لقاء كارثي

لقاء كارثي
أميره أسامه
صاحبة البطل الواحد

~° البارت السادس و الثلاثون°~
……………….

نزل سلامه راح مشوار شغل بدري و بعد كده طلع علي مشوار تاني و علي الساعه ثلاثه كان قدام المحل بتاع ايه .

ركن عربيته و نزل و دخل علي المحل بص عليه احمد من فوق النضاره

سلامه….ابتسم بتوتر و إحراج بسيط مكانش عارف يقولوا هو جاي ليه اااا و كان محرج من اخر كلمه قالها لاحمد انه هيجي يطلب ايه و سابه ومشي… صباح الخير

احمد…..بصلوا وبص علي ساعته و رجع بصلوا تاني الساعه تلاته بقي مساء مش صباح

سلامه….ماشي مساء الخير

احمد….مساء الخير يا سيدي خير جاي ليه ناسي حاجه من امبارح و لا ايه

سلامه….لا مش ناسي

احمد…..امال ايه لا يكون عجبك المحل و الشغل فيه ولا تكون عجبتك فكرة بيعه بصحيح

سلامه…..و ده هبيعه.ازاي انا معايا اوراقه

احمد….اااااه يعني لو معاك اوراقه هتبيعه

سلامه….بضحكه جميله هو في ايه يا عمي مالك شايفني غلط ليه

احمد….انا برد علي كلامك

سلامه….اااا طيب عموماً يعني انا عرفت امبارح من سلمي ان حضرتك هتنزل بدالها و مفيش حد هيساعدك فا قولت يعني اجي.

احمد….هو انت يا ابني عاطل يعني معندكش شغل زي باقي الخلق

سلامه…..لا ماهو انا رجل اعمال

احمد…..رجل ايه يا اخويا

سلامه….بضحك اعمااااال يعني الشغل بتاعي خاص مش بشتغل موظف و كده و بعدين يعني انا خلصت شغلي من بدري كان عندي كام مشوار و خلاص فاضي باقي اليوم فا قولت اجي يعني لو عايز حاجه اساعدك فيها

احمد…..هو انت يا ابني غاوي مرمطه

سلامه…..و مرمطه ليه بس و بعدين ايد علي ايد بتساعد ساب الشنطه اللي كانت في ايده و قلع الساعه و شال نظاره الشمس من علي راسه و قرب منه هاااا اعمل ايه بقي

احمد….بابتسامه مصمم يعني

سلامه…اه مصمم

احمد….ماشي انت اللي قولت روح يلا البس لبس الشغل

سلامه…..لا انا هشتغل كده متشغلش بالك

احمد….يا ابني اسمع الكلام ماغلبنيش من اولها هتتبهدل

سلامه….عامل حسابي و معايا غيار يعني

احمد….معلش روح البس بردوا واسمع الكلام

سلامه….طيب ماشي

راح سلامه لبس سلوبت كده بتاع الشغل و قرب من احمد بابتسامه واسعه

سلامه…..ها اعمل ايه بقي

احمد….بضحكه هاديه هو انت مالك يا ابني مبسوط كده ليه امسك الكلب ده هحميه حلقتلوا خلاص بس حميه عدل و ظبط المايه الاول احسن تحرقوا بالمايه السخنه و خلص بسرعه عشان تاخد اللي بعده

سلامه….متقلقش ثواني و يبقي خلصان

احمد….لما نشوف

شال سلامه كلب صغير كده حطوا تحت كتفه و وقف يظبط حراره المايه

احمد…..اللهم طولك يا روح انت مالك حاطت الكلب تحت باطك كده ليه انت شايل شنطه

سلامه….يعني اظبط المايه وهو في البانيو يتحرق

احمد….لا طبقه تحت دراعك

بصلوا سلامه بطرف عينه و حط الكلب في البانيو و بدأ يحميه

سلامه…..اااا هو يعني حضرتك اتعلمت من ايه الحلاقه

احمد….اه يا سيدي اوقات كتير كنت بشوفها و بقعد معاها و بساعدها فا اتعلمت

سلامه….بس يعني واضح ان حضرتك بتحب الكلاب

احمد….انا بحب الحيوانات عموماً

سلامه….اممم واضح يعني كمان مستحمل كلبين في البيت

احمد….و الله ميلو مقدرتش اعترض عليه لان لما ايه جابته كان لسه قد الكف و مكانش بيعمل اي حاجه حبيتوا اوي و اتعودت علي وجوده و بقيت احس انه فرد من افراد العيله اما التاني بقي ده فكان امر واقع

سلامه… بابتسامه عبيطه اه تقصد سلامه

احمد….بضحك هز راسه بقلة حياه ومالك فخور ليه بأسمه بالذمه في حد يوافق الكلب يتسمي علي اسمه

سلامه…..طيب انا اعمل ايه بس أيه هي اللي سمتوا

احمد….ربنا يصبرني

سلامه….هو كده نضف

احمد….انت شايف ايه

سلامه…..مش عارف هو في لون هنا مش بيمشي شكلها بقعه صح

احمد….ده لون تاني في جسمه بقعه ايه بس كفايه حطه بقي يتصفي في الجنب التاني هتموته اخلص عشان تنشفوا.

سلامه…..هو شكلوا هيموت اصلا بيترعش جامد

احمد…..لا اخلص انت بس مش هيموت ولا يجراله حاجه هما طبيعتهم كده بس انت خلص بسرعه بدل ما يموت بجد

قعد تاني احمد و فضل يحلق للي بعده

اما سلامه فا بعد ما الكلب اتصفي وقف ينشف فيه بجهاز تنشيف مخصص للكلاب و ظبطوا علي الاخر و بعدين بص لاحمد

سلامه…ايه رايك كده

احمد….زي الفل خلاص روح حطه في بوكس بره و لو مفيش اكل حطلوا

سلامه…اممم بس بقولك ايه بيته‍يألي السوالف و السكسوكه كانوا عايزين يتظبطوا شويه

احمد….بصلوا بنفاذ صبر و ساب المقص من ايده سوالف و سكسوكه ايه اللي عند الكلب و بعدين انا حلاق

سلامه…..والله مش مظبوطين

احمد…..اخلص روح حطه و تعالي عايزين نخلص بسرعه قبل ما اتجلط

سلامه….بضحك الف سلامه

راح وداه و بعد كده رجع بصلوا و هو بيحلق للكلب

سلامه…..هو معندوش عين

احمد….يا ابني معندوش عين ازاي ما عينوا تحت الشعر اهي هو نوعه كده اصلاً

سلامه….طب وده بيشوف ازاي

احمد….بيشوف متقلقش انت و بعدين لسه هظبطلوا عينه شويه اسكت انت بس

سلامه….طيب ماشي انا عامل عليه الحق عليا

احمد….بقولك ايه تعرف تعمل شاي

سلامه…اه بعرف

احمد….طب روح اعملنا كوبايتين اكون خلصت و انت تلاقي حاجه تتشغل فيها شويه

سلامه….فين طيب

احمد….هناك جنب المكتب

سابه سلامه وراح يعمل الشاي

أحمد….بهمس و هو بيضحك مجنون رسمي

دقايق بسيطه ورجع بالشاي كان احمد خلص الكلب

احمد…..خد يلا ده كمان خلصتوا خلاص

سلامه…..بص للكلب وابتسم نعيماً يا عم يارب الحلاقه تكون عجبتك

احمد…..انت بتاخد و تدي مع الكلب الصبر من عندك يارب

ضحك سلامه وخد الكلب و قف يحميه و ثواني و سمع صوت هوهوه بس كبيره و عاليه بص وراه لقي كلب مركب علي وشه ماسك حديد و ده معناه انه احتمال بكون مفترس

سلامه….رفع الكلب من البانيو و خدوا تحت دراعه و هو بينقط مايه نهااااااار اسود و مهبب ده ايه ده

احمد….انت طلعت الكلب ليه ده لسه كله صابون

سلامه…..لو سبته هياكلوا

احمد….ياكل ايه ما علي وشه ماسك اهو و بعدين واقف بعيد ليه انت خايف؟

سلامه…اااا ايه انا لا طبعاً انا مش بخاف

احمد….بأبتسامه هيبان و انت بتحميه

سلامه….نعمممم هو انا هحمي الوحش ده

احمد….ايه مش كنت جاي تساعدني باين غيرت رأيك ولا ايه

سلامه….انا لا اااا يعني معقول اسيبك كمل بهمس نهار اسود

احمد…..بتقول ايه

سلامه…..بقوله نعيماً مقدماً هو انا بس عندي سؤال انا لو مكنتس جيت كنت هتتعامل ازاي يعني كنت هترفعوا ازاي لوحدك

احمد….عادي يعني اذا كان ابه نفسها بتتعامل مع الاحجام دي لوحدها

شاور سلامه بأيده علي الارض

سلامه….ايه

احمد….بضحكه هاديه اه ايه و الله سكلك مس هتقدر ترفعه

سلامه….مش هقدر ارفعوا و الله عيب علي العضلات

احمد….هنشوف الوقت اذا كانت عضلات بجد و لا نفخ

سلامه….بضحك لا نفخ ايه عضلات رباني دي

احمد….ماشي هنشوف

سلامه…..بس يعني هو بيعض

احمد….انت شايف ايه حاطين علي وشه حديد عياقه يعني

سلامه….بهمس اه يا أيه الكلب كان مالي انا ومال الشغلانه دي ادي اخره الجدعنه

احمد….خير بتقول حاجه

سلامه….لا بغني للكلب عشان خاف منه

احمد….بابتسامه وماله غني

بعد حوالي تلت ساعه بص سلامه بصدمه لاحمد

احمد….ايه هتفضل باصص كده ارفع يلا

سلامه….هو انا مشكلتي مش في شيله انه مشكلتي في انه لو قفشني هيفرتكني ده مش طايقني

احمد….لا متقلقش مش هيجي جنبك يلا ارفع معايا

سلامه…..طب اشمعنب انت ترفع من الرجل و انا ارفع من الوش

احمد….بضحك ايه بتضحي بيا

سلامه…اااا انا لا لا يعني طيب خلاص هرفع

رفعوا هما الاتنين الكلب في البانيو و كان مرعوب منه وقف يحميه خد فيه وقت لانه كان كبير و يهمد بجد

بعد ما خلصوا نزلوا وراح احمد حطوا مكانه و رجع يكمل مسك الاول مقشه و جروف يكنس الشعر اللي وقع منهم

سلامه….هات هات انا هنضف كمل الكلب ده

احمد….امسك يا سيدي و لما تخلص روح ريح شويه شكلك تعبت

سلامه….انا اتعب من كام كلب لا متعبتش

احمد….بضحك ده انت مش قادر تاخد نفسك

سلامه….والله ما تعبت بس كنت خايف منه

احمد….ماشي يا سيدي هعمل نفسي مصدق انك متعبتش

كمل احمد حلاقه و كل شويه يبص بطرف عينه لسلامه عارف طبعاً انه عايز يقولوا علي موضوع خطوبه ايه و شايف سلامه هيتجنن ويقول حاجه بس مش عارف.

