بلال لفريد وهو رافع حاجبه
فريد….انا مالي يا عم خاېف عليه وعايز تفطره وهو مطلعك مسرح
بلال….اعمل ايه في قلبي الحنين
ياسر….طب يلا خلص بلاش رغي خلينا نشوف اللي جايين عشانه
فريد….صحيح فين سهر
قرب قدر من رجل ياسر مد ايده و طلعوا علي رجله و طبطب عليه
ياسر….والله ما عارف هي امبارح لما كلمتني قالت انها هتيجي بدري زمانها جايه
فريد….طيب تمام
ياسر….صحيح ايه اخبار بيري
فريد….احسن شويه بس طبعا لسه محتاجه وقت عشان تتحسن
ياسر….اكيد المهم هي في فتره صعبه مينفعش تتساب لدماغها زي ما قولتلك
بلال….ان شاء الله هتبقي كويسه
فريد….ماشاء الله ايه الحنيه اللي نطت منك دي ما كنتوا عاملين زي توم وچيري في الاول
بلال….صراحه مكنتش طايقها بسبب البهدله اللي عملتها في المطبخ اول مره جات وقولت لازم اعلن عليها الحړب بس صعبت عليا اوي بجد
ياسر….القط ده شكله جعان
بلال….لا كان بياكل الوقت ولسه في اكل في طبقه.
فريد…..بيري حطتله اكل من شويه
نزلت بيري في الوقت ده وقربت منهم بابتسامه هاديه
بيري….صباح الخير
بلال….صباح النور
ياسر…اهلا صباح الفل يا بيري تعالي شوفي صاحبك عمال يلعب معايا
بيري….بابتسامه شكله حبك
ياسر….انا كمان حبيته اوي و واضح ان مش انا بس اللي حبيته بص لفريد وضحك
فريد…بقولك ايه متحاولش هااا
بيري….فريد علاقته بقدر من بعيد لبعيد
بلال….بابتسامه مش من بعيد لبعيد اوي يعني
بصله فريد ورفع حاجبه وعرف انه بيلمح علي المره اللي شافه بيتنطط منه.
فريد….مش بخير انت انهارده مش عاجبني
بلال….بضحك انا عملت حاجه
ياسر…..في ايه
فريد…لا مفيش بلال شكله لسه مفوقش بس
ياسر….خد بالك لو قام عليك مش هحوشك منه
بلال….بضحك لا خلاص انا سكت
بيري كانت باصه عليهم ومبتسمه علاقتهم وهزارهم مع بعض فكروها بعلاقتها مع سهر واخواتها وملك وامجد.
ياسر…..طمنيني عليكي يا بيري عامله ايه الوقت
بيري….الحمد لله بخير بحاول اتأقلم مع الوضع الجديد
ياسر…..بس انا شايف قدامي حد قوي و هيقدر يتأقلم بسرعه
بيري….هو يمكن الموضوع مش سهل بس لازم احاول
ياسر….الشده يا بيري والمواقف الصعبه هي اللي بتخلق شخصية اي بني ادم و يا اما تخليه بني ادم وحش اوي يا اما تخليه بني ادم جديد و انا عار ان المحنه اللي انتي فيها دي تخرجك بني ادمه تانيه اقوي و ليها شخصيه جديده و هي دي دروس الحياه
بيري….بس دروس الحياه طلعت صعبه اوي
ياسر…..ده حقيقي بس عن تجربه وخبره كبير اللي هتتعلميه في الدنيا لا يمكن تتعلميه في مدارس او جامعات دروس الدنيا هي اللي بتخلق البني ادم و تكون
—
شخصيته و علي قد ما بتكون صعبه بس انا عن نفسي بحبها لاني عمري ما بخرج من درس في الحياه الا وانا متعلم حاجه جديده بتخلي طريقه تفكيري تكبر وتنضج و بتخليني اقدر بعد كده اتعامل مع اي موقف يحصلي
بيري….يمكن كلامك صح بس الموقف اللي انا فيه حاسه انه خلاني مش هقدر اتعامل مع اي موقف في حياتي حتي لو كان بسيط .
ياسر….بالعكس مين قالك كده انتي بس عشان لسه تحت تأثير الصدمه الموضوع لسه جديد عليكي كام يوم و هتبدأي تتأقلمي و كام اسبوع هتتعودي و كام شهر و هتنسي و تبدأي حياه جديده
بيري….حياه من غير عيله يا استاذ ياسر
فريد كان باصص لها و سايبها تتكلم مع ياسر و تخرج اللي جواها و مبتسم ليها بهدوء.
ياسر….عادي يا بيري في ناس كتير ملهاش اهل وقادر تمشي حياتها و بعدين فكرة من غير عيله دي انتي بس اللي تحدديها.
بيري…يعني ايه انا بس اللي احددها
ياسر….يعني انتي الوقت عرفتي ان اهلك مطلعوش اهلك بس ده ميمنعش انك قضيتي عمرك كله معاهم و مش سهل تخرجيهم من حياتك و بعد ما عرفتي الحقيقه انتي الوحيده اللي تقدري تقرري هتكملي في حياتك من غيرهم كا عيله ليكي او لا.
بيري…..طيب لو انت مكاني هتعمل ايه
ياسر…..مقدرش احط نفسي مكانك بمجرد تخيل لان حكمي علي الموقف هيبقي حكم ظاهري لازم اكون بمر بنفس تجربتك عشان اقدر اقول اللي جوايا و بيعبر فعلا عن اللي جواكي
ابتسمت بيري بهدوء وبصت لفريد.
بيري….واضح انكم صحاب اوي
فريد…بابتسامه يمكن صحاب اوي بس ده ميمنعش انه كلام عقلاني
ياسر….بابتسامه تقصدي ايه
بيري…لا اصل فريد قالي نفس الكلام تقريبا
ياسر…..ماهو ده الصح انا ممكن اقولك هعمل كذا وكذا وكذا و حاسس بده وده وده بس لما اجي واتحط في نفس موقفك معملش اي حاجه من كل الكلام ده ورد فعلي يكون مختلف تماما
بلال….اسف عالمقاطعه اولا يلا الفطار جاهز ثانيا يعني عايز اقول حاجه.
فريد…يلا يا بيري يلا يا ياسر عشان نفطر .
بيري….حاضر
ياسر….بضحك متستأذنش يا راجل ده انا ما بصدق تنطق.
بلال….لا اصل عندي نقطه مهمه في الموضوع ده
بيري….قول يا استاذ بلال
بلال….مبدأيا كده بلاش استاذ دي خليها بلال بس.
ياسر….اه وانا كمان خلينا نرفع الالقاب دي خالص.
بيري….بابتسامه تمام
قعدوا علي السفره وبصوا لبلال
بلال….بصي يا بيري فريد وياسر كلامهم صح جدا بس عايز اقولك نقطه مهمه ودي من وجهه نظري معرفش اذا كان صح ولا لأ يعني حتي لو حد فينا في نفس موقفك وارد جدا ردود افعالنا تبقي مختلفه.
