لقاء كـ،ـ،ـارثي
لقاء كارثي
أميره أسامه
صاحبة البطل الواحد
. البارت السبعين .
…………………….
دخلت ليله تبدل هدومها مسك عشري الموبايل و اتصل علي نعيمه.
كانت في الوقت ده نعيمه راجعه هي و نسمه اختها في العربيه و نسمه اللي سايقه.
نعيمه…..بترقب ردت الووو
عشري…..ازيك يا نوني
نعبمه….يا عشرري ازيك انت عامل ايه حمد لله علي سلامتك
عشري….الله يسلمك يارب
نعيمه….طمني عليك عامل ايه الوقت
عشري….بخير والله الحمد لله طمنيني انتي عليكي اخبار ايدك ايه الوقت
نعيمه…..احسن كتير والله ليله كويسه يا عشري
عشري….اه زي الفل بقولك ايه هو انتي في الشارع
نعيمه….اه انا كنت عند ماما و راجعه في الطريق في حاجه ولا ايه
عشري…..لا مفيش بس كنت هقولك حضري لليله موبايلها و اللاب توب بتاعها وهشوف كده فضل لو هيجيلك تديهملوا
نعيمه…..هو فضل مش جاي انهارده بس لو عابز تبعت اي حد من اخواتك او تبعك تمام بس الاول انت متأكد
عشري….بابتسامه اه متقليش طيب انتي هتروحي علي طول ولا رايحه مشوار
نعيمه…..لا انا هىروح
عشري….خلاص هشوف عدي او اي حد من اخواتي لو فاضي معلش يبقي يجيلك ياخدهم منك حطيهم في الاسانسير انتي او نادين و متنزلوش يعني متتعبوش نفسكم
نعيمه…..لا طبعاً خليهم يجوا و يطلعوا اسانسير ايه انا مش لوحدي معايا نادين هتكون رجعت علي ما تبعت حد و كمان معايا نسمه اختي
عشري…..طيب خلاص تمام هشوف كده مين فاضي و هرجع اتصل عليكي
نعيمه…..خلاص تمام بس طمني والنبي علي ليله
عشري….والله زي الفل و احسن كتير متقلقيش عليها
نعيمه….تمام يا عشري خد بالك منها
عشري….في عيوني متقلقيش
نعيمه….بابتسامه ماشي يا عشري انا قربت اوصل عموماً
عشري….اوك تمام يلا سلام يا نوني
نعيمه…..سلام
قفل عشري معاها و فكر في محمود و سليم و عدي بس محمود قاله هيوصل امه و يروح مشوار شغل فا اتصل علي سليم.
سليم….ايوه يا اخوي كيفك
عشري…..بخير يا سَليم قولي و ينك
سليم…في الكافيه
عشري….طيب فاضي ولا عندك شغل
سليم…..هو انا عندي شغل بس افضالك قولي خير
عشري……كنت محتاجك تروح مشوار لحد بيت ليله تاخد من نغيمه الموبايل و اللاب توب و تجيبهم
سليم…..طيب لازم الوقت مينفعش ساعه ولا اتنين
عشري….عشان بس الوقت ميبقاش متأخر عند البنات طيب اسمع وينه عدي
سليم…..عدي لسه متحرك بالسياره من عشر دقايق بس ما ادري وين راح شوفه يمكن يعرف يروح
عشري….طيب اقفل هتصل عليه
سليم….سلام.
قفل عشري و اتصل علي عدي
عدي…..ايوه يا اخوي
عشري…..عدي انت و ينك سليم قالي انك مشيت بالسياره
عدي….باتسامه خير متراقب انا
عشري….لا يا واطي محتاجك في مشوار
عدي….رقبتي قولي
عشري….كنت محتاجك توصل لبيت ليله و تاخد من نعيمه موبايل ولاب توب بتوع ليله و تجيبهم و انت جاي
هتعرف ولا بعيد عليك
عدي…..البعيد يقرب لا هروح
عشري….طيب هتروح علي طول ولا لسه قدامك مشوار
عدي…..المشوار في طريقي اطمن هروح علي طول
عشري….طيب يا حبيبي علي مهلك
عدي….الله يستر بتريد شي تاني
عشري….سلامتك يلا احط
عدي…..بضحك وماله اللي تشوفوا
عشري….بابتسامه سلام
عدي….سلام يا اخوي.
قفل عشري معاه و رد علي محمود كان معاه علي الويتنج
عشري…..ها يا محمود
محمود…..ايوه يا اخوي انا هركب امي الاسانسير استقبلها
عشري…..ماشي يا حبيبب يلا سلام
محمود…..سلام
خرجت ليله من الاوضه و لمحت عشري قام و مشي بهدوء.
ليله…..رايح فين ؟
عشري….محمود بيقولي امي طالعه هفتحلها
ليله…..خليك يا عشري انا هفتح
وقف عشري مكانه و سند علي الكرسي
راحت ليله بهدوء علي الباب و اول ما سمعت صوت الاسانسير وقف فتحت الباب بهدوء و ابتسامه هاديه
بصتلها امينه بابتسامه هاديه و خجل في نفس الوقت و قربت منها بهدوء.
ليله….تعالي يا امونه اتفضلي
قربت منها امينه سلمت علبها و ضمتها
امينه…..كيفك يا ليله
ليله….بخير تعالي ادخلي
دخلت و لمحت عشري واقف مبتسم بس وشه باين عليه التعب و لونه مصفر شويه.
