لقاء كارثي
(لقاء كارثي) 36/37/38
لقاء كارثي
أميره أسامه
صاحبة البطل الواحد
~° البارت السابع و الثلاثون°~
……………….
وفي وسط ماهما قاعديه بيضحكوا وبيتكلموا وعشري بيحاول يتصل علي ليله وهي معاها تليفون من بدري فجأه لقوها بتركن العربيه قدامهم و بمجرد ما لمحوها اتصدموا و بصوا لبعض و بصولها.
وفجأه بصوا علي وش العربيه لقوها كلها مخبوطه من قدام و الوش متكسر خالص بالفوانيس اول واحد قام وجري عليها كان عشري و كلهم راحوا وراه يشوفوا حصلها ايه.
فتحت ليله الباب و هي معاها تليفون و باين عليها العصبيه وبمجرد ما لمحتهم فردت دراعها لقدام و وقفت عشري والكل بأيدها بمعني انها كويس بعدت الموبايل عن ودنها ثواني ترد علي اسئله البنات و عشري فيكي ايه حصلك ايه انتي كويسه
ليله….اهدوا اهدوا انا تمام و زي الفل مفيش فيا اي حاجه لحظه خليكم معايا
رجعت تكمل مكالمتها و عشري ماسك ايدها التانيه و عمال يلف حواليها و يطمن إن جسمها سليم و يبص علي راسها و علي دراعها و هي سيباله نفسها عشان عارفه انه مش هيسكت و قلقان عليها سمعت همسه و هو بيلف حواليها
عشري….بهمس فيكي ايه يا ليله ؟ ايه اللي حصل؟
ليله…بهمس بعدت الموبايل و بصتلوا عشري انا كويسه متخافش
بصلها بنظره عمرها في حياتها ما هتنساها لمحت خوف و قلق و توتر حقيقي ابتسمت ابتسامه خفيفه وقبضت علي ايده اوي
حط كفه التاني علي راسها و سحبها علي كتفه وباسها بهدوء من راسها وهو خارج منه تنهيده طويله و بعدين سابها عشان تكمل مكالمتها اللي مش عارف مع مين
بعدت ليله عنهم كام خطوه و كملت كلامها .
ليله….بعصبيه بسيطه انا مش بتكلم معاك عشان تقطع رزق حد ولو عايز تعمل كده انت حر بس لو تفتكر انا طلبت منك قبل كده ان البارك يتفتح و العربيات تنزل تحت فيه قولتلي تمام و هشوف و البارك تحت لسه محتاج تجهيزات مع اني مش شايفه انه محتاج اي حاجه و لا حتي محتاج تجهيزات لو كل واحد التزم بالمكان الخاص بيه الموضوع هيبقي بسيط
سمعت رده و كملت بنبرة غضب
ليله…..هو انت يعني سيبت كل كلامي و ماسك في ان انت تمشيهم من البيت يعني كده المشكله اتحلت انا مش بتكلم علي العربيه الوقت ولا علي اللي باظ فيها انا بتكلم علي اللي كان ممكن يحصل و بعدين لو حابب تمشيهم انت حر بس لازم البارك يتفتح لان لو هما مشيوا مش بعيد يحصل نفس الموقف تاني و هنبقي معملناش اي حاجه شوف يا استاذ معتصم انا عشان والد الولد صعب عليا مخلتهاش قانوني لان انت عارف كويس ان مستقبل الولد هيضيع بس انا لو عايزه اعمل كده هاخد حقي بس كمان انت هتتأذي لان من حق كل الملاك في البيت انك تأمنهم كويس و تأمن ممتلكاتهم و احنا لينا حق ملكيه في البارك كمان يعني لو حصل وانا خليت المشكله قانونيه انت كمان هتتسأل وانت عارف كويس اني مليش في الاذيه و محبش ابداً ان دي تبقي طريقه تعاملنا مع بعض لان اللي بينا اكبر من كده فا من فضلك ظبط انت موضوع البارك و مش هقولك انهارده يتفتح لا خليها بكره لان بالشكل ده انا هسيب البيت و فوراً و هتبقي ملزم قدامي انك تجيبلي حقي كامل و كل اللي هطلبه هاخده فا ارجوك ياريت الموضوع ميتطورش بينا
سكتت ثواني و بعدين ردت
ليله….انا مش ههدأ انا اتحطيت في موقف زي الزفت مع استاذ نور و منظر عربيتي و منظر عربيته يخليني اوصل للحاله دي انت شوفت التلفيات اللي حاصله فيهم صور انما علي الحقيقه غير كده كمان افرض الولد كان جراله حاجه انا كنت هروح في ستين داهيه
………
ليله…..ماشي يا استاذ نور اتصرف انت و لو حابب تراجع الكاميرات راجع و لو عايز تمشيهم انت حر خلاص بس زي ما قولتلك البارك لو متفتحش بكره وقتها انا هتصرف بطريقتي و مترجعش تزعل مني اوك يلا سلام الوقت.
ايمي…في ايه بقي؟
عشري….ليله انتي كويسه؟
ليله….انا كويسه و زي الفل بس دخلوني عشان انا مش بخير
نعيمه….طيب حصلك ايه؟
رشيد….انتي عملتي حادثه ولا ايه بالظبط؟
ليله….انا كويسه يا جماعه قدامكم اهو بس خلونا ندخل محتاجه اهدأ شويه و هحكيلكم كل حاجه
ايمي….تعالي احنا قاعدين بره هنا
ليله….لا لا خلينا ندخل جوه او نطلع فوق عشان الناس حوالينا
ايمي….طيب تعالوا هنطلع فوق احسن عشان نبقي براحتنا
نادين….طيب انتي كويسه
ليله…..كويسه يا نادين متقلقيش
رشيد…طيب سيبوها الوقت لحد ما تهدأ و تعالوا ناخد بس حاجتنا و نطلع فوق عشان الناس باصه علينا
مسكها عشري من ايدها و راحوا البنات و الشباب خدوا حاجتهم من التربيزه و طلعوا علي المكتب فوق
قعدت ليله علي الكنبه و هي بتهز رجليها بعصبيه و كلهم قعدوا حواليها
الباب كان لسه مفتوح و الشباب اللي بيشتغلوا في المطعم كانوا بيزودوا ليهم كراسي خد منهم عشري و رشيد كل حاجه و خدوا مايه و كوبايات وبعدين قفلوا الباب.