بيري….يعني ايه
فريد…بلال يقصد ان صډمه اي موقف ليها رد فعل مختلف لكل شخص
بلال….بالظبط وزي ما قال ياسر الموقف اللي انتي فيه او اي موقف صعب عموما في شخص ممكن يخرج منه حد ناضج و يغير فيه للأحسن وفي شخص ممكن يخرج من الموقف ده شخص تاني سئ جدا.
في شخص ممكن يعيش في اكتئاب و يفضل الموقف مأثر عليه في كل مواقف حياته ويبقي ضعيف ومهزوز وفي شخص يخرج واقف علي رجله
اللي عايز اقوله ان نفس الموقف لو اكتر من شخص مروا بيه اه هيحسوا بنفس الۏجع و لو واحد وصف شعوره التاني هيحس بيه جدا لانه مر بنفس التجربه بس الاكيد ان ردود افعالهم هتكون مختلفه
بيري…..طيب انا فهمتك بس يعني لو قولنا انكم مريتوا بنفس الموقف هتتصرفوا ازاي
بلال…..صدقيني انا مش عارف وقتها هعمل ايه ابقي كداب لو قولتلك هحس بكذا او هعمل كذا بس الاكيد اني هزعل هضايق هتصدم انما بعد الصدمه و الحزن هعمل ايه مش عارف.
بيري….طيب وانت يا فريد
فريد….بعيد عن الزعل والصدمه و كل ده يمكن طريقه تفكيري هتكون مختلفه شويه يعني انا من الناس اللي هتحاول تعرف ليه الكدبه اصلا طولت بالشكل ده و هحاول اوصل لاهلي الحقيقين علي الاقل اعرف ليه سابوني او ازاي اصلا بعدت عنهم كان بمزاجهم ولا ڠصب عنهم
والاهم ان الاطراف اللي ملهاش دعوه بالموضوع مش هاخدهم بذنب اللي كان يعرف يعني اخواتك ملهمش دعوه يا بيري خرجيهم بره الدايره دي هنا اخواتك اللي اتربيتي معاهم وهيفضلوا اخواتك
بيري….دي حاجه مفروغ منها يا فريد انا مقدرش استغني عنهم ولا اقدر اخرجهم من حياتي و واثقه انهم ملهمش علاقه بكل ده ولا حتي كانوا يعرفوا حاجه لان صدمتهم مكانتش تقل عن صدمتي.
فريد…..بالظبط
بيري….طيب وانت يا ياسر
ياسر….اول حاجه هكون من جوايا راضي بالاختبار اللي ربنا حطني فيه لاني لو من جوايا مكنتش راضي عمري ما هعرف اعيش جزء كبير اوي من استمرار حياه اي بني ادم هو الرضا يا تعيشي حياتك كلها رافضه كل اللي بيحصلك و بالتالي هتعيشي في تعاسه واكتئاب و حزن طول الوقت يا تعيشي راضيه و تسيبي كل حاجه في ايد ربنا يعني بما انه حطك في الموقف ده فاهو في ايده ترتيب حياتك بالصوره اللي هو شايفها ليكي احسن
مفيش حاجه بتحصلنا يا بيري الا لو كان ليها سبب وسبب قوي كمان يعني في حكمه في الموضوع في طريق افضل ليكي في حياه تانيه مستنياكي في تغيير في مسار حياتك بسبب الموقف ده ازعلي و اټصدمي بس لازم الزعل و الصدمه مياخدوش معاكي وقت طويل لا تقومي و تشوفي بقي الموقف اللي انتي بتمري بيه ده هيرسي علي ايه
بيري….يعني عايز تقنعني انك هترضي و تسيبك كل حاجه زي. ما هي ربنا يمشيها
ياسر….انا كا ياسر هعمل كده بس بردوا هعمل بعد كده زي ما قال فريد هحاول افهم اعرف ادور علي الاقل اعرف اهلي الحقيقين سابوني بمزاجهم او ڠصب عنهم دوروا عليا و لا مفرقتش معاهم
عشان مظلمهمش و كمان عشان مظلمش اهلي اللي ربوني قبل ما احكم عليهم يعني هنا هبوا عليكي كل السنين دي قبل ما اظلمهم اعرف خبوا ليه كانت نيتهم سليمه و لا كانوا قاصدين فهمتي يا بيري
بيري….بهدوء فهمت بس انا معرفش اهلي مين و لا حتي عرفت اسمهم
ياسر…نص الحقيقه عرفتيه يا بيري و اللي باقي اسهل يعني اللي خلي السر ده يتكشف بعد السنين دي كلها اكيد باقي السر هتعرفيه.
بيري…..بس انا واثقه اني هتعب اوي عشان اعرف ده لو حد فيهم رضي يقول اصلا
فريد….هتعرفي يا بيري حتي لو هنا رفضوا يقولوا انا هعمل كل اللي اقدر عليه عشان اعرف اي معلومه توصلنا بأهلك
بلال…..معلومات زي دي مبقتش صعبه يا بيري يمكن مش بسهوله نقدر نوصلها بس كمان معلومه بسيطه اوي تقدر تخلي الموضوع سهل.
بيري…..معلومه زي ايه طيب انا سألت علي اسم امي وابويا محدش فيهم رد كل اللي قالوا ان امي كانت من الصعيد و خاڤت من اهلها عشان كده هربت بيا.
بلال….و يمكن تكون المعلومه دي مش صح اصلا
بيري….تقصد ان امي ممكن متبقاش من الصعيد
بلال…..ممكن بس في معلومه اهم بيتهيألي دي هتفيدنا اوي
بيري….معلومه ايه
بلال….هو مش والدك قال انه كان متجوزها في الاول
بيري….ايوه قالوا كده
بلال….خلاص سيبيها عليا دي انا هجيب تاريخ جوازه
—
الاول و هعرف بسهوله اوصل لاسم الام
فريد…و تفتكر الموضوع سهل كده ما دي معلومه سهل اي حد يجيبها
بلال…..والله لو طلع ان اول جوازه ليه هي الست اللي. معاه الوقت يبقي الموضوع في كدبه تانيه
ياسر…..بقولك ايه هو قال انه كان متجوزها رسمي او عرفي او جاب سيرة الطريقه اللي اتجوزها بيها
بيري…..لا هو قال اتجوزها وبس معرفش هي تفرق
ياسر…تفرق اكيد بس سيبي الموضوع ده عليا و انا هقدر اجيب من المحكمه ورق يثبت اي جوازه والدك اتجوزها انتي بس ابقي عرفيني اسمه بالكامل
بيري….طيب تمام هقولك
رن جرس الباب في الوقت دي .
بيري….دي اكيد سهر
بلال….ايوه
قرب بلال من الباب بص من العين السحريه وفتح لسهر الباب.
سهر…..صباح الخير
بلال….صباح النور اتفضلي
دخلت سهر وهي باين عليها الارتباك وبتبص وراها
بصتلهم كلهم وهما قاعدين
سهر…..صباح الخير
الجميع….صباح النور
سابتهم سهر وراحت بسرعه علي الشباك بصت منه.
بيري…..في ايه يا سهر
ياسر…..خير يارب مالك داخله بتتلفتي كده ليه.
فريد…في حد كان مراقبك ولا ايه يا سهر
سهر…..لا بس لحظه كده
مسكت موبايلها واتصلت علي والدتها تطمن عليها و تعرف حد خبط عليها ولا لا
امل….الووو
اتنهدت سهر براحه كلهم كانوا ملاحظين توترها.