امينه….يا نور عين امك انت
قربت منه بسرعه و ضمته بحب
عشري…..حبيبي يا امي اتوحشتك
امينه….بدموع اكده يا محمد تكون تعبان و متقولش لامك
عشري….دموعك غاليه يا ست الكل انا كيف القرد قدامك اها
امينه….انت وشك اصفر يا ولدي قولي مالك حاسس بأيه
عشري….ولا اي شي انا زين يا اما و احسن كتير انتي كيفك طمنيني عنك و عن صحتك
امينه….بقيت زينه لما شوفتك بصت لليله بهدوء و شوفت ليله
بص عشري علي ليله بهدوء و هي بصتلوا و ابتسمت ابتسامه هاديه
ليله….متقلقيش عليه هو بخير قوليلي بقي تشربي ايه
امينه….ولا اي حاجه انا بس جايه اطمن علي محمد و همشي علي طول
ليله….ايه عايزه تلحقي المواصلات البيت بعيد ولا الجو بتاعك قالك متتأخريش
ابتسمت امينه و ضحك عشري علي لسانها الطويل
امينه….لاه مش رايده اكون تقيله عليكم و ازعجكم يا بتي
عشري….كلام ايه ده يا اما دي انتي نورتي الدنيا
ليله…..طيب بذمتك يعني مصعبتش عليكي اقعد ثلاث ايام في وش ابنك و مشوفش غيره ده حتي التغير مطلوب يا امونه
عشري….بقي كده
امينه….بضحك هتلاجي احلي من كده وش فين
ليله……بأبتسامه طبعاً مين يشهد للعريس مبالك امه بقي
امينه……بابتسامه طمنيني عنك يا ليله
ليله…..زي ما انتي شايفه كنت ناوبه اكون رقاصه بقيت طباخه و ممرضه
ضحكت امينه غصب عنها و ضحك عشري و هو ماسك الجرح بتعب
عشري…اااااه
امينه…بضحك سلامتك يا عين امك ياريتني بدالك
عشري….بابتسامه بعد الشر عليكي يا امي عاجبك طولة لسانه
امينه….عاجبني و عاجبني اوي ملكش بركه غيرها
ليله….بضحك علي رأي ايمي احيه عليا بقيت بركه كمان
عشري….بضحك ااااه ليله والله ما قادر اضحك
ليله….باتسامه ما امونه اللي بتقول عليا بركه
امينه……بضحك ما انا مكدبتش هو ملهوش غيرك
ليله….لا يا ستي ربنا يخليكي ليا و يديكي الصحه قوليلي بقي تشربي ايه
امينه…..مش عايزه اتعبك
ليله….لا مش هتعب توك توك لحد المطبخ بعشره جنيه و الليله تتلم
حط عشري ايده علي راسه و فضل يضحك
امينه….بضحك طيب يا ستي اللي تجيبه حلو من يدك
ليله……بابتسامه ماشي.
سابتهم ليله و راحت علي المطبخ بصت امينه بابتسامه لعشري
امينه…..طمني ياولدي اخباركم ايه حاسه انها احسن مش اكده
عشري….اطمني يا امي ليله رجعت لحضني هي بس محتاجه وقت تهدأ بس تقدري تقولي انها احسن كتير
امينه…..لما عرفت انك عملت عمليه في الاول مصدقتش ابوك لما قالي الزايده قولت ليله عملت فيك حاجه ولا ضربتك بسكينه
عشري ضحك من قلبه و باس كفها
امينه….بضحك قولت اكيد عصبتها و هي مش طيجاك اصلاً بس لما حلف صدقت
عشري….بضحك لا هي مجنونه صحيح بس معملتهاش او يمكن عشان كنت مخبي منها السكاكين
امينه…..ممكن بردك بس اقولك علي حاجه البت دي بتحبك و من قابها بجد
عشري….تعبت معايا الكام يوم دول بجد يعني انا عارف انها جدعه و بنت اصول و بميت راجل بس قولت هتشمت فيا حتي لو من وراء قلبها بس والله يا امي لا بتنام زين و لا بترتاح طول اليوم المنبه يرن عشان العلاج طول اليوم تأكل فيا و تغير علي الجرح حتي الحمام بتسندي و تدخل معايا
امينه….بابتسامه قولتلك من الاول يا محمد انها دخلت قلبي و جدعه و بنت اصول قولتلك لما كنت هتتجنن عشانها و هي غايبه انها لو بتحبك عمرها ما هتبعد عنك بس انا حاسه اني خجلانه منها بعد كل اللي حصل بتضحك في وشي مع اني طالعه و انا بقدم رجل و أخر رجل هتجنن واطمن عليك و في نفس الوجت خجلانه منها
عشري…..بالعكس علي فكره هي فرحانه بجد انك جيتي من وقت ما دخلنا البيت و هي لا بتقعد مع حد ولا بتشوف حد و زاد علي كل ده تعبي ليله مش زعلانه منك يا امي اطمني
قربت ليله و هي شايله صنيه فيها كاسين عصير و طبق في حلويات و طبق في فاكهه لعشري.
