لقاء كـ،ـ،ـارثي
صاحبة البطل الواحد
. البارت الثامن والستين .
…………………….
عسال بصوت نايم..
عسال….حبيبي نمتي
نادين…لا
عسال…حبيبي يلا روحي نامي انتي صوتك نايم اصلاً و خليني انا كمان انام
نادين….لا خليك
عسال….بابتسامه طب قوليلي اخليني اعمل ايه انا وانتي ساكتين و نايمين علي نفسنا خالص روحي يا قلبي ارتاحي بقي و نامي
نادين…..خلاص امشي
عسال….لا خلاص انا معاكي يا قلبي هو انتي مالك انهارده بتقاوحي ليه في النوم ايه اتعودتي تنامي في حضني
ضحكت نادبن ضحكه هاديه و نايمه
عسال……بابتسامه عارف عارف حضني وحشك صح
نادين….امممم اوي
عسال…..بس انا خدتك في حضني كتير انهارده و احنا قاعدين مع بعض
نادين….لا بس الحضن ده غير حضن النوم
عسال…..عايزه حضني يعني
نادين…..اممم و لما اروح و اسيب نعيمه اعمل حسابك ان انت هتيجي تبات معايا مليش دعوه
عسال….هو احنا مش اتفقنا يا قلب بابي من جوه
نادين….اه بس مليش دعوه هتيجي
و بعدين انا مش عايزه غير حضنك بس
عسال…بضحكه تجنن ما انا عارف بس انا مش عايز حضنك بس اعمل ايه نحلها ازاي دي
نادين…..بابتسامه خليك مؤدب
عسال….بضحك بحاول بس غصب عني انا بشر يعني
نادين….اهو شوفت بقي ان انا مليش دعوه انت السبب
عسال…..بقولك ايه هنروح انهارده زي ما اتفقنا البيت ماشي
نادين….حاضر
عسال…..خلينا نحاول انهارده نخلص و نتفق عشان انا محتاجك يا تويتي
نادين…..محتاج ايه
عسال….بابتسامه محتاجك انتي
نادين….ما انا هاجي والله
عسال….بضحك لا ركزي انتي شكلك خلاص فصلتي اقصد عايزين نخلص من التجهيزات دي في اسرع وقت عشان محتاجك تكوني جنبي وفي حضني
نادين….وانا كمان محتجالك اوي
عسال….بجد
نادين….اممم بجد محتاجه ابقي معاك و انام في حضنك كل يوم
عسال….بابتسامه شقيه بس مش محتاجه حاجه تاني
نادين….بابتسامه لا هو حضنك بس
عسال….ايوه بس انا محتاج حجات كتير اوي
نادين…..لا مفيش تاني خلاص هو حضن بس
عسال….بضحك لا بصي ده في حجات كتير اوي حلوه بردوا
نادين….مش عيزاها يا قليل الادب
عسال…..لا ماهو مش بمزاجك هي شيله واحده علي بعضها كده الحضن بكل لوازمه
نادين….بضحكه احراج لا مش عايزه
عسال….ااااه واضح كده انك هتغلبيني معاكي
نادين….مش هغلبك بس انت اعمل حسابك ان مفيش اكتر من الحضن
عسال….طب مفيش بوسه حتي
نادين…اممم ماشي بوسه كمان
عسال….طيب و مفيش ااااا
نادين….بضحك مفيش ايه ؟ اسكت و خليك مؤدب و انسي خالص انت اخرك معايا حضن و بوسه بس
عسال….بضحك طب ايه مش هنجيب بيبي هو مش انتي قولتي قبل كده انك نفسك تكوني ام
نادين….اه اوي و هنجيب ان شاء الله
عسال….بضحك طيب و دول هنجيبهم منين من السوبر ماركت
نادين….بابتسامه ميدو هو انت ليه بقيت قليل الادب
عسال….بضحك مش قلة ادب يا عمري اولا انا جوزك ثانياً انا بتكلم كلام مهم و حقيقي يعني ماهما لو مش هيجوا بالطريقه دي اكيد مش هنروح نشتريهم
نادين….اااا لا ماهو احنا بقي نشوف طريقه تانيه
عسال…..بأبتسامه ماهي ملهاش طرق تانيه يا روحي
نادين…امممم لا مش عايزه بيبي خلاص
عسال…..طب ليه بس دول حلوين خالص تخيلي كده معانا بنوته شبهك و قلبوظه شويه و طول اليوم نبوس فيها و تبقي ريحتها شبه ريحتك بذمتك مش حاجه حلوه
نادين….بابتسامه تجنن اه بس انا مش عايزه اخليها تيجي كده
عسال….طب ليه يا عمري هو يعني مش انتي مراتي و انا جوزك و دي حاجه اكيد هتبقي حلوه لو عملناها مع بعض
نادين….لا حلوه ليك انت
عسال….و انتي كمان والله هتعجبك اوي
نادين….لا مش هتعجبني اصلا اااا اقولك حاجه و متضحكش عليا
عسال……بابتسامه قولي يا عمري
نادين….بصوت نايم و هي مغمضه عنيها ابتسم انا زمان مكانش عندي صحاب خالص في المدرسه يعني كنت اعرف بنات كتير و ولاد بس مكناش صحاب هما كلهم كانوا صحاب بس انا كنت علي طول مع نفسي و بخاف اصاحب و مش بعرف اكون اجتماعيه مكانش في حد.في حياتي غير تيته و خالو بس و طبعاً لما كنت بكبر مكانتش تيته بتعرفني اي حاجه و لا عمرها اتكلمت معايا في اي حاجه حتي الدروس اللي كنا بناخدها في المستشفي مكنتش بركز فيها اوي كان البنات والولاد بيضحكوا بس مكنتش فاهمه بيضحكوا علي ايه يعني الشرح كان محرج اكيد بس مكنتش فاهمه اوي انه بيتكلم عن العلاقه بالطريقه دي
عسال….بضحك لحظه بس يا عمري مستشفي ايه ؟
نادين….يعني ايه ؟
عسال….بضحك انتي قولتي الدروس اللي كنا بناخدها في المستشفي انتي اكيد طبعاً تقصدي المدرسه بس انتي خلاص عملتي دماغ صح
نادين….بضحك انا قولت مستشفي
عسال….بضحك اه والله بس مش مهم بتحصل كملي كملي
نادين….بضحك المهم يعني انا عمري ما فهمت اي حاجه خالص و مكانش عندي حد يفهمني معرفتش غير وانا كبيره من البنات و ايمي هي اللي قالت كل حاجه و بصراحه يعني لما عرفت انا خوفت و الموضوع طلع يعني محرج
عسال…..بأبتسامه جميله لا خالص يا روحي اولاً الموضوع مش محرج ممكن يكون محرج في الاول بس لكن بعد كده خلاص و بعدين انا مش هخليكي تحسي بأي إحراج و اصلاً مينفعش تكوني مكسوفه مني ده انا حبيبك يا نودي صح
نادين…..اممم بس هو يخوف
عسال….ولا يخوف كمان يا عمري دي حاجه بسيطه خالص و بعدين انا ممكن اعمل حاجه تأذيكي ؟
نادين…لا
عسال…..انا مستحيل اعمل حاجه تخوفك او تأذيكي صدقيني انا هخليكي تعيشي احلي لحظه في حياتك كلها و انتي في حضني ماشي
نادين…..ااااا امته بقي
عسال…..بضحك ده انتي عملتي دماغ زي الفل تعرفي ان الدماغ دي هي الدماغ الوحيده اللي هقدر اجيب بيها بيبي منك و انتي مسلمه كده الواحد ياخدك علي غفله
نادين….ااااااا ميدو
عسال….عيون ميدو
نادين….انا عايزه بونبوني
عسال…..بضحك عيوني بس ممكن يا حبيبي تروحي تنامي يلا عشان انتي فصلتي بجد
نادين…..ما انا نايمه
عسال…..بضحك عارف بس اقصد اقفلي يلا الموبايل و سيبيه جنبك عشان بكره ان شاء الله اجي اخدك علي الساعه اتنين كده و نروح مع بعض الشقه اوك
نادين….اوك خد الموبايل
عسال….بضحك اخده ازاي ده ايه الدماغ دي يلا يا عمري انا هقفل اوك
نادين….اوك
عسال….تصبحي علي الف خير يا احلي بنوته في حياتي
نادين….و انت من اهله
عسال….باي يا عمري
نادين….باي
قفل ميدو و نامت نادين و هي ماسكه الموبايل علي ودنها
………………..
عند ايمي و رشيد
طلعوا الطياره كان في زحمه بسيطه وهما بيدخلوا ضمها رشيد لحضنه و هي قدامه و مشي بيها بهدوء لحد الكراسي بتاعتهم
رشيد….يلا يا حبيبي ادخلي
ايمي….اااا لا ما هو انا مش عايزه ادخل جوه
رشيد….مش عايزه تقعدي جنب الشباك
ايمي….لا شباك ايه انا متوتره لوحدي هقعد كنان جنب الشباك
رشيد….طيب ادخلي بس و انا هقفله خالص بس خليكي جوه عشان محدش يضايقك
ايمي…..طيب اوك
دخلت ايمي قعدت حط رشيد الشنطه الصغيره اللي معاهم فوق و بعدين قعد بهدوء فضل ساكت و باصص علي الناس و هي بتدخل و هي قاعده جنبه متوتره جداً فتحت شنطتها و طلعت منه علبة دواء صغيره
رشيد….ايه العلبه دي يا ايمي ؟
ايمي….ااا ده مهدئ
رشيد….طب هاتي العلبه دي كده و بطلي القرف اللي انتي بتاخديه علي طول ده
ايمي…..رشيد انا متوتره بجد خليني اخد حبايه واحده
رشيد….لا يا حبيبي مفيش حاجه توتر و بعدين كتر المهدئ ده غلط
ايمي….الدكتور اللي كان كاتبلي عليه انا مش باخد اي حاجه من نفسي
رشيد….معلش بس بلاش عشان خاطري تاخدي منه انا معاكي اهو وبس الطياره تبدأ تطلع مش هتحسي بأي توتر هاتي بقي العلبه دي
ايمي…..طيب واحده بس
رشيد…لااااا
بعد وقت بسيط علي الساعه اربعه و نص قفلوا الباب بتاع الطياره و الكل قعد في مكانه و بدأت المضيفه تديهم التعليمات قفلها رشيد الحزام و بعدين قفل لنفسه و مسك كفها
كانت باصه علي المضيفه بتوتر و عماله تهز في رجلها حط كفه علي رجلها بهدوء
رشيد….اهدي شويه
بدأت المحركات تشتغل و صوت الطياره كان عالي و بعدين بدأت تمشي بهدوء و تلف عشان تبدأ تسرع و تاخد وضعها الصح للطيران
مشيت كتير براحه و بعدين بدأت تسرع قبضت ايمي علي كفه بقوه وبصتلوا بخوف.