سهر….ايوه يا ست الكل انا وصلت خلاص عند بيري
امل….طيب يا حبيبتي طمنيني هي عامله ايه
سهر….بخير متقلقيش عليها هفطرها الوقت و هظبطها متقلقيش
امل….خلاص سلمي عليها و لما تفطر و تفوق كده ابقي اكلمك عشان اكلمها
سهر….ماشي يا حبيتي بقولك ايه الوضع تمام مفيش حد جه
امل….لا خالص مفيش يا حبيبتي وبعدين هو مين هيجي بدري كده متقلقيش زي ما قولتلك لو حد خبط مش هفتح اصلا
سهر…ماشي يا حبيبتي شويه واكلمك ولو في حاجه ابقي كلميني بردوا
امل….ماشي يلا خدوا بالكم من نفسكم
سهر….حاضر يا ست الكل يلا سلام.
امل….سلام.
قفلت سهر الموبايل و هي بتاخد نفسها.
سهر….اووووووف انا عايزه اشرب مايه بسرعه.
بلال….حالا
ياسر….انتي كويسه
بيري….سهر مالك.
سهر….هحكيلكم بس شربوني
فريد…طيب اقعدي كده واهدي انتي فطرتي الاول
سهر….لا بس مش جعانه
ياسر….تعالي بس اقعدي هنا كده و قولي في ايه
قرب بلال منها واداها كوبايه مايه خدتها منه وشربت و بعدين حطت الكوبايه وبصتلهم
بيري….في ايه يا سهر مالك
سهر….بتنهيده انا متراقبه !
فريد….متراقبه ازاي يعني
ياسر….اوعي تقولي ان في حد كان وراكي انا قولتلك امبارح لو ده حصل متجيش علي هنا
سهر….لا خالص اطمن و ده اصلا اللي انا مستغرباه.
فريد…طيب براحه كده اهدي و احكيلنا حصل ايه
سهر….امبارح بعد ما رجعت وقفت قدام الشباك لمحت اتنين رجاله شكلهم غريب يعني بدل سوده وسماعات وعربيه سوده شكيت فيهم شويه ينزلوا يتحركوا ويبصوا علي البيت وشويه ويركبوا معرفتش انام خۏفت يكونوا حابين الجو يهدأ و يدخلوا عليا انا وامي لحد ما النور بدأ يطلع اطمنت دخلت لبست ورجعت بصيت عليهم لمحت عربيه شبه عربيتهم وقفت نزل منها اتنين بنفس مواصفاتهم سلموا علي بعض و الاتنين اللي كانوا موجودين بليل مشيوا ودول وقفوا مكانهم عرفت وقتها انهم بيبدلوا
بيري….طيب وانتي عرفتي ازاي انهم بيراقبوكي ما يمكن واقفين عادي
سهر…..واقفين عادي دي لو اتنين بس اللي واقفين مش اتنين يفضلوا طول الليل واتنين الصبح
بيري….طيب ما يمكن بيراقبوا حد تاني
سهر….هيراقبوا مين كل الناس اللي حواليا ناس عاديه مفيش منهم قلق و بعدين اشمعني الوقت ده بالذات كمان هما مش باصين غير علي البيت عندي اكيد دول تبع الناس اللي وقفت البرنامج
ياسر….طيب متأكده انهم مطلعوش وراكي
سهر….ايوه انا لحد ما وصلت اخر الشارع العربيه كانت زي ما هي عشان كده قلقت علي امي خۏفت يكونوا مستنين اخرج و يدخلوا عليها بس كان الوضع هادي و عشان كده كلمتها الوقت اطمن انها بخير
بيري…طيب لما هما بيراقبوكي ليه مطلعوش وراكي و ليه مدخلوش البيت لما انتي مشيتي
سهر….ده اللي انا مش فهماه
فريد….اكيد في سبب يا سهر يمكن الناس دي اصلا ملهمش علاقه بالبرنامج
سهر…..امال هيكونوا مين
فريد….يمكن حد تبع اللي اسمه خالد ده و بيراقبوا البيت مش اكتر وعايزين يتأكدوا ان بيري مش عندك
سهر….انا فكرت في كده بس رجعت قولت مستحيل
بيري….ليه مستحيل كلام فريد صح
سهر….لا مش صح لان لا خالد ولا مهيب عندهم فكره اصلا انك مش في البيت و ده اللي كنت جايه اتكلم معاكم فيه محدش عرف اي حاجه فاتن هانم مخبيه اللي حصل علي امل انك ترجعي اخواتك حكولي كل حاجه كمان عايزه اقولك اني ظلمتهم كنت ناويه اطلع عينهم بس طلعوا سايبين البيت هما كمان لما دوروا عليكي ومعرفوش يوصلوا ليكي
بيري….سابوا البيت !!
سهر….اه هحكيلك كل حاجه بس الاول خلينا في موضوع الناس دي انا عملت حاجه معرفش اذا كان ليها لازمه ولا لأ
ياسر….عملتي ايه
سهر….صورتهم وصورت ارقام العربيات كمان
فريد….براڤو عليكي و رينا كده
فتحت سهر الصور و مدت ايدها بالموبايل لفريد كلهم بصوا معاه فضل يقلب براحه ويكبر الصور
فريد…..بلال هات ورقه وقلم واكتب ارقام العربيات
بلال…..حالا
سهر….تفتكر ارقام العربيات دي هتوصلنا لحاجه
فريد….اكيد دول حراسه لحد فيهم و العربيات دي اكيد تخص اللي باعتهم و اكيد الارقام دي هتبين في المرور تبع مين
سهر….طيب حلو اوي
ياسر….بس انا مش مطمن علي فكره
سهر….من ايه بالظبط
ياسر…. انتي بتقولي انك واثقه ان خالد ومهيب ميعرفوش ان بيري سابت البيت معني كده ان دول مش واقفين عشان يشوفوا بيري عندك ولا لأ
سهر …ايوه واثقه
ياسر….طيب يعني الناس دي مراقبينك بخصوص الحلقه و الملام اللي قولتيه هما فضلوا وراكي لحد ما وقفوا البرنامج و حولوكي للتحقيق و وقفتهم دي معناها انهم مكتفوش باللي عملوا
سهر….تقصد ايه انت كده بتقلقني
فريد….ياسر معاه حق يا سهر الغريب في الموضوع انهم مطلعوش وراكي واكيد وقفتهم دي ليها سبب
سهر….ده اللي خوفني علي امي بس انا كلمتها قدامكم و كلمتها وانا جايه و هي كويسه
فريد….بردوا لازم تاخدي حذرك كويس جدا هي والدتك عرفت اي حاجه يا سهر
سهر….بصراحه لا محبتش اقلقها لانها لو عرفت مش هتقلق علي نفسها قد ما هتقلق عليا و لو كنت عرفتها مستحيل كانت تسيبني اخرج
بيري….بس بيتهيألي دي حاجه كويسه انهم واقفين ومحدش قرب منها
سهر…..ايوه بس وقفتهم دي غريبه ومش لاقيه ليها تفسير انا بفكر ابلغ ايه رايكم
فريد….هتبلغي تقولي ايه لا بلاش
سهر…طيب اعمل ايه
فريد….خليكي هاديه واتعاملي عادي خالص لحد ما انا اتصرف و اقولك تعملي ايه
سهر….لا مش فاهمه
فريد….شوفي يا سهر معني انهم معملوش حاجه لحد الوقت يبقي هما لسه معندهمش اي تعليمات غير انهم يقفوا ويراقبوكي بس
سهر…..و التعليمات دي المفروض تجيلهم امته
فريد….لا دي انا مش عارفها بس تقدري تقولي هنا حاطينهم كده لو حصل منك اي حاجه تانيه و قتها هما هيتعاملوا
بلال…..طيب افرض مش متسابين عشان كده يا فريد
فريد….ملهاش اي حل غير كده لو المراقبه قاصدين يرصدوا بيها كل تحركات سهر كانوا طلعوا وراها ولو قاصدين انهم يستنوا لما تطلع عشان يأذوا والدتها او يعملوا اي كارت ارهاب ليهم كان بردوا ده حصل لما سهر خرجت و ده ملهوش غير التفسير اللي قولته.
