لقاء كـ،ـ،ـارثي
عند ليله و عشري
بعد ما فطرته و خد علاجه شغلتلوا التلفزيون و سابته قاعد بره شويه عشان يغير جو بدل نومته علي السرير و قامت هي تجهز الغداء مكانش مركز مع التلفزيون قد ما كان مركز معاها و هي رايحه جايه قدامه في المطبخ
كل شويه تبص عليه تلاقيه باصص عليها تبتسم بهدوء و تكمل.
كانت واقفه تعمل الاكل و قررت تشوي بانيه و تعمل رز بسمتي و سلطه
جهزت كل حاجه و سابت الرز علي النار و حطت السلطه في الثلاجه كان فاضل بس تشوي البانيه.
وهي واقفه افتكرت اميمه و حست انها محتاجه تكلمها عارفه انها اكيد هتتجنن عليها و عارفه كمان انها مش قادره تتصل بيها و خايفه تكون زعلانه منها فا قررت تكلمها و تطمنها عليها خصوصاً ان اميمه سكرها و ضغطها علي طول عالين
خرجت بهدوء و مشيت بمياعتها المعتاده و قربت من عشري.
ابتسم بهدوء و هو عينه علي مشيتها.
ليله….اااا عشري اااا انا
عشري…..ايه يا حبيبي عايزه حاجه ؟
ليله بتنهيده قربت قعدت جنبه علي الكنبه كان هو فارد نفسه بعد لجوه شويه و قعدها جنبه و لف دراعه علي وسطها
عشري…..قول يا حبيبي عايز ايه
ليله….اااا انا قلقانه علي اميمه عارفه انها شايله همي و اكيد زعلانه و يمكن تكون فكراني زعلانه منها و واخده منها موقف.
بصتلوا بتأثر و طريقه طفوليه غير معتاده بس كانت بتكلموا و تشكيلوا اللي جواها و نسيت ان هو سبب كل ده اصلا
ليله….يعني مش هكدب عليك يا عشري انا بجد زعلانه منها و منهم كلهم بس كمان حاسه اني محتاجه اتصل عليها اطمنها عليا و اطمن عليها اميمه سكرها و ضغطها دايماً عاليين و ديماً شايله همنا كلنا و اما مش حابه اوترها واقلقها اكتر و عايزه علي الاقل اطمنها عليا و اخليها تعرف اني مش زعلانه منها قولي اعمل ايه اتصل عليها
عشري بأبتسامه تجنن مشي ايده بهدوء علي ضهرها.
عشري….طبعاً يا عمري اتصلي و طمنيها و اتطمني عليها عرفيها انك بخير سمعيها صوتك بعد ما خفيتي هي عرفت علي فكره وانا طمنتها متقلقيش بس بيتهيألي لو كلمتيها بنفسك هتفرح اوي حبيبي ممكن اتكلم معاكي بصراحه
ليله…..بتنهيده طويله اكيد
قام بهدوء سند ضهره علي الكنبه و سحبها ليه اكتر.
عشري…..تعالي يا عمري قربت منه اكتر بصي يا ليله انتي زعلتي مني و خدتي موقف كبير و كان ليكي الحق في كل تصرف و كل رد فعل و انا كنت راضي ولو كنتي عملتي اكتر من كده انا كنت هسكت و هقبل و هتحمل لان الغلطه غلطتي بس كمان انتي سامحتيني يا ليله صح
ليله….صح
عشري…..ليه سامحتيني؟
ليله….بابتسامه هاديه عشان معنديش حل يا عشري غير ده
عشري….تقصدي انك مجبره يعني بس انا قولتلك الباب قدامك و انتي حره لو وجودك هنا انتي رفضاه مش هزعل يعني في حل
ليله….لا مقصدش اني مجبره انا معنديش حل غير اني اسامحك لان انا صعب اعيش من غيرك يا عشري
قالتها بنبره وجع و حزن و لمعه في عينها
ابتسم عشري بتأثر
عشري…..ولا انا يا ليله وانتي عارفه كده كويس
ليله….عارفه يا عشري عشري انا سامحتك من اول ما سألتك سؤال قبل ما امشي من عند ايمي يمكن انت ملاحظتش و يمكن انا كمان ملاحظتش اني سامحتك او ان ردك عليا ريحني شويه لما قولتلك ايه السبب اللي خلاك تفضل معاها و رفضت تقولوا لصحابك ردك ريحني بس اكتشفت ده بعدين بس كمان يا عشري لو انتوا كلكم شايفين ان رد فعلي كان عنيف او اوڤر او حتي كان غير متوقع بس ده كان حقي عشري انا متخيلتش اتحط في الموقف ده معاك فجأه حسيت ان في حد بياخد مني روحي حسيت اني فجأه كل اللي.عيشته معاك واحده جايه تقولي انه كان كدب
اتوجعت و رفضت اني اصدق مكنتش متخيله انها خلصت خلاص وان انت مش هتبقي في حياتي تاني رفضت من جوايا اني خلاص مش هشوفك مش هلمسك مش هحضنك مش هيبقي في بينا كلام او مواقف رفضت يا عشري ان اصحي من حلمي الجميل معاك و فجأه تبقي بالنسبالي غريب مستحيل عشري اللي كان جزء كبير من كياني فجأه ميبقاش موجود لاول مره احس بالضعف انا طول عمري يا عشري بستغني مش عشان انا بياعه او مليش غالي بس كل اللي استغنيت عنه كان هو مستغني اصلا اتعودت اني ممسكش في حد مش ماسك فيا و فكره ان عشري يكون واحد من الناس دي مستحملتهاش.
كنت في صراع فظيع بين كل موقف عيشته معاك و كل كلمه طلعت من قلبك و صدقتها و بين انك تكون كداب في كل حاجه و انا اللي سلمت و غمضت و مشيت وراك و طلعت في الاخر مغفله عقلي كان مش مستوعب انك تكون كدبت عليا في مشاعرك و لاول مره اشوف ان القلب و العقل يتفقوا و بقيت انا في صراع وسطهم هما مصممين يفضلوا معاك و انا من جوايا موووجوعه يا عشري
دموعها كانت نازله و هو سايبها تتكلم و تطلع كل اللي جواها لانه عارف انها حتي لو سامحته لازم تخرج اللي جواها مسح دموعها بهدوء و بصلها.
ليله…..لاول مره يا عشري قلبي وعقلي يتفقوا عليا كل حاجه فيا عيزاك و انا مش قادره اقاوم كرامتي كانت موجوعه ثقتي بنفسي كانت مهزوزه كل موقف وحش في حياتي مر قدامي و زود وجعي منك انت
اتوجعت من نفسي يا عشري لان طول عمري بقف قدام اي صدمه او وجع و اكمل بس المرادي حسيت اني اضعف حد في الدنيا لاول مره احس ان حياتي تقف علي بني ادم لاول مره احس ان انا مبقتش ملك نفسي و مش من حقي خلاص اجبر قلبي او عقلي علي قرار معين لاول مره احس ان في شخص بقي متحكم في قلبي وعقلي و جسمي و كل حاجه فيا في الوقت اللي اكتشفت فيه تعبي انت اول حد اتمنيت اترمي في حضنه و اقوله الحقني و هنا انا اتأكدت اني محتجالك يا عشري
ضمها عشري في صدره بوجع و ضم راسها علي صدره
عشري…..اتكلمي يا ليله و عيطي و خرجي كل اللي جواكي.