ايمي….رشييييد
سحب رشيد كفه وضمها بدراعه و حط دراعه التاني علي راسها خباها في صدره
رشيد….بهدوء اهدي اهدي مفيش اي حاجه ده صوت المحرك و هي هتطلع خلاص ركزي معايا انا ماشي بقولك ايه صحيح انتي من بدري عماله تقولي نسيت حاجه عارفه يا هانم انتي ناسيه ايه ده انا هقتلك و هعلقك من قفاكي عشان نسيتي حاجه مينفعش تنسيها رفع و شها بهدوء و بصلها و ابتسم ينفع تنسي اهم حاجه
ايمي…بشرود ااااا نسيت ايه؟
رشيد….بصي علي ايدك وانتي تعرفي
بصت ايمي علي كفها و بعدين بصتلوا بصدمه
ايمي…..الخاتم
رشيد…بابتسامه بتقلعي شبكتك ده انا هموتك
ايمي….انا نسيته خالص في العلبه
فجأه الطياره طلعت و حست ان روحها اتسحبت
ضمها تاني لحضنه.
رشيد…..اه شوفتي بقي اعمل فيكي ايه الوقت ادبحك و لا اموتك و لا تصالحيني و خلاص
فضلت ساكته و ماسكه في دراعه بقوه.
رشيد….بهدوء باس راسها حبيبي الطياره خلاص ثبتت اهدي بقي كله تمام
بعدت راسها عنه و سندت راسها علي الكرسي و هي مغمضه عينها و نفسها عمال يطلع و ينزل
حط كفه علي قلبها و ابتسم
رشيد…..هو انتب الكياره وقعت بيكي و انتي صغيره ولا ايه
فتحت عينها و ابتسمت و بصتلوا
ايمي…..لا بس بخاف من طلعتها روحي بتتسحب و مش بحب الادوار العاليه اوي
رشيد…..بس خلاص يا قلبي احنا طلعنا اهدي بقي و يلا فكي الحزام
ايمي….لا سيبه
رشيد….بضحك اسيبه طب ولما الطياره تقع بينا تبقي محبوسه و متكتفه جوه الحزام
مدت ايدها بسرعه فتحته ضحك رشيد عليها و هي بصتلوا بابتسامه غيظ و ضربته علي كتفه.
رشيد….قوليلي بقي اعمل فيكي ايه علي الخاتم اللي قلعتيه من ايدك ده
ايمي….انا والله معرفش ازاي نسيته لما رجعنا من عند طنط دخلت خدت شاور و غيرت و كنت بكمل باقي الشنط قلعته لحد ما اخلص و حطبته في العلبه و نسيته خالص و بعدين بقي انت اللي عمال تقولي اخلصي
رشيد…والله يعني انا اللي غلطان الوقت
ايمي….اه
رشيد….طب ايه الحلاوه دي انهارده
ايمي….علي فكره بقي انا حلوه علي طول
رشيد….بضحك فوقي عليا بقي من دقيقه كنتي مرعوبه في حضني
ايمي….فرحان فيا صح
رشيد….مقدرش يا عمري
ايمي….هو احنا كده هنعمل ايه
رشيد….ولا حاجه هتيجي في حضني و نتفرج علي فيلم سوا لو عايزه تنامي شويه نامي
ايمي….انت عارف مش بعرف انام في اي طريق خصوصا لو طياره يعني
رشيد….باس يبقي تيجي في حضني و نتفرج علي فيلم سوا
ايمي….طيب هو احنا هنوصل امته؟
رشيد….بابتسامه لا لسه شويه حلوين ده احنا لسه بنقول يا هادي قدامك كده حوالي سبع ساعات مثلاً
ايمي….هو انا هفضل متشعلقه في الجو كده سبع ساعات
رشيد….بضحك اه و تقعدي مؤدبه و تسمعي الكلام بدل ما اقوم و اسيبك اقعد جنب المووزه الاجنبيه اللي هناك دي
ايمي….بابتسامه غيره رفعت حاجبها طب روح يا حبيبي يلا.
رشيد….بضحك كده علي طول مفيش اي اعتراض
ايمي….لا مش انت عايز تروح اكيد مش همسك فيك بس مش هتعجبك علي فكره
رشيد….هي اكيد مش هتعجبني انا مليش في الاشقر ده و بعدين يبقي معايا القناصه اللي بتجيبني الارض دي و ابص علي غيرها ده انا ابقي حمار
ايمي….بابتسامه طب خدني في حضنك بقي و اسكت بدل ما اقوم ابوسك و افضحك في الطياره
رشيد….بضحك عادي هنقولهم عرسان جداد..
ايمي….بضحك ماشي يا عم العريس
لف ايده علي وسطها لمس حرف بطنها و فضل يدور في الافلام لحد ما اختاروا فيلم ركبوا السماعه و فضل يمشي ايده بحب علي وسطها
ايمي….بابتسامه رفعت وشها انا بقول تشيل ايدك عشان الطياره ممكن تقع بينا ..
رشيد…..بابتسامه تجنن ارجعي يا بت نامي انا اعمل اللي عايزه
ابتسمت ايمي و رجعت سندت علي كتفه و كفوفها الاتنين كانوا جوه كفه ماسكهم بقوه.
……………………
في غرفه ايه كانت نايمه علي السرير و موبايلها جنبها و راحه في النوم خالص راميه الغطاء علي الارض و نايمه بالعرض شويه و لابسه الشراب مطلعاه فوق البنطلون بشكل مضحك و شعرها مغطي و شها خالص و سايبه الستاره مفتوحه شويه فا كان النهار بيبدأ يطلع الساعه كانت خمسه و نص و كلابها كانوا جنبها علي السرير مستخبين في بعض من السقعه و نايمين علي ضهرهم فاتحين رجلهم و شكلهم يموت من الضحك
خبط تامر علي الباب بهدوء و بعدين فتح لقي الورقه و حس انه زعلها و كان حابب يعتذرلها حتي لو نايمه.
اول ما دخل و شافها نايمه كده ضحك.
تامر…ايه النومه دي انتي مقتوله ولا ايه و ايه الشراب ده الله يخربيت عقلك
راح بهدوء قعد جنبها علي حرف السرير
تامر…..ايه ايه يويو
فتحت عينها و بصتلوا و هي مش مركزه اوي
ايه….ايه في ايه؟
تامر….بضحك مفيش في ايه انتي و ايه منظرك ده حد ينام شبه السبمبوسه كده ضحك و بعدين بص علي شرابها و ايه الشراب اللي حطاه فوق البنطلون ده انتي بتلعبي ماتش و مال شعرك شبه شبكة العمكبوت كده ليه ده حتي كلابك نايمين نفس نومتك الله يكون في عونك يا سلامه هيتقطع خلف الراجل كل يوم لو صحي قبلك
ايه…..قامت بهدوء و بعدين بصتلوا بغضب خير يا ظريف خلصت استظراف انت جاي اوضتي ليه؟
تامر…..جاي اصالحك و اقولك اني لاقيت الورقه حقك عليا متزعليش
ايه….لا والله يعني لو مكنتش لاقتها مكنتش صالحتني و فضلت انا اللي ضيعتها
تامر…..طب ما اعمل ايه انتي عامله زي الفرقعلوز مبتتهديش و طول اليوم نكش في كل مكان عندك فرط حركه انتي و كلابك
ايه….وانا قولتلك مشوفتش حاجه ولا خدت حاجه اصلا تخنت عليا صوتك زي البقره بالظبط كملت بتقليد مضحك مفييييش خروج تاني و مفيش شغل و مفيش سلامه
تامر….بضحك بت انا بعمل كده و مين ده اللي بقره
ايه….اااااه سيب شعري ياض و قوم اطلع بره مش متقبلن اعتذارك اصلاً
تامر….بضحك ولا تقدري يابت ده انا تيمو
ايه….خير تامر حسني و انا معرفش امشي بره يا تامر عشان والله لو مخرجت لا هرزعك بأي حاجه في راسك
تامر…..اكيد يعني مش هتصالحيني
ايه….لا مش هصالحك و يكون في علمك اخرج او اتأخر انت ملكش دعوه اصلاً و احمد ربنا اني بعرفك
تامر….ماشي يا ستي يعني مش هتصالحيني
ايه….لا ويلا بره
تامر….امممم طيب عموماً كنت ناوي اعدي عليكي انهارده في المحل بعد ما اخلص شغلي مع سلمي و حسان و مكانش بعني عندي مواعيد تاني فا قولت لو صالحتيني هجيبلك و اعدي عليكي اجيبلك سوشي و شوية حجات حلوه كده و عروسه بس يلا ملكيش نصيب بقي
قام وقف قامت بسرعه قعدت علي ركبها ومسكت دراعه و ابتسمت
ايه…..استني صالحتك خلاص هتيجي امته بقي
ضحك تامر من قلبه عليها و قرب منها ضمها و هو فطسان من الضحك
تامر…..اه يا طفسه انا عارف اجيبك ازاي
ايه……ااااا لا يعني انا مش بصالحك عشان اكلة سوشي و حاجه حلوه و عروسه انت عارف يعني يا تيمو انت حبيبي و اخويا يعني مينعش نتخاصم
تامر….بضحك و حياة امك يابت انتي من ثانيه كنتي عايزه ترزعيني بحاجه في راسي
ايه….بضحك ما انت داخل تتريق عليا و مطلعني مسرح
تامر….بضحك ايه منظرك اللي يسد النفس ده انا لو مكان سلامه و الله يا ايه و صحيت لاقيت مراتي نايمه بالمنظر ده اخدها من قفاها علي بيت ابوها
ايه….ايه ماله منظري قمر و بعدين الجو برد
تامر….مقولناش حاجه بس نومه غريبه و شعرك مغطيكي و شرابك مدخله في البنطلون
ايه….ما انت لابس شراب
تامر….بضحك ايوه بس مش شبه اللاعيبه الله يسد نفسك يا بعيده ياريتني صورتك عشان افضحك و احذر سلامه يمكن يرجع في كلامه
ايه…..لا اطلع منها انت هو اتدبس خلاص و بعدين جرب كده تعملها و انا اتصل بالبنات اللي تعرفهم و اقولهم اني خطيبتك اصلا انا كنت ناويه اعمل كده قبل ما تصالحني و اقطعلك ورق شغلك
تامر…..طب كنتي عملتيها يا ايه عشان والله كنت موتك في ايدي
ايه….ايوه هي ايه اني اقطع الورق بتاع شغلك ولا اروح اقول للبنات
تامر…..بضحك لا بنات ايه ولا يهمني دول صحاب مش اكتر انا بتكلم عن ورق الشغل يا جزمه
ايه….لا ياعم خلاص اطمن ادام فيها سوشي و سويتس و عروسه اشطا
تامر…..ماشي يا طفسه المهم يعني صافي يا لبن
ايه…..حليب يا اشطااااا
تامر….بضحك نامي نامي جتك القرف في حلاوتك
ايه….استني هنا هتيجي بجد و لا بتشتغلني
تامر…..لا والله هاجي علي خمسه كده اكون عندك اشطا
ايه….اشطا تعالي هات بوسه
ضحك تامر و قرب باسها و بعدين طبطب عليها بحب
تامر….يلا تصبحي علي خير هروح انام عشان فصلت خلاص من كتر ما دورت
ايه….ماشي يا عم تصبح علي خير
خرج تامر و سابها ابتسمت ايه بسعاده و رجعت خدت كلابها في حضنها و اتغطت و نامت.