ياسر….فريد معاه حق يا جماعه عموما احنا لازم نبقي سابقينهم بخطوه و نعرف مين الناس دي
علي الاقل نعرف مين هما اللي كلام سهر في
—
حلقتها اثر فيهم كده.
بلال…..صح يا ياسر دي اهم نقطه نعرف مين اللي فارق معاه كلام الحلقه ودي بقي سيبوها عليا انا هعرف مين
فريد….خدوا بالكم الفتره الجايه عندنا شغل كتير و في حجات اكتر لازم نتفق عليها
سهر….زي ايه يا فريد
فريد….اول خطوه لازم نأمن نفسنا كويس و نأمن الناس اللي حوالينا
سهر….ودي نعملها ازاي هنمشي بجاردات و نقلق اهالينا
فريد….اكيد لا بس في مرحله هتيجي لازم يعرفوا عشان يبقوا معانا عالخط بس طبعا لسه مش الوقت لان قلقهم ممكن يبوظ كل حاجه.
ياسر….طيب انا كمان حابب اقترح حاجه واخد رأيك يا فريد بس قبل ما اقولها خلينا الاول نسمع من سهر اللي كانت عايزه تقوله بخصوص مقابلتها مع اخوات بيري و ولاد رأفت الباشا.
بيري…..ايوه صحيح يا سهر ايه اللي حصل .
سهر…..هحكيلكم
وبدأت سهر تحكيلهم كل حاجه حصلت من بعد ما بيري سابت البيت.
في منزل رأفت الباشا اتجمعوا علي الفطار كالعاده.
لكن ملامح رأفت كانت مختلفه عن كل يوم ملامح صارمه و حاده وحتي هناء كان باين عليها التوتر و الڠضب البسيط.
ملك…أمجد انت فاضي انهارده
أمجد….يعني علي حسب في ايه
ملك….كنت عيزاك تيجي معايا بخصوص الجاليري اللي كنت حابه اعمله في مكان قدامي حلو اوي بس عيزاك تشوفه
أمجد….لو ينفع نروح الوقت قبل شغلي انا فاضي ايه رايك
ملك…..طيب تمام حلو اوي بس هتستني البس بس بسرعه
امجد….لا عادي خدي وقتك
رأفت…..جاليري ايه يا ملك
ملك…..الجاليري يا بابي اللي كان نفسي اعمله حضرتك نسيت ولا ايه انا قولت لمامي تقولك حضرتك نسيتي تقولي لبابي ولا ايه.
هناء….لا قولتله بس الكلام ده من فتره
رأفت…..ايوه هي قالتلي من فتره بس لما مجبتيش سيره قولت انك غيرتي رأيك
ملك….لا مغيرتش رأيي ولا حاجه بس مكانش في اي مكان مناسب قدامي انا كنت بدور علي مكان يكون دور ارضي بس مرتفع شويه و كل اللي كان بيجي قدامي كان ادوار ارضيه
رأفت…لو كنتي عرفتيني ان الموضوع فعلا في دماغك كنتي عرفتيني وانا كنت هجيبلك مكان كويس او حتي اقول لمهيب و خالد يشوفوا مكان مناسب بالمواصفات والمساحه اللي انتي عيزاها.
ملك….لا مش مستاهله يعني يا بابي وبعدين انا عايزه الجاليري يكون في مكان حي مش في كومباوند او مكان هادي وانا شوفت مكان كويس اوي في الزمالك حي راقي بس كمان مش هادي اوي يعني.
هناء…..هو لزومه ايه اصلا يا ملك الجاليري ده حاسه انه مش مناسب ليكي و بعدين لو حابه تشتغلي ممكن بابي يشوفلك شغل احسن وارقي شويه
ملك….مامي الجاليري ده بالنسبالي مش مجرد شغل حضرتك عارفه اني بحب ارسم و بحب الانتيكات و التحف والهاند ميد يعني الموضوع بالنسبالي مش شغل علي قد ما هو هيكون مسلي ليا يعني اضيع وقتي في حاجه انا حباها
رافت….تمام با ملك شوفي انتي واخوكي المكان ولو عجبك عرفيني علي الاقل تشغلي وقتك في حاجه مفيده.
بصتله ملك باستغراب وسكتت
هناء….. اااه و علي الاقل تلاقي حاجه تشغلك شويه بدل لمتك علي سهر و بيري و مريم
ملك….تاني يا مامي هو انا مش فاهمه ليه حضرتك اتغيرتي بالشكل ده
هناء….اتغيرت في ايه
ملك….يعني يا مامي مش قادره افهمك لنا بتشوفي حد منهم بتبقي حد لطيف جدا لكن في العموم علي طول بحس انك مضايقه من وجودي معاهم
هناء….طبعا لازم اضايق و معاملتي الكويسه معاهم مش مقياس لخۏفي عليكي انتي واخوكي.
ملك….وليه خاېفه علينا اصلا هو احنا لسه عارفين بعض مثلا دول اصحابنا من سنين يا مامي
هناء…..اه بس الوضع الوقت اختلف يا ملك واختلف كتير اوي و بصراحه انا بدأت اضايق
ملك….من ايه طيب في ايه حصل عرفيني
رأفت…..في كتير يا ملك بصي يا ملك انا لا بحب اشد عليكي ولا علي اخوكي عشان مزعلش حد فيكم بس لما الاقي انكم بتتمادوا في الغلط اللي نبهت عليه اكتر من مره يبقي لازم نحط حدود
امجد….و ايه اللي احنا اتمادينا فيه
رأفت…..تقدر تقولي انت وهي امبارح ليه قابلتوا سهر
امجد….اولا انا مروحتش اقابل سهر بالذات احنا اتجمعنا عادي زي ما بنتجمع و بعدين انا كنت رايح اصلا لمازن و عرفت بالصدفه انهم هيتجمعوا و روحت عادي
رافت…..وليه كنت رايح تقابل مازن
امجد….اولا انا بقابل ماون من غير سبب في العادي بس امبارح انا قابلته لانه كان مضايق فا روحت اتكلم معاه شويه و بعدين حضرتك ناسي يا باشا ان انا ومازن الوقت في بينا شغل.