عشري…..بهدوء اشربي يا ليله مايه
ليله…..مش عايزه يا عشري انا تمام
نعيمه…..طيب ممكن تفهمينا براحه في ايه و ليه العربيه حصل فيها كده؟
بصتلها ليله و بعدين رفعت وشها لفوق و هي مغمضه و بعدين بصت تاني ليهم و هي بتحاول تكون هاديه
عشري….ليله انا عارف انك متعصبه بس انا عايز اطمن احكي في ايه
ايمي…..براحه كده و اهدي شويه و بطلي هز اجيبلك قهوه ؟
ليله….اااا اه عايزه قهوه و نادين عيزاكي تشوفي لو في اي شقه في نفس المحيط قدامك فاضيه مؤقتاً عشان لو محصلش اللي انا عيزاه همشي في اسرع وقت يعني بكره بليل لو منفذش اللي قولت عليه همشي
نادين….طيب براحه واهدي و ملكيش دعوه بحوار البيت ده انا هتصرف فيه و كمان هاخدك معايا انهارده لحد ما نحل الموضوع اللي انا مش فهماه بس خليكي هاديه و طمنينا عليكي
عشري….ليله حصل ايه ؟
ليله….بتنهيده اااااا انا رجعت علي الساعه سبعه البيت قولت هظبط نفسي و اخد شاور و بعدين اجي علي هنا عشان نتقابل المهم لما انتي كلمتيني يا نادين انا كنت خلاص جهزت و هنزل اسبقكم علي هنا دورت علي مفتاح العربيه و قلبت البيت مش لقياه فا قولت اكيد وقع مني وافتكرت اني بعد ما قفلت العربيه و نزلت الشنطه بتاعتي وقعت قدام الاسانسير و احتمال يكون اتنطر لاني مكنتش قافله السوسته المهم نزلت تحت في المدخل لاقيت امير ابن الحارس في وشي و باين انه ارتبك اول ما شافني سألتوا قولتلوا ان المفتاح وقع مني لو شوفته قالي اه ده انا لقيتوا قدام الاسانسير و شيلته معايا قولتلوا طيب الحمد لله هو فين ؟
طلعوا من جيبه و بصلي قالي بس يعني حضرتك كويسه
استغربت سؤاله فا قولتلوا اه يا امير ليه ؟
قالي اصل فكرت يعني ان حضرتك عملتي حادثه بس الحمد لله شكلك كويسه مفهمتش قولتلوا حادثه ايه؟
قالي أصل العربيه قولتلوا مالها قالي ماهي الخبطه اللي فيها كبيره عشان كده فكرت يعني انك عملتي حادثه بصتلوا بصدمه وبعدين خرجت بسرعه علي بره اتصدمت من المنظر ده قولتلوا ايه اللي عمل في العربيه كده قالي معرفش انا لما شوفت المفتاح خرجت بره ولاقيتها كده
اتجننت وقتها فضلت ابص حواليا اشوف مين اللي عمل كده و مكانش في اي عربيه قدامي قولتلوا انت خرجت امته ؟
قالي انا لسه شايفها من خمس دقايق خرجت علي صوت جامد و لما خرجت شوفت الاول المفتاح بعدين خرجت بره عالشارع لاقيتها كده
قولتلوا طيب مين خبطها شوفت اي عربيه بتجري او اي حاجه قالي لا بس استاذ نور هو اللي كان راكن قدامك
عشري….مين نور
ليله….جارنا و ده حقيقي انا لما باجي كل يوم بركن في نفس المكان و هو بيبقي سايب مساحه عشان عارف اني بركن هنا بس فاقالي لما خرجت لمحت عربيته من بعيد في اخر الشارع و هو كمان عربيته من وراء فيها خبطه جامده و الفانوس بتاعه كان مكسور و شاورلي علي الارض علي فانوس عربيته و قالي ممكن يكون رجع علي عربيتك و هو اللي عمل كده.
اتجننت اولاً هو شاب ذوق جداً و محترم و في حاله و لو ده حصل يعني اقل حاجه يعملها انه يتصل يعتذر يعرفني ان هو اللي عمل كده يقول اي حاجه فا بصراحه اتعصبت منه قولت للولد معاك رقمه قالي لا بس هو في تليفون ابويا طيب فين ابوك قالي دخل ينام شويه عشان تعبان قولتلوا طيب روح هات الرقم منه حالاً وانا مستنياك
دخل غاب شويه و جالي بالرقم اتصلت بالراجل و انا اصلاً متعصبه و مش شايفه قدامه
رد بهدوء مدتلوش اي فرصه قولتلوا يعني اقل حاجه ممكن تعملها انك تتصل بيا لما تخبط عربيتي وتخليها بالمنظر ده و تعتذر او تعرفني انك خبطتها مش تمشي و لا كأنك عملت اي حاجه و بكل قلة ذوق متفكرش انك حتي تبلغني ده غير ان في مساحه كبيره انا سيباها عشان لو حبيت ترجع براحتك مبقاش مضيقاك يعني انك ترجع كل ده و تخبط العربيه معناه انك مبتعرفش تسوق انت هترجع حالاً و هترجع عربيتي زي ما كانت
قالي تحت امرك أديني خمس دقايق و هكون قدامك يا استاذه ليله
قفل و استنيته و فعلاً خمس دقايق و رجعلي كنت واقفه شايطه علي الاخر نزل بهدوء وقرب مني
قربت منه و انا نفسي اقتلوا قولتله ده منظر ؟ يعني مفيش ذوق لدرجة انك حتي تكلمني مستعجل اوي كده علي انك تمشي طبعاً مضايق اني رجعتك من مشوارك قالي طيب استاذه ليله اهدي اولاً انا خارج بعربيتي من الساعه سبعه و نص تقريباً يعني مش الوقت خالص كان عندي مشوار مهم جداً و لما نزلت شوفت عربيتي بنفس المنظر ده و بصيت لمحت عربيتك ورايا و هي كمان متكسره فا قولت اكيد و حضرتك بتركني خبطتي عربيتي و وقتها مقدرتش اتكلم يعني انا عارفك كويس و عارف ان حضرتك ذوق و اكيد حصل ده بدون قصد و استعوضت ربنا وحتي متصلتش اعاتبك قولت كله خير و روحت علي مشواري و كان في نيتي بس ارجع اطمن انك بخير مش اكتر لكن اتفاجئ ان حضرتك بتتصلي بيا و بتكلميني بعصبيه و بتتهميني ان انا اللي عملت كده يبقي هنا في مشكله انا كده كده كنت راجع وخلصت مشواري بس بما ان حضرتك بخير و مش انتي اللي خبطتي العربيه فا انا عايز اعرف جيبتي منين ان انا اللي خبطت عربيتك صراحه طريقته و ذوقوا أحرجوني واتصدمت بصيت علي الولد قولتلوا أمير اللي قالي ان حضرتك لسه طالع من شويه و يمكن تكون انت اللي خبطتها