…………….
عند ليله و عشري.
قلق عشري من نومه فتح عينه بهدوء لمح ليله نايمه علي الكنبه بس نومه متعبه جداً و لابسه نص كم و الچاكت بتاعها واقع علي الارض هو و الغطاء
رفع راسه بهدوء و نزل رجله براحه و حاول ميعملش صوت بس بمجرد ما قام وقف اتوجع بس كتم صوته
فتحت ليله عينها وقامت بسرعه بصت عليه.
ليله….انت كويس ؟
عشري…..بهدوء ايه نوم القطط ده ده انا بحاول اقوم من غير صوت عشان مقلقيش
ليله…ااا لا لا انا تمام انت فيك حاجه رايح فين
عشري…..مش رايح يا ليله انا كنت جاي اغطيكي انتي ايه اللي منيمك كده ليه مش لابسه
حطت ايدها علي وشها و سحبت الچاكت من الارض
ليله….ااا مفيش بس وانا بعمل الشنط حسيت اني حرانه قلعته و جيت نمت و محستش بنفسي
قرب منها بهدوء و وقف قدامها.
ليله…..ااا كويس اني صحيت كده كده المنبه كان هيرن عشان الدواء بتاعك فاضل عليه ربع ساعه تقريباً هروح اجيبلك حاجه بسيطه تاكلها الاول
مسك كفها بهدوء.
عشري…..استني يا ليله
بصتلوا بهدوء و توتر بسيط و سحبت ايديها من كفه.
ليله….نعم
عشري…..بتعب ممكن اطلب منك طلب
ليله…..اطلب.
عشري…..ممكن تيجي تنامي علي السرير
ليله…ااا لا انا مرتاحه هنا
عشري…..الكنبه صغيره يا ليله بقالك كذا يوم بتنامي عليها جسمك متعبكيش انتي مش بتروحي في النوم لان النومه اصلا مش مريحه و بعدين يا ستي هنحط مخدات بينا او هروح تاني الاوضه التانيه بس عشان خاطري نامي هناك
ليله….بهدوء ابتسمت هو انت يعني فاكر اني مش عايزه انام جنبك عشان مكسوفه منك مثلا فا بتقترح عليا احط مخدات لا متقلقش انا مش مكسوفه علي فكره انا خايفه عليك مني
ابتسم بهدوء و بصلها بحب
عشري….لا يا ستي متخافيش المهم تيجي تنامي علي السرير
ليله….لا يا سيدي شكراً قولتلك مش هنام علي سريرك ده خالص
عشري….ليله انا قولتلك لو عايزه تغيري المكان كله مش البيت بس هعمل كده عشانك بس لازم تعرفي ان البيت ده محدش دخلوا غيرك و السرير ده انا الوحيد اللي نام عليه ولمسوا فا عشان خاطري صدقيني يا ليله في دي بالذات انا مش بكدب عليكي والله العظيم
ابتسمت ليله بهدوء و حست انه تعب من كتر ما بيحاول يثبتلها انه مش كداب .
ليله….بابتسامه والله بعيداً عن السرير و البيت و المكان قولتلك خايفه عليك مني مش عايزه شكلك يطلع وحش قدام وليد
عشري….بابتسامه لا متخافيش انا اديته كلمه و مهما شيطانك لعب معايا مش هسلم يا ليله
ليله….متأكد يا بلطجي ؟
عشري….بابتسامه حزينه و حشتني الكلمه دي يا ليله واه متأكد يا قلب البلطجي
ليله…..ماشي هنشوف
عشري…..طيب هتنامي معايا
ليله….بابتسامه انام معاك ازاي
عشري….بضحكه هاديه تنامب جنبي اقصد
ليله….بضحكه هاديه خليني الاول اروح اجيبلك الدواء و حاجه تاكلها و بعدين نشوف هنام جنبك و لا هنام معاك
عشري….بضحكه تجنن لا هتنامي جنبي و هحط مخده عشان ابعد عن شيطانك يا ليله
ابتسمت ليله بهدوء و خرجت علي بره خدت موزه قطعتها و حطتها في علبة زبادي و بعدين خدت العلاج و المايه و راحت عليه
كان خارج من الحمام بهدوء
ليله…..يلا تعالي كل ده عشان تاخد العلاج
عشري….انا مش بحب الزبادي يا ليله اوي
ليله….وليه جايب كمية الزبادي دي
عشري….عشانك انا كنت بجيب اي حاجه الاقيها في وشي
ليله….لا معلش هتاكل و فيها موز كمان انت محتاج تاكل حجات سهله و سريعه كده يلا كل لو عايز تخف و بطل دلع
عشري…..بابتسامه حاضر
خد منها الطبق و راحت علي الحمام دقيقتين وخرجت لاقته سايب باقي الطبق
ليله….كنل يا عشري
عشري…والله مش قادر خلاص.
ليله….لا معلش يلا كل و اخلص بدل ما اجي اكلك بطريقتي
عشري….بابتسامه لا خلاص هاكل
ابتسمت ليله و راحت حطتلوا المايه في الكوبايه و خدت الدواء من الشريط و قربت منه حجتها بين شفايفه و مشت بهدوء صباعها علي شفايفه
ابتسمت عشري و هو بيهز راسه شمال و يمين
عشري….اللهم طولك يا روح
ليله….بضحكه تجنن لا اجمد كده امال
عشري…..انا بقول خليكي علي الكنبه احسن
ليله….بضحك صح انا كمان بقول كده يلا اشرب
شرب عشري المايه و طلع رجلوا بهدوء
عشري….يلا تعالي نامي
ليله….بابتسامه اااا طيب اوك
عشري….طيب البسي الچاكت
ليله…بضحك ده نص كم و بنطلون متقلقش كده امال لما البس من اللبس اللي ايمي بعتته هتعمل ايه
عشري…بضحك لا ما هو اللبس اللي ايمي جابته مش هيتلبس ده اولاً ثانياً انا عايزك تلبسي عشان متبرديش
ليله…..بابتسامه لا متقلقش لما هنام جنبك هدفي
عشري…..بضحك ااااا طيب ربنا يسترها
ابتسمت ليله و طلعت بهدوء علي السرير لاول مره قفلت النور اللي جنبها و بعدين بصتلوا
ليله….النور اللي جنبك هتقدر تقفله و لا اقوم انا
عشري…لا خليكي هقوم انا اقفلوا
ليله…لا لا تقوم ايه يا راجل و دي تيجي حرام انت بتقوم و تقعد بالعافيه قامت بهدوء علي ركبها و مالت بجسمها كله عليه و بصتلوا و ابتسمت قبل ما تقفل و غمزتلوا بشقاوه
عشري….بابتسامه تجنن طيب وحدي الله و اتلمي و ابعدي عني
ليله….بضحك رجعت و نزلت بهدوء علي السرير انا مجتش جنبك اصلاً انت اللي بتسلم بسرعه من الكلام
عشري…..بابتسامه تصبحي علي خير يا ليله
ليله….ايه هتنام بسرعه كده بعد ما صحتني انا مبعرفش ارجع للنوم بسرعه
عشري….انا اصلا مصحتكيش ولا جيت جنبك انتي اللي صحيتي بسرعه
مسكت المخده اللي في وسطهم حطتها تحت راسها و بصت ناحيته و هي مبتسمه
عشري…..رجعي المخده
ليله….بضحك غريبه والله اول مره اشوف راجل خايف علي نفسه من ست
عشري….ماهي لما تبقي ست عاديه مش هخاف بس انتي خطر يا ليله
سكتت ليله و نامت علي ضهرها و فضلت عينها علي السقف و ايدها الاتنين علي بطنها
لف راسه بهدوء يشوفها كان في نور بسيط خارج من الدريسنج فا كان شايفها شويه سرح هو كمان في ملامحها و لف بهدو نام علي جنبه الشمال و فضل ساكت و حاسس انه مش مصدق انها جنبه و علي سريره
دام الصمت بينهم حوالي اربع دقايق هي باصه لفوق و هو باصص عليها و فجأه لفت وشها بهدوء و بصتلوا في عينه بصلها و فضلوا الاتنين ساكتين
حس عشري انه مش هيقدر يفضل باصصلها كتير فا بسرعه رجع نام علي ضهره
عشري…..بصوت هامس اتغطي يا ليله عشان متبرديش
مسكت حرف الغطاء بهدوء و اتغطت
و فضلت ساكته كانت بتحاول ترخم عليه طول الوقت بس مقدرتش تقاوم احساسها ان هي اللي ضعفت و هي اللي محتاجه حضنه و لا قدرت تقاوم رفضها للطلب ده
ليله….بنبرة احتياج رهيبه و صوت باين عليه الوجع عشري
عشري…..امممممم
ليله….انا محتاجه حضنك ممكن
في اللحظه دي مجاش في بال عشري اي حاجه غير الموقف اللي قالته ليله لما طلبت من ابوها انها تشوفوا عشان كانت محتاجه تحضن
محسش عشري بنفسه غير و هو بيفرد دراعه و بيضم راسها لصدره
قربت ليله منه و مسكت في وسطه و دفنت راسها في صدره ضغط بكفه علي راسها بقوه و باس راسها.
