لقاء كـ،ـ،ـارثي
ليله….بضحك اه هقولها علي خطه تعملها معايا لان عارفه ان تقي الوحيده اللي هتسمع كلامي عشان دماغها جزمه زي عمتها حلو كده
عشري…هو انا مقولتش كده بس يعني لازم اكون معاكي و بعدين اخوكي مقلهاش كل ده فا شكلها مصدومه
ليله….عشان كده بقولك بلاش انت لاني مش ضمناها
عشري….رفع حاجبه ايه هتطول لسانها قصه
ليله….بضحك لا متقلقش دي تربيتي بس مش هتبقي طيقاك
عشري….تربيتك اااااه ماشي
ليله….بضحك احترم نفسك عشان مزعلكش عشري بتكلم جد لو هتفضل يبقي متدخلش في اي كلام انا مش عيزاك تتكلم كتير وتتعب نفسك عشان الجرح ممكن
عشري….عيوني بضحك انا عموماً عملت اللي عليا و عملت المشكله
ليله…اه و الحل عليا ما هو الواضح كده هيبقي في حجات عليك و حجات عليا
عشري…..بضحك اه عملت مشاكل الحل عليكي بس هريحك في الطبخ والرقص عليكي
ليله….بضحك اسكتتتت مش انا توبت
عشري…..نعم يا روح امك انتي جايه تتوبي الوقت ده انا مش ناسي اللي عملتيه في الفرح اوعي تكوني فكراني عديته انا قولت بس اصالحك و ارجعك لحضني و هنرجع نتحاسب علي حجات كتير اوي و هنفخك
ليله….بضحك ده انت قلبك اسود اوي
عشري…..اووووي
ليله….اااااا بقولك ايه صحيح
عشري…..قولي
ليله….هو اصلا ايه سبب تجمع تقي بعدي و نسمه
عشري….نسمه مين ؟
ليله….ماهو اخوك بيقولي ان نسمه اخت نعيمه كمان معاها
عشري…اااا معرفش هو اللي اعرفوا ان عدي كان رايح لنعيمه يمكن قابلهم هناك و عرفت منهم انا اصلا مش عارف الطريقه اللي عرفت بيها
ليله….ايوه و راح ليه اصلاً
عشري… انا قولتله يروح يجيبلك منها الموبايل و اللاب توب بتاعك
ليله….بأبتسامه اممممم ده ايه الرضا ده كله شايفه يعني ان الحصار بدأ يتفك شويه شويه المفتاح بتاع الشقه و مفتاح المدخل تحت و الروف و السكاكين بدأت تطلع و موبايلك قدامي علي طول خير اطمنت يا بلطجي
عشري….بأبتسامه رفع حاجبه بصراحه
ليله…..بصراحه
عشري…..بضحك لا لسه
ليله….بضحك ولما هو ليه مالك مستبيع ليه
عشري……عايزك مبسوطه مش اكتر يا ليله لان برغم كل اللي حصل الفتره اللي فاتت مخذلتنيش لا في وقفتك جنبي ولا في معاملتك مع الويا و اخواتي و لا مع امي انهارده و لا في ردك علي حمزه
ليله….بأبتسامه رامي ودنك انت
عشري….اااا مش اوي بس انتي كنتي في المطبخ
ليله…..اممممم طيب اولاً و قفتي معاك دي طبيعيه مش عشان انت بقيت جوزي وده واجب عليا لا يا عشري لازم تفهم اني لو مكنتش سامحتك من قلبي حتي لو جوزي مكانش في واجب هيتفرض عليا انا سمحتك و من قلبي و لو بعمل حاجه حلوه او من وجهة نظرك شابفها حلوه فا انا بعملها مع عشري حبيبي و ابوك وامك و اخواتك انا مش زعلانه منهم لانهم في النهايه عملوا ده عشان انت ابنهم اخوهم و انا من وقت ما عرفتهم مشوفتش منهم حاجه وحشه و في حاجه مهمه لازم تعرفها جايز اضايق منك ابقي مش طيقاك ازعل اخد جنب اطلع عينك بس مستحيل اصغرك او اصغر حد من اهلك حطها في دماغك كويس يا عشري
عشري….بأبتسامه حب ربنا يخليكي ليا يا تحلي حاجه في حياتي
ليله….ويخليك ليا يا تاعب قلبي
عشري…..سلامة قلبك
ليله…..يلا خد الدواء افتح بوئك اشرب يلا هروح اجيب الغيار و اجي
عشري….تمام
شرب عشري و رجع قعد علي الكنبه
وهي دخلت جابت الشنطه اللي فيها الغيار من جوه و المطهر و راحت قعدت جنبه رفعت التيشرت و سحبت الغيار بهدوء وهي بتبصلوا
ليله…..ايه بتوجع
عشري….لا لا تمام
شالت الغيار و فضلت تبص بهدوء علي الجرح و لما اطمنت عليه حطت المطهر علي القطنه و فضلت تعمل زي ما كان كاتب الدكتور بالظبط
وخلصت و رجعت الغيار تاني عليها و نزلت التيشرت.