بصلوا وقالوا هو مش انا يا ابني و انا نازل من اكتر من ساعه لاقيت مفتاح عربيه واقع سألتك متعرفش مفتاح مين ده قولتلي اكيد بتاع استاذه ليله عشان هي اللي لسه طالعه من شويه
فا اتصدمت ده كان لسه قايلي ان هو لقاه من خمس دقايق فا سألته قولتلوا الكلام ده كان امته بالظبط يا استاذ نور
قالي انا نزلت علي سبعه ونص قولتلوا انا وصلت البيت علي سبعه قالي بس وانا لما خرجت بعد ما اديتوا المفتاح لاقيت عربيتي كده ناديت عليه مردش بصيت مكانش في اي حد اضطريت امشي و قولت لما ارجع اتصرف واكلمك اشوفك كويسه ولا فيكي حاجه
قولتلوا يعني مين اللي عمل في العربيات كده قالي مش عارف بص للولد الولد قالوا بارتباك معرفش و طبعاً بباه خرج في الوقت ده فهم الموضوع كله قال انه كان نايم عشان تعبان شويه و محسش باي حاجه ولا حد قال ان في عربيات اتخبطت و لما سأل ابنه قاله معرفش انا خرجت في نفس الوقت اللي استاذ نور نزل فيه و خدت منه مفتاح استاذه ليله ودخلت تاني جوه ومش عارف ده كان امته بالظبط مركزتش في الساعه حسيت ان في حاجه غلط
فا اتصل استاذ نور علي صاحب البيت قاله يجي فوراً عشان عايز يشوف الكاميرات و حكاله اللي حصل قاله انه هيبعت ابنه حالا لان هو في مشوار استنينا ابنه رجع و شوفنا الكاميرات و اتفاجئنا باللي حصل
عشري….ايه اللي حصل بقي؟
ليله…..لما وقع مني المفتاح امير كان موجود اتنطر من الشنطه بعيد انا ركبت وطلعت و الكاميرا ظاهره الولد وهو بيوطي ياخد المفتاح وبعدها استني شويه و خرج علي بره و فضل يتصور جنب العربيه و فتحها واتصور وهو قاعد و بعدين قفل الباب وهو جوه مكانش ظاهر هو بيعمل ايه بس واضح يعني انه كان بيتصور و ده اللي عرفناه بعد كده لما شوفنا الموبايل بتاعه في صور كتير ليه و بعدها دور العربيه
ثواني بالظبط و اتحرك بيها بأندفاع خبط العربيتين في بعض دمرهم انا عربيتي من قدام بايظه و عربيه الراجل من وراء متخرشمه
طبعاً رجعها بسرعه مكانها و قفلها و الكاميرا جيباه و هو بيجري علي جوه حط المفتاح قدام الاسانسير و راح علي اوضتهم و فضل واقف بعيد يراقب و طبعاً لما استاذ نور نزل هو عمل نفسه لسه خارج من جوه وقف اتكلم معاه شويه و استاذ نور اداله المفتاح وخرج و هو طلع جري علي السلم و كان مستخبي
ظهر استاذ نور و هو واقف قدام المدخل و غالباً بينادي عليه و لما محدش رد مشي يعني الي قالوا الراجل كله حصل و انا شكلي قدامه كان زباله بجد.
عسال….هو قد ايه الولد ده؟
ليله….حوالي 16 او 17 سنه مش عارفه
عسال….يعني مش صغير اوي
نعيمه….طيب وبعدين حصل ايه؟
ليله….لما شوفنا ان هو اللي عمل كل ده طبعاً والده كان واقف مصدوم و بقي عمال يزعق و يبهدل فيه و يدعي عليه و يضربه و ابن صاحب البيت هو كمان قده او اكبر حاجه بسيطه اتعصب و قرب عشان يمد ايده علي الولد زعقت معاه و قولتله اوعي تمد ايدك عليه مع اني مش طيقاه الولد بقي عمال يعيط و يقول انا بس كان نفسي اتصور مع العربيه ومكنتش اعرف ان هيحصل كل ده سكتت ليله ثواني و هي عينها مدمعه.
نعيمه…..لولي أهدي و النبي
ليله….بتأثر و غضب هو صعب عليا و اصلاً كلامه جنني اكتر انا مش وحشه معاه او مع والده يعني لو كان طلب مني ده انا عمري ما كنت هرفض والله بس ليه مقاليش
ايمي….يمكن كان عارف انك هترفضي في النهايه هو شاب صغير و مفكرش
ليله….مكنتش هرفض والله يعني لو بس كان جه قالي انه نفسه يتصور جنبها او وهو راكبها و الله ما كنت همانع ابداً اصلاً انا و نعيمه بنتعامل معاه علي انه اخونا الصغير ما انتوا بتشوفوا بنفسكم و عارفين كويس اني ضعيفه جداً في المواقف اللي زي دي و مش هرفض
عشري…طيب خلاص اهدي و بطلي عياط هو كده كده غلطان يعني ميصعبش عليكي لانه مش طفل و عارف انه كان ممكن يعمل مصيبه و بعدين انتي ليه معترضه انه يمشي ده الصح ماهو محدش هيأمن علي وجودهم و بعدين ممكن يكررها مع غيرك وادام جاتلوا الجرأه يستخدم حاجه مش بتاعته ومن غير استئذان يبقي غير امين يا ليله
ليله….صعب عليا يا عشري راجل كبير و عنده اربع عيال صغيرين غير الولد ده و كلهم بنات و مراته متوفيه هيروح فين و يتبدهل فين فضل يعيط و يقول انا هدفع تمن التصليحات كلها وهشتغل من غير مقابل بس افضل في الاوضه انا و ابني لان بناته مع عمهم في البلد بتاعته و طبعاً ابن صاحب البيت سمعهم كلام زي الزفت و مصمم يطردهم و قفت اتخانقت معاه و صمتت انه ميمشيش و كلمت ابوه قولتله خليه يسيب الراجل في حاله
لان دي غلطتكم من البدايه عشان مش بتفتحوا البارك ننزل نركن فيه
بس انا من جوايا مضايقه من الموقف كله ومش طيقاه علي قد ما صعب عليا و مستحيل اقدر اكمل في البيت لو هو موجود طلبت من والده يمشيه و يفضل هو قاعد
عشري…..طيب خلاص مزعله نفسك ليه يمشي هو وابوه واكيد ليهم رزق في مكان تاني
ليله….بقولك عنده عيال يا عشري و صعب عليا بجد عياطه قطع قلبي
سلمي….طيب يا لولي خلاص اهدي و موقف و عدي هو اكيد هيخاف يقررها تاني
ايه….هو انا عارفه ان اللي مضايقك الوقت ان الولد صعب عليكي بس بما انه صعب عليكي يبقي ليه يمشي ابوه اصلاً مش هيقدر علي شغل البيت من غيره خليه بقي و هو اكيد اتعلم.