غمضت ليله عينها بقوه و من غير ما تحس دموعها نزلت كانت محتاجه حضنه بشكل مش طبيعي قبضة ايديها علي وسطه بأيدها من الناحيتين خلوا عشري حس قد ايه هي محتجاه و قد ايه هي بتحبه زي ما بيحبها و قد ايه هي اتوجعت منه في الوقت اللي هي مش قادره تبعد
ضربات قلبها كانت بتخبط في جنبه بقوه و حس من صوت نفسها انها بتعيط بهدوء
عشري….نزل ايده من علي راسها وضم ضهرها و همسلها بهدوء ششششششش اهدي اهدي يا قلب عشري بلاش الدموع دي
و كأنها كانت مستنيه كلمته دموعها زادت و صوت وجعها كان مسموع
ضمها ليه اكتر و لف بهدوء ضمها بايده الاتنين و هو مش قادر حط راسها علي راسها
عشري….بحبك يا ليله بحبك يا بنت عمري حضنك وحشني يا ليله نفسك وحشني ريحتك وحشتني و جعتي معاكي يا بلطجيه
نزلت دموعها اكتر و ضمته بحب
باسها من راسها و خدها في حضنه
عشري…..مكانك في حضني يا ليله و انتي عارفه كده كويس و مش هتخرجي من مكانك ده مهما حصل عشان انا بتاعك انتي بس و انتي بتاعتي غصب عنك يا بلطجيه
فضل يمشي ايده علي ضهرها بهدوء عشان يهديها
عشري….حبيبي… ليله… يا بنت عمري ردي عليا قولي اي حاجه قوليي بكرهك حتي زي ما كنتي بتقولي انا راضي بس هو انتي بتكرهيني يا ليله بجد ؟
ليله هزت راسها بهدوء بلأ في حضنه
ابتسم عشري و ضمها اكتر و هو بيبوس راسها بحب
عشري….وانا بموت فيكي و حياة غلاوتك عندي اخف بس و كل اللي فات ده هيخلص بس مش هننساه يا ليله انا عن نفسي مش هنساه عشان ان انشاء الله هنحكيه لولادنا هقولهم اني اتجوزت امكم غصب عنها ومن غير ما تعرف هقولهم اني شوفت ان الفكره دي انسب فكره عشان اخليها ترجع لحضني و مش هقولهم علي الفكره اللي كانت في دماغي و اللي مقولتش عليها لاي حد.
رفعت ليله و شها بهدوء و هي دموعها نازله و بصتلوا
عشري….بابتسامه مسح دموعها ايه هتموتي و تعرفي ايه هي صح
ابتسمت بهدوء و هزت راسها
عشري…..وحياة غلاوة ليله عندي قبل ما نادين تقول الفكره دي انا كنت مقرر اني هحاول مره و اتنين التالته كنت هخطفك لما قالت الفكره ولاقيت الكل موافق عليها و اولهم اخوكي ارتاحت لان لو كنت خطفتك كنت هخسره هو واخواتك و البنات و هعمل مشكله بينهم و بين الشباب بس انا في الوقت ده مكنتش بفكر بأي طريقه صح كنت بس مستني الوقت المناسب و هاخدك و مش هسيبك ابداً
ليله….بهدوء ابتسمت بجد كنت هتخطفني
عشري….والله العظيم كنت هخطفك و محدش كان هيعرف مكاننا ابداً
ليله بتنهيده قويه بصتلوا وهي دموعها نازله.
عشري….بطلي عياط عشان خاطري كفايه يا حبيبي كفايه يا بنت عمري رجعيلي ليله بتاعتي ارجوكي
خبت وشها تاني في حضنه و فضلت ساكته و هو فضل ساكت عمال يبوس في راسها بهدوء و يمشي ايده عليها عشان تهدأ خالص.
ليله….بهمس بحبك يا عشري
باسها من راسها بوسه طويله خارجه مع تنهيده قويه من قلبه
عشري….عارف يا قلب عشري والله عارف نامي يا حبيبي نامي و ارتاحي كفايه اوي عليكي تعب لحد كده نامي يا بنت قلبي باسها تاني من راسها و نامت ليله في حضنه نوم عميق
فضل صاحي و باصص عليها بحب مش مصدق انها نايمه في حضنه حضنه ليها كان حضن تملك و حضنها ليه كان عامل زي الطفله اللي تاهت و فضلت فتره طويله بعيده عن اهلها و ما صدقت لاقتهم
ميعرفش عشري فضل صاحي قد ايه بس منامش غير لما ايدها سابت بهدوء هدومه و نامت بجد و غرقت في النوم.
واخيراً حس عشري ان روحه رجعتلوا من تاني
……………
علي الساعه11 ونص الصبح و صلت اخيراً طياره ايمي و رشيد فضلت ايمي صاحيه طول الرحله بس رشيد مطولش معاها و خدها في حضنه و نام.
بمجرد ما سمعت ايمي الطيار بيعرفهم انه خلاص هيهبط و يركبوا الاحزمه صحته بسرعه
ايمي….رشيد رشيد الطياره هتنزل حط الحزام بسرعه و اصحي والنبي يلا
رشيد….طيب طيب يا قلبي متخافيش ركبتي حزامك
ايمي….لا هركبوا
رشيد….طيب يلا
ركبت ايمي الحزام و بصتلوا بتوتر
ايمي….رشيد انا خايفه
رشيد…..بابتسامه وصلنا خلاص يا حبيبي خايفه من ايه تعالي في حضني يلا
ضمها تاني بعد ما ركب الحزام وخباها في حضنه بدراعه و فضلت الطياره تهبط و هي عماله تقرأ قران و مرعوبه و بمجرد ما لمست الاسفلت اتخضت و مسكت فيه اوي
رشيد….بضحك شششش فضيحه اسكتي اسكتي خلاص نزلت والله
ايمي…..رجعت بهدوء و فضلت ماسكه في كفه بقوه
رشيد…..ضوافرك بوظت ايدي
ايمي….بقولك ايه هو مفيش غير الطياره دي نرجع بيها
رشيد….بضحك لا في هنرجع علي جمل
بصتلوا بغيظ و ضربتوا في كتفه
رشيد…بضحك يابت ايدك تقيله يلا جهزي نفسك
ايمي….افك خلاص الحزام ده
رشيد…اه يا حبيبي خلاص
استنوا شويه احد ما الطياره وقفت خالص و بعدين الباب اتفتح و بدأت الناس تنزل.
ايمي….هو ايه البرد ده؟
رشيد….بضحك لسه لما نخرج ده الباب بس اتفتح
ايمي…..بابتسامه ده باب الفريزر اتفتح هي اختك عايشه هنا ازاي
رشيد….دي بتقولي الجو تلج
ايمي….ماهو باين
قاموا بهدوء سحب رشيد الشنطه الصغيره و عداها قدامه و بعدين اتحرك وراها اول ما قربت من الباب بصتلوا بصدمه
ايمي….احيييييه عالبرد
رشيد……بابتسامه اووووف اقفلي الچاكت بتاعك و البسي الكاب ده علي راسك
ايمي….صوابعي هتقع مني
رشيد….كان لتزم نجيب جلاڤزات
نزلوا بهدوء و ركبوا بسرعه الباص الجو كان رهيب وصلوا علي المطار و قعدوا جوه يخلصوا الاجراءات و استنوا الشنط حوالي ساعه الا ربع
ايمي….هي اميره هتبقي مستنيانا و لا هنروح احنا
رشيد….لا مستنيه هي و كريم اكيد
ايمي….طيب هنلاقيهم ازاي مش معانا تليفون
رشيد…متقلقيش هي اكيد واقفه بره يلا حبيبي تعالي
ايمي…..رشيد انا مش قادره ايدي هتموتني من البرد
رشيد…..اووووف ولا انا بجد الله يكون في عونهم اللي عايشين هنا
مكانش قادر يزق العربيه من كتر البرد قربت منه ايمي تزق معاه و لزقت فيه من البرد اطرافهم من كتر ما كانت سقه كان لونها احمر و دن رشيد كانت حمره و مكانوش قادرين.
خرجوا بره و وقفوا يشوفوا الناس اللي بتستقبل اهاليهم
ايمي….ايه مش شايفها
رشيد….بتوتر اااا لا
ايمي….ايه مالك متحمس
رشيد….بصراحه اوي اميره وحشتني و هتفضحني اكيد الوقت
ايمي….انت كده بقالك قد ايه مشوفتهاش
رشيد….داخل في سنيتن ونص
ايمي….احيييه كل ده و مش عايزها تفضحك.
فضل رشيد يبص شمال و يمين و بعدين اتحركوا شويه كمان خرجوا بره اكتر ايمي كانت بتموت جنبه من البرد و واقفه مش باينه و صغنونه في نفسها ساب العربيه و قربها منه
رشيد….تعالي هنا اقفي قدام خدها في حضنه و فضل يبص علي اخته و جوز اخته و فجأه سمع صوت من بعيد
اميره….محممممممد
رشيد….بص بصدمه و اول ما شافها ابتسم يلا يلا هناك اهي
سحب العربيه بحماس و هي ماشيه جنبه عدت اميره من رواء الحاجز اللي محطوط هي و كريم و جريت عليه و اول ما قرب منها ساب العربيه و مد شويه و بعدين ضمها
رشيد….يا عمري يا عمري
فضلت اميره تعيط و هي حضناه
و تضحك
اميره….وحشتني اوي يا محمد
رشيد….بضحك و انتي والله يا قلب اخوكي لمح كريم قرب اكتر ضحك عاجبك فضايح مراتك
ساب اميره و حضن كريم
ايمي كانت واقفه وراهم مبتسمه و ساكته قربت منها اميره.
اميره….بابتسامه العروسه
ابتسمت ايمي و قربت منها اميره ضمتها بسعاده و سلمت عليها
رشيد….ايمي كريم جوز اميره
كريم….نورتي الدنبا يا عروسه
ايمي….ميرسي يا كريم منوره بيكم والله
اميره….يا ابن اللذينه و حشتني رجعت ضمته تاني و اتعلقت في رقبته ضمها رشيد و رفعها من الارض و هو بيضحك يابت جوزك واقف
كريم….بضحك حقها ياعم محمد بقالها سنتين و نص اهو مشافتكش
اميره…..يالهوي يا رشيد دي ايمي طلعت صغنونه خالص غير الصور
رشيد….بضحك حط ايده علي كتفها وضمها ابه رأيك في الميداليه بتعتي
اميره….تجنن والله لا بس انا شوفت الصور بتاعت فرحكم قولت ايه المووزه الجامده دي بس قولت يعني اكيد عشان الفستان و عروسه بقي و ميك اب بس دي طلعت حلوه بجد قمر
ايمي…..بابتسامه يا عمري انتي اللي قمر والله
رشيد….بقولكم ايه احنا بنموت من البرد مش وقت رغي خالص
اميره…طيب يلا يلا علي العربيه و بعدين ما انا قولتلك الجو هنا تلج انهارده درجة الحراره 3 لتحت الصفر
رشيد….بضحك علي بركه الله
كريم….طيب يلا خلينا نمشي بسرعه هات كده العربيه دي
رشيد…اه والنبي احسن مش حاسس بأيدي خلاص
اميره….بابتسامه عروستك طلعت قمر يا ابن المحظوظه
ضحك رشيد و ايمي و راحوا علي العربيه حطوا الشنط و ركبت اميره قدام جنب كريم و رشيد و ايمي وراء.