رأفت….حلو وانتي يا ملك قابلتي سهر ليه
ملك…..هو لازم يكون في سبب يا بابي عادي سهر وبيري وملك صحابي و اخواتي يعني مش لازم يكون في سبب عشان نشوف صحابنا بس لو حضرتك بتسأل عن سبب معين فا انا روحت عشان اطمن عليها بعد موضوع وقف البرنامج بتاعها و التحقيق معاها
رأفت…..اهو انتي كده جيبتي من الاخر وقف برنامجها و التحقيق معاها انا حذرتك اكتر من مره يا ملك تخلي معاملتك مع سهر تبقي علي الحدود بسبب اللي هي بتعمله في شغلها و امبارح بالتحديد مكانش لازم تقابليها لان مقابلتك مع سهر في التوقيت ده مش صح متنسيش انتي وهو انكم ولادي و اي قلق هيبقي حواليكم هيمسني انا اكتر لان وضعي ميسمحش ابدا بالشوشره دي
ملك….طيب وسهر مالها ومال شغل حضرتك
هناء….انتي بتجادلي في ايه يا ملك انتي ناسيه ان شغل بابي حساس و اللي سهر بتعنله ده ميصحش اصلا واي حد هيقرب منها هيتحط معاها في نفس الدايره
ملك…..و هي سهر بتعمل ايه انا مش فاهمه و ليه اصلا انتوا مضايقين
رأفت…..انتي بتسألي يا ملك مش فاهم انتي مش فاهمه فعلا ولا فاهمه و بتحاولي تدافعي وخلاص
ملك….لا يا بابي بس مستغربه حضرتك
رأفت….ليه مستغربه
ملك….لان حضرتك المفروض تكون مبسوط من سهر هي مش بتقول حاجه غلط سهر بتهاجم ناس معينه قاصدين يبوظوا البلد يعني معملتش حاجه غلط ولا هي سمعتها مش كويسه عشان تبعدوني عنها المفروض حضرتك تبقي فخور بيها و فخور بيا اني مصاحبة حد زي سهر بعقليتها دي
رأفت…..بالعكس سهر مش مصدر للفخر خالص دي واحده بتهاجم البلد ورموز تقيله فيها و بتتهمهم بحجات مينفعش تقولها اصلا دي كده بتسئ لسمعه مصر و الناس اللي فيها
امجد…..اساءت ليهم في ايه انا مش فاهم هي يعني بتقول كلام مش بيحصل ولا بتتبل عليهم.
هناء….اسمع انت وهي الملام ده يمكن يكون اكبر منكم بكتير انا مقدره جدا انكم صحاب وبتدافعوا عنها ودي حاجه كويسه بس لازم تعقلوا كلامكم وتبصوا علي الموضوع بزاويه تانيه و وجودكم معاها ديما في اي مكان عام ممكن يضر بابي في شغله
ملك…..وبابي ماله يا مامي بالناس اللي سهر اتكلمت عنهم
هناء…..طبيعي جدا لان بابي في كل اللي حواليه ناس بتحبه واكيد ليه اعداء و يمكن اعداءه يكونوا من ضمن الاسامي اللي سهر كانت تقصدهم ولما يشوفوا ولاده مع سهر مش بعيد يقولوا ان هو اللي وراء كل ده
أمجد….ولو ان اللي بتقوليه حضرتك ده بعيد خالص الا ان حضرتك متفقه معانا اهو ان سهر مكانتش بتتبل علي حد و الناس دي
—
فعلا وحشه
هناء….وحشه حلوه ده لنفسهم ده مش موضوعي انا كل اللي عيزاه انكم تعملوا اللي بقوله الفتره دي تبعدوا عن سهر خالص مقولتش انكم متكلموهاش بس علي الاقل كلامكم معاها ميبقاش اكتر من مكالمه يعني. تحاولوا تخففوا مقابلات علي الاخر.
رأفت…..انا مش هتكلم تاني في الموضوع ده وجودكم مع سهر الفتره دي بعيدا عن انه بيأذيني فا هو خطړ عليكم مفهوم.
ملك….افهم من كده ان سهر في خطړ حضرتك عارف حاجه
رأفت…..خطړ او مش خطړ مليش علاقه بيها هي تخطت حدودها تتحمل بقي نتيجة اخاطئها انما انتوا مجبرين تسمعوا كلامي مفهوووم
هناء….مفهوم يا رأفت متقلقش هما هيسمعوا الكلام
وقفت ملك پغضب بسيط
ملك…..بعد اذنكم امجد هغير بسرعه والحقك
امجد….تمام يا ملك انا هستناكي في العربيه بعد اذنكم.
طلعت ملك بسرعه وخرج امجد.
هناء…..كويس اوي انك شديت عليهم
رأفت…..كان لازم ده يحصل المهم بقي تركزي معاهم
هناء…..متقلقش المهم تفتكر الكلام المرادي هيجيب نتيجه
رأفت…..اكيد ولو مجابش هيضطروني اني الجأ لحل تاني
هناء….طيب قولي انت هتنفذ اللي قولت عليه
رأفت…اه دي خطوه مهمه عشان بخافوا اكتر
هناء…..المهم يا رأفت تاخد بالك انا خاېفه عليهم
رافت….متقلقيش يا هناء كل حاجه معمول حسابها
هناء….ربنا يستر
في منزل فريد.
بيري…بحزن انا قولتلك يا سهر اني مش شاكه فيهم و انهم ملهمش ذنب
سهر….وانا اعرف منين كدبهم عليا بعد ما خلصت الحلقه شككني فيهم ولما جيت هنا وشوفتك في الحاله دي مكنتش طيقاهم اكتر و قولت لازم ابهدلهم
ياسر…..بيتهيألي كان مقصود انهم ميعرفوش اي حاجه زي بيري بالظبط يعني هما اكيد صادقين في نقطة ان محدش يعرف موضوع بيري ده غيرهم هما الاتنين
بيري….ايوه انا بقولك لما سمعوا اتفاجئوا زيي بالظبط و مازن حالته كانت وحشه هو ومريم
سهر…..معرفش بقي انا مكنتش هرتاح غير لما اعمل كده بس بصراحه هما كانوا صادقين معايا جدا و انا صدقتهم و صعبوا عليا مازن مش فارق معاه الوقت يعرف انتي فين وقالي مش عايز اعرف بس علي الاقل اكون مطمن عليها ومتبقاش لوحدها
فريد…..المهم يا سهر حوار انه يسيب الشغل ده مش هينفع
سهر…..اطمن انا اقنعته انه يرجع يعني افتكرت كلامك انت وياسر في ان شغلهم ده هيوصلنا لمعلومات كتير و حتي قولتله يرجع هو ومريم البيت عشان طول ما هما بعيد محدش فيهم هيعرف ايه اللي بيحصل هناك يعني علي الاقل يعرفوا طنط فاتن وانكل سعيد بيفكروا ازاي يعرفوا اذا كان خالد ومهيب عرفوا حاجه كده يعني
ياسر…..لحظه هو انتي عرفتيهم اللي بيتم بينا
سهر….لا طبعا انا اصلا مجبتش سيرة اي حد فيكم هما عارفين ان بيري معايا وانا مخبياها بطريقتي حتي لما سالني ليه عيزاني. اكون في الشغل قولتله هعرفك بعدين بس الاول تعمل اللي بقولك عليه.