ساب المقص من ايده وبص لسلامه

احمد….خيررررر

سلامه….اااا ايه اااا خير عملت ايه

احمد….عمال رايح جاي و شكلك عايز تقول حاجه كده

سلامه….انا لا خالص و لا خاجه انا مستني حضرتك تخلص عشان احميه

احمد….امممم يعني مش عايز تقول حاجه

سلامه….اااا لا

احمد….اخر كلتم اصل يعني لو حبيت تقول حاجه مش هتكلم

سلامه….بسرعه اااا لا استني عايز اقول اه

احمد….امممم ما كان من الاول ليه المناهده يلا قول سامعك

سلامه…اااا يعني هو بصراحه بيقولوا ان في خطوات كده في حياتنا لو

احمد….اسمع لو هتبدأ كلامك بمقدمات متتكلمش انا في حياتي دي كلها بملك أكتر من ألف كتاب في مكتبي قرأت منهم حوالي 400 بس

سلامه….طب وال600

احمد…..مقدمه طويله ملهاش لاذمه و انا بحب المضمون فهمت حاجه

سلامه….امممم اه فهمت

احمد…..فهمت ايه بقي؟

سلامه….ادخل في الموضوع

احمد….الله ينور عليك اتفضل كلي اذان صاغيه

سلامه….اااا ماشي طيب يعني انا كنت يعني بقترح و اكيد يعني رأي حضرتك مهم انا كنت بقول يعني ان انا ناويت افكر يعني بطريقه

احمد….اللهم طولك ياروح يا ابني هتطلع روحي في ايدك ما قولنا بلاش مقدمات

سلامه…..هو حضرتك مديني فرصه

احمد….يا ابني هو انا نطقت انا بقولك ادخل في الموضوع

سلامه….يعني مش فاهم يعني حضرتك مثلا لما كنت عريس وروحت اتقدمت و كده يعني عملت ايه مع والد عروستك

احمد…..قعدت قدامه و قولتله عمي انا عايز اتجوز بنتك شوفت سهله ازاي مقعدتش اعمل مقدمات طويله عشان في الاخر اقول جمله من خمس كلمات

سلامه….احمممم طيب عمي انا عايز اتجوز بنتك سكت بسرعه و بصلوا ابتسم و بعدين بعد خطوه لوراء و بعدين ضحك

احمد….بأبتسامه طيب انت رجعت خطوه لوراء ليه

سلامه….مش عارف صراحه مقلق منك خلقك ضيق اوي و مش هننفع مع بعض

احمد….ضحك غصب عنه والله اكتر كلمه قولتها حقيقيه مش هننفع مع بعض

سلامه….يعني ايه بترفضني

احمد…..اللعم كولك ياروح مين جاب سيرة رفض

سلامه….امال ايه مش هننفع مع بعض دي

احمد….فضل يبص حواليه طيب افتح دماغه بأيه ده

سلامه…بتدور علي ايه في الارض ما العده كلها قدامك علي التربيزه مقص ارشقه و اخلص مني

احمد….لا ما انا مش عايز اموتك واجيب مصيبه لروحي انا عايز اعورك بس و بعدين انت بتساعدني و بتقولي اموتك ازاي

سلامه…..طب يعني حضرتك قولت انك مجبتش سيره رفض يعني موافق

احمد…..موافق يا سيدي موافق علي الصداع و الدوشه و المصيبه اللي شكلي هرتكبها فيك

سلامه…..بضحك و حياه امك

احمد….بضحك نعم

سلامه…..بصدمه ابتسم و بعدين ضحك كان متوتر ااا اقد و حياة ام حضرتك اااا لا يعني بتتكلم جد

احمد….انت عندك حق عبيط في العيله

سلامه….يا اختاااااي متعدش

شال احمد النضاره و حط ايده علي وشه و فضل يضحك

سلامه….ااا هو حضرتك بتضحك عليا صح هو انا ليه حاسس انك بتاخدني علي قد عقلي

احمد….بضحك هو فين العقل ده انت عندك كام سنه يا سلامه

سلامه….ااا 35

احمد….اشك العقليه دي متديش 35

سلامه….طيب يعني بجد وافقت

احمد…..للأسف

سلامه…..بضحكه سعاده جميله بجد

احمد….بابتسامه هز راسه بجد

سلامه….طيب يعني قبل ما ابوسك و نقول مبروك بقي و حركات الافراح دي انا عايز اطلب من حضرتك طلب

احمد…..خير

سلامه…….يعني أقصد عشري حضرتك عارفه يعني و فضل اللي هو ابن عمته عشري هيخطب يوم الاحد فا قالوا بقي يعملوا مفجأه لنعيمه و فضل يخطبها هو كمان

احمد…..طيب قول انك عايز تعمل نفس المفجاه لايه يوم خطوبه حسان و سلمي لازم المقدمات

سلامه….ابتسم و بصلوا كده بسهوله يعني موافق

احمد….بضحكه جميله موافق يا سيدي

سلامه….طيب احلف

احمد….يا ابني انا بلعب معاك انا كلمتي واحده

سلامه….بضحك اهدأ يا حاج الضغط و السكر دايرين في البلد لا سايبين صغير و لا كبير

احمد….بابتسامه واضح انه علي ايدك هيبقي ضغط و سكر و جلطه

سلامه…..بعد الشر عليك لا بقولك ايه انا عريس وداخل علي جواز متنكدش علينا

احمد….بضحك يعني بعد الفرح معندمش مانع

سلامه….بضحك لا لا مقصدش والله

احمد….بابتسامه انا موافق يا سلامه انت جدع و راجل وابن حلال وانا مش هلاقي احسن منك لايه

سلامه….ابتسم بهدوء ربنا يخليك يا عمي و انا مش هلاقي زي ايه و لا زي حضرتك بجد اااا بس انا يعني مش عايز ايه تعرف انا عايز اعملها مفجأه

احمد…..ماشي يا سيدي طيب والدتك عرفت

سلامه….اه طبعاً خدت رأيها امبارح في الفكره وهي مبسوطه ومعندهاش اي مانع

احمد….طيب و والدك علي حد علمي يعني ان والدك عايش و متجوز

سلامه….اه اكيد هقولوا انهارده و ان شاء الله يكون معايا

احمد….امممم علاقتك بيه شكلها ايه يا سلامه يعني انا مش عايز اتكلم في تفاصيل خاصه بس انت اكيد عارف ان ايه اتكلمت معايا عنك و حكيتلي عليك فا عندي فضول اعرف علاقتك بيه ازاي

سلامه….يمكن هو طول عمره بعيد من وانا عندي عشر سنين بسبب رفضه يعني لوجود عسال معانا و بعد انفصال امي عنه قعدت سنتين في مشاكل معاه لانه مكانش عايز يصرف عليا انا واخواتي كان بيعاندها يعني او بيضغط عليها عشان تضطر ترجعلوا بس امي فضلت علي موقفها بعدها بعد عننا قرر يسافر و يشتغل بره قعد كذا سنه مشوفناهوش حوالي ست سنين رجع وانا عندي حوالي 17 سنه رجع يسأل عننا تاني و بعدها اتجوز لما لقي ان مفيش امل من رجوع امي ليه و احنا كبرنا و هو كان موجود بس مش موجود وسطنا يعني بس كان بيسأل من فتره للتانيه و احنا كمان كنا علي طول نسأل عنه ولحد الوقت بنسأل عليه
و تقدر حضرتك تقول ان علاقتي بيه هاديه ومش وحشه عاديه يعني بروح اقعد معاه انا و عسال اوقات كتير علي القهوه نزوروا في مكان شغلوا نشوف لو محتاج اي حاجه في النهايه ده ابويا و بحبه و اياً كان تصرفه غلط وقتها او صح مقدرش الومه او اعدل عليه هيفضل ابويا وليه كل الحب و الاحترام

احمد….بأبتسامه جدع طيب قولي عسال كمان بعد ما كبر وفهم اللي حصل علاقته بيه كانت كويسه

سلامه….بابتسامه جداً لو قولتلك اكتر مني هتقول اني ببالغ يعني انا ممكن اتشغل شويه في شغلي في اي حاجه بس لما اروح واشوفوا الاقيه بيقولي ده ميدو لسه كان عندي من يومين عسال طيب و جدع و قلبه مفيش منه عمره ما بيقدر يحقد علي حد او يشيل من حد هو بيقولوا يا بابا كمان و علي فكره بابا بعد ما كبر في السن و احنا كبرنا قدامه ندم اوي و اتغير كتير عن الاول و بيحب ميدو جداً

احمد….بابتسامه جدعان و ولاد حلال احياناً الابهات والامهات بيغلطوا بس مهما عملوا مينفعش نحاسبهم او نوجعهم في النهايه اكيد كان عنده اسبابه و كل واحد فينا ليه غلطاته

سلامه….بابتسامه لما عرفت ان حضرتك تقريباً عيشت نفس التجربه مع ايه و عرفت موقفك من وجودها معاك اتمنيت ان ابويا كان عمل زيك زمان ويمكن كمان حبيتك و احترمتك من قبل ما اشوفك و اعرفك