رشيد…..ايه يا عم كريم مراتك كل ما تكبر بتحلو ليه
كريم….بابتسامه هي طول عمرها حلوه يا محمد
اميره….انا بردوا اللي بكبر و بحلو ده انت بقيت قمر يخربيت حلاوتك بس بصراحه اللي مفجاه بالنسبالي ايمي بجد ايمي انتي طلعتي صغنونه خالص و قمر بجد
ايمي….حبيبة قلبي والله انتي اللي قمر انا عايزه اقولك ان انتي و رشيد و طنط و انكل محدش فيكم شبه بعض خالص يمكن رشيد بس اللي شبه انكل شويه
بصت اميره لرشيد و ضحكت
اميره….رشيد مين بالظبط
رشيد….بضحك انا انا رشيد
ايمي….بابتسامه لا اتعودي بقي انا الفتره دي كل اللي بعرفهم اسمهم محمد و مش متعوده صحابه كلهم محمد و بابا محمد
اميره….بضحك وابني محمد علي فكره
ايمي….بضحك بردوا انتوا ايه حكايتكم مع محمد
كريم….انا هقولك يل ايمي انا والدي اسمه محمد و هي اخوها محمد فا قررنا نسمي اول بيبي لو ولد علي اسمهم
رشيد…..شوفتي عشان تعرفي بس اسم محمد مكتسح
ايمي….ده مكتسح اوي
اميره….بصي يا ايمي انا مش شبه ماما و لا بابا و لا حتي محمد كل واحد فينا ليه شكل بس فعلاً محمد اللي فيه من بابا كتير يعني بابا ليه صور و هو صغير كان نسخه من محمد بالظبط
ايمي….اه ما انا بقولك فيه كتير منه بس يعني بصراحه بقي اختك طلعت قمر اركن بقي علي جنب
رشيد….بضحك بقي كده
اميره….بضحك لا والله هو كمان قمر و حشتني اوي انا حاسه اني بحلم والله يا محمد
كريم….عايز اقولك يا محمد لما اجلتوا السفر و قولتلي مش هتقدر تيجي طول اليوم كان مناحه و عياط
رشيد….ياعمري انتي حقك عليا
كريم….والله يا محمد بقت قاعده تعيك و تكلم نفسها يارب ده انا ما صدقت اخويا يجي يارب ده واحشني يارب ده انا هموت و اشوفه
رشيد….والله العظيم يا اميره كان غصب عني و بعدين انا قولتلك هخلص اللي انا فيه و هاجي
اميره….ما انا قولت بقي انت بتضحك عليا و غيرت رأيك
رشيد….لا انتي عارفه اني لو مش هقدر اجي كنت عرفتك
كريم….طيب ايه رأيك في ستوكهولم
رشيد….انت هتكروتني يا عم كريم انا لحقت اشوف حاجه
اميره….اطمن احنا هنخليكم تلفوا البلد حته حته انا عايزه اقولك ان شهر العسل بتاعكم ده جالنا كده نجده عشان احنا كمان ناخد اجازه انا و كريم تقريباً مش بناخد اي يوم غير الاجازات الرسميه و طبعاً حتي في الاجازات مش بنرتاح طلبات الولاد و طلبات البيت و مشاوير خاصه يعني مفيش راحه فا تقدر تقول ان دي اول اجازه لينا من سنين
رشيد….طيب ادعيلي بقي انا و ايمي جينا انقذناكم
اميره….بضحك دي حقيقه والله
ايمي….معاكي ولاد غير محمد يا اميره رشيد قالي بس مش عارفه اساميهم
اميره….اه انا معايا محمد و مايا
محمد خلاص هيتم عشرين سنه و مايا 19
ايمي….ماشاء الله بجد ولا بتهزري
اميره….بضحك بجد والله كبرت خلاص
ايمي….بالعكس انتي و كريم مش باين عليكم اصلا انتي بتهرجي صح
اميره….والله ابداً
رشيد….لا والله اميره اتجوزت صغيره اصلا هي و كريم كانوا زمايل و ماشاء الله خلفوا علي طول
ايمي….بس بجد مش باين عليهم
اميره….رشيد اكبر مني بسنتين ونص علي فكره
رشيد….انتي تقريباً قد ايمي
اميره….نعممممم انت بتهرج لا طبعاً انا اكبر انا 42 سنه
ابمي…..بضحك وانا كمان
اميره….لا مستحيل انتي شكلك اصغر انا مسألتش اصلا محمد علي سنك بس يعني اخرك في الثلاثينات
ايمي….لا والله انا 42 سنه
اميره….يالهوي ده بجد
رشيد….بضحك مش بقولك ميداليه
كريم….لا بس ماشاء الله فعلاً مش باين عليكي خالص
فضلوا يضحكوا و يتكلموا و بعدين وصلوا بيتهم مكانش بعيد عن المطار.
دخلوا جوه و ركن العربيه كانت ڤيلا شكلها جميل اوي و المكان اللي فيه اجمل كأنه لوحه
استقبلهم ولاد اميره و اول ما شافوا رشيد جريوا عليه كانوا مبسوطين اوي
رشيد…حبايب خالكم و حشتوني اوي
محمد….والله حضرتك اللي وحشتنا
مايا….انا مبسوطه اوي ان حضرتك جيت علي الاقل عشان مامي تبطل تعيط
رشيد….بضحك فضحتينا انتي عملتي ايه في العيال وابوهم
كريم….بضحك مش بقولك
رشيد….طب تعالو بقي اعرفكم بعروسه خالكم و قولولي رأيكم بذمتكم ذوق خالكم مش يجنن
مايا….جميله خالص حمد الله علي السلامه ضمتها مايا
ايمي….انتي اللي قمر يا روحي ايه الحلاوه دي كلها دي شبهك خالص بقي
اميره….اه مايا شبهي و محمد شبه كريم.
محمد….حمد لله علي السلتمه يا طنط
ايمي….احيييييه لا اوعي تقول طنط دي
رشيد…بضحك البس بقي يا معلم
محمد…بضحك طب خلاص لحظه اقول ايه طيب
ايمي…..بضحك لا قفلتني و خلاص مش هنبقي صحاب
محمد….بضحك انقذ الموقف يا خالي
رشيد….بضحك قولها ايمي
محمد….بضحك خلاص حمد الله علي السلامه يا ايمي كده تمام
ايمي…اهو كده و بعدين انت اطول مني احترم فرق الطول حتي
ضحكوا كلهم و كانوا مبسوطين جداً خدوا الشنط علي جوه و دخلوا
رشيد….اااااه يا ساتر ده هنا الجو رحمه
مايا…..ليه مش لابسين جلافز الجو برد خالص
رشيد….ماهو انا معرفش انه برد كدخ و تاه عن بالي بصراحه دي ايمي كانت مش عايزه تلبس الچاكت ده كمان و بتقولي حر
اميره….لا حر ايه ده هنا مينفعش اللبس ده
ايمي….وانا اللي بقول علي مصر ساقعه بصراحه ربنا معاكم انتوا عايشين كده ازاي
كريم….اتعودنا خلاص بقي
رشيد….اميره انتي جبتيلي الخط انا وايمي و لا نسيتي
اميره….بص انا منستش والله بس اتلخمت في حجات كتير و فضلت استني و في الاخر مجبتش
رشيد….اه بعني نسيتي
اميره….بضحك يعني اه بس هنجيب انهارده كل اللي ناقصكم
رشيد…احنا مس ناقصنا اي حاجه غير الخطوط عايز بس اطمن ماما و اطمن الشباب
كريم….طيب امسك موبايلي عرفهم انك وصلت
اميره….انا هكلم ماما الوقت انت اتصل باصحابك و شوف لو ايمي عايزه تطمن حد عليها
ايمي….اه ماما و بابا اكيد قلقانين
رشيد….هاتي انا هكتب رقمهم و اطمنهم لحد ما نجيب بس الخط ونتصل عليهم.
مسك من كريم موبايله نقل رقم حسان و بعتلوا رساله انه وصل و بعت لمحمود قاله انهم وصلهم عشان بطمن حماده وزوزو.
رشيد….امسك يا كريم
كريم….خلصت خلاص
رشيد…اه فل كده
اميره….بقولكم ايه احنا نفطر مع بعض و ترتاحوا ساعه ساعتين بالكتير انتوا مش جايين تناموا اصلاً
رشيد….هو انا ساعه بالنسبالي حلوه اوي نمت كتير في الطياره ايمي اللي منامتش خالص
اميره….خلاص نفطر و تطلعوا تريحوا و تاخدوا شاور و تفكوا كده و بعدين نصحي بقي نشوف هنعمل ايه اتفقنا
رشيد….اتفقنا يا ستي معاكي خمس ايام تعملب فيهم اللي يعجبك و اول ما اصحي هديكم الهدايا و في حجات امك بعتاها معايا ليكي
اميره….طيب تمام ايمي مفيش نوم كتير
ايمي….بابتسامه لا متقلقيش اريح بس شويه و هصحالك علي طول
اميره….طيب يلا طلعهم يا كريم علي اوضتهم و انتي يا مايا تعالي معايا انتي و محمد نجهز بسرعه الفطار
كريم…..هاتي بس محمد يطلع معايا الشنط
اميره….طيب تمام يلا بسرعه متتأخروش
رشيد…بصحك امبره متحمسه اوي
مايا….طبعاً شايف النشاط
رشيد….بضحك اخوها يا بت عيزاها تبقي عامله ازاي بس بقولك ايه انا هنام شويه و تجي اعرف الحلاوه دي كلها حصلت امته بقبتي عروسه يا مجرمه
مايا….بضحك ماشي يلا روح بسرعه مستنياك.
طلعوا علي فوق و الكل كان مبسوط اوي.
……………….