قامت ليله بهدوء و بصتلوا
ليله…..انا اكتر حاجه مزعلاني يا عشري اني حسيت ان الكل مستعجل اني اهدأ محدش كان مديني فرصتي في الزعل حتي انت يمكن مش هكدب عليك انا كنت مبسوطه انك بتحاول و مش بتستلم و مش بتسيبني و متقبل مني اي حاجه و اي غضب بس كمان اني ازعل او اتوجع او اعبر عن زعلي ده حقيييييي انا مجتش علي حد فيكم يا عشري ما بالغتش في رد فعلي مينفعش اوجعك واجي اقولك معلش و انت بسرعه خلاص تسامح ما انا قولت معلش طبيعي اعتذر و ادي فرصه للي قدامي انه يهدأ
انا اوقات كتير ممكن حد من البنات او حتي اخواتي يزعلوني بموقف و يعتذروا انا بجد من قلبي ببقي قبلت الاعتذار بس كمان مش بسهوله اضحك ارجع بسرعه زي ما كنت في مواقف يا عشري بنسامح فيها و الاعتذار بيريحنا بس هي بتبقي وجعت اوي جوه فا غصب عنك بتاخد وقت لحد ما مودك يرجع يتظبط تاني دي مش قساوه او سواد قلب والله بس يا عشري الوجع لما بيجي من حد غالي بيعلم جواك
اه بنسامح و بنعدي بس لما بتشوف الشخص ده قدامك من جواك بيبقي صعبان عليك نفسك اللي هو ليه وجعتني انا بحبك سامحتك بس مكنتش متوقع انك توجعني و انا يا عشري اتوجعت في كذا موقف وراء بعض اكتر من مره اتصدمت حسيت اني مغفله واتضحك عليا و اني عيشت في كدبه و اني سلمت قلبي لاول مره من غير ما اركز اتغلط فيا وفي امي و ابويا اتهانت و بعدها تعبت و حسيت بوحده فظيعه ولما رجعت حسيت ان الكل معاك و وقت ما بتتعرض لموقف صعب غصب عنك مبتركزش بتلاقي نفسك ماشي تلطش ما انت موجوع من اقرب حد ليك الكل فجأه بقي يدافع عنك بقيت بقيت حاسه انهم هيقولولي شويه شويه ما خلاص هو اعتذر هو مغلطتش غضبي من وليد لوحده كان كفايه يزود غضبي من الكل
و منك انت بالذات انا مكنتش محتاجه غير اني اهدي و اسكت و افكر مش محتاجه اتضغط و فجأه لاقيت الكل واخد قرار اني اتجوز
مش هكدب عليك انا عارفه اني مكنتش ههدأ غير بوجودك جنبي يا عشري بس وقتها انا حسيت باهانه اكبر يمكن اهانه مريم ليا كانت اهون
لكن اخواتي صحابي كل اللي عرف و وافق وجعوني اوي و حسيت انهم بيخصلوا مني بياخدوا قرار بدالي في حاجه مينفعش غيري انا بس اللي اخد فيها قرار ده انا لبسي و اكلي مبخدش فيهم رأي حد فجأه كده اتجوز ..
عشري انا محستش اني هديت غير لما عرفت انكم اتفقتوا ان الجواز ده باتفاق يمكن وقتها بس قولت لا محدش باعني ولا رخصني بص يا عشري انا يمكن سامحت الكل و من قلبي بجد و واثقه في حبهم ليا بس كمان انا حاسه اني تايهه لسه متأثره بكل اللي عيشته الفتره اللي فاتت
عشري انا اول مره احس اني مش فاهمه نفسي مش عارفه انا صح ولا غلط انا ليا حق ازعل ولا مليش اسامح ولا اخد موقف طيب لو سامحت و رضيت ابقي باجي علي كرامتي و بخلي حد يتحكم فيا ولا هما اللي صح
عشري….بهدوء باس كفها خلصتي يا عمري قولتي كل اللي جواكي و لا في حاجه تاني خنقاكي و حابه تطلعيها انا هرد عليكي بس قبل ما ارد مش عايز اي حرف جواكي يفضل جواكي عايزك تخرجي كل حاجه اي مشاعر او طاقه سلبيه او حاجه خنقاكي طلعيها يا ليله اصل مينفعش تسامحي و انتي جواكي كل ده معاكي حق علي فكره ان حد يوجعك و يجي يعتذر و يستني انك بسرعه تتعاملي كويس ليله انتي مش غلطانه في اي رد فعل وليكي كل حق يا ست البنات في زعلك انتي لا بالغتي ولا أڤورتي و لا عملتي اي حاجه انا اللي غلطت يا ليله و محدش غلط غيري
اوعي تزعلي من اخواتك عشان هنا بيحبوكي بجد و فاهمين طبعك
اوعي تزعلي من البنات عشان انتي ربنا زي ما خد منك حجات كتير عوضك باصحاب بيحبوكي من قلبهم و قلبهم نضيف من ناحيتك
محدش فيهم كلهم يا ليله قصد يرخصك او يهينك محدش فيهم شافك ضعيفه و اتحكم فيكي بالعكس انا شايف ان من كتر ما هما شايفين قد ايه انتي شخصيتك قويه
قرروا انهم يفكروا بالطريقه دي لانهم مش هيقدروا عليكي انتي مش ضعيفه انت قويه جداً يا ليله لو شخصيتك مش قويه محدش فينا هيفكر يعمل كل ده من وراكي لو ختتجبري بجد كان اخوكي او اي حد شايفه انه اتحكم فيكي قعدتك قدامه و قالك انتي غلط و هتتجوزي غصب عنك بس كل ده اتعمل من وراكي عشان لو انتي عرفتيه يا عمري مش هتوافقي صدقيني يا ليله كرامتك من كرامتي اللي يفكر يقل منك يبقي قل مني اللي يفكر يهينك امحيه من علي وش الدنيا
وفقتهم معايا مكانتش ضدك قد ما هما صدقوني لانهم بره الموضوع يمكن صعب عليهم حالي من غيرك يمكن كمان عرفوا قد ايه انا متمسك بيكي و تهميني ليله انتي وجودك في حياتي ليه معاني كبيره اوي
انا من غيرك ولا اي حاجه و من غيرك حياتي هتقف بجد لان لو حياتك وقفت عليا فا انتي ست و الست قلبها اوقات بيغلبها بس لو حياتي انا وقفت عليكي يا ليله فا دي كبيره لان معروف ان الراجل اقوي شويه بس اني اوصل معاكي للضعف ده و اني اخاف اخسرك دي كبيره لان خسارتي ليكي هي نهايتي عشان انتي استثنائيه يا ليله لو خسرتك هتبقي دي اكبر و اهم خساره في حياتي كلها انا بحبك واخواتك بيحبوكي و البنات بيحبوكي اوي و كلنا يا ليله بنحبك بجد انسي بقي كل ده مش هقولك تجاهلي الوجع لا خالص بالعكس بس اتأكدي ان انا مكدبتش غير خوف من خسارتك مكدبتش عشان بستغفلك انا كدبت عشان خوفت اواجهك لانك قويه مش ضعيفه
كلمي اختك يا ليله و طمنيها عليكي كلمي قمر كمان حاولي انك تهدي من ناحية البنات و خصوصا نادين البنت دي بجد بتحبك من قلبها و انتي فارقه في حياتها بشكل مش طبيعي
طاوعي قلبك و عقلك وروحي يا قلبي كلمي اميمه عشان هتموت عليكي تمام
هزت راسها بهدوء و ابتسمت براحه كبيره
عشري…..بأبتسامه تعالي بس في حضني شويه عشان من بدري وانتي سيباني في المطبخ
ابتسمت ليله وونامت علي صدره.