ليله….عشري هو انت هتروح امته للدكتور
عشري….قال اسبوع كمان اربع خمس ايام هروح
ليله….طيب مش المفروض يشوفك قبلها
عشري…..هو قال لو في اي حاجه غريبه او وجع او لو محتاج اغير هناك لس انا تمام
ليله….طيب الوجع خف شويه
عشري…..كتير هو بيشد عليا لما بقوم او اقعد لو ضحكت
ليله….طيب بس لازم نمشي اكتر زي ما هو كاتب المشي كويس
عشري…..حاضر
قامت بهدوء لمت كل حاجه من علي التربيزه و راحت شالت العلاج كمان من علي البار دخلتوا علي الاوضه و خىجت لمعت رخامه البار و بعد كده راحت امعت التربيزه و رجعت و قفت شويه في المطبخ و لعت فحم عشان تحط بخور و عملت قهوه عربي.و حطتها في الترمس و حطت في طبق تمر و طبق مكسرات و طبق لب كان باصص عليها و هي رايحه جايه بتحط الحاجه بره علي التربيزه رافع حاجبه و مش فاهم بتعمل ايه.
عشري….رضيتي عني و عملتي قهوه عربي مش مصدق
ليله…..ده عشان بس بتسمع الكلام و مش بتغلبني في الاكل
عشري…..ايوه بس ليه الحفله دي هنتفرج علي فيلم
ليله….بضحك الفيلم اللي جاي الوقت احلي من الافلام اللي هنشوفها اتقل انت بس
عشري….يعني ايه مش فاهم؟
سندت علي البار من جوه و بصتلوا وابتسمت
ليله…..هفهمك الوقت ام لسان طويل دي جايه و هي متعصبه و مضايقه و مش طايقه الكل بما فيهم انت و وليد فا لازم نعمل جو حلو كده عشان لما تيجي و تشوف بنفسها احنا قاعدين ازاي و بنعمل ايه تتأكد اني تمام
عشري….اممممم يعني تمثيل و انا قولت بتجهزي قاعده حلوه
ليله….مش بالظبط هو انا صحيح كنت ناويه اعملك قاعده حلوه بعد ما امونه مشيت عشان اشغلك فيلم و تغير مودك بدل جو التعب ده بس كمان نضرب عثفورين بحجر اشطا
عشري…..ده اشطا اوي
ابتسمت ليله و كملت اللي بتعملوا خرجت حط فنجان واحد ليه
وكان معاها شيبسي و طبق في شيكولاتات كتير و حطت مايه و كوبايتين بصت علي التربيزه بابتسامه و بعدين دخلت علي الاوضه.
راحت بهدوء طلعت ترنج شكلوا يجنن و دخلت غيرت هدومها و بعدين خرجت لبست لكلوك و عملت ميكب هادي و ناعم اوي و حطت برفيوم يجنن و ظبطت شعرها و بعدين خرجت بهدوء و هي في ايدها غطاء خفيف شبه الشدفايه كده بس كله فرو ناعم
بصلها بأبتسامه تجنن كان بياكلها بعينه قربت منه بابتسامه جريئه و مالت عليه و حطت الغطاء وراء ضهره و بعدين راحت شغلت مكنة القهوه ليها و خرجت بسرعه هدت اضاءه البيت كله و شغلت اسبوتات كتير صغيره كان عاكسه علي كل الجدران الزجاج مع المنظر بره و اضاءه الشارع و شكل الدفايه كان الجو هادي و يجنن..
حطت البخور في المبخره و بعدين خدت قهوتها و راحت قعدت جنبه و ابتسمت وهي باصه قدامها و حطت رجل علي رجل.