في مصر التوقيت كان سابق السويد بساعه بعت رشيد الرساله علي واحده و ربع لحسان و محمود
بمجرد ما حسان سمع صوت الرساله اطمن عليهم و بعت في الشات اللي بينهم عشان يطمنهم.
حسان…..يا شباب صباح الفل رشيد وصل الحمد لله و بيطمنكم عليه و بيطمنكم علي ايمي يا بنات هما ان شاء الله بس يظبطوا نفسهم كده و يجيبوا خط هيطمنونا عليهم المهم يعني هما بخير.
حسان في الوقت ده كان صاحي و جاهز مستني سلمي تيجي هي و تامر في الطريق.
…………………..
وصل عسال علي الساعه اتنين و نص تحت البيت عند نعيمه و استني نادين تنزل دقايق بسيطه و نزلت
عسال…..صباح الفل يا قمر
نادين….بابتسامه صباح النور
عسال…..يلا حبيبي اركبي
فتحلها الباب ركبها وراح ركب.
عسال….نوني اخبارها ايه
نادين….بخير الحمد لله
عسال…..هتروح زي ما قالت لايه و زوزو و لا هتعمل ايه
نادين….هي قالتلي احتمال تروح لطنط نجلاء
عسال…..مامتها صح
نادين…ايوه
عسال….ده هتتصدم لما تعرف انها اتحرقت
نادين….ماهي قالتلي لو مقولتلهاش لحد ما اخف هتزعل فا قالتلي هتروح هي و تقضي اليوم معاها
عسال….يلا احسن بردوا
نادين….حنون عامله ايه و ريهام و مصطفي
عسال….كلهم بخير و بيسلموا عليكي
نادين….هما مش هيجوا معانا
عسال….لا يا قلبي بس ايه رأيك بما ان نوني هتقضي اليوم مع مامتها نخلص مشوارنا و نروح هناك تقعدي شويه مع ماما و ريهام و انا هروح كام مشوار كده و بعدين ارجع اخدك
نادين….اااا هتسيبني لوحدي يعني
عسال….بابتسامه مش لوحدك معاكي ماما و ريهام قضوا اليوم مع بعض ايه رايك لو مش حابه خلاص
بس يعني انا بقول انتي مروحتيش ولا مره لوحدك و اصلا مروحتيش غير مره
نادين…اممم طيب اوك ماشي صحيح شوقت المسدچ بتاعت حسان
عسال…اه بتاعت ايمي و رشيد شوفتها وكلمت حسان كمان الحمد لله هما بخير المهم قوليلي فطرتي
نادين….اااا اه
عسال…بابتسامه امممم بتكدبي عليا صح
نادين….بضحكه هاديه ماهو بصراحه بقي انا ملحقتش انا صحيت من شويه شوفت هلبس ايه و بعدين خدت شاور و علي ما جهزت انت قولتلي انك وصلت هو انا يعني كنت عامله نسكافيه شربت منه حاجه بسيطه و سيبته
عسال…..اممم ماشي يا نودي طيب هنهتم بقي بأكلنا امته
نادين….امممم بص عشان نكون متفقين انا اصلا لما بصحي مش بعرف اكل اوي
عسال….بس لازم تفطري عموماً انا هحلها دي بس والله يا نادين لو نزلتي مره تانيه من غير فطار هزعل منك
نادين….حاضر كملت بأبتسامه قولي بقي نمت امته
عسال….بأبتسامه تجنن بعد ما القمر بتاعي سابني انام بس قوليلي انتي ايه الدماغ اللي كنتي عملاها دي
نادين….بضحك دماغ ايه
عسال…..هو انتي مش فاكره كنا بنتكلم في ايه
نادين….بابتسامه احراج اااا لا يعني فاكره بس مش عارفه دماغ ايه
عسال…..دي دماغ زي الفل بتقوليلي ايه اه لما كنت بروح المستشفي بقولك مستشفي ايه فهمت في الاخر انك تقصدي المدرسه
ضحكت نادين و حطت ايدها علي وشها
عسال….بضحك وعايزه البيبي يجي كده من السوبر ماركت
نادين…..بضحك طب وانت ليه بتكلمني وانا عايزه انام
عسال….يا سلاااام انا بقالي ساعه بقولك هموت وانام وانتي مش راضيه تسيبيني قولت هي اللي جابته لنفسها بقي و اشتغلتك
نادين….بضحك والله انا كنت هموت وانام بس نوني الرخمه بعد ما نزلتوا جابت فيلم رعب من نصه كده و صممت اتفرج معاها و الفيلم كان مرعب وبعدين الجزمه نامت علي نفسها وقامت وسابتني دخلت الاوضه بالعافيه وفضلت مستنياك لحد ما اتصلت بيا
ركن ميدو العربيه قدام محل شيك اوي وبصلها
عسال….بابتسامه احسن عشان تبقي تتفرجي تاني علي افلام
نادين….انت وقفت ليه
عسال….ثواني و جاي يا قلبي
نزل عسال و غاب جوه شويه حوالي عشر دقايق ووخرج معاه شنطه كرتون كده حطها علي رجاها بهدوء
عسال….يلا افطري يا عمري
بصتلوا بابتسامه تجنن
عسال….بنظره حب يلا و امسكي بسرعه الشنطه كويس طلعي الكوبايه عشان فيها ايس كوفي احسن يتدلق وعلي فكره المحل ده بيعمل كرواسون يجنن هيعجبك اوي جبتهولك بالشوكلت
نادين….بحبك
عسال…..مسك دقنها بحب يا نااااس وانا بموت فيكي يلا كلي انا عايز الشنطه دي فاضيه بعد خمس دقايق
نادين….طيب وانت
عسال….انا فطرت يا عمري يعني بذمتك هعرف اهرب من حنون ده ليكي انتي يلا كلي
نادين….بحب اوك
طلعت الكرواسون لاقته سخن
نادين….ده سخن خالص
عسال….اه خليته يحطهولك في الميكرويڤ عشان الشوكلت تسيح الجو برد و اكيد جمدت يلا كلي
ابتمست نادين و بدأت تاكل عجبها جداً كل شويه يبصلها و يبتسم و يلعب في شعرها
الشوكولاته كانت سايحه ابتسم عسال و سحب منديل مسح دقنها
عسال…..الشوكلت ساحت علي وشك يا عبيطه
نادين….بابتسامه انت اللي سخنته انا مالي بقولك ايه دوق كده
عسال….لا انا مس قادر و بعدين مليش في الحلو انتي عارفه
نادين….هيعجبك والله
عسال….عارف والله انا بجيب منه انا و سلامه علي طول
نادين….طيب حاجه بسيطه و حياتي
مسك كفها و كل قطمه صغيره و باس صوابعها بحب
عسال….يلا كلي بقي انتي
نادين….حاضر ماما بتسلم عليك
عسال….كلمتك
نادين…..لا بعتتلي ڤويس و اتكلمنا شويه و قالتلي اسلم عليك كتير
عسال….الله يسلمها يارب عرفت اننا رايحين نشوف البيت
نادين….اه قولتلها قالتلي جهزوها بسرعه بقي عشان اجي الفرح
عسال….ان شاء الله في اقرب وقت يا قلبي
نادين….بابتسامه ان شاء الله كملت اكل وهو كمل سواقه.
………………….
في منزل ليله و عشري.
وقفت ليله في المطبخ تعمل فطار و هي مبتسمه و افتكرت
قبل ساعه لما صحيت من النوم علي بوسه في خدها.
فلاش باك
فتح عشري عينه لقاها في حضنه نايمه في سابع نومه و مستخبيه في حضنه ابتسم و بعد شعرها بهدوء عن وشها و بعدين باسها في خدها
فتحت ليله عينها و ابتسمت بهدوء.