ليله….بتأثر صعب عليا لما عرفت السبب بس انا مستحيل افضل في البيت لو هفضل لازم يمشي بس كمان مش هقطع رزق ابوه هيعملها ازاي و هيشتغل ازاي من غيره معرفش بس يحلوها مع بعض انا مش هقدر اعديها لو فضلت شيفاه قدامي لا يفضل هو بس لا امشي انا و كده كده قولت لصاحب البيت لو البارك متفتحش هو ملزم بكره الفلوس اللي هطلبها في البيت تكون جاهزه و كاش
نعيمه….طيب وهنروح فين بالسرعه دي يا ليله حتي لو روحنا انادين هنودي حاجتنا فين
فضل…..ليله طيب موضوع البارك محلول و شايف كمان ان موضوع البواب محلول هو لازم يمشي و لو صعبان عليكي خلاص يفضل و تأكدوا عليه ابنه ميجيش جنب اي عربيه.
ليله….مش هقدر يا فضل اكون سبب في قطع رزق حد ولا عايزه ابنه
سلامه….بابتسامه طيب انتي الوقت صعب عليكي الولد و في نفس الوقت مضايقه من طريقتك مع صاحب العربيه و مش عيزاهم يمشوا بس عايزه الولد يمشي مع انك عارفه ان والده مش هيعرف يشتغل من غيره كمل بضحك قوليلي بقي ايه اللي يرضيكي ؟
حطت ليله اديها الاتنين علي راسها و سكتت و فضلت تهز رجليها جامد.
رشيد….يا عم اسكت وقت هزارك ده
سلامه….والله مش بهزر انا مش فاهم ايه اللي يرضيها
ايه….صراحه سلامه معاه حق ما هو لا يمشي و انتي مش عليكي اي ذنب لان مش انتي اللي قولتيلوا يعمل كده يا اما ده يبقي انذار لأبنه و تعدوها المرادي و تسامحي الولد
حسان…..بهدوء ليله انتي مشكلتك ايه الوقت يعني عشان اللي حصل في عربيتك و عربيه الراجل و لا الموقف نفسه مضايقك.
ايمي….بهدوء انا عارفه ليله عامله كده ليه؟
فضل….ليه بقي؟
ايمي….هو صعبان عليها و في نفس الوقت مضايقه منه عشان كدب
بصتلها ليله و سكتت
بصوا الشباب كلهم لبعض و بصوا لعشري
فضل….ااااا ماشي بس انتوا قولتوا انه شاب صغير يعني مراهق و ده وارد اوي يحصل منه موقف زي ده و زي ما قال كان حابب يتصور مع العربيه يعني خلينا نقول انها زي امنيه او حاجه حلوه حب يعملها عشان يتبسط فا بما انه صعبان عليها تعدي الموقف و تسامح و علي حسب معرفتي بليله يعني هي مش هيهمها اوي موضوع ان العربيه حصل فيها مشكله و مش هيفرق معاها تصليحها و الراجل التاني شكلوا محترم يعني هيسامح عشان خاطر ابو الولد.
ليله…..هو انتوا ليه مش قادرين تفهموني لحد الوقت انا مش فارق معايا العربيه ولا تمن تصليحها يا فضل انا مشكلتي مع الموقف نفسه هو كدب خلاني ظلمت الراجل و اتكلمت معاه بأسلوب زباله ليه يكدب اصلاً الموقف مكانش مستاهل الكدب والله والله لو كان قالي عمري ما كنت هقولوا لا ابداً بس هو كدب قالي ان نور هو اللي عمل كده و رجع حط المفتاح مكانه قدام الاسانسير و كأنه معملش حاجه يعني فاهم كويس اوي انه كدب و غلط و عمل مصيبه و سابها تلزق في غيره لو كان اتحرك بالعربيه و خبط حد كنت هروح في داهيه لو كان هو جراله حاجه بردوا كنت هروح في داهيه لو كان نور ده نفسه شاب قليل الذوق كان هيحصل بينا مشكله كبيره الموقف تافه وبسيط ايه اللي يخليه يكدب ايه في الدنيا يخلي بني ادم يكدب علي سبب تافه
ليه يحط نفسه وابوه في موقف زي ده ليه يخلي شاب من سنه ابن صاحب البيت يتجرأ عليه و يقرب عشان يضربوا ويهينه
رشيد….اااا يمكن فكر انك هترفضي
ليله….خلينا نقول انه قالي و رفضت يا رشيد ده مش مبرر للكدب ماهو حقي في النهايه انا حره أقبل أرفض بس هو يكون صريح و بعدين ما يمكن كنت اوافق هو استسهل قال يكدب كدبه و محدش هيحس بحاجه بس ربنا كشفوا انا مستحيل اتعامل مع شخص كداب او اسامح حتي لو صعبان عليا صحيح مقدرتش اشوفوا بيتهان و يتضرب بس كمان اللي عملوا مش صح فا انا مش هقدر اخليه والده يفضل لكن هو لا طول ما انا في المكان هو مينفعش يكون موجود لاني مش هقدر اتعامل مع بني ادم كداب
رشيد….بهمس لحسان عشري مينفعش يتكلم الوقت
بص حسان لعشري بهدوء و هز راسه شمال و يمين بمعني اسكت
بصلوا عشري و بعدين بص لرشيد رشيد عمل زيه بالظبط بص علي باقي الشباب كانوا عمالين يبصوا لبعض عينه وقعت علي عسال
كان قاعد عسال و حاطت ايده تحت دقنه رفع ايده التانيه بهدوء و شاور علي صباعه يقضد الدبله و هز راسه شمال ويمين بهدوء من غير ما حد يلاحظ بلأ و بعدين رفع صباعه بهدوء علي شفايفه يعني اسكت
مسك فضل موبايله و بعت رساله بسرعه لعشري.
سمع عشري صوت اشعار كان الموبايل في ايده بص عليه و لمح رساله من فضل.
فضل…..عشري بيتهيألي صعب تفتح الموضوع انهارده وهي متعصبه كده بلاش احسن
خرجت من عشري تنهيده حمل تقيل علي قلبه و قام بهدوء من مكانه وقف قدام الشباك و ولع سيجاره
ايمي….اااا طيب خلاص اهدي حتي لو هو مشي دي مش مشكلتك ولا ذنبك يعني متفضليش تأنبي في نفسك كده هو اللي غلط ويتحمل نتيجه غلطه لان فعلاً اللي عملوا مش من حقه و كان ممكن يجيبلك مصيبه انسي بقي و موضوع البارك لازم تصمموا عليه لان انا فاكره انك اتكلمتي في الحوار ده قبل كده
نعيمه…قولنا كذا مره عشان حوالينا في بيوت بتشطب شقق و قولناله ممكن حاجه تقع علي العربيات و ده اضمن اننا نزل نركن تحت
سلامه….خلاص يبقي هو يتصرف و يفتح البارك اللي تحت البيت و لو علي الولد صراحه يمشي و أبوه بقي حر شايف هيقدر يشتغل لوحده يفضل مش هيقدر يبقي ده قراره في النهايه انتوا عملتوا اللي عليكم و كفايه انكم مش هتحملوهم تمن التصليح.