ليله…..اتفضلي يا امونه
امينه….تسلم يدك تعبتك
ليله….بابتسامه تعلك راحه امسك يا عشري و كل فاكه بلاش حلويات
عشري….بابتسامه تعالي اقعدي بقولك ايه هفتنلك علي امونه لما عرفت من ابويا مصدقتش و فكرت انك ضربتيني بسكينه
ليله….بصت لامينه و ضحكت بهدوء ليه.بس كده يا امونه هو انا باين عليا اني بلطجيه اوي كده
امينه….لاه انتي ست البنات كلهم بس والله قولت اكيد عصبك
ليله….بضحك شايف حتي امونه عارفه انك مستفز
عشري….بابتسامه طيب بذمتك انا جيت جنبك يا مفتريه
ليله…..بضحك طيب بلاش البراءه دي قدام امونه
امينه….بتعمل فيها ايه ياواد خد بالك انت صوح ولدي بس هي بتي
عشري….والله يا امي ما جيت جنبها و بعدين انا مخدتش في ايدها غلوه تاني يوم بليل كنت بموت
امينه….بعد الشر عنك
ليله….بضحك ده ربك
مسكها من رقبتها و هو بيضحك
عشري…..شمتانه فيا يا بت المارديني
ليله….بضحك اححح ايدك ساقعه
عشري….بضحك بتقولي ايه انتي اححح ايه ؟
ضحكوا هما الثلاثه وبعدين بصتلها امينه بهدوء و ابتسمت
امينه…..حقك عليا يا ليله متزعليش مني
ليله….حق ايه بس يا امونه متقوليش كده انا مش زعلانه منك
و انسي خلاص
امينه….لاه ده حقك و انا غلطت معاكي
ليله….بابتسامه مسكت كفها مفيش غلط بين البنت و امها ولا مش بنتك يا ست امونه
امينه…طبطبت علي كفها بتي و الله العظيم بتي
ابتسم عشري و طبطب علي راس ليله
ليله….انسي يا امونه و خلينا ننسي خالص كل اللي حصل و بعدين انا سامحت البلطجي اللي جنبي ده هزعل منك انتي
امينه….بس البلطجي بيحبك
عشري….قوليلها يا اما يمكن تحس
ليله….بصتلوا وضحكتك خد بالك امونه هتنزل و تسيبنا
عشري….بضحك شايفه يا اما بتهددني جدامك كيف
امينه…..بتدلع عليك
عشري….لااااه معايزش دلعها ده بالذات مش وجتها لما ابجي استلمها تاني من اخوها تدلع براحتها
ليله….بضحك ايه استلمها دي هو انا عربيه
امينه….بضحك خلبها تدلع و تعمل اللي علي كيفها
عشري….و ولدك بروح في الرجلين مش بشر انا الرحمه حلوه يا امونه والله اكسر كلمتي و اجيبلكم العار
ليله بصتلوا بصدمه و هي بتضحك
ليله……انت بتقول ايه
عشري…..بضحك هفضحكم والله
امينه…..سيبيه ده قليل الحياء
عشري….يعني تحرضيها تحط النار جنب البنزين و تقولي قليل الحياء
ليله…..بضحك خدي بالك يا امونه انتي قصرتي مع عشري شويه في التربيه
امينه….بضحك والله ما ربيته خالص
ضحكوا هما الثلاثه و ضمها عشري بحب علي صدره و باس راسها
و كان الوقت بينهم يجنن محصلش عتاب كتير و قفلت ليله الموضوع ده علي طول هي لا كانت عايزه تعاتب و لا تفتح الموضوع و لا حست انها حلوه ان امينه تقعد قدامها و تعتذرلها ودي حاجه خلتها كبرت في عين عشري اكتر لان مهما كان هي امه و ميقبلش عليها الموقف ده.
………………
عند ايه في المحل.
فضلت قاعده تعيط من اول ما سلامه مشي و كانت مصدومه من كلامه و متوقعتش انه يغير ابداً من علاقتها بتامر و لا غيرته توصل لكده اصلاً مكانتش عارفه تفكر ازاي و المفروض تعمل ايه ؟
كانت شايفه ان يمكن هزارها مع تامر تقيل شويه و هو مستحملهوش لانه راجل بس كمان لازم يفهم انه اخوها
حاولت تهدأ قامت غسلت وشها و ظبطت نفسها و فضلت تحاول انها ترجع تاني لطبيعتها عشان لما تروح محدش يسألها في ايه و قررت انها مش هينفع حتي تحسس اي حد انها زعلانه من سلامه اصلا عشان ميسألوش عن السبب لانها مكانتش هتلاقي رد .
مكانتش عارفه ممكن لو احمد عرف رد فعلوا هيكون ايه معاها ولا معاه هيزعل و لا هيعمل مشكله مكانتش كمان حابه تقول ده لسلمي عشان في النهايه تامر اخوها و ممكن تزعل من طريقة تفكير سلامه و اكيد مكانتش هتقول لتامر عشان ميتجننش و يحصل بينه و بين سلامه مشكله فقررت انها تسكت
قامت قفلت المحل و اتحركت علي البيت مكانش موجود غير احمد سلمت عليه و قعدت معاه شويه و كانت طبيعيه خالص و بعدين قالتلوا هتاخد شاور و هتريح شويه لحد ما اخواتها يرجعوا و يتعشوا.
دخلت فعلاً خدت شاور و غيرت و لبست و بعدين راحت قعدت علي السرير و نامت حوالي ربع ساعه.