احمد…..اسمع يا سلامه مفيش بني ادم وحش بطبعه اوقات الظروف بتجبرنا علي أظهار ردود افعال تبين اننا وحشين والدك مش وحش اكيد بس يمكن وقتها حس ان ظروفه مش هتسمح بتربيه اربع اطفال يمكن ظروفه كانت علي قده يمكن مقدرش يشيل مسؤوليه طفل مش ابنه يمكن خاف الدنيا تضيق عليه و يقصر معاكم محدش فينا يعرف وقتها هو كان بيفكر ازاي هو في كل الاحوال والدك و والدتك نصيبهم مع بعض كان هيتقطع سواء بوجود ميدو او عدم وجوده هو كان مجرد سبب و مش شرط خالص عشان انا عملت مع ايه عكس اللي عملوا والدك مع ميدو اني ابقي شخص كويس و مثالي لا خالص انا بني ادم ليا عيوبي و مميزاتي بغلط و بعمل الصح في النهايه انا عايش في حياه كلها تجارب اوعي تفكر في يوم او تزعل او حتي تتمني اب غير ابوك لان لو كل ده مكانش حصل جايز اوي مكنتش انت قدرت تعتمد علي نفسك جايز مكنتش وصلت لحاجه تتمني توصلها انا سمعت اشعار عن ميدو و لما شوفتوا في خطوبه ايمي شاب جميل و محترم و مؤدب بس جايز اوي لو كان عاش مع امه و ابوه طباعه كانت اختلفت و نفس الكلام علي ايه اللي عايز اقولوا ربك ليه حكمه في كل حاجه بتحصل الوحش قبل الحلو و انا عن نفسي بشوف ان انت و اخواتي و ولادي كان ليكم حظ كبير من عند ربنا في كل الظروف دي عشان تطلعوا الشخصيات دي

سلامه….بابتسامه حضرتك معاك حق وانا مش زعلان و عمري ما حقدت عليه زي ما قولتلك هيفضل ابويا و بحبه و بحترمه و عمري ما احب اشوفه غير بكل خير حتي لما بفتكر قد ايه امي تعبت في حياتها مش بزعل منه لان زي ما حضرتك قولت تعبها ده كاه و كل الظروف اللي مرينا بيها خلتنا ناس تانيه وانا عن نفسي واثق اني كنت ممكن ابقي حد مختلف في وجود ابويا اول حاجه مكنتش هتحمل مسؤوليه بدري مكنتش في سن معين هبقي اب لاخواتي قبل ما اكون اخ

احمد….طيب قولي عمرك ما فكرت ان ميدو كان سبب في فراقكم عن والدكم

سلامه….بابتسامه عمري و لو اتعاد الزمن و في ايدنا نختار و امي سالتنا اعمل ايه هقولها اختاري ميدو
مش عشان هو اخويا بجد ولا صاحبي ولا اي حاجه بس عشان ده صح و عشان ميدو يستاهل ان امي تضحي عشانه يمكن وقت ما امي خدت القرار ميدو وقتها كان ورث من ابوه فلوس كتير لانه كان بيشتغل مهندس في شركه بترول و كان مرتبه كويس اوي و كان ليه تأمين وبعدين والد ميدو اصلا كان زيه وحيد امه وابوه و جده كان عنده املاك كتير ميدو ورث كل حاجه من ابوه وجده و انا امي كانت طيبه اوي و مكانتش تعرف اصلا تنزل او تروح وتيجي اخرها كانت تجيب طلبات البيت ولو سرحت شويه في الشوارع تتهوه بتتوتر و بتخاف و عمرها ما عرفت تعتمد علي نفسها غير بعد انفصالها عن ابويا بفتره طويله لما والد ميدو و والدته اتوفوا امي معرفتش ان ميدو ليه ورث غير بعد سبع شهور تقريباً عشان مكانس ليها في الورق و لا ليها في اي حاجه و عرفت بالصدفه اصلاً و لما عرفت طبعاً مكانش ينفع تاخد اي حاجه غير لما ميدو يكبر بنفسه و يتم السن القانوني هو اللي ياخد كل حاجه بنفسه و لما ميدو كبر و خد حقه و ورثه كان هو فاتحه الخير علينا كلنا وقتها ميدو كنلن مكانش يعرف اي حاجه و لا عارف يعمل ايه خدته من ابده بقينا نلف علي مل المصالح الحكوميه و نخلص ورق ونمضي ورق مسبتهوش غير لما خلص كل حاجه و بعدها طلب مني اننا نشغل الفلوس دي و كان مصمم محدش فينا وافق لاننا كنا عارفين ان ميدو عايز يرد الجميل او يعمل اي حاجه تفرحنا بس حسيت انه تايهه و حقيقي مش عارف يبدأ منين حطيت ايدي في ايده و بدأنا مع بعض و وقتها انا كنت بشتغل قبل ما هو ياخد ورثه فا كان عندي مبلغ بسيط حطينا كل حاجه علي بعض و بدأنا كان بيجي يحط كل فلوسه قدامي و ميعرفش هما كام ولا يعد ورايا احنا حصل بينا مواقف كتير و عيشنا مع بعض مواقف اكتر لو فضلت اعدها مش هخلص بس احنا بدأنا مع بعض ميدو كان هو اول خطوه لينا كلنا و الحمد لله انهارده احنا كبار مع بعض و في كتف بعض فا ميدو بالنسبالي هو ابني و اخويا و صاحبي و سري كل حاجه ليا و عمري ما هندم و لا ندمت علي اختيار امي ليه

احمد….ربنا يخليكم لبعض

سلامه….طيب بقول ايه يعني حضرتك سحبتني كده للذكريات والماضي و سيبنا المستقبل

احمد…بأبتسامه مش قولتلك موافق بترغي كتير ليه

سلامه….مش عايز ايه تحس او تعرف انا عايز اعملها مفجأه

احمد….ماشي يا سيدي مش هقول

سلامه….طيب بما ان يعني انا مع حضرتك الوقت خلينا يعني نتفق علي كل حاجه وقولي كل طلباتك يمكن القاعده دي كانت المفروض تتعمل في البيت بس كمان مش هينفع عشان ايه متحسش و اكيد يعني لو زورناكم في البيت انا وامي و اخواتي هتفهم فا كده مش هنتقابل كلنا غير يوم الخطوبه و اكيد قبل الخطوبه لازم يكون في اتفاق

احمد…..بص يا سلامه لو تقصد بالحقوق و الطلبات دي حجات ليها علاقه بالماديات فا بيتهيألي دي اخر حاجه نتكلم فيها انا عرفت ظروفك و عارف انك مرتاح مادياً كمل بابتسامه او خليني اقولها علي طريقتك انت رجل اعمال يا سيدي

ابتسم سلامه بهدوء و سابه يكمل

احمد….يعني مش هتكلم معاك في ماديات لاني عارف انك مش هتقصر مع ايه كمان ايه نفسها مش محتاجه و الاهم ان انا جنبها و عمري ما خليها محتاجه اي حاجه ايه مش بنت اخت مراتي او مجرد بنت خالة ولادي أيه بنتي بجد يا سلامه بنتي اللي مخلفتهاش نادراً اصلاً لما بفتكر انها مش بنتي و هقولك سر لما بفتكر حاجه زي دي بضايق لان حقيقي احساسي بيها كا بنتي و كا أب ليها اكبر بكتير مما تتخيل يعني من الاخر يا سلامه اللي انت هتعملوا مع ايه انا هعمل زيه و اكتر منك الماديات مش هنختلف عليها كفايه عندي انها بتحبك و انت بتحبها يعني كل اللي هطلبوا منك بس انك تحافظ عليها و متزعلهاش تقف في ضهرها ديماً تدعمها مهما عملت معاك صوتك ميترفعش عليها لو زعلتك تعالي ليا وقولي مع انب واثق في تربيه بنتي و عارف انها لا هترفع صوتها و لا عمرها هتضايقك أيه جميله و روحها حلوه و انا واثق ان هي عمرها ما هتعمل اي حاجه تخليك تغضب او تطلعك عن شعورك هي طفله طول الوقت وبريئه بس وقد الجد هتلاقيها جنبك سند لو لا قدر الله وقعت مش هتلاقي اجدع منها هتبقي معاك في الصح و الغلط بس لما تبقوا لوحدكم هتكامك في الغلط و هتنصحك و هتاخد بأيدك و هتحس قد ايه هي عاقله باختصار أيه مكسب و اضافه لاي شخص في حياتها صدقني .

سلامه….بابتسامه عارف ياعمي يمكن اول ما عرفتها اتعاملت معاها علي انها اختي الصغيره حقيقي كنت بحس انها طفله بس لما عرفتها اكتر بدأت اشوف فيها كل اللي حضرتك قولته ده و صدقني مش مجرد كلام بس انا عمري ما هزعلها وارد نختلف يحصل بينا مشاكل بس اتأكد ان المشاكل و الاختلافات دي لما تخلص هتقوي علاقتنا ببعض و عمري ما هزعلها او اوجعها و لا عمري هخليها تنام و هي مضايقه او زعلانه

احمد…..وهو ده بالظبط كل اللي محتاجه منك ايه فقدت في حياتها حجات كتير يمكن انا و الولاد و صحابها قدرنا نعوضها كتير يمكن عمرها محست بطعم مرارة الفقد ده بس كمان هي ذكريات مش حلوه لو افتكرتها في النهايه اللي يدخل حياة أيه لازم يكون عوض ليها و انا واثق فيك يا سلامه و مش هنكر اني حبيتك و احترمت كذا موقف ليك رغم يعني اني حاسس انك هتغلبني زيها بالظبط بس يعلم ربنا انك دخلت قلبي و اعتبرتك ولد من ولادي و انا ليا نظره في الناس و عارف كويس انك هتكون قد ثقتي فيك

سلامه….بسعاده انا ليا كاريزما بردوا متنكرش

احمد….بضحك خبطه علي كتفه اتلهي و متتنفخش اوي كده عشان لو فكرت تعمل غير كده هتلاقيني واقف في وشك

سلامه….بضحك متقلقش هي اللي هتزعلني مش انا اللي هزعلها

احمد….ولا هي كمان اطمن ايه انا عارفها كويس لما بتحب بجد بتدي من كل قلبها يعني انت جهز نفسك لان عندك مسؤوليه كبيره و زي ما هتاخد منها لازم تديها

سلامه….وانا عيوني ليها بس بردوا ريحني وقولي طلباتك

احمد….مش هقولك لان بنتي مش بيعه يا سلامه اطلب فيها طلبات و شويه فلوس علب شويه كماليات بنتي غاليه

سلامه….عارف انها مش بيعه وعشان هي غاليه لازم تطلب فيها كل حاجه

احمد…صدقني يا سلامه الغالي مفيش حاجه تقدر تمنه اعمل اللي انت عايزه عشان تفرحها يعني فرحها بطريقتك و انا مش همنعك اللي في استطاعتك تعملوا عشانها اعملوا و اللي مش هتقدر عليه انا هعملوا بدالك

سلامه……بابتسامه و انا مش عايز اي حاجه انا هعمل لايه كل حاجه تتمناها و بردوا مش هضيع حقوقها حتي لو مش هتقول انا عندي اخت بنت زيها زي ايه واللي هتمني انه يتعمل مع اختي هعمل زيه لايه اطمن.