سلمي…..ولو علي جاركم ده اكيد هيقدر غضبك و عصبيتك
خرجت من ليله تنهيده كلها غضب و خدت نفس طويل.
ليله….اصلاً انا اعتذرتله و أتأسفت وهو تقبل عادي يعني وقالي حقك و محصلش اي حاجه و اي حد مكانك نزل شاف عربيته كده اكيدهيتعصب
عسال….طيب خلاص اهدي بقي و حصل خير
نادين….هو انتي ليه مكلمتناش طيب عشان حد فينا يجيلك
ليله….اصلاً كل ده حصل في تلت ساعه او نص ساعه عشري كان بيتصل و مكنتش عارفه ارد لان صاحب البيت فضل يرغي كتير معايا و قفل واتصل كذا مره و بس
ايمي….طيب قومي اغسلي وشك كده وأهدي و تعالي يلا
هزت ليله راسها و قامت بهدوء راحت تغسل وشها.
رشيد….الحمد لله انها بخير نسوها بقي الموقف عشان هي متعصبه اوي
ايمي….الحمد لله ليله مضايقه بجد
نعيمه….هو الولد صعبان عليها اصلا من يوم ما سكنا في البيت و هو موجود هو و والده
ايمي….انا مش فاهمه ايه اللي يخليه يتصرف تصرف زي ده انا بشوف انه محترم و مؤدب
نادين….وهو ده اللي معصب ليله من ناحيه صعبان عليها السبب اللي قاله و ان هو و والده اتحطوا في موقف زي ده و من ناحيه تانيه ليله مستحيل تقدر تتعامل تاني معاه بعد ما كدب يعني لو كان قالها وهي وافقت و خبط العربيه مكانتش هتضايق بالشكل ده هي اللي ضايقها الكدب
ايمي….أنا عارفه ليله مستحيل تقدر تتعامل مع حد بيكدب
الشباب كانوا بيسمعوا الكلام و بيبصوا لبعض و عينهم علي عشري اللي واقف بجنبه و باصص بشرود علي الشارع
رجعت ليله قعدت و عدي حوالي عشر دقايق ضحكوها و نسوها شويه اللي حصل و كل ده عشري واقف باصص من الشبابك و بيولع سيجاره وراء التانيه بدأوا يتكلموا في موضوع تجهبزات ايمي و رشيد ناقصهم ايه و فاضل ايه راحت ليله بهدوء علي عشري.
ليله….بصتلوا و ابتسمت واقف بعيد ليه ؟ و ليه ساكت انا سيبتك تحت تفتش فيا زي الاب اللي خايف علي بنته و خليتك اطمنت اني بخير مالك بقي
عشري….بابتسامه بسيطه خوفت عليكي يا ليله لما شوفت منظر العربيه قولتلك اجي اخدك بس انتي مش بتسمعي الكلام
ليله…..يعني لو كنت جيت خدتني مكانش هيحصل كده
عشري….علي الاقل كنت ابقي معاكي او ابقي عارف انتي ليه مش بتردي انا دقيقتين كمان و كنت هقوم اروحلك بس كنت قلقان تيجي من ناحيه وانا اروح من ناحيه
ليله…اطمن يا حبيبي انا بخير قدامك اهو
ابتسم عشري بهدوء و سحبها ليه وضمها علي صدره
عشري….الحمد لله عدت علي خير
ليله…..بابتسامه طيب تعالي نقعد معاهم عشان يتفقوا بقي كفايه الوقت اللي ضاع
عشري….بهدوء يلا.
راحوا قعدوا و بدأوا يتكلموا في كل التفاصيل و يحددوا مين هيعمل ايه و عايز يكون امته اليوم بالظبط عشري كان قاعد معاهم بس في دنيا تانيه كان نفسه يخلص من موضوع مريم في اسرع وقت و كان مقرر انه يقولها بس مقدرش و كأن كل مره ينوي فيها يحصل موقف يخليه يتراجع و مكانش ينفع انه يتكلم عن حاجه خباها عليها وهي واصله للحاله دي بسبب موضوع فيه كدب.
عسال….طيب خلينا نقول ان فرح ايمي و رشيد السبت اللي بعد الجاي يعني قدامنا حوالي تسع ايام مثلاً حسان هيبقي الجمعه و عشري هيبقي الاحد و قال انه الاثنين كمان مش هينفع لان تهل ليله هيروحوا و اكيد احنا عايزين نخلص كل ده قبل فرحكم عشان تبقوا معانا قبل ما تسافروا صح
رشيد….صح
عسال….طيب الثلاثاء في حد عايزه
رشيد….هو كده احنا السبت اللي بعد الجاي و الجمعه اللي بعد يومين دي حسان و الاحد اللي بعدهم عشري وقال الاثنين مش هينفع عشان اهل ليله رايحين يبقي انت الثلاثاء انت و نادين
ابتسمت نادين بهدوء .
عسال….تمام لو كده يبقي احنا الثلاثء
فضل….بص لسلامه و ابتسم طيب انا و سلامه بقي بعد ما تكونوا رجعتوا ان شاء الله يعني قبل فرحك انت و عشري ياعسال لو هتحددوا معاد قريب للدخله يبقي احنا قبلكم نعمل الخطوبه.
عسال….غنزلوا و ابتسم لانه فاهم ان سلامه هيبقي مع حسان و فضل هيبقي مع عشري.
احممم طيب بس اعملوا حسابكم ان في ايام جايه هنبقي مع رشيد لو احتاج اي حاجه واكيد البنات عايزين ينزلوا مع ايمي تخلص باقي حاجتها كمان نادين و ليله وسلمي اكيد محتاجين هما كمان يظبطوا نفسهم للخطوبه
ليله….مفيش تظبيط ولا اي حاجه يعني احنا مش عاملين خطوبه في مكان و كل اللي هنحتاجه اننا نجيب الفستان اللي هنحضر بيه و الكوافير واحنا لما ننزل نجيب الحاجه مع ايمي هنشوف حاجتنا بالمره فا متحملش همنا احنا هنتصرف.
رشيد….طيب خلاص محلوله اهي
عشري…..بهدوء طيب انا عايز اتكلم علي موضوع اليوم بتاعنا و تقترحوا عليا كده
ايمي….خير
عشري….يعني بفكر اننا نعلموا في مكان انا عارف اننا مش هنعمل حاجه بس كمان احنا هنبقي كتير و بعدين ده مش اتفاق دي خطوبه يعني المرادي هيجي معايا اهلي و احنا كتير شويه فا فكرت في اننا نشوف مكان او نختار اي فرع من الكافيهات بتاعتنا و يبقي اليوم ده مقفول مش فيه اي شغل يعني خاص بينا احنا او نعملوا هنا في المطعم اختاروا معانا و شوفوا بقي
نعيمه….طيب ما البيت عند اميمه ماشاء الله كبير و بيتي انا وليله كمان كبير
بصوا لبعض كلهم لانها متعرفش ان هي كمان هتبقي خطوبتها وطبعاً ايه كمان مكانتش تعرف.