صحيت علي تليفون سلامه هو كمان كان وضعه نفس وضعها من اول ما سابها و مشي و هو عمال يلف بالعربيه و متعصب و مش طايق نفسه و محبش انه يشوف اي حد عشان مكانش عارف هيقول ايه
فتحت ايه الخط و هي صوتها نايم
ايه…الووو
سلامه….انتي فين ؟
ايه….في البيت
سلامه….انتي نايمه صح
ايه….يعني شويه
سلامه….يعني روحتي و غيرتي ونمتي متصلتيش عليا ليه
ايه….معلش نسيت
سلامه….نعممممم نسيتي
ايه….اقصد يعني اني رجعت لاقيت بابا قعدت معاه شويه وبعدي خدت شاور و نمت شويه لحد ما اخواتي يرجعوا
سلامه….طيب مره تانيه لما تكوني تحت و ترجعي تعرفيني تمام
ايه….بصوت مهزوز باين عليه العياط تمام يا سلامه
سلامه…..ماشي يا ايه روحي شوفي كنتي بتعملي ايه
ايه….باي
سلامه….سلام.
قفل سلامه و كان هيتجنن علي الرعشه اللي في صوتها دي و اتخنق و اتعصب اكتر هو عارف ان هي مش مستوعبه و انه اتعصب عليها بس هي لازم تفهم ان اللي حصل غلط و مينفعش تتعامل بالطريقه دي ولازم تحط حدود .
………………
سلمي…..الوووو
حسان….بابتسامه اهلااااا خير
سلمي….بضحك لا بص اتكلم عدل
حسان….بضحك بذمتك ليكي عين تتكلمي اصلا
سلمي……خلاص بقي ميبقاش قلبك اسود مكانوش خمسه سم اللي اختلفنا عليهم
حسان….صح انتي معاكي حق انا واخوكي رجاله تخنق بندقق علي حجات بسيطه
سلمي….بضحك حصل
حسان….بضحك يابت متبقيش رخمه هاجي اضربك و الله
سلمي…..بحب و حشتني يا حسونتي
حسان….انتي اكتر يا قلب حسونتك انتي فين روحتي
سلمي….امممم اه بس انا في السوبر ماركت بجيب شويه حجات كده و خمس دقايق هبقي في البيت بس يعني قولت ارغي معاك شويه
حسان….امممم طب ايه بتجيبي ايه
سلمي….حجات للبيت بابا كان هينزل يجيبها و قولتله انا هجيبهم الجو برد حرام و هو من الصبح بيعطس
حسان…..خد برد ولا ايه
سلمي….اه عنده رشح خفيف كده بس خوفت ينزل يتعب اكتر
حسان….لا خليه حرام كده كده انتي في الشارع
سلمي….طيب قولي مش عايز حاجه اجيبهالك معايا
حسان….اممممم اه سجاير و ريد بول و كام كيس مناديل كده و لبان
سلمي….ااااه و تبوظ سنانك باللبان و تجيلي
حسان….بضحك انا اعمل اللي انا عايزه انا واحد مراته دكتوره سنان
سلمي….استني استني مراتك ده ايه انا خطيبتك
حسان…..ايه هتبقي مراتي ولا معترضه حضرتك
سلمي…..لا بس يعني منسبقش الاحداث انت كده بتوقف رزقي مش يمكن بجيلي عريس
حسان….بغيظ والله يا سلمي هجيلك و هتقلك عريس مين يا بت
سلمي…..بضحك طب خلاص يا عم براحه مراتك مراتك بس قولي بجد انت محتاج الحاجه دي
حسان…..بهزر يا هبله يعني لو محتاجهم هتيجي تجيبيهم
سلمي…..اااا يعني عادي
حسان….لا ياستي شكراً بهزر
ماشي….طيب يلا امشي عشان هحاسب لما اروح هتصل عليك
حسان….اوك علي مهلك يا قلبي
سلمي….حاضر باي يا حسونتي
حسان….بابتسامه باي يا قلب حسونتك
………………
عند تقي كانت هي كمان بتجيب حجات من السوبر ماركت قبل ما تروح البيت و دماغها كانت مع ليله من بدري و هي بتتصل علبها موبايلها مقفول و كانت مش مرتاحه من وقت ما عشري خدها من الفرح و هي حاسه ان ابوها مش طبيعي و كل شويه يقولها متتصليش عليها سيبيها براحتها.