احمد….بابتسامه و انا مطمن يا سيدي

في وسط ما هما بيتكلموا دخل عليهم شاب طول بعرض زي القمر

الشاب….مساء الخير

احمد….مساء النور اتفضل

الشاب…..بص حواليه هي انسه ايه مش موجوده

بصلوا سلامه و رفع حاجبه

احمد….لا والله هي مش موجوده الوقت بس قولي محتاج ايه

الشاب…..لا انا كنت عايزها في حاجه ضروريه هي هتيجي طيب انهارده

سلامه….احمممم خير يعني اقصد في حاجه ليك هنا عايزها قولي ممكن اساعدك

الشاب…..لا لا مليش حاجه انا كنت عابزها في موضوع بس لو تعرفوني بس امته تكون هنا يبقي شكراً

احمد….بص في الساعه كانت خمس ونص هي قالت هتيجي علي اخر النهار يعني علي سبعه ممكن تكون هنا بأمر الله بس لو عايزها ضروري انا ممكن اكلمهالك

الشاب….هو انا كلمتها بس مردتش بس مش مهم هعدي عليها علي الساعه سبعه بأمر

سلامه…..كلمتها فين يعني

الشاب….علي موبايلها

سلامه….ااااه

الشاب….طيب انا هستأذن و اسف علي الازعاج شويه و هعدي عليها

احمد….اتفضل يا ابني

فضل سلامه باصص للشاب بغيظ و بعدين بص لاحمد

سلامه…..عايزه ايه ده تعرفوا

احمد…..والله ما اعرفوا اول مره اشوفوا بس اكيد عايزها في شغل

سلامه….اممممم ماشي

احمد….بابتسامه يلا خلينا نخلص و لا تعبت

سلامه…..بغيظ و هو لسه باصص علي الباب لا متعبتش يلا

احمد….صحيح هي ايه الشنطه دي لو هدومك ابعدها شويه عشان الشعر بتاع الكلاب ميطرش و يجي عليهم

سلامه…..اااا لا انا لبسي في العربيه ده لبس لتامر

احمد….تامر !

سلامه….اه ده قميش يعني بدل اللي خدته هو انا بصراحه روحت اجيبلوا من نفس الفرع نفس القميص لاقيته بس ملاقتش اللون فا جبتلوا لون تاني

احمد….انت عبيط يا ابني من كل عقلك جايب قميص بدل اللي خدتوا

سلامه…..يعني الراجل اداني القميص بالتيكت البسوا و ارجعوا ملبوس

احمد….ومي قالك رجعوا عيب انتوا اخوات

سلامه….عادي ما انا و اخواتي بنتعامل عادي مع بعض

احمد…..طيب ابعد الشنطه دي و خلب بالك تامر مش هياخدوا عيب لو انت مكانه مش هتاخده

سلامه…..لا متشغلش بالك احنا شباب مع بعض و بعدين لما يبقي في نسب بينا متقلقش هبقي اخدوا تاني

بصلوا احمد و ضحك و بعدين سابه ودخل.

احمد…..اللهم طولك يا روح بقولك ايه صحيح انت مش جعان انا جوعت اوي

سلامه….قولي عايز تاكل ايه و انا اجيبلك

احمد….لا هليك في نفسك هتدفعلي انا كمان حق الاكل اقعد هنا هروح اجيب حاجه ناكلها و اجي

سلامه….طيب تروح ليه ما نطلب بالموبايل

احمد….مبعرفش اتعامل معاه خليك في حالك

سلامه….هطلب انا

احمد….لا مش هتطلب و خليك قاعد هنا لحد ما ارجع

سلامه…..ماشي اللي تشوفوا

خرج احمد وسابه

سلامه….بغيظ قال عايز انسه ايه ضروري ده انت يومك اسود انت و هي .

………………

رشيد…..ها يا حبيبي قولتي ايه

ايمي….طيب قولي رأيك

رشيد….ايمي انا قولتلك مليش علاقه بأي حاجه اللي هتختاريه هوافق عليه

ايمي…..هو مش بيتك انت كمان متعصبنيش بقي

رشيد….بيتي يا حبيبي بس انتي اللي هتختاري مش انا انتي اللي هتقعدي فيه اكتر مني انتي ست البيت يعني لازم كل حاجه تبقي موجوده تبقي راضيه عنها و بعدين انتي ذوقك احلي

ايمي…..طيب حتي قولي رأيك

رشيد….حلو والله و جميل اوي بس انا حاسس انك محتاره و مش حاسس انه عاجبك اوي

ايمي….هو عاجبني و التاني بردوا عاجبني اوي وحقيقي محتاره بينهم

رشيد….يبقي روحي كده بعيد مع نفسك و قرري بهدوء و تخيلي كل واحد فيهم في البيت شوفي ايه اللي هتحسيه احلي

ايمي….يعني مش هتريحني بردوا

رشيد….بابتسامه غمزلها هريحك بس بطريقتي

ايمي….بضحك مش هرد عليك يا قليل الادب

سابته و بعدت شويه خدت صوره للاتنين و بعتتهم لتامر اول ما فتح الواتس و ظهر قدامها انه شافهم اتصلت عليه.

تامر…..ها يا ايمي

ايمي….بقواك ايه رشيد مش راضي يريحني و يختار معايا و انا بصراحه محتاره بين الاتنين دول قولي رأيك

تامر…..الاتنين حلوين اوي بس التاني احلي بكتير و ماتشينج مع الوان الببت بطريقه غبيه يعني اجمد

ايمي….انا قولت كده والله هما عاجبني اوي بس احتارت و مبقتش عارفه اختار

تامر…..لا متحتاريش واضحه جداً التاني رهيب اوعي تختاري غيره

ايمي….بابتسامه روح يا شيخ ربنا يرزقك بعروسه قمر

تامر….بضحك اسمعي ركزي بس في المقاسات ها اوعي تبصي بس للشكل

ايمي….لا اطمن المقاسات اللي قولتلي عليها كتباها في ورقه و علي فكره المكان هنا فعلاً يجنن شكراً بجد يا تيمو علي اختيارك

تامر….حبيبتي يا ايمي علي ايه بس انا قولتلك هتلاقي هنا كل اللي انتي عيزاه بس اوعي تنسي تقولي انكم تبعي عشان يتعمل ديسكاوند حلو

ايمي….لا قولتلهم و طلعت معروف و انا معرفش

تامر….عيب عليكي انا حاضرين ديماً المهم ده اول حاجه تختاروها

ايمي….لا طبعاً احنا هنا من بدري و جبت حجات كتير

تامر….يعني لسه فاضل حاجه

ايمي…..هو تقدر تقول كده اني تقريباً لاقيت كل اللي عيزاه و في حجات لسه مروحتش اختارها بس لمحتها من بعيد كده و انا بختار و عجبوني اوي

تامر…..طيب تمام عيشي براحتك و اي حاجه تحتاجيني فيها انا معاكي

ايمي….ماشي يا تيمو ربنا يخليك يا حبيبي و افرح بيك قريب

تامر….حبيتي يا ايمي يلا روحي خلصي و ابقي عرفيني

ايمي….اوك يلا سلام قفلت معاه ولفت ضهرها لقت رشيد حطت ايدها علي صدره و بصتلوا حرام عليك خضتني

رشيد….بابتسامه رفع حاجبه خير حبيبي و ربنا يخليك ليا

ايمي….بضحكه جمياه و نظره اجمل ايه هو القمر بتاعي غيران

رشيد….غيران بس ده انا هروح اكسؤ دماغ تامر

ايمي….بضحك با شيخ حرام عليك ده اخويا الصغير

رشيد….اخوكي الصغير امممم طب بصي لا في صغير ولا في كبير مفيش غير حبيب واحد بس انا مفهوم

ايمي….بابتسامه دلع ايه و انت عندك شك

رشيد….بنظره شقيه لا بس يعني بغير عليكي اكيد

ايمي….تغير عليا من تامر ده اصغر من اخويا

رشيد….مليش دعوه بردوا بغير

ايمي….طيب اعمل حسابك هخليك تغير كتير و ادام بتغير من كلمه حبيبي هقولها لاي حد اعرفوا عشان شكلك حلو اوي وانت غيران

رشيد….رضحكه جميله تمام بس لما ارتكب جريمه بقي و لا اضرب حد فيهم متبقيش تقولي عليا متوحش

ايمي….لا انت جميل و مش هتعمل كده

رشيد….بتضحكي عليا بكلمتين ها

ايمي….والله لو كنت ريحتني من الاول واختارت معايا مكنتش اتصلت عليه

رشيد….. انا قولتلك هريحك

ايمي….بضحك وانا قولتلك انك قليل الادب

رشيد….بس بحبك

ايمي….وانا بموت فيك يا غيار

رشيد…اااااه صبرني يارب و عدي الايام دي بسرعه بقي

ايمي….مستعجل علي ايه

رشيد…..علي اللحظه اللي هقفل فيها الباب ورانا لما ندخل البيت

ايمي….بنظره جريئه تجنن هتعمل ايه

رشيد….بضحك هعمل ايه لا خليها مفجأه بقي

ايمي…..بضحك طيب يلا يا مجنون

رشيد…قالك ايه استاذ تامر

ايمي….قالي نختار التانيه و دي بصراحه اللي عجبتني اكتر

رشيد…طيب يعني خلاص عجباكي اكيد

ايمي….لا خلاص عجبتني والله

رشيد….اوك يا عمري مبروك عليكي يلا تعالي بقي نشوف الراجل

ايمي….يلا.

………………

في عيادة سلمي خلصت كشف كان معاها و مكانش في حد بره و الكشف التاني المفروض كان علي وصول عشان هي قدمت المواعيد فا حصل اغبطه شويه و تأخير قعدت تشرب النسكافيه بتاعها و قالت تكلم حسان لحد ما الكشف الجديد يوصل.