ايه….صح البيت عند ليله ونعيمه كبير و بعدين انتوا بتقولوا مش عاملين حاجه يعني
فضل….ااااا لا هو كده افضل يعني اقتراح عشري كويس احنا كتير و عشان البيت ميتبهدلش و بعدين حتي لو البيت كبير بس عفش بقي و حجات كتير خلينا في مكان أفضل
ايمي…..طيب لو حابين يكون هنا يبقي احسن هنا اقرب للكل من زايد يا عشري
عشري….زي ما تحبوا انا معنديش اي اعتراض رأيك أيه يا ليله
ليله….انا كمان معنديش مشكله في المكان لو هيتعمل هنا تمام و هنا اقرب لينا كلنا بس انتوا بقي عندكم مشكله
عشري….لا ملكيش دعوه بينا و بعدين احنا مش جاين مشي يعني متشغليش بالك مش بعيد ولا حاجه
ليله….طيب يبقي خلينا هنا
ايمي….بأبتسامه طيب بما اننا اتفقنا بقي فا ياريت كده زي الشاطر تقولي بخبرتك في مجال الكافيهات ده لما بيحصل عندكم مناسبه زي كده بتعمل ايه عشان المطعم هنا يختلف عن الكافيه واكيد انتوا عملتوا مناسبات كتير ولا ايه
عشري…..اه طبعاً بس مش فاهم تقصدي نظام القاعده يعني
ايمي….بالظبط و نظامكم انتوا يا عشري يعني كا عرب و بدو بتحتفلوا ازاي انا اللي اعرفوا انكم ليكم نظام
عشري….بابتسامه لا متقلقيش عادي قولتلك قبل كده اننا اتطبعنا بطباعكم احنا لو عندنا اصلا بنعمل افراحنا منفصله بس هنا في القاهره مختلط عادي و فرح علي اخويا و عمر و سليمان كان مختلط عادي
ليله….امال مخلتنيش اجي ليه و انت بتقرأ الفاتحه
رشيد….بضحك اهي كده ليله فكت وفاقت
عشري….بابتسامه قولتلك ان اتفاق الرجاله مش بيقعد فيه حريم بس الافراح عادي.
ايمي….يعني اظبط المكان عادي خالص
عشري….بصي هديكي حاجه بسيطه في عادتنا ظبطي علي اساسها يعني اللي يظبط المكان يخلي القاعده واحده يعني تبقي التربيزات كلها بالطول بالعرض مش هتفرق وحزاليهم الكراسي يعني قاعده جماعيه مش متفرقه فهمتي
ايمي….اممم يعني مش كل تربيزه لوحدها بالكراسي بتاعتها
عشري….بالظبط خليها قاعده تجمعنا كلنا و المكان تحت ماشاء الله مساحته كويسه يعني هتنفع ولو مش هتعرفي تظبطيها ابعتلك اليوم ده الشباب يظبطوا الدنيا مع التيم بتاعك هنا او اجيبلك حد متخصص يظبط الدنيا
ايمي…لا لا مش مستاهله خلاص انا فهمتك و هظبط علي الاساس ده متقلقش
رشيد…بابتسامه ايه يا يويو مش متعود عليكي ساكته كده الف سلامه عليكي
ايه….بابتسامه الله يسلمك يا رشيد قولت اديكم اجازه من لساني شويه
رشيد….بضحك لا ارجعي تاني بقي احنا راضين بلسانك يا ستي
ضحك سلامه و مسك ايدها بحب
سلمي….طيب و انت يا عسال انت و نادين هتعملوا فين كتب الكتاب
عسال….انا هبلغ خالها بس بكره الصبح باذن الله انه هيبقي يوم الثلاثاء و هشوف هو في مكان معين في دماغه ولا لا و اكيد القرار لنادين انا مش فارق معايا المكان اللي هتقول عليه هيتعمل و لا ايه يا نودي
سرحت نادين بنظره حزن بسيطه
نادين….اااا لا انا مش عايزه اي مكان انا عايزه كتب الكتاب يكون في البيت عندي لو موافق طبعاً
عسال…..اكيد يا حبيبي موافق بس ليه البيت خلينا نعملوا في مكان عشان نبقي براحتنا و هنبقي كتير
نادين….مش كتير ولا حاجه انا مش هيبقي معايا غير خالو و ولاده لان تيته مش هتقدر تيجي و اكيد مراته هتقعد مع تيته
سرحت نادين وافتكرت مكالمتها مع ابوها و امها اللي قابلوا طلبها بالرفض
والدتها قالتلها مش هتقدر لان المعاد قريب وهي مش عامله حسابها و والدها قالها مش هينفع يسيب شغلوا لانه مكانش عنده خلفيه و اكتفوا بس بأنهم باركولها.
ليله….طيب ليه يا نودي خلينا نعملوا في مكان افضل اكيد اميمه وقمر هيكونوا معانا كمان زوزو و حماده و أمنيه و محمود
سلمي….وبابا وتامر اكيد هيبقوا معانا
نعيمه….وانا هعرف ماما وبابا واخواتي يعني هنبقي كتير
نادين….بابتسامه بسيطه البيت كبير يا بنات و هيكفينا كلنا متقلقوش خلونا في البيت أفضل
عشري…..بابتسامه هاديه عادي خلاص تعملوا زي ما تحب ماشاء الله بيت نادين كبير يعني حتي لو في عدد اكبر هيكفينا و لا ايه يا عروسه
ابتسمت نادين بهدوء و هزت راسها
عسال….زي ما تحبي يا عمري
مسك ايد نادين و فهم انها مضايقه عشان اهلها مش هيبقوا معاها
رن موبايل سلامه كان تامر اللي بيتصل بيه قام يرد و وقف جنب الشباك.