اتصلت علي اميمه
اميمه….حبيبة عمتك
تقي….عامله ايه يا عمتو
اميمه….بخير يا نور عيني انتي عامله ايه
تقي….انا زي الفل الحمد لله بقولك ايه يا عمتو هو انتي بتتصلي علي ليله
اميمه….بتوتر بان علي صوتها ااا اه دي لسه مكلماني انا و حمزه انهارده
تقي…..امال في ايه انا كل ما اتصل عليها يديني مقفول و بعدين من وقت اللي حصل في الفرح و بابا غريب كده كل شويه يقولي متاصليش و سيبها براحتها و سيبيها احسن تفكر اني مسلطك وانا ما صدقت اننا اتصالحنا هو في ايه
اميمه….هيكون في ايه يعني هي زي الفل و بقولك كلمتني يمكن موبايلها فاصل ولا حاجه
تقي…..فاصل ايه انا اتصلت بيها امبارح بليل كان مقفول بردوا و انهارده بكلمها مقفول هي كويسه
اميمه….اه كويسه مفيهاش حاجه
تقي…..امال انا حاسه ليه ان كلكم مخبين حاجه و بعدين انا بعرف صوتك يا عمتو
اميمه….يا بنتي ماله صوتي بس يعني هي لو فيها حاجه هبقي قاعدع هاديه كده
تقي….طيب يا عمتو تمام انا ممكن اروحلها بكره بدري قبل ما اروح الجامعه
اميمه….ااا لا سبيها يا بنتي براحتها
تقي….هو ايه اللي لا هروح اشوفها عادي عمتو بجد في ايه انتي هتخليني اروحلها الوقت كده
اميمه…..اااا تقي بلاش عشان خاطري
تقي…..بلاش لا كده في حاجه ولازم اعرفها و يا تقوليلي يا هروح اعرفها بنفسي
اميمه…..طيب انا هقولك و اوعديني متتخانقيش مع ابوكي
تقي…..بقلق في ايه يا عمتو
اميمه…..ليله اتجوزت عشري
تقي….بصدمه اييييييه.يعني ايه امته وازاي و ليه انا معرفش و ليه متجوزتش و الكل عرف
اميمه….طيب هقولك اسمعيني بس
فضلت اميمه تحكيلها اللي حصل كله و تقي مصدومه و مش مستوعبه اللي حصل
اميمه…..بس هو ده كل اللي حصل و هي كلمتني زي ما قولتلك و مبسوطه و كويسه و قريب كمان هنفرح بيها قدام الدنيا كلها.
تقي….انتوا ازاي تعملوا كده بجد اقفلي اقفلي يا عمتو اما اتصل علي بابا
اميمه….تقي ملكيش دعوه بأبوكي يا بنتي احنا عارفين عملنا ايه كويس
مدتهاس فرصه تقي تتكلم و قفلت معاها و سابت كل اللي في ايدها و خرجت من السوبر ماركت و هي بتتصل علي ابوها
وليد…..ايوه يا تقي
تقي….انت كنت بتضحك عليا بابا انت ازاي تعمل كده في ليله
سكت وليد و اتصدم
تقي…..انا بجد مصدومه قولي انك معملتش في ليله كده بجد حرام عليك يعني مش كفايه تعبها و كفايه اللي حصل منك بتكمل عليها اكتر
وليد….تقي ارجعي و هنتكلم و انا هفهمك علي كل حاجه
تقي….تفهمني ايه و بعد ايه اصلا بقالي ثلاث ايام بسألك و تقولي سيبيها هي محتاجه تقعد لوحدها هي محتاجه تفكر هي طلبت ان محدش يضايقها الفتره دي عشان تركز وتعرف هتعمل ايه و في الاخر تطلع متجوزه من غير ما تعرف و كلكم متفقين عليها
وليد….طيب ارجعي يا تقي بقولك هنتكلم
تقي….انا مش عايزه اتكلم معاك و بجد الله يكون في عون ليله
قفلت تقي و وقفت تاكسي و قررت تروح لنعيمه و لنادين صاحبة الفكره.
…………….
وصلت نعيمه علي البيت هي و نسمه اتصلت علي فضل
نعيمه….الووو
فضل….حبيبي اللي وحشني صوته و مطنشي
نعيمه….بصحك انا قولت اسيبك ترتاح مني شويه بقالي كام يوم مطلعه عينك
فضل….لا يا ستي انا راضي و حشتيني بجد
نعيمه…انت كمان و حشتني انا رجعت علي فكره
فضل….نسمه جات معاكي زي ما قولتي
نعيمه….اه جات معايا
نسمه….سلمي علي فضل
نعيمه….بتسلم عليك
فضل….الله يسلمها سلمي عليها كتير
نعيمه….بيسلم عليكي يا نسمه
فضل….بقولك ايه البت نودي رجعت ولا لسه
نعيمه…..لا لسه بس قربت خلاص كلمتني و احنا بنركن قالتلي قربت خلاص ميدو هيوصلها
فضل….طيب كويس
نعيمه….انت فين بقي كده سيباك انا من الصبح تصيع براحتك
فضل….بضحك يا شيخه حرام عليكي اصيع ايه بس انا طالع عيني والله و ضهري واجعني و هموت و ارتاح شويه
نعيمه….واكيد مكلتش
فضل….لا كلت والله بس مش قادر محتاج انام او افرد جسمي حتي
نعيمه….طيب ما تروح مش اخواتك و اخوات عشري موجودين
فضل….في شغل كتير و كان في ماتش فا الدنيا زحمه
نعيمه….طيب حاول ترتاح شويه حتي
فضل……شويه كده و ممكن اخلع بس الجو يهدأ انتي هتعملي ايه الوقت
نعيمه….ولا حاجه اه فكرتني عشري اتصل عليا و قالي احضرلوا موبايل ليله واللي توب بتاعها كان فاكرك جاي و عايزني اديهملك بس هيبعت اخوه
فضل…..اه سليم قالي و انا اتصلت علي عشري اشوغه متأكد من الخطوه دي ولا لا قالي اه
نعيمه….انا سألته بردوا بس يعني الحمد لله ليله شكلها هديت
فضل….ما انا قولتلك لما شوفتها بتاخد الشنط كامت كويسه و اتكلمنا ان شاء الله خير
نعبمه….يارب
فضل….طيب يلا يا عمري روحي غيري كده و شوفي هتعملي ايه و انا شويه و هكلمك
نعيمه…..تمام يا قلبي يلا باي
فضل….باي يا حبيبي.