حسان…..ابتسم اول ما شاف اسمها ورد ده ايه بقي المكالمه الحلوه دي

سلمي….بابتسامه ايه مالها اول مره اكلمك ولا ايه

حسان….لا بس يعني مش بعرف اتلم عليكي طول ما انتي في الشغل

سلمي….ما انا بقي عشان موضوع تقديم المواعيد ده حصل شويه لغبطه فا خلصت اللي وصلوا و المفروض في كشفين كمان او تلاته مش فاكره اوي بس هما جايين يعني فا قولت اكلمك و اطمن عليك لحد ما يجوا

حسان….بابتسامه والله لولا اني عايز اشوفك ناجح في شغلك ديماً كنت قولت يارب ما حد يجي عشان تفضلي معايا

سلمي….بابتسامه علي فكره انا هشوفك انهارده يعني بلاش طمع

حسان…..والله انا طماع بقي عاجبك ولا لأ

سلمي…..ماشي عاجبني و وحشتني علي فكره

حسان….انتي اللي وحشتيني و كنت قاعد الوقت افتكر لما كنا مع بعض في دهب بجد ايام حلوه اوي

سلمي…..تعرف انها وحشتني بجد يعني و حشني اني اشوفك الصبح لما اصحي لما نقعد نفطر لما نقعد نتكلم لما نروح البحر كل السفريه وحشتني اوي و هتفضل بالنسبالي احلي سفريه سافرتها في حياتي

حسان….مش انتي بس انا اوقات بحس ان السفريه دي غيرت حجات كتير فينا كلنا و كان ليها فضل كبير اننا نكون مع بعض

سلمي….صح انت عارف يا حسان لما بركز كده و الاقي ان كل اتنين فينا بقوا مع بعض بستغرب و بحس اني بحلم يعني مش مصدقه اننا روحنا بس عشان نريح اعصابنا رجعنا و كل واحده فينا مع حبيبها

حسان……عارفه ايه احلي حاجه بجد في الموضوع

سلمي….ايه

حسان….يعني ان انا و الشباب مرتبطين ببعض جداً وانتي والبنات بردوا مرتبطين ببعض جداً مش مجرد صداقه عاديه يعني انا مستحيل مثلاً اضايق لو قولتيلي انك رايحه لاي حد من البنات لاني هبقي واثق في راجل البيت اللي انتي داخله فيه و بيتهيألي انتي كمان لو قولتلك اني رايح اعدي علي اي حد من الشباب هتضايقي من ست البيت لانها صاحبتك

سلمي… بابتسامه فهماك و بجد حقيقي دي احلي حاجه في الموضوع كلنا بقينا صحاب و اخوات و عيله كبيره كبرت بالصدفه

قطع كلامهم خبط الباب

سلمي….حبيبي خليك معايا لحظه

حسان….معاكي يا حبيبي

سلمي….ادخل

نهي…دكتور سلمي استاذ سامر اللي كان هنا الوقت رجع تاني و عايز حضرتك

سلمي….اوك خليه يدخل حبيبي طيب تقفل و اكلمك تاني

حسان…..لا انا معاكي يا قلبي مش ورايا حاجه

سلمي….اوك بصت علي الباب اتفضل يا استاذ سامر

سامر…..بابتسامه اسف علي الازعاج مره تانيه

سلمي….لا ابداً اتفضل

سامر….هو انا نسيت أسال حضرتك يعني لو حسيت بألم اخد ايه لان انا بصراحه عندي مشاكل مع المسكنات و مش بحب اخد كتير يعني

سلمي….طيب تقدر تاخد باندول هو خفيف اوي و مش متعب متقلقش وبعدين انا قولتلك مش هتحس غير بألم خفيف يعني تقدر تتحنله بس لو حسيت ان الالام ده عاملك ازعاج يبقي باندول

سامر…..بس كده

سلمي….بس كده

سامر….تمام بجد ميرسي اوي يا دكتور يعني كنت متوتر لان بصراحه مش بحب دكاترة الاسنان بس شكلي كده غيرت رأي

سلمي….بتوتر ابتسمت ااا ميرسي لحضرتك و الف سلامه عليك اشوفك السيشن الجاي متنساش معادك

سامر….اكيد مش هنسي طبعاً بعد اذنك

سلمي….اتفضل اتقفل الباب و رفعت سلمي الموبايل مره تانيه معاك يا حبيبي اسفه لو أتأخرت

حسان….مين الحلو ده ؟

سلمي…بابتسامه اااا مفيش ده كان عنده كشف من شويه و شغل في سنانه

حسان….انا مالي انا شغل في سنانه و لا في دماغه ماله ده مبتسم ليه

سلمي…..بضحك وانت شوفته ازاي بقي

حسان….مش لازم اشوفه عشان اعرف انه مبتسم يعني

سلمي…بابتسامه انت مالك فيك ايه

حسان…..سبحان الله بقي رجع تاني عشان مش عارف انه لو تعب ممكن ياخد بنادول

سلمي….الراجل قال انه مش بيحب المسكنات و حب انه يسأل

حسان….اااام لا هو واضح انه محبش يسأل بس ده حب كمان دكاترة الاسنان بفضلك يا دكتور

سلمي…..بضحكه جميله هو حبيي غيران ولا ايه

حسان…..بصوت باين عليه النرفزه هو ماله بجد ده يعني غريب اني ارجع تاني عشان اسأل علي مسكن واضح اوي يعني انا قاصد يرجع

سلمي….وانت ايه عرفك بقي انه راجع قصد

حسان….باين يعني شغل رخيص و نبرة صوته واضحه للعبيط

سلمي….بضحك قصدك اني عبيطه

حسان…..سلمي انتي بتضحكي ليه بتستفزيني يعني

سلمي….بضحك والله ابداً بس شكلك حلو وانت غيران

حسان….انا مش غيران بس مش بحب الطريقه دي و احمدي ربنا اني مكنتش عندك

سلمي….بابتسامه كنت هتعمل ايه

حسان…..ابداً هطفشلك المرضي كلهم او هزودهملك لما اكسر صف سنانه

سلمي…..بضحك اااااه قولتلي بقي ده طلعت الغيره بتقلب معاك بجنان علي فكره بقي الراجل محترم

حسان….لنفسسسسسه مش ليكي هو جاي امته تاني

سلمي…..بأبتسامه حبيبي انت ايه اللي جرالك بجد

حسان….جاي امته يا سلمي

سلمي….بعد اربع ايام

حسان….امممم طيب تمام

سلمي….حسان

حسان….نعم

سلمي….مالك جرالك ايه

حسان….ولا حاجه يا قلبي زي الفل

سلمي….لا قلبت فجأه و حاسه يعني انك بجد غيران

حسان…..لا مش غيران

سلمي…..بضحك حساااان

حسان….اه غيران ارتاحتي

سلمي….بحب ابتسمت اه ارتحت و بحبك اوي

حسان….بابتسامه و انا كمان بحبك

سلمي….طيب انا هقفل بقي عشان في صوت بره و شكلهم وصلوا لما تخلص هكلمك

حسان….اممم ماشي مستنيكي

سلمي….بحبك يا مجنون

حسان…وانا بحبك بلاش دلع و نشوف شغلنا

سلمي….بابتسامه حاضر يلا باي

حسان….باي يا قلبي

……………

علي الساعه سبعه اتصلت ليله علي عشري .

عشري….حبيبي

ليله…..بتعمل ايه يا ابن امينه

عشري….بضحكه جميله ابن امينه طالع عينه وانتي ولا ولا سائله

ليله…..هو انت في حد بيسأل عنك غيري اصلاً

عشري…..بابتسامه والله لو عايز غيرك يسأل فا هما كتير

ليله….طب جرب يا ابن امينه يابلطجي و اتحمل اللي عملوا

عشري….هتعملي ايه يعني

ليله…..هقتلك انت واللي هتسأل

عشري…..بضحك لا لا متقدريش

ليله….بطل تستفزني ربنا يكفيك شر غضبي

عشري….يابت بلاش فتحة الصدر دي قولتلك ميت مره لو مسكتك هطبقك امبارح مكنتيش عارفه تفكي ايدك مني

ليله….فكرتني صحيح يا غبي و انا قاعده اقول من بدري ايدي ليه وجعاني

عشري….بابتسامه ايدك مالها

ليله….كف ايدي هيموتني حاسه ان العضم في مشكله قولت يمكن اتخبطت بس افتكرت الوقت ده انت يومك مش معدي لما اشوفك

عشري…..يارب اموت

ليله…..بعد الشر يا قلبي لا خلاص والله هعيط

عشري….باتسامه بتوجعك اوي

ليله….امممم مش قادره اصلا امسك دركسيون العربيه هي مش فيها اي لون بس وجعاني

عشري….حقك عليا انتي اللي عضمك طري انشف يا وحش

ليله….طيب سيبك من ايدي بتعمل ايه

عشري….في الفرع بتاع الكافيه الجديد كنت بشوف شويه حجات و بجيب حجات كده يعني طالع عيني والله وجعان اوي

ليله….طيب ليه مكلتش

عشري….مفيش وقت والله يا ليله يادوب اجيب حاجه وارجع بيها و بخلص مشاوير و اكيد مش هقعد اكل لوحدي يعني قولت اخلص بس اللي ورايا

ليله….اممم وطبعاً مقضيها سجاير و قهوه

عشري…..اعمل ايه طيب قوليلي انتي فين كده سايبك انا براحتك انهارده عماله تلفي علي كيفك

ليله…..اه خليك كده علي طول بقي عشان اخد راحتي

عشري….وحيات امك

ليله….بضحك اتلم يا بلطجي و بعدين انت مضايق ليه مش انت اللي سايبني خليني اشوف بقي حد يسأل عني

عشري…..ليييييله اظبطي عشان مزعلكيش

ليله….بضحك انا قولت في حد انا بقول هدور

عشري…..طب نظبط عشان والله هقلب

ليله…بابتسامه تجنن بتغير يا بلطجي

عشري….اه بغير و ربنا يكفيكي شر غيرتي يا ليله عشان مش هتعجبك

ليله….هتعمل ايه و بعدين ههون عليك

عشري…..لا مش هتهوني هعملك بس ظبط زوايا لعقلك بس هتترحمي علي اللي هيجي جنبك

ليله…..بضحك ايه هتقتلوا

عشري….مش بتقولي عليا مسجل خطر جربي و انتي تشوفي شغل المسجلين وخدي بالك هي مش بالقتل بس هخلي الست ليها فايده عنه

ليله…..بضحك هتعمل ايه يا قليل الادب

عشري….بضحكة غيظ بلاش اقول عشان وشك ميحمرش بس اكيد فهمتي

ليله….بضحك بموت يا بلطجي

عشري….فينك اخلصي

ليله…انا لسه حالاً طالعه البيت هريح بس شويه و بعدين هقوم اخد شاور و اظبط نفسي و اجي علي المطعم