فريد….طيب و تمجد وملك مسألوش عن اي حاجه
سهر….لا طبعا سألوا كتير و امجد سأل عن موضوع الشغل بس قولتله مش هقدر اقول حاجه الوقت المهم يعملوا اللي بقول عليه تقدر تقول يعني اني فهمتهم كل حاجه من غير ما اجيب سيرتكم ولا اتكلم في اسامي او اي حاجه و عرفتهم ان الكلام ده يبقي بينا احنا الخمسه
بلال…..لا لحظه كده في حاجه غلط
فريد….ايه هي يا بلال
بلال….يعني سهر فهمتهم ان بيري معاها و اكيد لو هنا روحوا وقالوا كده الكلام ممكن يوصل لخالد ومهيب وتبقي مشكله لسهر
سهر….لا لا متقلقش انا نسيت اقولكم ان مازن اقترح عليا انه هيقول ان هو لما خرج وراء بيري لقاها و هو اللي مخبيها بطريقته هو ومريم
بيري….ايوه بس كده هي مش هتسكت و كده مريم ومازن هيتاذوا بردوا بسببي
سهر….لا متقلقيش هما عارفين هيعملوا ايه معاهم بالظبط اخوكي واختك ناوين يخلوهم يقولوا حقي برقبتي
بيري….بس انا خاېفه خالد يعرف و قتها مش هيسيبهم ده مچنون و مش هيفرق معاه اي حد
سهر…..متقلقيش بيتهيألي فاتن هانم مش مستغنيه عن ولادها كلهم بالشكل ده و اكيد هتخاف عليهم من خالد يعني اطمني مش هتقول حاجه هتعمل انها متعرفش عنك حاجه
بيري….يارب بس تخاف عليهم هما علي الاقل و متطلعش مش فارق معاها اي حد خالص .
ياسر….المهم يا سهر تأكدي علي مازن يفضل في الشغل وجوده هو وامجد في الشغل ده اكتر حاجه مهمه لينا و هتساعدنا
سهر…..اطمن هما هيعملوا كل اللي قولت عليه.
فريد…..و في اسامي معينه هعرفك عليها يا سهر تحاولي تذكريها قدامهم عشان نعرف لو عندهم اي معلومه عنهم
سهر….طيب تمام بس هو انا بقي ممكن اعرف ايه هو موضوعك يا فريد و لا لسه محدش فيكم واثق فيا .
فريد….لا يا سهر احنا واثقين فيكي و انا هحكيلك كل حاجه الوقت .
وبدأ فريد يحكيلها اللي حصل كله في الحاډثه و يحكيلها عن شغله وهويته الحقيقيه
في عربيه امجد.
ملك…..امجد انا قلقانه اوي
امجد….في ايه يا ملك مالك
ملك….مالي ايه انت مش ملاحظ حاجه غريبه في بابي و مامي
امجد….بصراحه ملاحظ ومستغرب قلقهم و هجومهم علي سهر
ملك…..ايه اللي يخلي بابي قلقان من سهر كده و بعدين هو ماله الناس دي تعرف احنا علي علاقه بيها ولا لا ما عادي جدا اننا نبقي صحاب
امجد….بصي في حاجه غريبه انا مش قادر افهمها حتي كلام سهر امبارح كان يقلق حاسس انها عايزه تقول حاجه ومش عارفه
ملك….انا كمان حاسه ان سهر تعرف حاجه ومخبياها و كمان مش هكدب عليك انا حاسه اني مضايقه ومخنوقه اوي
امجد….من ايه
ملك….بصتله شويه وبعدين نزلت دموعها يعني بيري قافله موبايلها محدش يعرف مكانها غير سهر اول مره احس انهم مش واثقين فيا او خايفين مني بص انا مش عايزه اعرف مكانها والله ولا فارق معايا عشان عيزاهم يفضلوا مطمنين بس كمان هما عارفين اني عمري ما اقدر أذي اي واحده فيهم انا بس كنت عايزه اكلمها او اشوفها مش عيزاها تبقي لوحدها بعد اللي حصل معاها ده
امجد…..بطلي عياط و عبط متبقيش حساسه كده يا ملك انتي عارفه انهم بيحبوكي و مش دي دماغ سهر وبيري يعني محدش فيهم قلقان منك والدليل ان سهر مقالتش حتي لاخواتها
ملك….ايوه ده عشان سهر اصلا كانت شاكه فيهم يمكن هي حست انها ظلماهم بس كمان مقالتش ليهم فالاخر هي فين و ده معناه انها لسه مش قادره تأمنلهم بس هي عارفه ان بيري عمرها ما خبت علينا احنا الاتنين حاجه و كمان انا اصلا اللي قولت لسهر اني شاكه في مكالمه مريم يبقي ازاي تشك فيا انا كمان وليه بيري مش عايزه تفتح موبايلها عشان اكلمها.
امجد…بصي انا لحد الوقت مصډوم من اللي حصل مع بيري و كنان مش قادر استوعب او افهم كل اللي بيحصل بس كل اللي انا عايز اقوله انك متاخديش الموضوع بالحساسيه دي يمكن هما خايفين عشان علاقة مهيب و خالد بينا خايفين يعرف حاجه مننا حتي لو بالصدفه لكن اكيد مش شاكين فينا و بعدين حطي نفسك مكان بيري دي واحده مصدومه ان اهلها مطلعوش اهلها و مع كل ده لسه امها وابوها مصممين يلاقوها عشان يجوزوها خالد
ملك….اما مش زعلانه منهم والله انت عارف انا
—
مليش غيرهم بس صعبان عليا نفسي و حبيت اتكلم معاك مش اكتر
امجد…عارف يا حبيبتي بس من الاخر كده اليومين دول اصلا كل حاجه بتحصل فيهم غريبه من اول الشغل اللي ابوكي حطني فيه مع خالد لطريقته للي بيحصل مع بيري واللي بيحصل مع سهر بصي كل حاجه مش تمام عشان كده مش عايزك تزعلي
ملك….عادي والله المهم بس بيري تبقي بخير و سهر كمان و الاهم نفهم طريقه بابي ومامي الغريبه دي.
أمجد….اكيد هنفهم كل حاجه مع الوقت بتبان جايز يكون فعلا خاېف علي شغله و جايز يكون خاېف علينا الله اعلم بس واضح كمان انه عارف حاجه عن سهر يعني كلامه عنها مطمنش وحسيت ان سهر في خطړ فعلا ويمكن يكون ده اللي مخوفه و خاېف يحصلنا حاجه و احنا معاها
ملك….حتي لو زي ما بتقول لازم يعرفنا عشان علي الاقل ننبه سهر تخلي بالها
امجد…في كل الاحوال احنا لازم نعرف سهر تخلي بالها انا اصلا مش مطمن عليها ربنا يستر
ماك….يارب.
امجد….صحيح الجاليري مكانه فين بالظبط.