…………………..
علي الساعه عشره و ربع و صلت تقي عند بيت نادين خبطت محدش فتح فضلت تخبط كتير و بعدين نزلت و قررت تروح عند نعيمه مكانتش لاقيه اوبر و لا تاكسي و كلهم بعيد عنها فا قررت تمشي كده كده المسافه مش بعيده.
في الوقت ده و صل عسال و نادين تحت البيت و قابلوا عدي سلموا عليه و وقفوا ضحكوا شويه
عدي….الله يخليك يا ميدو هات الحاجه و انزل ادهالي
عسال….طيب تعالي اطلع انا معاك
نادين….تعالي شويه ده مشوار طويل و ابقي انزل مع ميدو
عسال…يلا يلا انت لسه هتفكر
عدي…..ماشي يلا
خدوا عسال معاه علي فوق.
طلعوا مع بعض سلم علي نعيمه و قالها الف سلامه و سلم علي نسمه
نادين كانت فرحانه ان نسمه جات و ميدو كمان سلم عليها.
عدي…..عطيني الحاجه يا غاليه خليني امشي
نعيمه….الحاجه اهي مجهزاها بس تمشي ايه مش لما تشرب حاجه الاول ده مبجيش علي المشوار
عدي…..والله ما قادر و بعدين سايب الشغل كتير اوي خطيبك هيعلقني اول واحد ويفكرني هربان من الشغل
نعيمه….بضحك اه لسه بيقولي مش قادر و كان في ماتش
عسال…..ماتش ايه هو في ماتش انهارده؟
عدي…..لا دي فرق اجليزي بس الكافيهات كانت علي بعضها و في ضغط شغل
سمعوا خبط علي الباب وراء بعض
نعيمه….ايه ده مين اللي بيخبط كده؟
عسال….استنوا انا هفتح
قرب عسال فتح لقي تقي قدامه
عسال….اهلاً ازيك يا تقي
بصت نعيمه و نسمه لبعض
نادين….بابتسامه تقي تعالي
تقي……كويس اني لاقيتك هنا اصلي روحتلك و ملاقتكيش
عدي كان واقف باصص عليها و ساكت لا دخلت سلمت ولا اهتمت اصلا و كان باين عليها ان في مصيبه عندها.
نادين….لا انا هنا في ايه يا تقي
بصتلها تقي و بصت لنعيمه.
تقي…..ليله طول الوقت مفيش علي لسانها غير كلمه واحده بس انا مطلعتش من الدنيا غير بصحابي
صحابي احلي رزق ربنا رزقني بيه
صحابي نعمه طول الوقت بحمد ربنا عليها
صحابي اثق فيهم وانا مغمضه
لما كنت اقولها صحوبيه البنات مش حلوه و كل البنات بتغير و بتنفسن من بعض و مبيحبوش الخير لبعض و مش جدعان تقولي الا صحابي
بس للاسف ليله لو تعرف ان صحابها هيعملوا فيها كده كانت كرهت اليوم اللي عرفتكم فيه
عسال……تقي ممكن تقعدي و تفهمي الموضوع
تقي….لا ما انا فهمته خلاص عمتو اميمه قالتلي بعد ما جبت اخري منهم و ابويا ضحك عليا و طول الوقت يقولي سبيها براحتها متتصليش مترخميش عليها و هو ضاحك علي اخته زي ما ضحك علي بنته و جوز اخته من غير علمها ولا كأنها عيله صغيره عايز تفهمني ايه ده صاحبك يعني انت اول واحد هيدافع عنه اذا كانت اللي واقفه جنبك دي اللي ليله بتخاف عليها من الهواء الطاير باعت صاحبتها انت هتعمل ايه
نادين….تقيييي حاسبي علي كلامك ليله مين دي اللي ابيعها
تقي….وانتي لما تفكري في فكره زي دي متبقيش بعتيها لما تفكري تجبريها علي حاجه هي مش عيزاها وتتفقي مع الكل عليها متبقيش بعتيها لما تخوني ثقتها فيكي و تمضيها علي جوازها من غير ما تعرف متبقيش بعتيها خيرررر فاضل ايه تاني تعمليه عشان متبقيش بعتيها و خونتي ثقتها فيكي ما تبيعيها اللي وراها واللي قدامها بالمره ما هي بتثق فيكي بقي
عسال…..تقي من فضلك يا تقعدي و تسمعي بهدوء يا تحافظي علي كلامك لان انتي متعصبه و اللي هيخرج منك و قت عصبيه هتحاسبي عليه
تقي….احاسب عليه ومين هيحاسبني هااا انت و لا هي و لا انتي يا نعيمه و لا انت ماهو اخوك بصت لعسال حط اختك مكانها يا ميدو و تخيل كده انت جوزتها غصب عنها هتشوفك اخ دي ليها حق ليله تكرهه بابا انا نفسي مش طيقاه و معنديش اي مبرر ليه
نعيمه……مين قالك انها اتجوزت غصب عنها ليله كده كده كانت هتتجوز لولا اللي حصل ده وقف كل حاجه و انتي عارفه ليله كويس مكانتش هتهدأ و تسمع غير و تفهم الا لو بقت مع عشري لوحدهم و مكانش ينفع تبقي معاه من غير صفه رسميه كان لازم يتجوزها