عشري…..بحب و حشتيني يا بلطجيه
ليله….بابتسامه بقيت كيوت خلاص مبقتش بلطجيه
عشري….بضحك لا انا عايزه البلطجيه بتاعتي مليش انا في الكيوت ده خالص
ضحكت ليله و قامت بهدوء وخدت الموبايل
ليله….هروح اتصل عليها
عشري….روحي يا قلبي
راحت علي المطبخ تشوف الاكل و تتصل علي اميمه
اللي اول ما شافت رقم عشري ردت بسرعه
اميمه….ايوه يا عشري
ليله….وحشتيني يا اميمه
اميمه….بدموع يا نور عيني انتي يا قلب اختك حقك عليا والنبي متزعليش مني
ليله…بابتسامه و دموع لا بصي هتعيطي هعيط معاكي انا بتلكك اصلا عندي طاقه عياط تكفي سنه فا اوعي تفتحيني
اميمه….بصوت مهزوز لا خلاص مش هعبط بس قولي انك مش زعلانه يا نور عيني
ليله…مش زعلانه يا امي مقدرش ازعل منك وانتي عارفه ده كويس انا لو زعلت من الدنيا كلها مقدرش ازعل منك طمنيني عليكي
اميمه…..بقيت بخير وزي الفل لما سمعت صوتك حمد الله علي سلامتك يا قلب اختك
ليله….الله يسلمك يا اميمه
اميمه….انتي كويسه
ليله….زي الفل والله و بخير اوي
اميمه….طيب مرتاحه يا ليله هديتي يا حبيبتي و لا لسه
ليله….هديت يا اميمه و مرتاحه جدا والله متخافيش عليا انا كويسه
اميمه….طيب و عشري يا ليله
ليله….ماله عشري زي القرد هناك اهو
اميمه…بابتسامه يارب ديماً يحفظكم و يبعد عنكم العين و يخليكم لبعض بيحبك يا ليله اوي و الله العظيم عشري دعوة امك الحلوه ليكي
ليله….يا بختك يا عم عشري الكل بيحبك
اميمه….وبنحبك انتي كمان اوعي يا ليله تكوني بتضحكي عليا
ليله….بضحك من بين دموعها احيه علي الثقه اللي الكل بيثقها فيا اطمني يا ستي انا مش امنا الغوله صحيح يعني مش طيقاكم شويه بس شويه صغيرين مش بضحك عليكي يا اميمه و انتي حفظاني كويس
اميمه…..عشان حفظاكي عارفه ان جرحك مبيلمش بسهوله
ليله….واهو لم يا ستي و شكل كده اختك ادبت علي بوزها و حبت بجد و الحب بهدلها
اميمه….الحب مبيبهدلش يا ليله الحب بيقوي و لو انتي عارفه من جواكي ان عشري مش بيحبك انا واثقه انك مش هتقعدي ثانيه انا بس خايفه دماغك تشتغل علينا كلنا
ليله……اميمه متقلقيش انا سامحت و من قلبي و عارفه ان عشري بيحبني و انا بحبه اكتر بكتير و بحبكم و مش زعلانه يا ستي من حد فيكم ارتاحتي
اميمه….ربنا يريح قلبك و بالك و يبعد عنك اي شر ليله انا عيزاكي تكلمي حمزه عشان من وقت ما عرف و هو مبيتكلمش مع حد فينا و زعلان مننا ومطلع عنينا
ليله….بضحك احسن طلع هو الوحيد حبيب خالته حتي تقي الواطيه مسالتش فيا و لا زعلت منكم
اميمه….لا متعرفش حاجه اخوكي مقلهاش
ليله….بضحك عشان جبان يلا يارب تعرف و تطلع عينه هو فين حمزه اديهولي لو عندك
اميمه….في اوضته استني
ليله….معاكي
ثواني بالظبط و سمعتهم
اميمه….حمزه ليله معايا علي التليفون و عيزاك
خد التليفون ورد بسرعه
حمزه….الووو
ليله…..قلب ليله من جوه
نزلت دموع حمزه و معرفش يرد
ليله….احيييييه عليا ولا انت بتعيط لا بص انا الراجل بتاعي ميعيطش ابداً
حمزه….والله يا خالتو مكنتش اعرف انهم هيعملوا فيكي كده و لو كنت عرفت كنت قولتلك عشان تاخدي بالك
ليله…..حمزه بطل عياط انا مش زعلانه منهم و هما عملوا اللي في مصلحتي انت عارف خالتك كويس ياض لو كانوا سابوني لدماغي مكنتش سكت ولا سامحت
حمزه….انتي عايزه تقنعيني يعني انك خلاص موافقه
ليله….ايه انت تعرف ان خالتك بتعمل حاجه غصب عنها
حمزه…..لا بس انتي الوقت اتغصبتي علي جوازك من اللي اسموا عشري ده
ليله….حمزززه عشري ده يبقي جوز خالتك اولاً انا لو عندي شك واحد في المليون انه مش بيحبني مكنتش وافقت ثانياً انت عارف كويس ان انا كمان بحبه يمكن اضايقت في الاول انهم اتفقوا عليا بس كمان و حياة غلاوتك انت و اخوك في قلبي انا مبسوطه وجداً كمان عشري بيحبني و انا بحبه ومهما زعلنا في النهايه احنا ملناش غير بعض و طبيعي يحصل بينا زعل و مشاكل و مواقف كبيره نقف عندها شويه لان الدنيا مش وردي ديماً يا حمزه بس اللي بيحب بجد بيقوم و بيعدي و بيكمل امك و ابوك و اخواتي بيحبوني زي ما بحبهم لو هما شايفين ان ده في اذي ليا مستحيل يعملوا فيا كده بس هما اكبر مني و منك يا حمزه انت لسه صغير وانا كنت موجوعه و مش عارفه افكر و جايز اوي و انا موجوعه افكر بطريقه غلط هبقي شيفاها في وقتها صح بس هندم بعدين و انا بقولهالك من قلبي انا لو كنت خسرت عشري كنت هتعب و هندم متزعلش منهم يا حمزه لان انا نفسي والله مش زعلانه و سامحتهم خلاص ونسيت و انت فك كده متبقاش دماغك جزمه زي خالتك و بقولك ايه عيزاك تحضر احلي بدله في الدنيا عشان تلبسها في فرح خالتك و بقولك ايه عيزاك تبقي احلي من عشري
حمزه….بضحكه هاديه خالتو انتي بجد مش زعلانه و لا بتضحكي عليا
ليله….هو مبدأياً كده انت نهار امك اسود علي خالتو اللي عمال تقولها دي بس في العموم يعني والله العظيم و رحمة امي يا حمزه انا مش زعلانه و لو خالتك غاليه عندك بجد اوعي تزعل امك عشان هي غاليه عندي و لو تعبت بسببك هزعل منك اوي اتفقنا
حمزه….ماشي يا ليله اتفقنا طيب قوليلي هو بيزعلك
ليله….احيه عليا ياواد هو جوز امك مالك و مال الراجل لا يا اخويا مش بيزعلني محدش يقدر يزعل خالتك انتي عارفني ياواد يتفاتلي بلاد عشري بيحاول يعمل كل حاجه ترضيني و انا مبسوطه معاه و لو بتحبني بردوا مش عيزاك تضايق منه عادي يعني كلنا بنغلط بس المهم نمسك في اللي بنحبهم ولا ايه يا عم حمزاوي
حمزه….ماشي ليله المهم انك مبسوطه
ليله….مبسوطه و جداً كمان بقولك ايه كفايه رغي ورايا غداء يا اهويا خالتك بقت ست بيت ايه قمر
حمزه….بضحك هتعملي اكل ايه اختك عامله سمك و انا مش بحبه
ليله…بضحك عشان حمار في حد ميحبش السمك عموما يعني انا عامله بانيه مشوي و رز بسمتي و سلطه تعالي كل معانا
حمزه….بابتسامه لا انا ليا عزومه بس مره تانيه مش الوقت
ليله…..ماشي ياعم عامل ايه في المذاكره انا لسه عند وعدي لو جبت مجموع كويس هجيبلك عربيه و انت داخل علي الجامعه
حمزه….بذاكر والله و كله تمام و انا مش عايز اي حاجه غير انك تبقي كويسه
ليله….يا عمري انت ربنا يخليك ليا انا زي الفل بس مش هوصيك علي امك و ابوك ماشي يا حمزه و اي وقت تحب تتصل عليا كلمني و قريب هجيلكم عشان وحشتوني وبقولك ايه
حمزه….قولي
ليله….عيزاك يعني بيني و بينك كده تبقي تعلمني البلاي ستيشن عشان اغلب عشري
حمزه….بضحك بس كده ده انا مش هخليه ياخد منك ماتش واحد
ليله….اشطا حبيب قلب خالتك انت يلت هات امك و روح ذاكر مصدقت حاجه تلهيك
حمزه….بضحك ماشي يا ستي خدي معاكي اهي
اميمه…بابتسامه ايوه يا ليله
ليله….روحي يلا لابنك و خليني اروح اعمل الاكل
اميمه…بسعاده ماشي يا نور عيني هكلمك تاني
ليله….ماشي يا ستي اتصلي اي وقت
يلا سلتم يا حبيبتي
اميمه….سلام يا قلب اختك.
قفلت ليله معاها و اتصلت علي قمر و فضلت تكلمها هي كمان وقت طويل و قفلت معاها المكالمه و هما بيضحكوا عشري كان قاعد في مكانه و سامع كل كلامها و ردها و كان مبسوط و مرتاح و مصدقها
قفلت و بعدين سابت الموبايل و وقفت جهزت الغداء و حطت البانيه علي الجريل.
قام عشري بهدوء قرب منها و ضمها من ضهرها و باسها من رقبتها
عشري…..محتاجه مساعده
ليله….بابتسامه اه اوي
عشري….محتاجه ايه ؟
ليله….عيزاك تروح تقعد عشان الحضن ده مش تمام لو شغلت شيطاني عليك هترجع تزعل
عشري….بضحك شغليه انا موافق
ليله….لفت و ضمته من وسطه و لما اشغلوا بقي هتعمل ايه
عشري….بضحك هسيبك واجري طبعاً قبل ما شيطاني يحضر و نخرب الدنيا
ليله….يا سلاااام وانت تشغلني و تحرك مشاعري و تسيبني كده لا يا حبيبي وقتها هقتلك
ضحك عشري وضمها بحب و بعدين راح قعد علي البار يتفرج عليها و هي بتجهز الاكل.