سلامه…..تيمووو اخبارك حبيبي
تامر…..خد بالك والله العظيم انا زعلت منك بجد
سلامه….بضحكه جميله يا جدع طب رد السلام
تامر…لا يا عم مش هرد عشان بجد زعلت منك وعلي فكره انا كنت عارف اننا هنبقي صحاب و هنفهم بعض بس اللي عملتوا ده زعلني و انا مش قابلوا علي فمره
سلامه….طب اسمعني بس والله بسيطه و مفيهاش اي مشكله و انت اكيد عارف اني مقصدش حاجه وحشه
تامر….يعني لو عسال هتعمل معاه كده هو انت مش معتبرني اخوك
سلامه….بصحك لا طبعاً انت اخويا و بعيدن مستعجل علي ايه بكره تزهق مني لما تخد لبسك منك زي ما باخده مني
تامر….بابتسامه ياعم دولابي كله بقي بتاعك بس القميص هتاخدوا والله
سلامه….متحافش بس واستهدي بالله قولتلك حجات بسيطه
تامر….ياعم لو بسيطه كنت ابعت بتاعي كنت هزعل بردوا بس كان اهون
سلامه….والله ما رضيت عشان لبستوا و بعدين يعني ده قميص ياعم
تامر….والله عيب انت بتشتمني ولا ايه و بعدين مليش فيه انا عايز اللون بتاعي
سلامه….بضحك والله ما لاقيت قزلت اجيبلك لون مختلف واهو عشان اما احتاجه ابقي اخده منك
تامر…..بضحك ماشي اضحك عليا بكلمتين بس زعلت خد بالك
سلامه….خلاص بقي ياعم هراضيك و لما تحتاج قميصك ابقي خدوا و ليك عليا لو احتجت اللي معاك هاخده منك
تامر….ماشي يا عم سلامه المهم اخبارك ايه يا عريس بابا لسه قايلي و فرحت اوي والله
سلامه….بهمس وهو بيضحك اوعي تبيعني و تقزل لايه
تامر….بضحك هفضحك متقلقش انا مضايق منك
سلامه….بضحك لا بقولك ايه ابعت القميص خلاص
تامر….بضحك حبيبي يا سلامه ربنا يسعدكم يارب
سلامه….عقبالك ان شاء الله
تامر….حبيبي يا سلامه في حياتك ان شاء الله علي معادنا بقي يوم الجمعه يا عريس
سلامه….ان شاء الله يا حبيبي و اشوفك علي خير يارب
تامر….حبيبي يلا روح شوف بتعمل ايه وسلم علي الشباب كلهم
سلامه….يوصل ان شاء الله مع السلامه
تامر….سلام يا حبيبي.
قفل سلامه وراح قعد معاهم
ايه….بعهمس وهي مبتسمه روقك طبعاً
سلامه….بضحكه جميله روقني بس راضيتوا خلاص.
عشري….طيب ما تديها لفضل يظبطهالك
ليله…..وليه يعني انا كده كده بكره الصبح هوديها التوكيل
فضل….وليه يا بنتي قولتلك يومين بالكتير و هرجعهالك عشان تعرفي تتحركي
ليله….وليه انتوا فاضيين اصلاً و بعدين يمكن التوكيل يخلصها اسرع انا اصلاً مش عارفه هتحرك ازاي اليومين دول و مليش في قصه اوبر دي خالص.
ايه….خدي عربيتي يا ليله انتي عارفه اني بروح الشغل بالاسكيت و مش بتحرك بيها كتير اصلا
ليله….لا لا مفيش داعي لو علي يومين محلوله
طلع عشري مفتاح العربيه بتاعته و حطوا في ايديها
ليله….ايه ده ؟
عشري….خلي عربيتي معاكي و اديني مفتاح عربيتك انا هرجع بيها و هعملها
ليله….لا طبعاً مش هينفع اولاً انت مش هتعرف تتحرك من غير عربيه ثانياً انا مش هعرف اركب عربيه حد
عشري….رفع حاجبه حد
ليله….بابتسامه لا استني مقصدش بس انا عن نفسي بتعفرت لما حد يركب عربيتي و عارفه ان اي حد غيري كده
عشري….لا ملكيش دعوه هاتي مفاتيحك
ليله….عشري بالله عليك ما تنشف دماغك عشان مش هاخدها
عشري….وانا مش هخليكي تتحركي بأوبر امسكي و متعصبنيش
فضل…..بضحكه تجنن لا استني انتي بقي خير يا شيخ العرب بسهوله كده ده انا أروح فيك في داهيه ده انا لو ركبتها ممكن تقتلني عادي كده تديها لليله.
ضحكوا كلهم و ابتسم عشري بهدوء
فضل….بضحك لا رد عليا متسكتش
عشري….بابتسامه عايز ايه
فضل….هو ايه اللي عايز ايه مليش فيه اشمعني هي
ايمي….بضحك اوبااااا شكلك وحش
حسان….بضحك فضل غيران من ليله
فضل….بضحك مش غيره والله بس هو مش بيرضي يدي عربيته لاي حد انما ليله بسهوله كده خير يا شيخ العرب
ليله…..بضحك خد مفتاحك يا عم قبل ما فضل يقتلني
عشري…..ولا يقدر يعمل حاجه ده بوء
فضل….بوء والله انزل أدغدهالك عشان لا تنفعك ولا تنفعها هتديها عربيتك يا عشري
عشري….بضحك ياض في ايه انت مراتي وانت مالك
ضحكوا كلهم علي عشري وفضل
فضل….بضحك هتبوظهالك و تخبطها
عشري…..بابتسامه تجنن فداها
ليله….بضحك انا لو مكانك اموت نفسي
فضل بصلوا بصدمه وهو بيضحك
فضل….اموت نفسي بس لا لا خد بالك انت اتغيرت هاااا ليله لحست دماغك و انا اللي باقيلك يا خوي
عشري…..بضحك ايش بيك انت
فضل….انت وش فيك جنيت يا خوي
عشري….بنظره تجنن لليله إيه والله چنيت ما هان بالي غير للما ارتحت ذي نبض الجلب
فضل…..ذي نبض الجلب وأني خوك يا عشري والله ما يِنحمل الجلب غُصّة أذبح وأقتِل قَتيل
ضحك عشري علي غيره فضل عليه و كلهم ضحكوا علي فضل و مبسوطين اوي بلهجتهم.
عسال….بابتسامه خلاص اتحولتوا ارجعوا تاني بقي
نادين….بابتسامه انا مش فاهمه بيقولوا ايه اصلاً
فضل….بضحك ماشي يا عشري يصير خير
عشري….بابتسامه يصير خير يا خوي
ليله…..بابتسامه خلصتوا خناق امسك بقي مفتاح عربيتك
عشري…..قولتلك خليه معاكي و خلصنا لما أرجع عربيتك ابقي اخدها
اتنهدت ليله بقلة حيله و سكتت
كملوا قعدتهم مع بعض و اتعشوا و بعدين مشيوا ركبت ليله عربيه عشري و هي مبسوطه و هو مشي مع فضل بعربيتها.
…………….
تاني يوم الاربعاء عدي بسرعه مكانش فيه احداث كتير عشري بعت عربيه ليله تتصلح و عسال كلم خال نادين و أتفق معاه علي الثلاثاء الجاي و الحدث الاكبر هو مرواح فضل و عشري و ابوه و خاله لوالد نعيمه قعدوا واتكلموا واتعرفوا واتفقوا علي كل حاجه و والد نعيمه كان مبسوط جداً حتي اتفاقهم معاه أكدلوا انهم ناس محترمه و بتفهم في الاصول و عملوا مع نعيمه اللي مكانش متخيل انه هيتعمل اصلاً الكل كان مبسوط جداً.