بصتله ملك بطرف عينها وسكتت
امجد….ايه اوعي تقولي مفيش جاليري شكلك كده كنتي عايزه تخرجي من البيت وخدتيني كوبري
ملك….مش كده يعني هو في جاليري فعلا واصلا المكان عجبني وانا خلاص هاخده واكيد هخليك تشوفه بس بصراحه كنت عايزه اخرج من البيت باي طريقه قولت اشوف سهر لو ينفع نتقابل او اروحلها مخنوقه يا امجد و محتاجه اتكلم معاها و اعرف حاجه عن بيري.
امجد….انا قولت بردوا طيب يا ستي ما تكلميها كده شوفيها وانا اوصلك في طريقي.
ملك….طيب بقولك ايه وقفني عند اي مكان في تليفون اكلمها منه
امجد….ما تكلميها من موبايلك
ملك …انت نسيت انها قالت مش هنتكلم من ارقامنا وانا لسه مش عارفه اجيب رقم لانه اكيد هيبقي باسمي
امجد….ايوه صح ودي حاجه من ضمن الحجات اللي مخلياني قلقان ليه بتجيبوا ارقام جديده
ملك….عشان خالد زباله ومش سهل مش بعيد يراقب موبيلاتنا.
امجد….طيب تمام يا ستي وانا هشوف حوار الخط الجديد ده و هجيبهولك.
ملك….ماشي شوف بقي مكان و وقفني عنده.
امجد….طيب تمام
…………..
في منزل فريد
بصتله سهر پصدمه وحزن
فريد….ودي كل حكايتي يا سهر
سهر….لما قولت علي ابن اخو عزيز العادلي افتكرت حكايتك يا فريد في الوقت ده الكل تقريبا كان بيتكلم عنها.
فريد….و تقريبا الكل نسي معادا انا وهما
سهر….بس اكيد يا فريد الناس دي وراك حتي لو سيبت المكان واشتغلت الف شغلانه عشان تثبت انك بعدت مش هيصدقوا
فريد….عارف بس بحاول لاني مفيش حاجه في ايدي اعملها غير كده.
سهر…..بس انت كده في خطړ
بلال….مفيش اي حاجه ممكن تمس فريد طول ما احنا ايد واحده .
سهر….اكيد انا عن نفسي معاكم في كل اللي تطلبوا و اي حاجه ممكن توصلنا بأختك انا مستعده اعملها
ياسر….المطلوب الوقت يا سهر هو عدم التهور مش عايز انبه عليكي في الموضوع ده كتير كل خطوه هنعملها هتتحسب علينا
سهر…..بطل انت بس تشك في كل حاجه بعملها و كل حاجه هتبقي تمام
ياسر….انا واثق فيكي يا سهر بس بنبهك صدقيني كل خط ه محسوبه علي كل واحد فينا
سهر….بس كده لازم نخف مقابلات و يمكن في. اوقات مش هقدر اشوفك فيها يابيري يعني الافضل نمشيها موبايلات و ده عشان خاطر محدش يعر اني علي علاقه بفريد
بيري…..طيب اللي تشوفوا
ياسر….وده احسن قرار مؤقتا لحد ما نشوف مكان امن نتقابل فيه بعيد عن هنا خالص.
فريد….وده اللي كنت عايز اقوله من شويه في حجات هنتفق عليها عشان نبقي في امان و اولهم المكان
سهر….حاسه اننا في حرب كبيره اوي
فريد…اكبر مما تتخيلي عشان كده المكان ده مش بس هيكون لمقابلاتنا المكان ده مش بعيد يكون هو الحمايه لينا و لاهلنا الفتره الجايه.
بيري…..يعني ايه
فريد….لا خلي يعني ايه دي الفتره الجايه بلاش نسبق الاحداث
ياسر…..صحيح قولتلك اني عايز اخد رايك في حاجه
فريد….اه قول
ياسر….ايه رايك ندخل معانا سالم عبيد بيتهيألي الراجل ده هيساعدنا كتي اوي
فريد….ممكن بس مش عارف انا حاليا مش عارف مين معايا ومين عليا
ياسر….عادي ممكن نأجل الخطوه دي شويه بس انا واثق ان هو اكتر طرف ممكن يفدنا الفتره الجايه
سهر….يبقي خليه معانا بس لما نحتاجه.
فريد…..تمام في حجات بس حابب اتأكد منها و بعد كده هقولك امته بالظبط يبقي معانا
ياسر….وانا مستني يا فريد
في الوقت ده جه اتصال لسهر
بيري…..ايه ده ده رقم غريب علي الخط الجديد.
ياسر…..الرقم مع مين غير بيري وملك
سهر….اديته لمازن و ملك قالتلي هتديه لامجد
فريد…طيب افتحي الخط ومتتكلميش
ياسر….افتحي الاسبيكر كمان
سهر….تمام
فتحت سهر الاسبيكر و متكلمتش
ملك….الووو سهر !! سهر انا ملك
سهر….باستغراب ملك ايه الرقم ده
ملك….انا بكلمك من الشارع
سهر…ليه في ايه وفين رقمك
ملك…..رقمي متسجل ببطاقتي و لحد الوقت مش عارفه اجيب رقم يكون باسم غير اسمي امجد قالي هيتصرف هو معايا اصلا و قولت اكلمك اشوفك فين
سهر….انا مش في البيت يا ملك
ملك….بصوت حزين انتي. مع بيري صح
بصت بيري عالموبايل بحزن بصلها فريد وهو بيبرقلها و حط صباعه علي بوئه بمعني متنطقيش
سهر….ااااا لا مش معاها
ملك….بحزن نزلت دموعها انا عارفه انك معاها و عاره كمان انك خاېفه عليها و مش حابه تعري اي حد مننا مكانها بس لازم تعرفي يا سهر ان انتي و بيري حته مني و انا مليش غيرك انتي وهي و امجد و لا يمكن اذيها يمكن انتوا قلقانين مني عشان علاقه بابي بانكل مهيب وخالد
بس لازم تعرفي ان مستحيل اكون سبب اذي ليكي انتي وهي
انا مش عايزه اعرف و مش زعلانه كمان انكم مخبين عني يمكن صعبان عليا شويه لاني بحبكم بس كما لو ده افضل ليها خلاص المهم يعني تسلمي عليها وتعرفيها اني كنت اتمني اكون معاها في الظرف اللي هي في ده
بس ڠصب عني و اكيد لما الوضع يسمع انا مش هسيبها.
سهر….ملك وحياتي عندك ما تزعلي مني ڠصب عني انا عمري ما اشك فيكي و انتي عارفه كده كويس كل الحكايه اني خاېفه حد يشوفك او يراقبك ويعرف مكانها صدقيني يا ملك
ملك….خلاص انسي انا مش زعلانه والله المهم انا كنت فكراكي في البيت و كنت هجيلك بس خلاص انا بس عايزه اقولك حاجه
سهر….حاجه ايه قولي
ملك….مامي وبابي متغيرين اوي و لاول مرهه يبقوا مصممين اني ابعد عنك الفتره دي مش قاصدين اني مكلمكيش لا هما عايزني اكلمك علي الموبايل بس من غير ما نقابلك انا وامجد طبعا انتي عارفه اني مش هسمع كلامهم حتي لو اضطريت اشوفك من وراهم بس بابي قال كلام قلقني عليكي وفيما معني الكلام ده ان انتي في خطړ و يمكن ده السبب اللي هما عايزني انا وامجد نبعد عنك عشانه يعني و اضح يا سهر انك في خطړ او في حد حاطتك في دماغه انا بعرفك بس عشان تاخدي بالك من نفسك
سهر…..متقلقيش عليا يا ملك
ملك….لازم اقلق كلام بابي كان واضح هو مقالش اي حاجه غير انك في خطړ بس لا قال ابه نزع الخطړ ده ولا قال مين اللي ممكن يكون حاطتك في دماغه فهماني يا سهر عشان خاطري بلاش جنانك وبلاش تطلعي لايڤ
او تعملي اي حاجه انتي مش ناقصه هدي اللعب شويه و انا لو عرفت اي حاجه اكيد هقولك.