عشري…..خليكي انا هبقي اجي اخدك

ليله….لا روح علي هناك علي طول لسه هستناك كل ده انت لسه عندك في الكافيه و علي ما تيجي هتاخد وقت روح وانا هاجي علي طول اصلا ممكن اروح قبلك

عشري…..طيب ماشي نعيمه هتيجي معاكي

ليله….شارب ايه عالصبح يا متشرد ما انا قولتلك نوني عند اهلها

عشري….اه صح يعني القمر لوحده في البيت

ليله….بابتسامه جميله ايه يلا

عشري….بضحك خدي بالك انا بتلاشي اني اشوفك لوحدك بس انتي اللي بتجري شكلي

ليله….بضحكه جميله و شقيه و حشني الشيست يا بلطجي

عشري….بضحك يابت ارحمي امي و الله هجيلك انا وشيطاني واللي يحصل يحصل بس مترجعيش تعيطي

ليله….بضحك لا خلاص خليك مكانك و ادي لشيطانك اجازه بس ده ميمنعش يعني ان حضنك وحشني

عشري….بس كده احلي حضن لاحلي ليله في الدنيا انا بقول تقفلي بقي عشان الدنيا مبقتش مظبوطه

ليله….بضحك انا بقول كده بردوا

عشري….ليله

ليله….عيون ليله

عشري…..لما كنا في دهب قولتلك انك شكلك كده هتاخدي مكان صاحبه او حبيبه و شطارتك بقي تاخدي مكان زوجه و ام و اخت و اهل

ليله….بأبتسامه ايه خدت مكان جديد؟

عشري…..احتليتي قلبي و استغنيت بيكي عن كل الدنيا يا ليله خدتي مكان كل عزيز في قلبي و بقيتي الاولي و عن جداره

ليله….بابتسامه لا مليش دعوه انا عايزه حضن الوقت

عشري…..باتسامه تجنن عيوني لما اشوفك

ليله…..بحبك اوي يا عشري

عشري…. انا بحبك اكتر و عايز اقولك انتي لو مش في حياتي انا ممكن اروح فيها

ليله….لا اطمن انا قاعده علي قلبك

عشري….و انا راضي

ليله….طب يلا امشي وبلاش دلع احسن انا ما بصدق

عشري….بقولك ايه صحيح

ليله….قول يا عمري

عشري….لما نقابل الشباب هنقعد معاهم شويه و نخلص اتفاقتنا و بعدها هخلع انا وانتي

ليله….علي فين المرادي

عشري…..المكان اللي يعجبك

ليله….لا انا هسيبها ليك انت عشان تبقي ذكري جديه واهو يبقي عندك مكان رابع لو زعلتني تدور عليا فيه

عشري…..بضحكه جميله ماشي يا ستي موافق يلا روحي شوفي هتعملي ايه و انا لما اتحرك من هنا هكلمك

ليله….صحيح تسيت اسألك فضل كلم انكل عادل

عشري….اه كلموا خلاص و اتفقنا و بكره هنروح باذن الله

ليله….بابتسامه اوك يا حبيبي يلا باي

عشري….باي يا عمري

قفل عشري و اتنهد و هو بيهمس

عشري…..اوعي تبعدي يا ليله خليكي جنبي .

…………….

عند سلامه واحمد و صلت ايه علي المحل كانت راكبه اوبر مش قادره تسوق و كان باين عليها انها تعبانه و واخده دور برد فظيع.

ايه….بابتسامه عاملين ايه من غيري

احمد…بابتسامه اهلاً نورتي الدنيا

ايه….حبيبي يا بابا

بصت علي سلامه كان باصص عليها و مبتسم ابتسامه واسعه

ايه….بضحك ايه اللي عامله في نفسك ده

سلامه….بضحك حمد الله علي السلامه

ايه…الله يسلمك ايه اخبار الشغل تعبتوا طبعاً

احمد….انا عن نفسي متعبتش بس سلامه اللي شكلوا تعب

سلامه….انا لا خالص والله

احمد….عامله ايه الوقت ؟

ايه….احسن كتير الحمد لله

احمد….كلتي و خدتي العلاج بتاعك ولا انا انا كنت محضرلك كام حاجه كده تاكليها شوفتيهم ولا لا

ايه…..اه يا حبيبي تسلم ابدك شوفتهم و كلت منهم و خدت العلاج كمان

حطت ايده علي راسها

احمد….الحمد لاه مفيش حراره خلاص

ايه….لا مفيش خلاص بقيت احسن

سلامه….بس شكلك تعبان لسه

ايه….جسمي مكسر شويه و عندي برد بس مفيش حراره يعني

سلامه….طيب اقعدي ارتاحي احنا كده كده خلصنا بس هظبط الدنيا جوه

ايه…..حقكم عليا انا تعبتكم انهارده

سلامه….تعب ايه بس احنا اصلا قعدنا وكلما وشربنا واتكلمنا يعني الوقت عدي بسرعه و اتسلينا

احمد….بص لايه وابتسم جنني خدي بالك بس صراحه اتسلينا

ابتسمت ايه و بصت لسلامه بهدوء بكل حب كان واحشها و كانت نفسها تحضنه علي كل حاجه بيعملها معاها

سلامه…..بصلها وابتسم و بعدين رجع بسرعه لعقله لما لمح احمد ااااا اعملك حاجه تشربيها

ايه….لا لا انا مش قادره خالص

احمد…..مش هتروحي تشوفي المفجأه

ايه….اه صح انا نسيت مفجأه ايه اللي انت عاملها يا سلامه

سلامه….بابتسامه لا طلعت سر انا قولت هتقولها

احمد….ليه فتان انا

سلامه….بضحك لا لا العفو تعالي شوفيها

دخل سلامه قبلها و دخلت هي وراه و فضل احمد واقف في مكانه باصص عليهم

ايه…..بصدمه ابتسمت وبصتلوا ايه ده ؟

سلامه…..بهمس عشان تغير براحتك يا قمر و محدش يشوفك

ايه….انت عملتها امته دي اصلا لحقت ازاي

سلامه…..يعني احنا جامدين بردوا

ايه….بجد شكراً يا سلامه

سلامه….علي ايه يا عبيطه انا قولت يعني اكيد نسيتي الموضوع و مش هتعمليه و انا هفضل مشغول بالموضوع ده فا اعملوا انا و اخلص منه بس زي ما قولتلك حتي لو البروڤا دي موجوده قبل ما تغيري تقفلي عليكي الباب من بره مفهوم

ايه….بنظره حب مفهوم

سلامه….تعالي يلا اخسن ابوكي واقف عينه علينا زي الصقر ما صدقت رضي عني

ايه….بضحك ايوه حاسه انه هيقلب عليك تعالي يلا

خرجوا بره و راحوا علي احمد

ايه….ايه الشنطه دي

احمد…..سلامه يا ستي جايب لاخوكي قميص بدل اللي خدوا منه

بصت لسلامه

ايه…ده بجد

سلامه….اااا يعني ده بتاعه و انا خدته عشان ظرف و اكبد مش هرجعوا مش حلوه يعني فا جبتلوا بداله هو اينعم لون تاني بس نفسه بالظبط و نفس المقاس

ايه….انت بتهرج يا سلامه هي الفكره انه عيب ترجع نفس القميص عشان اتلبس ولا انك ترجعوا اصلاً

احمد….قوليلوا بقي

سلامه…..مفيهاش اي حاجه القميص كان جديد و انا زي ما قولت وافقت اخده عشان ميزعلش

ايه…..لا هو في الحالتين هيزعل و مس هو بس يعني انا كمان بجد هزعل

سلتمه….بابتيامه اطلعي انتي منها بكره هبقي اخده منه لما يلبسوا عشان لونه عاجبني

ابتسمت غصب عنها و هي مضايقه منه

ايه….ماشي بس مش حلوه يعني
الحركه بجد

سلامه….لا حلوه و اطلعي منها انا و تامر خرين مع بعض

ايه….طيب هنشوف لما يعرف هيقولك ايه

دخل في الوقت ده نفس الشاب مره تانيه بص سلامه علي الباب قبل ما يتفتح و هما كنان بصوا

سامر….مساء الخير

احمد….اسف انا نسيت اخلص اقولها

سامر….بابتسامه لا ولا يهمك

ايه….بابتيامه ازيك يا سامر

سامر…..ازيك انتي يا ايه اخبارك ايه

سلامه….بهمس و هو متغاظ ايه وسامر رفعتوا الالقاب ده يومكم ازرق

سامر….انا سألت عليكي و عرفت انك هتيجي متأخر فا معلش بقي سامحيني علي الازعاج

ايه…..لا طبعاً ده مكانك

سامر…..طيب انا كنت عايزك شويه في موضوع مهم

ايه….طبعاً تعالي اتفضل

راحت قعدت علي المكتب و هو قعد قدامها بص احمد علي سلامه من فوق النضاره و هو مبتسم علي سلامه اللي عينه بتطلع شرار

قرب منه و بصلوا و هو داخل علي جوه.

احمد…..يلا خلينا نخلص جوه

سلامه….ماشي

دخل وراه و فضل واقف جنب التربيزه و هو عينه عليهم مش سامع بيتكلموا في ايه و هيتجنن

سلامه…..اااا هو مين ده ؟

احمد…ما قولتلك معرفهوش اول مره اشوفوا

سلامه….امممم بس واضح يعني انه عارفها كويس و كمان بيقولها ايه من غير القاب

احمد…بابتسامه هاديه جايز زبون مهم

سلامه….زبون مهم

احمد….مالك عمال تهري و تنكت في نفسك ليه لو يهمك تعرف هو مين روح و متسبهاش لوحدها

سلامه…..اااا اروح

احمد….بابتسامه و الله انا لو مكانك و غيران هروح

سلامه…..غيران اااا لا انا مس غيران يعني فب النهايه انا واثق في ايه بس هو مستفزني بصراحه

احمد….هو مبداياً كده في فرق كبير بين الثقه والغيره بس ده مش موضوعنا اللي عايز اقواه بدل ما انت واقف كده روح شوف في ايه

سلامه…..ااا ما انا مش عايز اسيبك لوحدك وبصراحه مش عايز ايه تفكر اني مش واثق فيها و تفهمني غلط

احمد….لو عليا ملكش دعوه بيا مفيش حاجه كبيره اعملها ولو علي ايه مش هتفكر كده و اكيد هتتبسط

سلامه….بصلوا يعني اروح

احمد…بضحكه جميله هز راسه روح

قلع سلامه السلةبيت اللي كان لابسه و علقوا و بعدين خرج علي بره قعد من غير ولا كلمه علي المكتب قدام سامر و بصلهم بهدوء

بصت ايه عليه و ابتسمت غصب عنها.