و بعدين عشري اتفق مع ابوكي انه مش هيلمسها و هيرجعها تاني لما تهدأ و يوم ما باخدها هياخدها عروسه لبيتها هيعملها فرح و يفرح بيها قدام الدنيا كلها واللي اعرفوا ان خطتنا نجحت و ليله هديت و بقت كويسه
تقي…..لا والله متجوزتش غصب عنها امال اللي عملتوا ده ايه انتوا استغليتوا تعبها و الحاله النفسيه اللي كانت فيها و ضحكتوا عليها و لو انتي شايفه ان خطتكم نجحت تبقي متعرفيش ليله كويس
نادين….وانتي اللي تعرفيها يا تقي
تقي…..اه اعرفها و لو معرفهاش علي الاقل مخونتهاش بعتهاش انتي اكتر واحده المفروض مكنتيش عملتب فيها كده عشان ليله طول عمرها جدعه معاكي و واقفه معاكي في كل ظروفك
عسال…..تقيييي
نادين….بهدوء سيبها يا ميدو
تقي…..ايه زعلان انا مقولتش حاجه غلط ليله طول عمرها جدعه مع نادين بتحبها و بتخاف عليها و مبتطقش عليها الهواء و طول الوقت شايله همها
نعيمه…..بغضب بسيط و نادين طول عمرها جدعه مع ليله و بتحبها و بتخاف عليها و بافكر في مصلحتها اوعي تقولي اي كلمه خايبه عشان صدقيني يا تقي ليله نفسها لو عرفت انك اتكلمتي بالطريقه دي مع نادين مش هتعرفك تاني
تقي….صح بس ده قبل ما تبيعها و تخون ثقتها فيها ليله كانت مستعده تاكل بسنانها اي حد يفكر يقرب من حد يخصها و اولهم انتوا بس للاسف مكانتش تعرف ان انتوا اللي هتعموا فيها كده انا عايزه اشوف ليله و الوقت حالاً
نعيمه…..ليله في بيت جوزها يا تقي و بيتهيألي لازم تقعدي و تهدي و تبطلي الهبل اللي انتي فيه ده
نسمه…..تقي عشان خاطري افهمي الموضوع كويس الاول واضح ان طنط اميمه حكتلك بسرعه و انتي مفهمتي و عشان كده متعصبه.
تقي…..انا سألتك يا نسمه و انتي كمان كدبتي عليا
نسمه…..انا مكدبتش بس مكنتش اعرف انك متعرفيش و اما قولتيلي قولت مستحيل اقولك عشان معملش مشكله بينك و بين ابوكي
تقي…..تمام يا نسمه بصت لعدي وديني عند ليله
عدي…..ليله ايه اللي اوديكي عندها
تقي….ايه خو ممنوع اروح اشوف عمتي ولا هو اللي بيدخل عندكم البيت بيتعزل عن اهله
عدي….لاه يا بت الناس اللي بيدخل بيتنا بيتحط عالراس و ده بيت ليله مش بيتنا بس مش وقته
عسال….تقي ليله مش محبوسه علي فكره ولا مخطوفه
تقي….تمام يبقي ودوني ولا اروح انا عند الكافيه يا عدي زي ما بودي كده الشغل و اسأل من هناك علي بيت اخوك
عسال….يا تقي افهمي محدش قال ان ممنوع حد يزورها كل الحكايه اننا حابين نسيبهم مع بعض و كمان عشري تعبان وعامل عمليه يعني مش وقته
تقي….ايه عشري تعبان و عامل عمليه و انا هروح اتخانق معاه انا مليش دعوه بيه اصلا انا راحه لعمتي مش ليه انا اصلت مش طيقاه
عدي…..بغضب بسيط نعيمه انا هاخد الحاجه و همشي عشان مليش دماغ
تقي…..هتاخدني معاك
عدي….اخدك فين ربنا موجود اتركيني بحالي
تقي….تمام انا هروح بنفسي
سابتهم و خرجت
نعيمه….وقف المجنونه دي و النبي يا عدي
عسال خرج وراها بسرعه هو وعدي
عسال…..تقي لو بتحبي ليله بجد خليكي لياه بتحب عشري ولو انتي عارفه ليله فعلاً هتعرفي ان راحتها معاه
تقي……يبقي اسمع الكلام ده منها و بنفسي و انا باصه في عنيها علي الاقل يا ميدو لو حسيت انها مغصوبه و شوفت في عينها استسلام لخيانة كل اللي باعها هقف معاها و مش هسيبها يمكن تحس ان في حد فعلا بيحبها
عدي….ولو شوفتي عكس كده هتعتذري لكل اللي غلطتي فيهم
تقي….انا مش هعتذر لحد حتي لو ليله رضيت و فعلا استسلمت عشان بتحب اخوك فا هيفضل في حقيقه واحده ان الكل باعها و ضحك عليها اولهم ابويا
عدي….لا هتعتذري لان وقتها هيطلع صحابها يعرفهوها اكتر منك
فتحلها باب الاسانسير و بص لعسال
عدي….انا ماشي
عسال….عايزني معاك
عدي….لا خليك
خرجت نسمه بسرعه و قربت من الاسانسير و سعلها عسال ايده
نسمه…..ركبت معاهم انا جايه معاكم بصت لعدي خليني معاكم
هز عدي راسه و بص لعسال هز راسه ليه و قفل ونزل معاهم
دخل ميدو لقي نعيمه واقفه جنب نادين بتكلمها.