…………………..
وصل تامر عند ايه علي الساعه سته الا ربع دخل عليها و هو ماسك في ايده شنطتين.
ايه….ما بدري يخربيت المواعيد
تامر….قلبييييي الصغنن بتاعي اللي جاي اصالحه علي فكره بقي انا كنت جاي في معادي بس سلمي و حسان السبب بس يعني قولت مهما حصل لازم اجي و اجيبلك اللي قولتلك عليه
ايه….باتسامه ااااا طيب يعني انا مش علي الاكل انا بس قلقت عليك
تامر….بضحك صح مصدقك و عشان كده جيت اطمنك و ماشي يلا عايزه حاجه
ايه….بضحك استني ياض هنا هات حاجتي
تامر….بضحك اه يا جزمه شوفتي بقي بس بقولك ايه جايبلك سوشي هيعجبك جداً
ايه….رفعت حاجبها سوشي بس ؟
تامر….لا يا ستي جبتلك حلويات قد كده و عروسخ شبهك و خدي بالك زعلك جه عليا بخساره
ايه….قربت تاخد منه الشنط فدايا علي فكره و عادي تزعلني و تصالحني بعد كده انا راضيه
مسكها من قفاها و هو بيضحك
تامر….ما لازم ترضي انتي خسرانه حاجه ما انا اللي بدفع غرمت حوالي الفبن جنيه
ايه…..وايه الفين جنيه عالجزمه
تامر…..بضحك صح عالجزمه يا جزمه يلا خدي حاجتك
ايه….ايه ده انت ماشي
تامر….ماشي ايه انا هاكل معاكي قاعد قلبك
ايه….طب انت الوقت بتصالحني و جايب الحجات دي ليا هتاكل منها ليه
تامر….بضحك يعني يرضيكي ادفع و امشي جعان
ايه….خلاص صعبت عليا قعد يالهووووووي عالسوشي
تامر….اي خدمه ايه رأيك بقي
ايه….الله شكله حلو اوي فين سلمي مجاتش تاكل معانا ليه
تامر….راحت شغلها
ايه….بضحك طب وانت مش تروح تشوف شغلك
تامر….بضحك لا انا قاعد و هاكل معاكي مش هتخلصي مني يعني يلا شوفي العروسه.
فضت ايه الشنط كلها و كانت مبسوطه و فرحانه بالعروسه و الحلويات زي العيال الصغيره
قعدت قدامه و بدأوا ياكلوا و هما بيضحكوا ويهزروا وصوتهم مسمع المحل كله.
وصل سلامه في الوقت ده ركن و دخل بهدوء
سلامه…..بابتسامه سلام عليكم
تامر….اهلاااااا سلوم حبيبي
سلامه….اخبارك يا تيمو
تامر…..غرمان وطالع عين اهلي عشان اصالح القرده دي
سلامه…..بابتسامه تجنن ايه غرمتيه
ايه….طبعاً عسان يحرم يزعلني
سلامه….عامله ايه
ايه…..الحمد لله اسحب الكرسي ده و تعالي كل معانا يلا
سلامه….لا اكل ايه انا مش قادر واكل وكله تمام
ايه….والنبي كل معانا
سلامه….والله شبعان مش قادر
تامر….مبتحبش السوشي ولا ايه هيعجبك جدا
سلامه…باكله عادي بس والله واكل و مش قادر طمني عملت ايه مع حسان
تامر….سلمي طلعت عنينا طبعاً بس الحمد لله خدت كل المقاسات و اتفقنا علي كل حاجه
سلامه….هتبدأ من امته بقي
تامر…..امممم مش عارف مستني حسان يفضي البيت يعني الموضوع نتوقف عليه
سلامه….هو كان بيقولي مستني بس يلاقي شقه قريبه يأجرها شهر تقريباً
تامر….ما انا سيبته بقي علي اساس يشوف انهارده شقه و قالي لو لقي شقه هيبدأ يلم حاجته في اوضه و نقفلها و نخلي الشغل فيها في التخر بعد ما الاوضه بتاعت النوم تخلص عشان يحط حاجته فيها و بس هياخد حجات بسيطه معاه لحد ما نخلص
ايه…طيب ما ادام حاجته هتفضل في اوضه ما يقعد فيها هو كمان بدل ما يروح شقه تانيه و يبهدل نفسه
تامر….والله انا اقترحت عليه انا وسلمي نفس الاقتراح قولتله سيب معاك سرير صغير و حاجتك معاك و خليك فيها قالي هشوف لو ملاقتش هعمل كده
سلامه……بس بيتهيألي حسان مش هيعرف حسان ملهوش في البهدله و مش هيقدر يقعد في البيت و هو متبهدل مع ريحة الدهانات واكيد العمال هتيجي من بدري
تامر….انا معرفش اللي يريحه يعملوا
ده قراره هو
سلامه….يلا علي خير ان شاء الله
لسه قافل مع عسال كمان و هو و نادين كانوا بيشوفوا البيت
ايه….الكل خلاص قرر يتجوز
تامر….اه ماهو كلمني بردوا وانا جاي و هخلص مع ايه و رهوح اشوفوا
ايه….بضحك و تعطل نفسك ليه يا قلب اختك يلا انكل علي الله انا اتصالحت
تامر….بضحك اه عايزه تخلصي مني عشان تاكلي لوحدك بس بعينك
ايه….بضحك انا مقدرش انا مش عايزه اعطلك بس يعني انا بهمك ان انا اللي زعلانه ودي حاجتي فا اتكل علي الله بدل ما ازعلك
تامر….بضحك عاجبك المعامله دي يا عم سلامه
سلامه….بابتسامه انا مليش دعوه ياعم انتوا اخوات وبره عني
ايه….هو عايز يقولك اني معايا حق بس محروج منك بس الحدق اللي يفهم
تامر…..بضحك طب ياستي امسكي اكلك اهو مش عايز منك حاجه و هقوم امشي من وشك كمان بس هاخد العروسه دي
ايه….سيب عروستي.
تامر….بعينك انا هاخدها معايا
ايه….حلو وانا هاخد موبايلك خدت الموبايل و بعدت كام خطوه
تامر…..بضحك بت هاتي موبايلي بدل ما افضحك و اقول لسلامه علي منظرك الصبح بقولك ايه ياسلامه بتنام و هي حاطه الشراب جوه البنطلون عشان لو لعبت ماتش في الحلم و خد بالك بتنام زي المثلث دي مش نومه بني ادمه طبيعيه ومش هي بس هي و كلابها
ابتسمت سلامه و هو بيضغط علي نفسه.