ايه…..اااااا اعرفك يا سامر استاذ سلامه و يبقي اخو الاستاذ اللي كلمتك عنه

سامر….اتشرفت بحضرتك

سلامه…..شكراً هو في حاجه يا ايه

ايه…. بابتسامه بسيطه اااا لا سامر صاحب الكلبه اللي قولت لعسال عليها بس هو حصل معاه ظرغ طارئ و مضطر يسافر اسبوعين بره مصر و كان جاي يسألني علي موضوع يعني اننا ناخدها منه و تفضل معانا لحد ما يرجع

سلامه….اااااه

سامر….انا خلال يومين بالظبط هسافر و قولت يعني لو الموضوع جد يبقي عرفت هودي لي لي فين و كمان بصراحه مرتاح ان الشخص اللي هياخدها من طرف ايه يعني ثقه

سلامه….اممممم لا اطمن انسسسسسه ايه ثقه جداً و لي لي هتبقي في الحفظ و الصون شوف عايز تجيبها امته و انا هاخدها منك لو حابب انهارده تمام بس هيبقي متأخر شويه

فضلت ايه مبتسمه وساكته

سامر….حلو جداً ياريت انا بسهر عادي و بيتي مش بعيد من هنا يعني لو خلصت مشوارك كلمني او ااا انسه تكلمني و هنزلها ليكم

سلامه….بأبتسامه امممم طيب انا هاخد رقمك من انسه ايه ده بعد اذنك يعني و هبقي اكلمك

سامر….طيب هي قالتلي ان هي هتروح علي مدينه نصر انا طبعاً معنديش شك بس سامحني اكيد حابب اطمن اكتر لان هي غاليه عندي اوي

سلامه….مين اللي غالي عندك؟

سامر…ااا لي لي

سلامه….اه لي لي طيب متقلقش خالص لو حابب ابعتلك لوكيشن البيت تمام معنديش مشكله لو حابب تشوف اخويا هخلبك تشوفوا بليل هيبقي معايا و بعدين اطمن متقلقش هي في امان واحنا مش اغراب يعني انا خطيب انسه ايه

بصتلوا ايه بصدمه و ابتسم احمد من جوه .

سامر….بابتسامه والله طيب يعني الموضوع في بيتها خلاص يبقي اتفقنا و مش هوصيكم علي لي لي

سلامه….اطمن متقلقش

سامر…..طيب انا هستأذن بقي و هستني مكالمة حضرتك بليل

سلامه….ان شاء الله شرفت يا استاذ سامر

سامر…..شكراً يلا بعد اذنكم

ايه….بهدوء اتفضل

فضل سلامه باصص عليه لحد ما خرج و بعدين بص علي ايه لقاها بصاله و مبتسمه

ايه….بهمس انت ايه اللي قولتوا ده

سلامه….ايه قولت ايه

ايه….قولت انك خطيبي يا سلامه

سلامه…..اه فين المشكله

ايه…بابتسامه انت مجنون بابا اكيد سمعك

سلامه….ما يسمعني ماهو عارف انا عايز منك ايه لا بلعب ولا بتسلي بس مين ده اللي شايل اللقب و مقطع بطاقته

ايه….بضحك سلامه انت غيران

سلامه….اه غيران فيها حاجه دي

ايه….بابتسامه اااا لا مفيش

سلامه….طيب ماشي انا هروح اجيب التيشرت بتاعي من العربيه عشان اغير

ايه….اوك ماشي

خرج سلامه و كان باين عليه الغيره جداً

بصت علي احمد لاقته باصص عليها و مبتسم

احمد…..جدع الواد ده و بيبحك علي فكره

ايه….بابتسامه اااا بابا

احمد…بضحكه جميله حقه و اللي بيحب بيغير

ضحكت ايه و بصتلوا وبعدين بصت علي سلامه كان قاعد جوه العربيه و بيشرب سيجاره.

بعد حوالي نص ساعه كانوا خلصوا كل حاجه والمكان جاهز للقفل

سلامه…..عشان خاطري بس خدوا وصله ليه و انا هكلموا

احمد….هيزعل منك والله

سلامه….بابتسامه مش هيزعل بس عشان خاطري ريحني

احمد…..ماشي المهم خد بالك منها وروحوا علي المطعم علي طول

سلامه….ما احنا رايحين علي المطعم هنروح فين يعني

احمد….بطل لمضاه و قول حاضر

سلامه….حاضر

احمد…..يلا يا حبيبتي اختك قالتلي انها في الطريق

ايه…ماشي يا حبيبي خد بالك من نفسك و لما نخلص هنبقي نيجي

احمد….تمام سلموا علي الشباب و البنات

سلامه….يوصل ان شاء الله يلا اخرج بقي عشان اقفل

احمد….لا متقلقش هقفل انا يلا امشوا

سلامه….ماشي اشوفك علي خير

سلموا عليه و مشيوا ركبت ايه جنبه و بصتلوا وهي مبتسمه

ايه…..ايه بقي الجنان ده

سلامه….خير مش عاجبك

ايه….لا هو عاجبني بس يعني هو مجرد زبون

سلامه….ما انا عارف انه مجرد زبون هو لو حاجه تانيه كان زماني واخده علي البانيو محميه زي الكلاب

ايه….بضحك لا بقولك ايه انا مش متعوده عليك شرير كده

سلامه….بابتسامه لا اتعودي بقي و ابعتي رقمه عشان انا اللي هتواصل معاه

ايه…..بابتسامه جميله سلامه

سلامه….خير

ايه….سامر متجوز و عنده بيبي

سلامه….اااا متجوز

ايه….بضحك اه والله

سلامه…..ابتسم و رجع تاني اغضبه وايه اللي يمنع يعني ان عيني تزوغ هي الرجاله بتعتق

ايه…اااااه جبته لنفسك واعترفت

سلامه….لا مقصدش بس في رجاله عينها زايغه

ايه….هو انت مس واثق فيا

سلامه….اكيد واثق طبعاً بس مش بثق في اي حد تاني

ايه….لا اطمن يا قلبي هو حد محترم و لو مش محترم انا بعرف اوقف الناس عند حدها يعني مفيش داعي تعصب تفسك

سلامه…اممممم طيب وحشتيني

ايه….بحب انت كمان وحشتني اوي

مسك كفها باسه و بعدين فضل ماسكوا و كمل سواقه لحد المطعم

…………….

وصلوا كلهم في المعاد و كانت ايمي مظبطه ليهم تربيزه كبيره بره بتبص علي الشارع في سور حديد يفصلهم عن الشارع و مليان زرع و شكل القاعده يجنن حتي عشري و فضل وصلوا مع بعض وقعدوا كلهم يضحكوا ويهزروا كانوا مستنين بس ليله و نعيمه يوصلوا.

بعد عشر دقايق من وصولهم وصلت نعيمه بالعربيه كانوا شايفينها و فجأه فضل قام وقف لما شاف معاها في العربيه شاب.

ايمي….اهي نوني وصلت

سلمي….مين ده ؟

ايمي….معرفش

فضل…..محدش يعرف مين

ايمي….لا معرفهوش

بصلهم فضل و بعدين سحب الكرسي عشان يروحلها

عشري….فضل

بصلوا فضل شاورلوا عشري بعينه يعني بهدوء

نزل الراجل وجري علي طول نزلت بعده نعيمه و قفلت العربيه و بصت لفضل بأبتسامه وهو بيقرب عليها

نعيمه….وحشتني

فضل….بنظره غضب بسبطه مين ده

نعيمه….اااا معرفش

فضل….نعم يا اختي

نعيمه….فضل براحه بجد معرفهوش

فضل…..ايه يعني اتفاجئتي بيه الوقت راكب جنبك

نعيمه…..ممكن توطي صوتك

فضل…..طب ردددددي مين ده

نعيمه….اااا و انا داخله علي مدينتي لمحته واقف و عربيته كانت بتطلع دخان من قدام وقفت قولت اكيد محتاج مساعده عرفت ان عربيته حصل فيها مشكله و كانت هتولع بس هو اتصرف و طلب مني لو داخله جوه اوصلوا لان مراته تعبانه و لازم يروحلها بسرعه بس قفل عربيته و خدته معايا شكرني و نزل الوقت هو قالي ان بيته هناك

فضل….بغضب انا مالي انا بيته هناك ولا في ستين داهيه انتي ازاي تركبي حد غريب متعرفيهوش

نعيمه…يا فضل بقولك كان محتاج مساعده و كان في عربيه قدامي عدت وموقفتش اسيب الراجل يعني

فضل….تسيبي امه افرضي طلع بيشتغلك و لا واحد وسخ افرضي عمل فيكي حاجه افرضي وقفتي ولاقيته مش لوحده

نعيمه…..يا فضل كل ده محصلش اصلا من اول ما ركب و هو مع مراته علي الموبايل

فضل….بردوا هتحكيلي قصه حياته انتي غبييييييه

نعيمه….فضل وطي صوتك من فضلك

قرب عشري منهم

عشري….خير صوتك عالي ليه

فضل بص لنعيمه بغضب وسكت

نعيمه….ياعشري انا معملتش حاجه كل الحمايه ان الراجل عربيته كانت بتولع ومطلعه دخان و مفيش عربيات كتير اصلا و كان في عربيه قدامي كملت وموقفتش ليه شاورلي و طلب مني مساعده قالي لو داخله جوه خديني معاكي لان مراتي تعبانه ولوحدها وصلتوا و الراجل منطقش معايا بكلمه من اول ما كلع وهو مع مراته علي الموبايل بيهديها واللي فهمتوا انه جاي من طريق طويل بسرعه و ده اللي بوظ العربيه و بس نزلتوا وشكرني و جري زي ما شفتوا
انا غلطت في ايه بقي

فضل…..بردوا هتقولي غلطت في ايه طب ايه يعني انتي عايزه تعصبيني عليكي

عشري….ولااااااا صوتك نعيمه هو خايف عليكي مش اي حد يشاورلك تقفي داهله المكان هنا هاديه جداً و بعدين الحركات دي بتحصل كتير و بيبقوا زي قطاع طرق ربنا سترها معاكي بس لو انتي لوحدك مره تاينه مينفعش تقفي