نعيمه….انتي عارفه كويس ان تقي مجنونه زي ليله و متقصدش اي حاجه هي اتفاجئت و ليد كل ده معرفهاش
نادين…..عارفه يا نعيمه و اكيد مش زعلانه
نعيمه…..تقي لسه صغيره يا نادين و انتي عارفه هي بتحب ليله قد ايه
نادين….عارفه انا بس خايفه لما تشوف تقول كل ده قدامها و تخلي ليله تشيل مني اكتر
نعيمه…..انتي عبيطه لا طبعاً انتي عارفه ليله بتحبك و بتحبنا قد ايه و عارفه كويس ان ليله بجد لو عرفت انها اتكلمت معاكي كده مش هتسكت
قرب عسال منها بهدوء ضم راسها وباسها
عسال…..حقك عليا انا متزعليش هي مش عارفه بتقول ايه
نادين…..انا مش زعلانه يا ميدو هي معاها حق في كل اللي قالته
عسال….لا يا نادين مش معاها اي حق انتي لا بيعتي ليله و خونتي ثقتها انتي فكرتي فيها بقلبك و بعدين كان سهل تفكري واحنا نرفض بس الكل وافق و اولهم وليد ابوها يعني مينفعش تحط اللوم عليكي
نعيمه… انا ليا كلام مع وليد
نادين….لا متكبريش الموضزع تقي اختي الصغيره و بعدين هي مش طابقه ابوها لوحدها مش عايزين يحصل بينهم مشاكل خلاص الحوار خلص
نعيمه…..طيب فكي بقي عشان خاطري
عسال…..حبيبي انا همشي بقي و اسيبكم بس هرجع اكلمك تاني اوك
نادين….اوك يا حبيبي
سلم عليهم عسال وبعدين نزل.
……………..
اما عند عدي بعد ما نزل ركبوا العربيه و اتحرك عدي و بعد ما مشي شويه لمح بنزينه دخل عليها يحط بنزين و نزل اتصل علي عشري.
عدي….ايوه يا اخوي
عشري…..ايوه يا عدي ايه جيبت الحاجه
عدي….معايا بس لسه موصلتش بس حصل حاجه لازم تعرفها
عشري…..خير
عدي….تقي بنت وليد جات عند نعيمه و بهدلت الدنيا و بهدلت نادين و عسال كان موجود و راسها والف سيف تشوف مرتك و راكبه معايا العربيه وانا مش عارف اتصرف ازاي كانت عايزه تيجي علي الكافيه و تسأل علي بيتك
عشري…..تقي طيب ليه حصل ايه يعني مش فاهم
بصتلوا ليله باستغراب
ليله…بهمس في ايه؟ تقي مين
عشري…..عدي بيقول تقي معاه و عايزه تشوفك و بيقول انه قابلها عند نعيمه بهدلت الدنيا
ليله…..هات التليفون الووو
عدي…ايوه يا غاليه
ليله….في ايه يا عدي
عدي…..تقي معايا و راكبهناغها يا تشوفك يا تيجي علي الكافيه تسأل علي البيت و بهدلت نعيمه و نادين تقريباً يعني اللي فهمتوا انها مكانتش تعرف حاجه غير الوقت اعمل ايه
ليله….طيب هاتها و تعالي يا عدي
عدي…..طيب معاها نسمه كمان اخت نعيمه
ليله…..طيب تمام يا عدي هاتهم و تعالي عشري معاك اهو
عدي…..ايوه يا اخوي مرتك بتقولي اجيبهم اعمل ايه انا في المصيبه ام لسان طويل دي
عشري….بابتسامه اعمل كيف ما ليله قالت هاتها وتعالي و يلا مستنيك
عدي….طيب ماشي سلام
عشري….سلام قفل و بصلها و ضحك بهدوء
ليله….بصتلوا ليله بترقب و بعدين ابتسمت هو انت بتضحك علي ايه؟
كمل بضحكه جميله تضحك
ضحكت ليله علي ضحكته
ليله….بضحك في ايه يا مجنون؟
عشري….تعرفي العيل الصغير اللي بيجيب مصايب لامه و كل شويه حد يجي يشتكي منه بدأت احس انه انا
ليله….بأبتسامه تجنن بدأت !!! يعني مش متأكد اعمل فيك ايه بس انت عارف اللي يضحك بجد في الموضوع ايه ان انا بعد ما كنت مش طيقاك بقيت ادافع عنك و اهدي المشاكل و اصالح كل الناس اللي شاركتك في مصيبتك
بصلها و ضحك ضحكه بريئه كان قاعد جنبها كأنها طفل عامل عامله وامه عماله تلم وراه
عشري….بابتسامه بس والله بحبك
ابتسمت ليله وقربت منه لفت ايديها علي ضهره و سندت دقنها علي كتفه
ليله….وانا بحبك يا تاعب قلبي
بعدت عنه و بصتلوا هقوم اجيبلك الدواء بتاعك و خلينا نغير علي الجرح قبل ما يوصلوا ممكن
عشري….بأبتسامه حاضر
ليله….و ياريت بعد أذنك تبقي تسيبني معاها خمسه كده لوحدنا
عشري….اشمعني بقي ايه في اسرار بينكم