تامر…..هاتي التليفون ولا اشردك اكتر
ايه….بعينك و مش عايزه العروسه انا بقي هتصل بالجو بتاعك اقولها اني حبيبتك
تامر…..ولا يهمني بتغيظيني يعني ما انتي حبيبتي فعلاً
سلامه كان مبتسم بس من جواه خلاص في نار بدأت تقيد مش عارف يسيطر عليها
ايه….بجد طيب طمنتي هي كان اسمها ايه بصت في الموبايل اااااا اه منه لا ساره
تامر….بضحك استني الله يخربيتك جري وراها جريت علي جوه و بعدين نزلت من تحت ايده و رجعت تاني علي بره قدام سلامه لفت من المكتب وتامر عمال يضحك و عايز يوقفها و ياخد منها الموبايل
قفشها وهي بتجري و ضمها من ضهرها و كتفها و الاتنين ميتين من الضحك هو بيحاول ياخد منها الموبايل و هي قافله عليه
و سلامه خلاص جاب اخره و في نفس الوقت مش عارف يقول ايه عمال يضغط علي فكه و عينه عليها تامر واقف حاضنها من ضهرها و ايده بتلسمها شويه يمسك وسطها وشويه يمسك دراعتها و شويه يكتفها و يضغط علي جسمها بصدرها كان بيموت حرفياً
خد تامر الموبايل منها و هو بيضحك
ايه…بضحك ضربته والله ما هسيبك
تامر….يخربيتك اوزعه بس فرهدتي امي يكون في علمك انا لولا متاخر كنت روقتك بس لما ارجعلك
ايه….بضحك وهي مش قادره تاخد نفسها هنام قبل ما تيجي
تامر….هصحيكي يعني انا هغلب ابعدي بوظتي الهدوم يا رخمه الله يعينك يا سلامه قلبي عندك
بصلوا سلامه لهدوء و رسم علي وشه ابتسامه مزيفه
تامر….بقولك ايه انا هروح لعسال كده اشوفوا انت قاعد شويه صح
سلامه….ااااا اه شويه بس مش رايح لعسال انا عندي مشوار شغل
تامر….طيب انا هخلع انا بقي و هبقي اشوفك تمام
سلامه…..تمام يا تامر
تامر…..سلام يا مجنونه
ايه….بابتسامه باي يا قلبي قعدت ايه قدام سلامه و هي بتضحك عجبك البهدله دي مش تقوم تدافع عني
مسك سلامه راسه كان حاسس ان دماغه هتنفجر
ايه….انت مالك مصدع ولا ايه
سلامه….احممم يعني شويه اااا انا ماشي
ايه…ماشي امال انت جاي ليه خلبك شويه انت لحقت
سلامه….ورايا شغل انا جيت اشوفك بس
ايه…..طب خليك شويه عشان خاطري
سلامه….قولتلك عندي شغل
ايه….سلامه انت فيك حاجه مالك
سلامه….مالي ما انا تمام اهو مصدع بس شويه
ايه….لا الموضوع مش صداع انت في حد مضايقك
سلامه….بتنهيده لا خالص كله تمام
ايه….امال في ايه طريقتك و نبرتك و كل حاجه غريبه
سلامه…..مفيش يا ايه في ايه شيفاني بشد في شعري
ايه…..لا بس لو سيبتك شويه كمان هتشد في شعرك
سلامه….اووووف ايه انا ماشي
مسكته بسرعه من دراعه استني هنا هو ايه اللي انا ماشي مالك يا سلامه في ايه بجد
سلامه….ايه خليني امشي احسن
ايه…..لا مش هتمشي يا سلامه غير لما اعرف في ايه
سلامه….يا ايه بقولك مفيش حاجه خليني امشي من فضلك
ايه….ماهي طريقتك دي لوحدها تخليني اتأكد انك فيك حاجه و مش هتمشي غير لما اعرف
سلامه….ايه لو قعدت هتزعلي و مترجعيش تلوميني خليني امشي عشان انا مس طابق الهدوم اللي عليا
ايه….طيب خلاص اهدأ قولي طيب انت زعلان مع عسال او حد من الشباب في حد طيب ضايقك في عندك مشكله انا معرفهاش
سلامه…..ايه بقولك سيبي ايدي و خليني امشي بجد مخنوق و محتاج اكون لوحدي
ايه…..طيب قولي في ايه و هسيبك والله و بعدين انا بقولك كل حاجه و مش بقولك محتاجه اكون لوحدي طيب هو انا زعلتك
غمض سلامه عينه بغضب كان عايز يمشي لانها لو ضغطت عليه اكتر من كده هيقول كلام جايز يعمل بينهم مشكله وفي نفس الوقت واثق ان هي مش مركزه في الموضوع و بتتعامل عادي جداً فا الحل انه يمشي و يهدأ
ايه…..سلامه بصلي انت زعلان مني انا عملت حاجه ضايقتك وانا مش واخده بالي انت لحد من شويه كنت كويس لما كلمتني جرالك ايه الوقت
سلامه….طب بصي هتسبيني امشي يا ايه ولا هترجعي تندمي اني فتحت بوئي و تزعلي من رد فعلي
ايه…طيب هو انا عملت ايه طيب لكل ده طيب هو انت افتكرت الفستان و رجعت اضايقت تاني
سلامه…..بصلها بغضب اكبر لانها بجد مش فاهمه ايه انا ماشي
ايه….سلامه استني ارجوك قولي و انا والله مش هزعل منك مهما حصل بس عرفني
سلامه….متأكده انك مش هتزعلي صح؟
ايه….لا مش هزعل بس قولي في ايه؟
لف المفتاح و قفل الباب و مسك كفها بغضب و دخل بيها علي جوه عشان صوته محدش يسمعه.
ايه….سلامه براحه انت ايه اللي جرالك.
دخلها جوه عند مكان البانيو و ساب اديها جريت خطوه و وقفت بصتلوا بتوتر و خوف من العصبيه اللي هو فيها قرب منها بغضب.
ايه….سلامه في ايه انت مخوفني منك بجد انا و المصحف ما عملت حاجه.
سلامه….لا عملتي مسك دراعها بغضب يعني ايه تامر يدخل عليكي الصبح و انتي نايمه في الاوضه بتاعتك ازاي تسمحي اصلا انه يشوفك و انتي نايمه
بصتلوا ايه بصدمه و عدم استيعاب.
سلامه….انتي ازاي تخليه يقرب منك اصلاً بالشكل ده يلمسك و يقف وراكي و يحضنك و يقرب من جسمك بالمنظر ده
ايه….بابتسامه صدمه سلامه ده مقلب من مقالبك صح انت بتهزر
سلامه…..انا مبهززززززرش
ايه….يعني ايه مبتهزرش انت بتتكلم جد جد يا سلامه
سلامه….ايه مش باين عليا اني بتكلم جد و لا المفروض اني اكون بهزر اصلاً و ددددده طبيعي
ايه…..اه يا سلامه المفروض ان ده يكون طبيعي و ان كلامك ده يكون هزار عشان لو بجد تبقي اتجننت بجد
سلامه…..قرب منها و مسكها بغضب اكبر انا اللي اتجننت هو انتي بجد مستوعبه اللي بتقوليه خبط بصوابعه راسها عقلك ده شايف ان وقفته في ضهرك و تكتيفته ليكي و دراعه اللي كان ملفوف علي وسطك و صدرك وهو بيحاول ياخد الموبايل ده طبيعي
ايه…..بصدمه خبطته في صدرها بكل قوته انت اتجنننت يا متخللللف ده اخوووويا
سلامه…..قرب منها تاني بغضب لا مش اخوكي يا ايه تامررررر مششش اخووووكي تامر ابن خالتك يعني يجوزلك كون ان انتي شيفاه اخوكي دي حاجه حلوه بس انك متحطيش حدود للهزار و خصوصيتك في اوضه نومك يبقي لا مش اخووووكي
ايه…..لا لا لا انت مش طبيعي انت يا شارب حاجه يا مش مستوعب انت بتقول ايه
سلامه…..انتي اللي مش مستوعبه المنظر القذر اللي كنتي فيه الوقت
ضربته تاني و هي بتعيط و بتبصلوا غضب فظيع
ايه….اسسسسسكت اسكت متكملش يا متخلف انت ازاي اصلا تفكر بالطريقه دي ازاي تشوفني انا و تامر بالقاذره دي تامر اخويا و متربين سوا عمري ما شوفته غير اخويا و هو عمره ما شافني غير اخته بنتعامل بالطريقه دي عشان ده يثبتلك يا غبي اننا اخوات و منجوزش لبعض اووووعي اووووعي تفكر مره تانيه تتكلم عن علاقتي باخويا عشان والله يا سلامه ما هتشوف وشي تاني
سلامه….بغضب قرب مسك وشها بايده و انتي اوعي مره تانيه تهدديني بحاجه غلط علاقتك بتامر عمري ما ركزت فيها ولا علقت عليها اصلااااااا بس لما اعرف من الهانم انه دخل الساعه خمسه ونص الصبح عليها اوضتها يبقي لازم اعلللللق لما اسمعوا وهو بيوصفك و انتي نايمه حتي لو بهزار هز وشها بعنف يبقي لازم اعلق لما اشوفه لازق في ضهرك و حاضنك و مكتفك و ايده تحت صدررررررك يبقي لازم اعلق وافوقك و اقولك انه مش اخوكي يا غبيه