انتهي اليوم و الكل بقي عارف هيتعمل ايه الايام الجايه إلا أيه و نعيمه.
في نهايه اليوم عشري خد فضل و راح علي بيت ليله من غير ما تعرف
ركنوا عربيه فضل بعيد عن البيت شويه عشان متلمحهمش.
وسأل عشري عن بيت نور و البواب قاله انه في الدور الثاني شقه اربعه.
طاع عشري و فضل علي فوق خبط كانت الساعه 12
فضل….شكلوا نام ولا ايه
عشري….معرفش
ثواني بالظبط والباب أتفتح
نور….ايوه
عشري…..مساء الخير استاذ نور.
نور….ايوه مين حضرتك
عشري….انا ابقي خطيب انسه ليله وده ابن عمتي و خطيب انسه نعيمه
نور….بابتسامه اهلاً وسهلاً
عشري….اهلاً بيك معلش ممكن اخد خمس دقايق من وقتك انا اسف جداً جاي في معاد مش مناسب و من غير استئذان بس اعذرني واسف لو صحيتك
نور…..لا طبعاً مفيش اي مشكله وانا مش بنام الوقت طيب اتفضلوا
دخلوا هما الاثنين وقعدوا
نور….تشربوا ايه
عشري…ولا اي حاجه تعالي اقعد انا هتكلم معاك كلمتين و همشي عشان متأخرين والله و لسه رايحين زايد
نور….مش هينفع والله
فضل….معلش تعالي بس أقعد عشان والله احنا فاصلين علي الاخر
نور….طيب علي راحتكم ها خير
عشري….بابتسامه خير ان شاء الله
انا عرفت المشكله اللي حصلت و عرفت ان العربيه بتاعتك كمان اتضررت و طبعاً ليله مضايقه انها اتعصبت و اضايقت فا انا جاي لحضرتك عشان نخلص الموضوع ده
نور….خالص والله انسه لياه وانسه نعيمه بجد ناس محترمه و بعزهم جداً ومشوفتش منهم اب حاجه وحشه وبعدين الموضوع بسيط وخلص اصلا انا قولتلها حقك واي حد في مكانك كان هيعمل كده و بعدين هي اعتذرت وانا تقبلت الاعتذار لاني مكنتش مضايق غير من الولد والله و هو خلاص مشي انهارده الصبح و خلاص الموضوع بسيط مش مستاهل والله
عشري….عارف انها اعتذرت وعارف انك قبلت الاعتذار بس عشان هي تكون مرتاحه و مش مضايقه من الموقف المحرج ده انا جايلك بنفسي عشان اطلب منك اتكفل بتصليح العربيه و اعتبروا اعتذار مني انا شخصياً
نور….بابتسامه يا خبر لا لا مش لادرجادي قولتلك والله الموضوع مش مستاهل خالص و بعدين دي حاجه ملهاش ذنب فيها ولا حضرتك كمان زي ما عربيتها اتضررت انا كمان عربيتي اتضررت و مش احنا اللي عملنا كده يعني في النهايه ده قضاء وقدر و الحمد لله انها جات في الحديد زي ما بيقولوا
عشري….عارف والله بس صدقني انا عن نفسي هرتاح كده اكتر كمل بابتسامه جميله و بعدين عديهالي انا عريس جديد و مش عابزها تفصل مضايقه او الموضوع مأثر فيها يعني ردلي الجميل و وافق
نور….بضحك الف مبروك مقدماً و صدقني والله اللي حصل بسيط خالص هي اللي عربيتها باظت اكتر انا فانوس واحد اتكسر والأكصدام اتطبق شويه بس سهله يعني مفيش داعي و بعدين ترضهالي اني اقبل العوض و يوم ما هقبل العوض مثلاً اقبلوا من حد ملهوش ذنب ده انا رفضت اخد من ابو امير
عشري…..مش عوض والله احنا اخوات بس انت عارف البنات لما بتقلب وشها اسمع مني انت شكلك متجوظتش لسه
نور….بضحك لا والله لسه
عشري….طيب بكره لو اتحطيت مكاني هتفهم بص من الاخر كده هي مش هتنسي الموضوع الا لو شافت عربيتك سليمه
نور….بضحك والله كنت هروح اعملها انهارده بس من امبارح و انا مسحول في موضوع مخليني معنديش وقت صدقني مجيتكم دي علي راسي بس والله ما هينفع خالص دي اختي و محصلش اي حاجه و الموضوع بسيط
عشري….طيب بص عشان انا شخصياً ارتاح هديك رقم حد ثقه تروحلوا بكره و تعرفوا بس انك تبع محمد عشري وهو هيعمل معاك الواجب و زياده علي الاقل احس انك وافقت
نور….بابتسامه بس كده ماشي موافق
عشري….بس هتروحلوا بكره
نور….خلاص والله هروحلوا
عشري…هو مش بعيد ده في مدينه نصر بس استاذ و هيخرج العربيه كأنها خارجه من توكيل
نور….تمام هروح بكره بأمر الله والله انا كده كده فاضي
عشري….تمام ده الكارت بتاعه والعنوان مكتوب اهو انت روح وهو هيعمل معاك الصح وده الكارت بتاعي عشان لو احتاجتني
نور…..تمام زي الفل
عشري…..بابتسامه خد بالك هي متعرفش اني جيتلك يعني متقولش الا لما العربيه ترجع سليمه
نور….بضحك تمام اتفقنا و بالمناسبه انا كده خدت فكره عن الجواز والترتباط و رجعت في كلامي
فضل….بضحك مش هتقدر هتيجي هتيجي
عشري….بابتسامه علب الاقل انت خدت فكره علي اللي هتدخل عليه احنا اتفاجئنا
ضحكوا الثلاثاه وقام عشري وفضل عشان يمشوا.
نور…..انا بجد اتشرفت بيكم اوي و كلك ذوق والله مش عارف اقولكم ايه
عشري….الشرف لينا احنا
نور….مبروك مقدماً
عشري….بابتسامه عقبالك ان شاء الله
فضل….تسلم يا صاحبي عقبالك ان شاء الله و اسفين علي الازعاج
نور….لا ازعاج ايه بس انتوا حتي مشربتوش اي حاجه
عشري….مره تانيه باذن الله واوعي متروحش
نور….لا خلاص بكره علي تلاته هكون هناك
عشري…..تمام وانا هوصيه عليك يلا تصبح علي خير
نور….وانتوا من اهل الخير شرفتوا
فضل….يلا اقفل يا صاحبي
نور….طيب انزلوا بس
ركبوا الاسانسير و سلموا عليه تاني ونزلوا مشيوا علي طول.
وللحديث بقيه…