عشري…..صباح الجمال
ليله….بابتسامه صباح النور
عشري….هو انتي بتبقي حلوه وانتي صاحيه كده هلي طول
ابتسمت ليله بهدوء و اتوترت شويه و سابت حضنه و قامت قعدت علي السرير و بعدين بصتلوا
ليله….اااا هو انت صحيت امته
عشري….مفيش من كام دقيقه صحيت علي واحده مكلبشه في حضني و راحه في سابع نومه
قولت اتفرج عليكي شويه و انتي نايمه قوليلي نمتي كويس
ليله….اااا اه نمت
عشري….بابتسامه الكنبه احلي و لا السرير
ليله….بأبتسامه تجنن حضنك احلي من الاتنين
مسك عشري كفها باسه و حاول يقوم قامت وقفت وراحت ساعدته بهدوء
عشري….هتدخلي الحمام ولا ادخل انا
ليله….ادخل طيب و انا هدخل بعدك عشان عايزه اخد شاور
عشري…..طيب ادخلي انتي عشان انا كمان هاخد شاور
ليله…..طيب خلاص قوم يلا انت خد شاور الاول و انا بعدك كده كده هتغرق يعني
عشري…..ليه وانتي ناويه تيجي معايا ولا ايه
ليله….بابتسامه هساعدك
عشري…بابتسامه شقيه غمزلها الموضوع شكلوا عجبك
ليله….خليك مؤدب الحق عليا اني بساعدك يا قليل الادب
عشري…..بضحك لا يا ستي الحق مش عليكي بس انا احسن من امبارح بكتير هدخل انا اخد شاور
ليله…امممم خلاص يعني مش محتاجني طيب يا سيدي بس متبقاش تنادي عليا لو غرقت الجرح ولا لو دوخت
عشري…..لا متقلقيش انا حاسس اني كويس جداً و بجد هقدر ادخل لوحدي روحي يلا انتي خدي شاور الاول و بعدين انا بعدك بس ممكن تجهزيلي غيار
ليله….حاضر عايز تلبس حاجه معينه
عشري…..لا طلعي اللي يعجبك بس انا مس هلبس سويت شيرت بحسه تقيل علي الجرح
ليله….بس هتبرد
عشري….لا هخرج اشغل الدفايه تدفي البيت شويه و مش هحتاج البس تقيل
ليله….بابتسامه اممم طيب كويس اذا كان كده انا كمان مش هلبس تقيل
مسكها من دراعها بسرعه و هو بيضحك
عشري…..استني هنا مش هشغلها خلاص لمي نفسك و البسي حاجه زي الناس
ليله…..بضحك متقلقش مش هلبس حاجه خفيفه اوي
عشري…..ماشي طيب بقولك ايه
ليله….هااا
عشري….يعني انا صحيتك علي بوسه و كده يعني مش ناويه تقوليلي صباح الخير
ليله….ما انا قولتلك
عشري….اه سمعت بس محستش
ليله….بضحك ما بلاش هتقع مني
عشري….من بوسه مش للدرجادي يعني احنا جامدين بردوا
ابتسمت ليله و قربت منه رفعت رجلها و باسته علي شفايفه
ليله….بابتسامه صباح الفل
عشري….بضحك لا انتي كده بتخمي احنا متفقناش علي كده
ليله…..مالك مش كنت جامد من شويه
ضحكت وسابته و دخلت علي الدريسنج طلعت ليه تيشرت اسود بنص كم و بنطلون رياضي بنص كم و تيشرت كت و جهزت البرفيوم بتاعه و كل حاجته اللي بيستخدمها
وبعدين طلعت ليها كاش قصير لونه رمادي فاتح اوي بنص كم و بياخد شكل الجسم خدت لبسها و بعدين دخلت قبله خدت شاور و جهزت و بعدين خرجت علي بره راحت بسرعه علي الدريسنج
ليله….عشري انا خلصت ادخل يلا هدومك جوه
عشري…..تمام
ليله….اساعدك
عشري…..لا انا تمام يا قلبي
دخل بهدوء علي الحمام و هي و قفت حطت ميك اب هادي و ظبطت شعرها و بعدين راحت علي الحمام خبطت
ليله…..عشري انت تمام
عشري….اه يا حبيبي متقلقيش
ليله….طيب عارف تتعامل
عشري….اه متخافيش
ليله….طيب انا هروح اجهز الفطار خلي بالك الجرح يجي عليه مايه
عشري…..حاضر متقلقيش
ليله….ومتقفلش عليك من جوه
عشري….بابتسامه مش قافل و لو طولتي هفتحلك الباب و مش مسؤول عن اللي هيحصل
ليله….بضحك لا خلاص الطيب احسن بس لو مش عارف تلبس لوحدك نادي عليا انا هسيب باب الاوضه مفتوح
عشري….تمام يا روحي
فاقت ليله و ابتسمت جهزت الفطار كله و جهزت كمان الدواء اللي هياخدوا و بعدين راحت تشوفوا عشان اتأخر
دخلت بهدوء مكانش في الاوضه و باب الحمام كان مفتوح راحت علي الدريسنج لاقته لبس التيشرت الكت و واقف بيحاول يلبس التيشرت النص و هو ماسك الجرح و مش قادر
ليله…..ما انا قزلتلك خليني اساعدك بص عليها بصدمه كانت قمر الفستان قصير اوي و ماسك علي جسمها مبين تفاصيلوا و لونه مع لون شعرها يجنن بجد
قربت منه و هي رافعه حاجبها و ساعدته في التيشرت و نزلته بهدوء
ليله….في ايه
عشري….انتي اللي في ايه انتي هتقلعي الفستان ده حالاً وتلبسي حاجه تانيه
ليله….بابتسامه ليه ماله وحش
عشري….اااا حلو بس يعني اقلعي يا ليله الله يهديكي و البسي ترنج
ليله….اخلص الفطار جهز
عشري….بضحك انتي بتعملي قص لكلامي يعني
ليله….اممممم كأني مسمعتش ويلا اخلص بقولك ايه الجرح تمام
عشري….اه تمام ويلا اعملي اللي قزلتلك عليه
ليله….هتعرف تخرج ولا اساعدك
عشري….بضحك ليله
ليله….بابتسامه اجمد يا وحش يلا خلينا نفطر هات ايدك
عشري…..خلينا نشوف اخرتها معاكي يلا هاتي الموبايل كمان
خرجت قبلوا خدت الموبايل و مسكته تاني خرجوا بهدوء علي بره كانت بتلعب في الموبايل و هي ماشيه جنبه
ليله….الحمد لله رشيد و ايمي وصلوا
عشري….بجد مين قال
ليله…حسان باعت مسدچ اهو علي الشات بيقول انهم وصلوا و بيطمنونا و لما يجيبوا خط هيتصلوا
عشري…..طيب الحمد لله
خرجوا علي بره كانت حاطه الفطار علي التربيزه قدام التلفزيون قعدته علي الكنبه
ليله…خلينا نفطر هنا احسن عشان كرسي البار متعب ليك
عشري…..طيب تمام
قعدت ليله و قربت منه الاكل
ليله….هتعرف تتعامل ولا اساعدك
عشري…..لا يا حبيبي انا تمام افطري انتي يلا بش عشان خاطري هموت واشرب قهوه و سيجاره
ليله…..ممنوع لسه
عشري….لا ماهو انا مش هقدر اكتر من كده علي الاقل واحده بس
والله لوفطرت كويس افكر بس انتي مش بتاكل زي الناس
عشري….هاكل والله امبارح كنت لسه مش قادر و الجرح كان تاعبني اوي بس انا احسن انهارده
ليله…طيب قولي عايز تاكل ايه بقي علي الغداء
عشري….امممم اي حاجه المهم يعني مش عايز مسلوق انا باكله عادي وقت الچيم و الرياضه بس وانا تعبان مبقدرش
ليله….متقلقش امبارح بس عشان كان اول يوم ولازم تاكل حجات خفيفه انهارده ممكن تاكل اللي يعجبك بس بردوا بكميات بسيطه
عشري….خلاص اعملي اللي يعجبك انتي
ليله…طيب مفيش اكله نفسك فيها
عشري…..ممممم عادي والله اي حاجه
ليله….بضحك امممم دخلنا بقي في اي حاجه جملة الراجل المصري الاصيل لا بص انا خلقي ضيق
عشري….بضحك يعني الحق عليا مش عايز اتعبك وبعدين انا مش عارف اكل ايه لسه ممكن اختار حاجه متنفعش يعني اقولك نفسي مثلا في محشي
ليله….بضحك مسكته من دقنه لا بص انت خدت عليا اوي المحشي ده انا لما بيبقي نفسي فيه بطلبوا من اميمه او زوزو لكن اقف انا اعملوا مش للدرجادي
عشري….اممم صح نسيت انك فاشله في الطبخ
ليله….لا با حبيبي انا مش فاشله و ميغركش الفستان و الشعر انا بعرف بس يعني مش لدرجه محشي
عشري…..بضحك ايوه وكمان احنا في بينا اتفاق وامونه شاهده عليه الطبخ عليا و الرقص عليكي
ليله….بضحك طيب هو مبدأياً كده خلي الطبخ عليا لحد ما تقوم بالسلامه بس يعني انت متأكد من الرقص دي
عشري….بضحك لا لا مش متأكد خالص و مش وقته خالص عشان انا بني ادم و خليكي حنينه معايا شويه كفايه الفستان
ليله…..انا بقول كده بردوا خلينا في الاكل قولي بقي عايز تاكل ايه
عشري…..تاني والله مافي حاجه في دماغي اعملي اللي يعجبك بس بما اني مسموح اكل اب حتجه فا اعملي اللي يعجبك انتي مفتيه امبارح كلتي معايا الاكل من غير ملح او توابل
ليله….ماشي يا سيدي عموماً هعملك اكله حلوه بس مش هتاكل كتير
عشري….ماشي موافق يلا افطري بقي
ليله….حاضر.
………………..
عند نعيمه.
نعيمه….الووو
فضل….ايوه يا عمري نزلتي
نعيمه….لا لسه هنزل اهو انا قولت اكلمك قبل ما انزل
فضل….حبيبي متأكده انك هتقدري تسوقي
نعيمه…..اه متقلقش والله و بعدين همشي براحه متخافش
فضل…..طيب علي مهلك و انا مش هتصل بيكي في الطريق خالص عشان متتلخميش بأيدك بس اول ما توصلي كلميني
نعيمه….حاضر
فضل….براحه عشان خاطري و لو في اي حاجه كلميني ولو حسيتي انك مش هتعرفي كلميني انا هجيلك و اوصلك
نعيمه….والله هعرف متقلقش
فضل….طيب يا ماما علي مهلك اوك
نعيمه…..طيب يا حبيبي يلا اول ما اوصل هتصل عليك
فضل….تمام يا حبيبي يلا باي
نعيمه….باي يا روحي
………………
عند حسان صوت ضحك تامر و حسان كان مسمع البيت كله
تامر….خد بس اقولك
حسان…..بضحك لا والله اتصرف انت مع اختك انا الموضوت بره عني
سلمي….بضحك طيب استني بس وافهمني انا راضيه ذمتك الوقت هو بيقول هنسيب خمسه سم من الشمال و زيهم من اليمين عشان الديكور اللي هيتعمل وراء السرير هيكون في النص بالظبط انا موافقه معنديش مشكله بس انتوا واثقين ان اخنا بجد هنلاقي حاجه بالمقاسات دي
حسان…..مليش دعوه المهندس تامر احمد واقف قدامك اساليه
سلمي….بضحك شايف الطريقه بقي
تامر….بضحك تعالي يا غبيه انا بس عايز افهم انتي شاغله نفسك بموضوه المقاسات ليه اولاً ماشاء الله الاوضه كبيره جداً و هيتعمل فيها حجات كتير والمقاسات دي استندر
سلمي….بضحك ايوه يعني ايه الصندل ده
حسان….بضحك رد بقي عليها انا مش هتشل لوحدي