ايه……و انت بقي بتشوف ميدو بنفس الكريقه مع اختك هااااا ما هو ميدو نفس وضعي بس الفرق هو الراجل و انا البنت اييييييه بتغير علي اختك منه حاطتلوا حدود و لا انت عايز تفهمني انك مش بتغير علي ريهام ايه هتحبني و تخاف عليا اكتر من اختك ما هو ميدو بيهزر معاها و انا بنفسي شوفت طبيعه علاقتكم ببعض مقالب و ضحك و هزار و جري و تنطيط طول الوقت
ولا انت مش بتشوف يا سلامه طب لو كده ليه نادين عمرها ما قالت انها غيرانه علي ميدو من ريهام ليه انت نفسك عمري ما حسيتك غيران عليها من ميدو بتثق في ميدو و شايف انه اخوكم و مش بتثق في تامر لا يا حبيبي فوق تامر اخويا زي ما كلكم شايفين ان عسال اخوكم و اوعي في مره تفكر تحلل ليك اللي تحرمه عليا
سلامه….ميدو انا عمري في حياتي مافكرت اركز معاه زي بالظبط ما عمري ما فكرت اركز مع تامر بس ميدو عمري ما شوفته بيدخل علي ريهام اوضتها الصبح و كلنا نايمين
اللي متعرفيهوش ميدو عشان يدخل علي امي نفسها بيفضل يخبط لحد ما تقولوا ادخل يا ميدو و سبحان الله بتبقي عارفه انه هو لان انا و مصطفي بنخبط خبطه و نفتح قبل ما تدينا الاذن حتي ميدو طول عمره عامل حدود من عند ربنا لو لمح في مره ريهام لابسه لبس في البيت كاشف جسمها بيتعصب عليها و يقولها قومي البسي حاجه تانيه
عمره ما فتح عليها باب اوضه و لا عمري شوفته في اوضتها و لو حصل الباب بيبقي مفتوح علي وسعه عمري في حياتي ما شوفته بيهزر معاها و واقف وراها او بيمسك فبها بالمنظر ده انا نفسي اخووووها و اتكسف اهزر معاها الهزار ده انا ممكن ارخم عليها اضربها ازقها لكن بالطريقه دي مستحيل و اتحداكي
لما بنكون قاعدين بنتفرج علي فيلم مع بعض و تيجي ريهام تقعد في وسطنا و تسند علي كتف ميدو بيعدل نفسه بسرعه و يفضل يسحب نفسه واحده واحده لحد ما يبعدها عنه او تسند عليه بطريقه لطيفه شويه مش هقولك ان ميدو مش بيحضن ريهام مش بيسلم عليها مش بياخدها في حضنه اوقات بس يشهد ربنا ان عمرك يا ميدو ما حضنت اختي بطريقه تخليني اتقفل منك
ميدو اخويا و حته مني و اغلي واحد في الدنيا علي قلبي حتي اكتر من امي نفسها اااااه بس احس انه بيتمادي مع اختي اكلوا بسناااااني
حتي لو بهزار هعرف اوقفه عند حده بشياكه عرفتي ليه عمري ما ركزت و عرفتي ليه نادين عمرها ما غارت من ريهام لان ريهام نسخه منك هبله و بتتعامل بطبيعتها و ميدو بيتعامل بجد علي انه اخوها بس وقت اللزوم انا بفهم ان ميدو فاكر كويس اوي انها بنت خالته و تجوز ليه جايز يا ستي انا متخلف جايز انا وامي و اخواتي نختلف عنكم و مش هقولك ان تامر نيته وحشه عشان انتي عارفه اني بحبه بس اللي حصل مش عاجبني انتوا واخدين علي كده تمام بس قبلي انما بعد ما بقيت في حياتك يا ايه لااااا هزري و اضحكي و اعملي اللي يعجبك بس كله بالاصول لا يدخل عليكي اوضه و انتي نايمه ولا يهزر معاكي و يلمس جسمك لو مش عشاني عشان دينك اللي بيقول كده
ايه….بدموع سلامه انا متربيه معاهم اوعي تقول انهم مش اخواتي دي ديني بيقول كده بس في علاقتي بتامر بالذات ربنا شاهد ان تامر اخويا مش زي اخويا
سلامه…..لا يا ايه زي اخوكي مش اخوكي اعتبريه اخوكي في اي حاجه الا دي انا بقولك ان انا نفسي عمري ما تخطيت حدودي مع اختي عمري ما هزرت معاها هزار ينتهك خصوصيتها انا معاكي يا ايه ربنا يشهد اني عمري ما حاولت اقرب منك او انتهك برائتك دي و يوم ما قربت قربت بس عشان اثبتلك اني بحبك واني بشوفك بنت كامله مش صاحبي زي ما انتي تخيلتي
ايه….بس قربت و انا مزعلتش بالعكس كنت مبسوطه و مش خايفه منك ما انا ممكن الوقت اقول انك مش بتحبني ادام لمستني و سمعت كلامي ما انت عايز تهز ثقتي في اخويا يبقي يلا خليني اهز ثقتي فيك انت كمان
سلامه….بغضب مسكها من دراعها تنا مقولتش ثقتك تتهز في اخوكي ولا قولت اني شاكك فيه حتي انا رفضت هزار بطريقه معينه وده حقي رفضت انه يدخل عليكي اوضة نومك و ده حقي طب احنا الوقت في شتاء و انتي لابسه هدومك افرضي احنا في صيف و نابمه براحتك بحاجه قصيره عادي انه يدخل و يشوفك يا ايه
و بعدين انا واثق في نفسي كويس اوي جايز لما ريهام تتخطب ابقي رخم وجداااااا وارفض حجات كتير بس ده مش معناه اني بحبها اكتر منك او بخاف عليها اكتر بس انا واثق في حبي ليكي لكن مقدرش اثق في اي شخص بدخل حياتها و اثق في ميدو عشان هو متربي معانا وهو اربع سنين و داخل خارج معايا مش بيسيبني علي طول قدام عيني بس انتي مش قدام عيني يا ايه مش شايف تامر مش عارف طبيعة هزاره و قربه منك واصله لفين فهمتي و لا اقول تاني
ايه…..طب ما انا كمان متربيه معاهم ودخلت و سطهم و انا صغيره اه كنت اكبر من ميدو شويه بس ده يمنع اني اشوفه اخويا و يشوفني اخته طيب بلاش كل ده عايزين بعد العمر ده كله اروح اقوله اوعي تدخل عليا الاوضه اوعي تقرب مني اوعي تهزر معايا طب ما احنا طول عمرنا كده و بعدين ادام انت بتغير و بتخاف عليا كده كملت بعياط ما الاولي تغير عليا من بابا يا سلامه ما هو في الحقيقه جوز خالتي يلا خلينا نفقد ثقتنا في الكل بقي و نقول انه راجل كبير و جايز يبصلي باصه مش تمام و يستغل قربي منه و قعدتي معاه وقت طويل لوحدي و هي سلمي و تامر في شغلهم يلا خوفني اكتر من عيلتي الوحيده يا سلامه
سلامه….بغضب لو حكمت اااااه هخوفك عارفه ليه عشان مفيش بني ادم في الدنيا ينفع نثق فيه ثقه عمياء حتي اناااااا الاب بقي مش امين علي ولاده و الاخ و الجد والخال والعم ايه مش بتشوفي اخبار وحوادث جايز اوي يكون تامر بيتعامل معاكي علي انك اخته
بس اوووووعي اوووووعي التمادي في الهزار و اللمس و القرب يخليكي تفضلي شايفه انه اخوكي حتي لو اخوكي و قرب منك بالمنظر ده فوراً لازم تحطي حدود لان الست علي راسها شيطان بيغوي الراجل و بيزين الست في عينه و الطفل علي راسه سبع شياطين عشان كده لا نثق في وجود طفل مع شخص غير امه و لا الست مع اي راجل غريب اللي قولته ده هيتنفء بالحرف تعمليها ازاي دي مش بتاااااعتي من اللحظه دي حتي وانا مش معاكي و مش شايفك تامر ليه حدود معاكي من هنا و رايح عشان ده شاااااب اخوكي علي عيني وراسي بس يلمسك او يلمح طرف منك وانتي نايمه هقطع رقبتك انا لحد امبارح كنت تمام و مش مركز بس ادام ركزت يبقي تاخدي بالك عشان متجبيش النكد لنفسك وحاجه كمان مخك ميجيبش و يودي علاقتي بتامر زي الفل و هتفضل كده و بعد جوازنا هيفضل في عيني اخوكي و اي وقت هيجي هحطه علي راسي بس تحطي حدود عشان تفضل العلاقه دي كده و يكون في علمك في اقرب وقت هنتجوز و مش هستني صييييف مفهوووم
بصتلوا ايه و هي بتعيط
سابها سلامه واقفه و مشي من قدامها راح فتح الباب و خرج ركب عربيته و مشي قعدت ايه في الارض علي ركبها و هي منهاره من العياط
…………………
عند حنان.