امجد….سهر خدي بالك بجد الموضوع مش هزار
سهر….اطمن يا امجد هاخد بالي المهم انت عرف العبيطه اللي جنبك دي اننا مش شاكين فيها
امجد…..متقلقيش انا عرفتها والله و هي اكيد فاهمه ده
ملك….ايه ده هو في ايه
بص امجد علي المكان اللي هي باصه عليه لمحوا عربيه فيها كام راجل وواحد منهم قاعد جنب السواق موجه مسډس ناحيتهم
امجد….حاسبي يا ملللك
صړخت ملك بصوت عالي وسمعوا ضړب ڼار قوي
وطبعا كل المكالمه دي كانت مسموعه للكل بصوا لبعض پصدمه
بيري….مللللك امجد
سهر….مللللك ملك في ايه الوووووو ردي علياااااا
بلال….هو في ايه
ياسر….ده صوت ضړب ڼا….ر صح
سهر….الوووو ملك
رجع صوت ملك مره تانييه وسمعوا اصوات ناس غريبه.
ملك…..امجد امجد انت كويس
امجد…كويس كويس مټخافيش انتي فيكي حاجه
ملك…باڼهيار احنا كنا ھنمو…..ت .
امجد…اهدي بطلي عيا….ط احنا كويسين
واحد من الناس…فيك حاجه يا كابتن
امجد…لا لا احنا بخير
سهر….يا ملك ردي عليا ارجوكي
شخص تاني..هات كرسي بسرعه وهات مايه للانسه.
امجد…اقعدي اقعدي يا ملك
نفس الشخص…..تعرفهم دول يا كابتن
امجد….لا خالص عمري ما شوفتهم
ملك…بدموع الوالوو
سهر….يا ملك في ايه قوليلي
بيري….پخو…ف ملك في ايه ايه ضړ….ب الڼا….ر ده
ماك….باڼهـ,ـيار مش عارفه دي عربيه كان فيها ناس لمحتهم بيخرجوا مسـ,ـډس و هنا بيقربوا ناحيتنا
سهر….طب انتي وامجد كويسين حد اتأذي
ملك….لا لا خالص مفيش حاجه الحمد لله بس كنا ھنمو….ت يا سهر
سهر…طيب اهدي بطلي عياط لمحتيهم تعرفي مين دول
ملك….لا معرفهمش بس شوفت رقم العربيه
فريد….بهمس خليها تقول الرقم
سهر….هاتي الرقم يا ملك.
الاصوات حواليهم كانت كتير
اتفضل اشرب يا استاذ
شخص اخر الحمد لله عدت علي خير محدش اتأذي
مين الناس دي ربنا ينتقم منهم
امجد….شكرا يا جماعه الحمد لله عدت علي خير بس اكيد احنا مش مقصودين احنا منعرفهمش
المهم انكم بخير الحمد لله.
قالت ملك لسهر الرقم
فريد….بصوت مسموع سهر قوليلها تمشي حالا من المكان ده و عرفيها بأي تمن تاخد الموبايل اللي اتكلمت منه
سهر…ليه
فريد….اعملي اللي بقولك عليه
سهر…..ملك اديني امجد
ملك….امجد كلم سهر
امجد…ايوه يا سهر
سهر….امجد تعمل اللي اقولك عليه بالحرف
امجد…قولي يا سهر
سهر….باي تمن تعرض علي الراجل اللي انت بتتكلم من عنده ده و تشتري الموبايل
امجد….موبايل ايه اكيد مش هيوافق
سهر…..اعرض عليه حتي لو ضعـ,ـف تمن الموبايل فاهم
امجد….حاضر بس فهميني ليه
بصت سهر لفريد وهي مش فاهمه تقوله يعمل كده ليه
و بدون اي تردد او تفكير خد فريد منها الموبايل
فريد….امجد اللي ضر……بوا عليكم ڼار شافوكم وانتوا واقفين بتتكلموا من موبايل المحل واكيد هيرجعوا تاني عشان يعرفوا كنتوا بتكلموا مين مش لازم يعرفوا يا امجد الرقم ولا لازم يعرفوا كنتوا بتكلموا مين انت فاهم اعرض عليه اي مبلغ المهم اوعي تمشي قبل ما تاخد الموبايل بالخط فاهم
امجد….پصدمه واستغراب ااا حاضر بس انت مين
فريد….پغضب اعمل اللي بقولك عليه مش وقته انا مين وتمشي من مكانك حالا واما تمشي تتكلم من نفس الرقم وتعرفنا انك خدته
امجد….حاضر حاضر تمام
قفل فريد معاه بصوله كلهم باستغراب
ياسر….انت اكيد مچنون
بلال…مكانش لازم تتكلم انت يا فريد.
فريد…بلال تحاول باي طريقه تجيب نمر العربيات دي الوقت
بلال….تمام بس هاخد وقت ما تكلم معاذ اسهل هينجز معانا
فريد…من اللحظه دي مفيش غريب هيدخل وسطنا لاني مش عارف مين من الجهاز بيخرج كل معلومه معاذ صاحبي و جدع بس لحد ما اعرف مين الخاېن مفيش حد بره عننا هيعرف اللي بيتم غيرنا فاهم
بلال….فاهم يا فريد حالا هشتغل
سابهم بلال ودخل علي مكتب فريد يشوف الارقام.
بص فريد لياسر لقاه باصصله پغضب
فريد….بلاش البصه دي انا عارف انت عايز تقول ايه بس مبقاش في حل تاني واضح انهم صادقين وواضح كمان انهم ملهمش علاقه برأفت و مهيب وخالد احنا لازم ناخد اول خطوه ياياسر.
ياسر….معاك يا فريد
راحت سهر قعدت و هي متوتره وقعد جنبها ياسر و هو بيهز رجله.
قربت بيري من فريد وهمست ليه.
بيري….ليه عملت كده يا فريد
فريد..بصلها و مكانش لاقي حاجه يقولها مش عارف يا بيري مش عارف بس وصولهم للرقم معناه وصولهم ليكي و لسهر ولياسر ولبلال وليا كان لازم اتصرف
بيري…پخوف بس انا خاېفه عليك اااا اقصد يعني مكانش لازم تعمل كده
فريد….ابتسم بهدوء وبصلها مټخافيش يا بيري مفيش حاجه هتحصل اهدي كل حاجه هتبقي كويسه طبطب علي كتفها بهدوء وسابها وراح لبلال.
وللحديث بقيه…