تامر….بضحك لا مش صندل استندر يعني مقاسات معروفه او افهمها ازاي دي المقاس الاصلي للدولاب مثلا للسرير في مثلا سرير متر في متر و عشرين بس دةل سراير صغيره انما الكبير اللي هو بتاع غرف النوم مقاساته معروفه متر وتسعين مترين فهماني انتوا بقي هتمشوا علي المقاسات اللي هكتبها دي عشان متبوظوش الشغل اللي انا هعمله فهمتي
سلمي….انا مليش دعوه المقاسات دي بتاعتكم
حسان…..طب ما كان من الاول انا بجد عايز اعرف ازاي سلمي طلعت دكتوره
تامر….بضحك والله كانت شاطره
حسان….طيب خلصنا من اوضه النوم الحمد لله صح خلينا نخلص باقي البيت و انا لسه بصحتي احنا علي ما نوصل لتحت هتشل بجد
سلمي….بضحك علي فكره بقي انت اللي قولتلي لازم تيجي
حسان….ايوه يا قلبي عشان تشوفي هتعملي ايه و تامر يشوف المقاسات دي بتاعته بقي لكن مقولتش تعالي طلعي عنينا
خرجوا علي باقي الاوض اللي فوق
تامر….طيب دي هتكون غرف نوم عاديه و لا هتعملوا فيها ايه عشان افهم
حسان….بضحك تامر انت بتبصلي ليه ابوس ايدك طلعني انا من الحوار ده اختك جنبك اهي اسألها لو عايزه تقلبهم عياده مليش فيه هي حره
تامر…..حرام عليكي الراجل هيموت منك
سلمي….بضحك خلصوني انا عندي شغل مش فضيالكم
حسان….كمان مش عاجبك
تامر….بضحك طب قولي يلا
سلمي….اممم مبدأياً كده الدور ده في ثلاث غرف صح
حسان…..بضحك الحمد لله فضل و نعمه في غرفتين تحت كمان
سلمي…..سيبك من تحت مش وقتهم
حسان….اللي انتي شيفاه
تامر….بضحك يا عم متردش خلينا نخلص ابوس اديكم سيبك من تحت يا سلمي هنا هنعمل ايه قدامك اهو اوضتين غير اوضه النوم اللي خلصنا منها
سلمي….اممم طيب بص هما بردوا هيكونوا نوم انا عايزه واحده تكون بناتي يعني الوانها و تصميها كله ينفع تبقي اوضه بنوته عشان دي هتكون اوضه هنا و بفكر يعني انها تكون السرير بدورين بس يعني انا حابه الاساتيل بتاعها يكون مختلف انا عايزه مساحه يبقي فيها كل حاجه السريرين فوق بعض و فيهم مكتب و علي الجنب يكون في الدريسنج انا بشوف تصميمات تجنن الاوضه بتبقي واسعه و جزء منها واخد ركن كده في كل حاجه و الباقي مساحه للعب و كمان يكون في كنبه صغنونه كده او كنبه و مرسين براحتك بقي و بردوا يبقوا ماشين علي نفس التصميم باختصار كده عايزه اوضه زي باربي
ابتسم حسان بسعاده كبيره اوي و متخيلش ان سلمي تفكر في هنا وهي بتجهز البيت
تامر….اممم طيب انا مبدأياً فهمتك و عندي فكره تجنن سبيها ليها انا بقي دي
سلمي….بس اسمع انا مش عايزه السراير تكون صغيره يعني هنا بتكبر و اكيد السرير هيكبر و في نفس الوقت مش حابه الديزاين يكون اطفالي اوي فاهمني حاجه تكون ليدي
تامر….ما انا قولتلك سبيها عليا انا بقي طيب الاوضه التانيه
سلمي….بردوا تكون نفس الاساتيل بس مش بناتي
تامر….اممم طيب فهمتك انا هاخد المقاسات الوقت و اتكلوا علي الله سيبوني شويه بس اركز في الفكره نفسها استنوني تحت
سلمي….ماشي
نزلوا وسابوا لوحده
حسان….بايتسامه تجنن ااا مكنتش اعرف انك هتعملي حساب هنا
سلمي…..بابتسامه ليه وانت مكنتش عامل حسابها
حسان….لا مش كده بس انا سيبتك تختاري كل حاجه بس يعني متخيلتش انك تعمليلها اوضه خاصه خصوصا يعني انها مش قاعده معايا بصفه دايمه
سلمي…..حتي لو ده امر طبيعي في النهايه هي بتيجي و حتي لو بتيجي يوم واحد بس لازم بكون ليها اوضه خاصه بيها في بيت باباها واوضه تكون عجباها وبعدين يعني هي مش بتيجي ديماً او مش بتيجي كتير عشان انت ديماً في شغلك بس انا هبقي معاك و انت عارف انا مش بشتغل طول الاسبوع انا بشتغل يوم اه و يوم لا و فكرت يعني بعد الجواز اخلي شغلي الثلاث ايام او اربعه يكونوا وراء بعض عشان لما تيجي تقد معانا الايام اللي انا اجازه فيها وراء بعض و كمان هي لسه صغيره لما تكبر شويه هنقدر نسيبها لحد ما نرجع تكون بقت انسه شويه و منخافش عليها اللي اقصده يعني ان لو هي ليها اوضه في بيت جوز مامتها بتقضي فيها معظم الوقت لما تكبر و تفهم هتفرح اكتر بالاوضه بتاعتها في بيت باباها حتي لو بتقعد فيها يوم واحد و هتفرق معاها كتير
مسك حسان كفها باسه بحب
حسان….ربنا يخليكي ليا يا احلي و احن سلمي في الدنيا
سلمي….بابتسامه و يخليك ليا انت و هنا
حسان….طيب بمناسبة هنا بقي هي بعد بكره عندها اول بطوله في التنس و قالتلي انها عايزاكي تيجي ده لو انتي فاضيه طبعاً
سلمي…اااا اكيد ولو مش فاضيه افضي نفسي عشانها بس يعني مامتها اكيد هتكون موجوده
حسان….اكيد طبعاً بس ايه المشكله طيب ما جوز ماماها هيكون موجود
سلمي….ااا هو انا عادي بس يعني مش حابه اكون متطفله في النهايه دي بنتها وانا بالنسبه ليها غريبه
حسان….بس بنتي انا كمان و انتي لو غريبه بالنسبه ليها مش غريبه بالنسبه ليا و بعدين هنا طلبت مني الطلب ده و هي بتكلمني من موبايل مامتها وكانت قاعده جنبها و قالتلي اجيبك معايا لو هتبقي فاضيه عشان هنا تتبسط بس لو انتي مش حابه انا هفهم ده و مش مشكله خالص يا قلبي انا بس قولتلك طلب هنا و كمان حابب تكوني معانا و بالمره تشوفي بنفسك طبيعه العلاقه بينا
وبعدين يعني باذن الله لما نتجوز و هنا تيجي تقعد معانا في اي وقت اكيد مامتها ممكن تكلمك تطمن علي هنا منك يعني اكيد هيبقي في علاقه بينكم العلاقه بعد الجواز يا سلمي مش هتتوقف عليا بس انتي هتكوني معايا فيها يعني علا لو بتكلمني عشان اي حاجه تخص هنا اكيد هتكلمك بعد الجواز و اكيد انتي هتكلميها لو حابه تعرفي اي حاجه عن هنا فهمتي
سلمي….بابتسامه طيب تمام فهمت و خلاص هاجي بأذن الله انت قولت بعد بكره
حسان….اه هي مش بطوله رسميه دي بطولة براعم لانها اول بطوله ليها و هتتعمل في النادي بتاعها عادي هنروح و هنحضر و نتغدي سوا انا في اليوم ده هاجي اخدك وهنروح سوا اتفقنا
سلمي….اوك اتفقنا
نزل تامر و كملوا مع بعض باقي المقاسات .
………………
عسال….ايه يا قلبي عجبك البيت
نادين….يجنن يا ميدو بجد بس هو طلع كبير اوي
عسال…..امممم يعني قوليلي بقي حابه تعملي فيه ايه
نادين….لا انا معرفش انت شوف
عسال….هو انا في كل الاحوال كنت متفق مع تامر اخر مره ان هو اللي يمسك البيت مش حابب اجيب اي حد غريب عشان لاسوء الظروف لو في اي وقت انا مشغول انتي تبقي موجوده و في النهايه هو مش غريب بس اقصد اكيد في حاجه في دماغك
نادين….هو مبدأياً انسي خالص الاستايل بتاع البيت بتاعي انا حابه ان البيت يكون هادي و سيمبل اوي حتي في الوانه مش حابه يكون في فرش كبير يعني عايزه كل حاجه تكون صغيره بس السفره هي الوحيده اللي عايزه فيها كراسي كتير يعني عشان لما نتجمع كلنا احنا و البنات والشباب و اخواتك وطنط المكان يقضينا فاهمني و بعدين الاوض كتير في اوضه منهم عجبتني و كبيره وهي اقرب حاجه للريسبشن فا انا بفكر يعني ان الاوضه دي تكون للسفره بس
عسال….زي ما تحبي بس الريسبشن زي ما انتي شايفه كبير و لو السفره مش بره هيبقي في مساحه كبيره فاضيه
نادين….تقصد يعني تبقي بره
عسال….اه يعني نسيب الغرف نعمل فيها حجات تانيه خلينا الاول نخلص من تقسيمة الريسيبشن
نادين….طيب خلي دي بتاعتك انت وتامر انا معرفش فيها اوي بس زي ما قولتلك انا حابه السفره تكون كبيره و تاخد الكل و في نفس الوقت هي نفسها مش عايزه فيها تفاصلي كتير عيزاها هاديه فاهمني
عشال….فاهمك يا عمري الاوضه بقي اللي بتقولي عليها دي انا كنت بفكر نعملها زي مجلس عربي زي اللي عند عشري و اهله انتي مشوفتيهاش بس هي بجد تجنن و نظامها حلو كمان لو متجمعين كلنا القاعده فيها هتبقي تحفه ايه رأيك
نادين…..بأبتسامه تمام انا اجرت شقق كتير علي فكره و كان في شقق فيهم نفس النظام ده و بجد تجنن خلاص اوك طيب السفره لو قدام المطبخ بيتهيألي هتكون حلوه يعني لو في الركن ده هتبقي كويسه اوي ايه رايك
عسال…..اه حلوه جداً عشان كمان اللي بينقل الاكل ميفضلش رايح جاي كل المسافه دي
نادين….بس بردوا تامر اكيد هيبقي ليه وجهة نظر هو هيعرف اكتر مننا في الحجات دي
عسال….طيب تمام خلينا نشوف باقي البيت يلا و شوفي الروف كمان
نادين…..بسعاده علي فكره بقي الروف ده اكتر حاجه عجباني اوي
عسال….هو نفس النظام في بيتنا علي فكره بس المساحه هنا اقل شويه
نادين….بس مش صغيره بردوا يعني يتعمل فيها قاعده كويسه و بعدين انا بفكر يعني ان القاعده يتعمل فيها حاجه وقت الشتاء تبقي متقفله و في الصيف تتسحب يعني زي جهاز كده بصراحه انا مش عارفه اوصفلك اوي بس اكيد تامر هيفهمني
عسال….انا فاهمك يا عمري انتي عابزه القاعده ثابته بس في الشتاء يكون في زي حاجه متقفله
نادين…..متقفله من فوق علي الاقل عشان لو في مطر فاهمني
عسال….فاهمك اكيد هشوف انا مع تامر و اكيد هنلاقي فكره حلوه
يلا تعالي الاول نشوف باقي البيت انا عايزك تستقري وتعرفي عايزه تعملي ايه في كل مكان عشان لما تامر يجي تقوليله كل حاجه وهو يظبط افكاره بقي
نادين….اوك
مسك ميدو كفها و راحوا يتفرجوا علي باقي البيت مع بعض و نادين كانت طايره من السعاده.
وللحديث بقيه…..