نادين…..طيب ساعدوني شويه
حنان….يا بنتي ده بيتك يعني مملكتك الخاصه لازم تختاري فيها كل حاجه و بنفسك انتي اللي هتقعدي و تنامي و تصحي و تعيشي فيها احلي الاوقات يعني لازم تختاري فيها كل حاجه
ريهام….صح يا نودي ماما معاها حق و بعدين هو مش انتي اللي فارشه بيتك علي مزاجك عايزه عش الزوجيه احنا اللي نختاره
بصتلهم نادين بقلة حيله كانت واقفه معاهم في المطبخ
نادين….انا مقولتش اختاروا يعني اقصد قولولي رأيكم
حنان…..نقولك عادي رأينا في الحاجه اللي انتي مختارها لكن نختار دي تيجي ازاي بقي وبعدين انتي ليه حيرانه كده المفروض ان دي طبيعه شغلك اصلاً انتي دخلتي شقق كتير بيعتي و اجرتي يعني المفروض يكون عندك كميه افكار تجنن واكيد دخلتي شقق عجبك فيها مطبخ ديكور تقسيمه غرف
نادين….صراحه انا كل بيت دخلتوا عجبني في حاجه فعلاً و ديماً لما كنت ادخل شقه و يلفت نظري حاجه فيها اقول هعملها في بيتي بس طلع الموضوع صعب اوي لما شوفت البيت انهارده و حسيت ان ده بيتي و هقرر بقي اعمل فيه ايه لاقيت نفسي ناسيه كل حاجه و كل اللي كان بيعجبني اتمسح من دماغي
مبقتش عارفه اقرر خالص
ريهام….ده طبيعي يا نادين لانك اول مره تشوفي البيت فا اكيد مش هتقدري تفتكري ايه اللي كان بيعبجك و ده ينفع فين و ده مينفعش فين انتي اقعدي بقي بهدوء و قرري مع نفسك.
حنان….اول مره تقولي حاجه عدله هي معاها حق انتي لسه شايفه بيتك انهارده اكيد من كتر حماسك مش هتبقي عارفه تعملي ايه و لا ايه يعني اكيد نفسك تعملي فيها كل حاجه و في نفس الوقت ضيعتي
نادين….صح انا ضيعت والله صح هو ده التعبير اللي مش عارفه اوصفه فجأه نسيت كل الافكار الحلوه و كل حاجه عجبتني
حنان….يبقي نهدأ كده و بلاش توتر و اكيد فاكره تقسيمة البيت و لو مش فكراها روحي مره و اتنين وتلاته لحد ما تستقري و تبقي عارفه انتي عايزه ايه في بيتك
نادين….ماشي بس بردوا هتقولولي رأيكم لما اختار يعني ممكن اختار حاجه مش حلوه مش هتنصحوني
حنان….هننصحك اكيد بس انا هقولك الوقت نصيحه حلوه اوي
نادين….قولي
حنان….بصي انتي جايز عجبك افكار كتير في الشقق اللي شوفتيها و الاماكن اللي دخلتيها و ممكن فعلاً تكون افكار تجنن بس خدي بالك اوقات الافكار الحلوه كلها لو اتحطت في نفس المكان بتبقي وحشه
نادين…..يعني ايه ؟
حنان….هفهمك يعني تخيلي كده جيبنا احلي حاجه في كل ست في الدنيا عيون شفايف مناخير جسم شعر و ركبناهم علي بعض اكيد مش هتطلع احلي ست في العالم دي ممكن كمان تبقي اوحش ست اللي اقصده ان مش كل الافكار الحلوه ينفع تتحط في مكان واحد احنا بناخد الحلو اللي يناسبنا وبس فهمتي
نادين….بابتسامه صح فهمت بس هو عموما اللمسات دي بتبقي بتاعت المهندس انا هقول افكار مش اكتر و المناسب يتعمل
حنان….الله ينور عليكي بس كده انتي قولي اللي انتي عيزاه يتعمل و اللي ينفع فيهم استقري عليه
نادين….بضحك طب ما انتي بتعرفي تقولي اهو يا حنون امال مغللاني معاكي ليه
حنان….بابتسامه اه لو علي نصايح من عنيا انما انا اختار لا و لا حتي ميدو الست هي اللي بتختار كل حاجه انتي فاكره ان في حاجه هوا في البيت حد فيهم مختارها لا طبعاً انا اللي مختاره هما بقي لما يروحوا
بيوتهم حرين ريهام تختار عشان بنت انما مبدو وسلامه و مصطفي لا لو ست البيت اللي معاهم حابه انه يشاركها كتر خيرها محبتش هو ميعترضتش لانه مس قاعد في البيت قدها
ريهام….بضحك يا بختك بحماتك يا بنت المحظوظه
نادين….بضحك صح يا بختي والله حنون دي قمر ربنا يخليكي لينا
حنان….بسعاده و يهليكم ليا كلكم يلا تعالي بقي بلاش رغي تعالي اعملي الرز و وريني كده فاكره لسه طريقته ولا نسيتيه
نادين….بسعاده لا فكراها والله
حنان…..يلا و ريني شطارتك و انتي اخلصي مكانوش كام طبق بتغسليهم
ريهام….كل ده كام طبق ده انا غسلت كل المواعين اللي طلعت وراكي .
حنان….طب يلا بلاش لماضه.
فضلت نادين و ريهام يضحكوا و قدرت حنان بطريقتها تخليها حاسه انها واقفه في بيتها لانها في الاول كانت مكسوفه لما ميدو سابها و نزل
بس فكت بعد كده و نسيت انها في بيت حماتها و من غير ميدو
……………….
في السويد..
خرجت ايمي و رشيد و اميره و كريم مع بعض و بدأوا يفرجوهم علي البلد يا دوب ناموا شويه صغيرين و صحتهم اميره لبسوا و خرجوا و الولاد كانوا في البيت.
اتمشوا كتير و شافوا البلد كده علي بسيط عشان ده اول يوم ليهم
دخلوا مطعم عشان يتعشوا فيه و يقضوا سهرتهم.
اميره…….بصدمه ده انتوا طلعتوا مجانين جوزتوها بجد من غير ما تعرف
ايمي….بضحك اه ماهي مكانتش هتوافق غير بالطريقه دي بس كمان خدي بالك يعني هنا اصلا كانوا هيتجوزوا بعدي انا و رشيد باسبوعين طبعاً بعد اللي حصل ده كله الجوازه وقفت احنا بقي مخلينهاش و قفت يعني معملناش حاجه
كريم….بضحك ايه البراءه دي
رشيد….بضحك مقنعه اوي
اميره….بصي هو جنان بصراحه و ليها حق تقتلكم بس يعني بيتهيالي انتوا لو مش واثقين في حبها ليه و ان هي من جواها موافقه مكنتوش عملتوا كده
ايمي….طبعاً ده اكيد و مش هي بس انا لو شايفه ان عشري ميستاهلش ليله مكنتش وافقت و مش انا بس حتي اخواتها و البنات مكانش حد فينا هيوافق عشري و اصلا الفكره طلعت من واحده مننا مش منه هو
اميره…..المهم يعني هي احسن
ايمي….كتير الحمد لله هما الاتنين مجانين و بيعشقوا بعض اصلا
كريم….بصي انا مؤمن ان مفيش علاقه حب بتقوي اكتر غير بالمشاكل المشاكل هي اصلا اللي بتخلينا نعرف العلاقه دي هتكمل ولا لا.هنتحمل بعض ولا لا هنتمسك ببعض اكتر ولا لا يعني بيتهيألي اللي حصل بينهم ده هيخلي فيه بينهم رابط اقوي بكتير
رشيد….بالظبط و كمان هيفهموا طباع بعض اوي و كل واحد فيهم هيعرف ايه الخطوط الحمراء بتاعت شريكه و هيتلاشاها عشان ميخسرهوش
كريم….صح ربنا يسعدهم يارب ووالمهم ان الموضوع خلص و انتوا جيتوا
اميره….اه والله دي احلي حاجه
ايمي…..انا عندي سؤال فضولي هموت واعرفه
اميره…قولي
ايمي….انتوا ازاي موجودين في السويد من عشرين سنه و الولاد بيتكلموا عربي حلو اوي كده
اميره….اولا احنا مسافرين من اتنين و عشرين سنه احنا اتجوزنا في اخر سنه ليه كريم سافر قبلي و انا خلصت امتحانات و سافرت ليه علي طول و ثانياً احنا اصلا مكناش هنا من وقت ما سافرنا احنا زب ما بيقولوا كده خدناها كعب داير قعدنا سنه ونص في ايطاليا و بعدين روحنا تركيا حوالي سبع شهور و بعدين كريم قرر اننا نروح امريكا قعدنا هناك حوالي تسع سنين و بعدين كان في شغل لكريم بين امريكا و السويد و بعد كده قررنا نستقر هنا