نعيمه….انا موقفتش غير لما شوفت الدخان والله فكرت محتاج طفايه

فضل…..اروح اولعلك في عربيتي عشان تعرفي اني ممكن امثل عليكي

نعيمه….هو انت بتزعق ليه ما الراجل نزل وجري علي مراته و طلع صادق يعني محصلش اي حاجه

فضل….طب بصي هتستفزيني هتشوفي مني وش مش هيعجبك

عشري….بقولك ايه روح علي جوه

فضل…..بغضب انا ماشي يا عشري

عشري….فضلللللل سمعتني

رشيد….هو في ايه

عشري….خد الواد ده من هنا و انا جاي وراكم

رشيد….تعالي يا فضل

عشري….بهدوء بص لنعيمه كانت ماسكه نفسها بالعافيه و عايزه تعيط
بصي مش هنضحك علي بعض انتب غلطتي

نعيمه….نزلت دموعها ماشي غلطت بس نيتي مكانتش وحشه وربنا وقف معايا و بعدين مكانتش مسافه كبيره يا عشري للي هو عامله ده كله

فضل….انتي عارفه ان هو خايف و غيران عليكي انا لو شوفت ليله جايه و راكب جنبها حد غصب عني مش همسك نفسي

نعيمه….يعني من كل عقلك يا عشري انا لو اعرفه او بعمل حاجه غلط هجيبه و اقف بالعربيه قدام فضل

عشري…..انتي هبله يا بت غلط ايه هو لو فكر فيكي بالشكل ده اصلاً هكسر دماغه انتي ست البنات بس هو راجل وغيران عليكي و ده دليل علي حبه و بعدين حقه يخاف عليكي افرضي شممك اي حاجه ولا عمل فيكي حاجه محدش هيقولوا دي مين و هيفكروكي معاه عادي انا عارف ان نيتك سلميه والحمد لله ربنا ستر بس متتكررش تاني مش عشان فضل عشانك انتي متثقيش في اي حد يا نعيمه الناس مش كلها كويسه فهمتي

نعيمه….بهدوء تمام يا عشري

عشري…بطلي عياط بقي وامسحي دموعك عشان تعرفي تروحي عليهم و بهدوء كده اتكلمي معاه

نعيمه….مش هتكلم معاه اصلا

عشري….يابت متبقيش عبيطه بيحبك كلكم مجانين اصلاً وصاحبتك اولكم

ابتسمت نعيمه و مسحت دموعها

عشري….ادخلي اغسلي وشك وتعالي يلا

نعيمه….ماشي

في التربيزه بتاعتهم

ايمي…..غلطانه اكيد بس براحه معلش متنكدوش علي بعض

عسال….بهدوء يا فضل

فضل….هدوء ايه استفزاني بقولها مين تقولي معرفهوش

حسان…..ربنا ستر اتكلم معاها بهدوء و خلصت مش لازم مشاكل

سلامه….بضحك لما شوفت الراجل نازل يجري فكرتوا سرق حاجه

ضحكوا كلهم و بصلوا فضل بطرف عينه بغضب

ايمي….بضحك مش وقتك يا مصيبه

سلمي….هي جايه هروح اشوفها

ايمي….استني جايه معاكي

قاموا البنات وراها علي جوه و رجع عشري قعد.

عشري…..بالهداوه مالك عملت زي ماسوره المجاري اللي فتحت ليه كده

فضل….طيب لو مكاني هتعمل ايه

عشري…ياعم ملكش دعوه بيا انا مش مكانك بس اتفاهم يعني

فضل….اه اهرب عشان عارف انك مش هتسكت

رشيد…بضحك علي رأي ليله عشري بلطجي

عشري….بابتسامه هو موقف يضايق بس مش مقصود هي شافت الدخان فكرت عربيته بتولع

عسال….حصل خير بقي راضيها بصوتك اللي عامل زي السرينه ده

فضل…..ايه مش عاجبك صوتي انت كمان

عسال…..بضحك لا بقولك ايه فاكر البوكس اللي عرفني بيك جاهز لو تحب

فضل….بضحك طب جرب وانا متعصب الوقت هبوظ وشك يا ميدو

سلامه….متقدرش انا معاه

عشري….بضحك خير هتتلموا علي ابن عمتي يا واطي منك ليه

عسال….طب عيب عليك واطلع انت منها انا حبيبك

رشيد….اقعد يا راعي الغنم

عشري….يا ابني انت خلصان و مفيش فيك نفس

رشيد…اه والله مش قادر خلاص

سلامه….هو احنا ليه قعدنا بره الجو برد اوي

عشري….اجيبلك الجاكت بتاعي من العربيه

عسال…..انت لابس نص كم ليه مش ملتحظ الجو برد اوي

فضل….عامل فيها روش

سلامه….بضحك بس ياراعي الغنم

فضل….ياض هضربك

عسال….امسك البس ده

سلامه…لا لا خليك هتبرد

عسال….امسك اخلص

قرب عشري بالچاكت بتاعه

عشري….البس يا سلامه و انت البس تاني هتبرد

في حمام المطعم.

ايمي….لا انتي غلطانه بصراحه

سلمي….هو عنده حق يا نعيمه فعلاً

نادين….انتي ازاي اصلا جالك الجرأه تركبيه انا لو مكانك مش هقدر بصراحه.

نعيمه…..ضحكت من قلبها

ايه….بضحك هو ضربها علي دماغها ولا ايه

سلمي….بضحك في ايه يا هبله مش كنتي بتعيطي الوقت

فضلت تضحك وهما يضحكوا علي ضحكها

ايمي….في ايه يا بت انتي اتلبستي

نعيمه…..بضحك افتكرت ليله واحنا في دهب لما عيطت و بتقولك عشري زمرلي حسيت للحظه ان فضل كان هزمر هو كمان

ضحكوا كلهم علي ضحكها.

ايمي….بضحك لا فضل عصبي بس طلع مؤدب الا البلطجي اللي بره ده

نادين….بضحك بس والله طيب اوي و بحس ان قلبه زي الاطفال

ايه….بضحك عشري واطفال طب ازاي

ايمي….علي فكره حصل هو طيب اوي بس خلقه في متاخيره

سلمي….عشري ده عسل والله هو انا صحيح بقلق منه و بحس انه متهور بس طيب

ايمي….يلا امسحي دموعك دي وخلينا نخرج

نعيمه….هي ليله فين كل ده بكلمها وانا جايه مش بترد

ايمي….انا كلمتها بس كانت ويتنج تقريباً بتكلم حد

نادين….انا كلمتها قولتلها ميدو جاي ياخدني نعدي عليكي قالتلي لا روحوا انتوا انا بلبس وجايه زمانها قربت

ايمي….طيب يلا ممكن تكون جات.

خرجوا بره كلهم وراحت نعيمه سلمت عليهم كلهم

عسال….ايه يا نوني اخبارك

نعيمه…بخير يا ميدو انت اخبارك ايه

عسال….تمام الحمد لله

حسان….عامله ايه يا نوني

نعيمه….بخير يا حسان و الله هنا اخبارها ايه

حسان….زي الفل

سلمت علي رشيد و سلامه وقعدت من غير ما تبص لفضل

كان قاعد بيشرب سجاير قعدت جنبه لما وسعلها عشري و مسكت كوبايه المايه حطت من الازازه و قبل ما تاخدها مسكها هو وشرب

بصتلوا و بعدين بصت قدامها ساب الكوبايه كملت عليها و قبل ما تمسكخا خدها تاني وشرب

نعيمه….بهدوء خير

فضل….خير بشرب

نعيمه….دي بتاعتي

فضل…لا بتاعتي من قبل ما تيجي

نعيمه….بس انا اللي حطيت لنفسي

فضل….وانا مالي عطشان حطي تاني

نعيمه….مش عايزه اشرب انت

سحبت منديل و قبل ما تقربوا علي وشها سحبوا من ايدها و مسح بيه جنب شفايفه

نعيمه….ايه بتاعك بردوا

فضل…..عندك مشكله

بصت قدامها وهي زعلانه منه وفضلت تهز في رجلها

فجأه مسك رجلها ملامح الصدمه اترسمت علي وشها وبعدين بصتلوا بهدوء.

نعيمه….بهمس شيل ايدك

فضل….بطلي هز

نعيمه….طب شيل ايسحب ايده بصت قدامها دقايق رجعت هزتها تاني من التوتر رجع مسكها تاني وضغط عليها بكفه حست ان هي مش علي بعضها بصتلوا وهي وشها احمر و متوتره جداً

فضل….بابتسامه بسيطه قرب منها وحشتيني

نعيمه….اااا فضل شيل ايدك

فضل….لا

نعيمه…..بقولك شيل ايدك

فضل….ليه جرالك ايه ومال وشك احمر ليه

نعيمه…ااااا فضل بطل قلة ادب

فضل…..انا عملت ايه طيب

نعيمه….عشان خاطري شيل ايدك

فضل…بغمزه مرتاح كده

نعيمه….ابتسمت غصب عنها بقولك شيل ايدك هقوم والله

فضل….متحلفيش عليا

نعيمه…..طيب ابعد ايدك وخلبك مؤدب انت بتعمل ايه

فضل….بضحكه جميله مالك مش علي بعضك ليه

حطت نعيمه ابدها الاتنين علي وشها و سندت علي التربيزه و فضلت تهز رجلها جامد

فضل…بهمس وهو بيضحك ماهو لو هتفضلي تهزي كده مش هسيب رجلك

نعيمه…اااا فضل انا بغير

فضل….بضحك اوبااااااا اكتشفنا مكان جدي

بصتلوا وهي مش طيقاه

فضل….خلاص شيلتها نبقي نشوف الموضوع ده بعدين و احنا لوحدنا

نعيمه….بابتسامه خفيفه طيب جرب عشان اقطعهالك

فضل…..هجرب و ابقي وريني هيبقي في نفس فيكي تقطعيهالي و لا هيتقطع

بصتلوا وابتسمت باحراج وبعدين بصت قدامها.

وفي وسط ماهما قاعديه بيضحكوا ويبتكلموا وعشري بيحاول يتصل علي ليله وهي معاها تليفون من بدري فجأه لقوها بتركن العربيه قدامهم و بمجرد ما لمحوها اتصدموا و بصوا لبعض و بصولها.

وفجأه…..

وللحديث بقيه…..