ايمي…..ده كعب داير بجد طيب ازاي الولاد متأثروش باللغه
اميره….احنا طول الوقت بنتكلم عربي في البيت اصلا بنتفرج علي افلام عربي كتير و كريم ديماً بيحاول علي قد ما يقدر اننا في البيت ننسي اي لغه
كريم…..بصي لازم الولاد يعرفوا هويتهم حلو انهم بتكلموا اكتر من لغه بس الاحلي من ده انهم يحافظوا علب لغتهم العربيه و يفتخروا بيها علي فكره محمد لحد ما وصل تسع سنين تقريبا مكانش بيتكلم كلمه عربي و ده اللي خلانا نقول ستوب لازم يتعلم لغه بلده مايا كانت بتتكلم تحسن منه بكتير لكن هو لا و غلبنا لحد ما فضلت وراه انا واميره و اتكلم و بعدين احنا بنسافر مصر علي طول في كل اجازه يمكن دي اطول مده منزلناش فيها مصر بس نزولنا بصفه دايمه ساعد محمد في انه يتكلم و يتعامل لحد ما بقي زي ما انتي شايفه كده مجرم
ايمي….طيب مفكرتوش ترجعوا مصر يعني موحشكوش انكم تستقروا فيها بقي
رشيد….بضحك ايوه دي الاسئله الصح
اميره…بابتسامه عايزه اقولك ان كريم هيموت ويرجع اصلا كريم كان ناوي في الاول انه يقعد سنتين تلاته في ايطاليا و نرجع نستقر بس فتحت مننا و بصراحه انا اللي كنت بحمسه
كريم….انا عمري ما حبيت الغربه و طول الوقت هموت وارجع بس هي اللي بتقولي لا خلينا نكمل و لسه بدري
اميره….علي فكره حتي الولاد زهقوا و نزولهم لمصر خلاهم حابين اننا نرجع جداً في الاول و هما اكفال مكانش بيفرق معاهم بس لما نزلوا اكتر من مره و هما كبار عجبتهم اوي و هيموتوا و يستقروا هناك
ايمي….طب ما ليهم حق هو في حد يقعد في مصر و ميتمناش يفضل فيها بصي البلد هنا تجنن هدوء وراحه و طبيعه بس كئيبه انا من الناس اللي بتحب الشتاء جداً بس كمان الجو هنا صعب و بعدين الناس في بيوتها بسبب الثلج و الجو ده فا تحسي ان في هدوء و صمت رهيب انا بحب الهدوء اوي علي فكره يعني انا ست رايقه و مبحبش الدوشه و الازعاج و بحب الخصوصيه جداً
بس كمان مش بالمنظر ده مصر ليها روح تانيه خالص دي بلد شعبها مش بينام صيف شتاء اجوائها ديماً جميله بيتهيألي انتوا هنا لا بتحسوا بالعيد و لا رمضان
كريم….مستحيل ده رمضان لوحده قصه في مصر عايز اقولك ان سبب طلب الولاد في النزول لمصر لاننا روحنا مره في رمضان و شافوا بقي السهر و الاحتفالات وزي ما قولتي محدش بينام الزينه و الفوانيس السحور و وقت الفطار و الناس بتوزع عليهم اكل وعصير
ايمي…..طيب ليه يا اميره مس حابه تنزلي يعني كريم و الولاد حابين ده خصوصا الولاد يعني هما اتربوا بره مصر و مع ذلك هما اللي حابين ينزلوا
اميره….بصي انا الوقت هتجنن وانزل بس حالياً مينفعش ناخد الخطوه دي لان خلاص محمد قرب يخلص دراسته هو و مايا كمان محتاجين و قت نصفي الشركه بتاعتنا او نلاقي مستثمر ياخدها بسعر كويس لاننا تعبنا فيها اوي ايمي انا تعبت انا وكريم اوي عشان نوصل للي احنا فيه و صعب في يوم وليله نرجع قبل ما ناخد تمن تعبنا و غربتنا انا و كريم كنا متفقين اننا نأجل موصوع الحمل ده خمس سنين علي الاقل عشان نبقي خفاف و نقدر نستقر انا حملت بعد سنه و نص او اقل كمان ولدت محمد في تركيا و حملت في مايا بعد الاربعين هي ومحمد اصلا مفيش بينهم سنه كامله يعني حوالي 11 شهر او عشره كمان و ولدتها في امريكا فا انا وهو تعبنا و انا كنت لوحدي حملت و ولدت و ربيت لوحدي مكانش معايا غير كريم فا تعبنا والله يا ايمي فا خطوه النزول لازم تكون محسوبه كويس قبل ما ناخدها بس هي اكيد ان شاء الله انا بس مستنيه الولاد يخلصوا عشان مجيش في اخر سنه ابوظلهم كل حاجه عايزه لما انزل بيهم بكونوا مخلصين شهادتهم فهمتي
ايمي….فهمت و معاكي.حق بس يعني اهي هانت الحمد لله.
رشيد…وانت يا عم كريم في اقرب وقت شوف صرفه في الشركه عسان ست اميره مترجعش تتلكك
كريم….لا انا عارف خلاص ان امبره تعبت و دي فعلاً رغبتها و احنا متفقين عليها بقالنا فتره عشان كده الولاد كمان متحمسين و مركزين في دراستهم عايزين يخلصوا احنا هنا موحودين بجد ما بيصدقوا ننزل و نشوف حد الغربه مش سهله
رشيد….طبعاً مس سهله
ايمي….ان شاء الله تنزلوا قريب و تبقوا معانا بقي
اميره….يارب يا ايمي
رشيدد….بضحك صحيح خدي يا بت هنا انتي ايه اللي طلباه من امك ده بهارات و ملوخيه و جبنه رومي ايه الطلبات دي انا مش عارف لحد الوقت ازاي عدينا من المطار
اميره….بضحك ما انا قولتلها تلفهم ازاي هموت عليهم يا محمد والله عايزه اي حاجه من ريحة مصر
رشيد….دي مصر بحالها جاتلك مش عاجبك انا
اميره….بضحك لا عاحبني طبعاً ده انا روحي رجعتلي لما شوفتك والله يا محمد كنت واحشني اوي
رشيد…. انتي والله وكريم و الولاد امك و ابوكي هيتجننوا عليكم بجد ياريت بجد المرادي قرار النزول يبقي اكيد عسان نتلم بقي كلنا مع بعض
اميره….قريب و الله يا حبيبي اصلا كفايه كده اوي هانت خلاص متقلقش شويه كده وهتلاقيني بقولك شوفلنا بيت
رشيد….يلا قولي انتي بس و انا هنفذ
كريم….ان شاء الله قريب يلا كلوا الاكل هيبرد.
………………..
عند ليله و عشري
علي الساعه سبعه اتصل محمود علي عشري.
عشري…..ايوه يا محمود
محمود…كيفك يا اخوي
عشري….احسن الحمد لله
محمود….يارب ديماً بقولك ايه امك عرفت ابوك قالها و هتتجنن و تطلع تشوفك انا قولت اقولك قبل ما تطلع ايه اجيبها و لا ايه
عشري…..مخبول انت اياك طبعاً تنور
محمود….طيب عشر دقايق و هوصلها لتحت البيت بس مش هطلع عندي مشوار و هي طالعه هعرفك و لما تنزل هبعت سليم ياخدها او عدي ماشي
عشري….تمام يلا مستنيها
محمود…..سلام يا اخوي
عشري….سلام
قفل عشري و بص لليله
ليله….في حاجه ولا ايه؟
عشري…اه امي عرفت ابويا قالها و محمود قالي انها عايزه تطلع تطمن عليا
ليله…..طيب تمام خليها تطمن عليك
عشري….امممم يعني مش مضايقه
ليله….باستغراب نعمممم انت عبيط يا عشري
عشري….لا بس يعني عارف انك اكيد واخده منها موقف هي كمان
ليله….لا يا عشري اطمن مش واخده منها موقف و انت عارف اني بحب امونه
عشري….بابتسامه باس راسها عارف
ليله…..بقولك ايه وسع خليني اقوم البس حاجه بسرعه احسن تقول بتحرش.بيك و انت تعبان
عشري….بضحك ماهي دي الحقيقه و هفتنلها عليكي خدي بالك
ليله….بضحك طب افتن عشان اقولها انك خلتني احميك
عشري….ولا بيهمني دي هتفرح لولدها
ليله…..بضحك طبعاً ما لازم تفرح يا اخويا
عشري….بضحك ليله
بصتلوا بهدوء و هي مبتسمه
عشري….انا امي جاتني نجده من السماء عشان تغيري الفستان اللي جابني الارض ده
ليله….بضحك تمشي بس يا بلطجي و هلبسلك واحد احلي
ضحك عشري وفضل باصص عليها و مبتسم بحب علي مشيتها اللي بتخطف قلبه.
وللحديث بقيه……