ليله….تمت المهمه بنجاح
عشري….بأبتسامه عاش
ضحكتلوا و بعدين ولعت سيجاره
عشري….طيب ما نكمل الرضا عليا و تخليني اولع واحده داخل علي اليوم التالت مشربتش
بصتلوا و ابتسمت وهي بتهز راسها بلأ
عشري….بأبتسامه طيب نفس حتي
ليله…..بأبتسامه تجنن موافقه عايزه ازاي من السيجاره ولا مني
ابتسم و حط دراعه وراء ضهرها وقربها ليها و بصلها و هو بيهمسلها بهدوء و عينه علي شفايفها
عشري….منك
خدت ليله نفس طويل و ابتسمت و قربت منه و كانت لاول مره تبدل معاه الدخان بالقرب ده كل مره كان هو اللي ينفخ و هي تقرب بسرعه علي طراطيف صوابعها تسحبه بس المرادي كانت في حضنه و راسها علي كتفه سحب منها النفس بهدوء غمض ليله عينها قرب من شفايفها بهدوء و سرق منها بوسه هاديه
ابتسمت ليله بتنهيده و نامت علي كتفه حط كفه علي راسها وضغط عليها بحب وسكت مقالش اي حاجه ولا حتي هي قالت كلمه.
……………..
في العربيه عند عدي..
وليد….الوووو انتي فين يا تقي كل ده بكلمك و مش بتردي
تقي….انا رايحه لليله
وليد….رايحه لليله فين ليله مش في بيتها في بيت جوزها
تقي….اه ما انا عرفت لاني روحت لنعيمه و نادين الاول خلصت حسابي معاهم و الوقت انا رايحه لليله
وليد….انتي هترجعي حالا
تقي…..مش هرجع غير لما اشوف ليله بنفسي يا بابا و اتأكد ان هي مش قاعده غصب عنها
وليد….تقي صدقيني اللي بتعمليه غلط و هيبقي ليا معاكي حساب كبير
تقي…..بابا انا قولتلك مش هرجع احنا اصلا قربنا انا معايا نسمه اخت نعيمه و معانا عدي كمان هيوصلنا
وليد…..اديني عدي
تقي…..امسك
بصلها عدي بهدوء و خد منها الموبايل
عدي…..ايوه يا اخوي
وليد….ازيك يا عدي
عدي….بخير الحمد لله
وليد….معلش يا عدي هتعبك معايا عايزك تلف و ترجع و تجيبلي تقي
عدي…..اطمن يا اخوي انا عرفت اخوي و مرت اخوي و هما مستنينها خليني اوصلها و متقلقش عليها
وليد….عشري عارف ان المجنونه دي رايحه لليله
عدي….اه عارف اطمن و ليله كمان متقلقش هخلص و ارجعهالك لحد البيت
وليد….طيب يا عدي انا هتصل الوقت علي عشري كمان
عدي…..تمام بالسلامه يا غالي
وليد….سلام يا عدي
نسمه…..مكانش لازم نيجي يا تقي و لا كان لازم تكلمبه كده هيتعصب عليكي
تقوي….انتي تسكتي خالص عشان بجد مش طيقاكي انتي كمان
نسمه…..والله العظيم يا بنتي مكنتش اعرف انك متعرفيش اصلا انا مكلمتميش من بعد فرح امنيه ولا انتي كلمتيني ولما سألتيني و حسيت انك متعرفيش اتفاجئت و مرضتش اقولك عشان مبقاش عملت مشكله.
تقي…..انا نفسي اعرف ازاي بجد جاتلهم الجرأه يعملوا كده
نسمه…..يا تقي يعني سيبك من البنات اخواتها نفسهم وافقوا و لو شايفين ان ده مش في مصلحتها مكانوش وافقوا و بعدين بصراحه عشري واضح جداً انه بيحبها و هي كنان بتحبه
تقي…..بقولك ايه متحبيليش سيرة اللي اسمه عشري ده انا مش طايقه اسمع اسمه ولو شوفته هرتكب فيه جريمه.
فرمل عدي و بصلهم و بعدين بص لتقي
عدي…..قعدتي وراء جنب نسمه و عاملتيني علي اني السواق بتاع جنابك قولت مش مهم بس تتكلمي عن اخوي قدامي مش هقول مش مهم
تقي….خير انت كمان زعلان عليه ماهو كل اللي ليله فيه ده بسببه
عدي….اللهم طولك ياروح
نسمه….عدي و النبي ما ترد عليها و كمل بقي و انتي اسكتي
تقي…..ماهو مش عاجبه عشان اخوه طبعاً
عدي….يابنتي الله يهديكي اسكتي متعرفيش تسكتي شويه
تقي…..لا معرفش
عدي….يكون بعلمك انا هكمل بس لو غلطتي تاني هرجعك
تقي….مش راجعه و هتكمل
عدي…..انا مش هرد عليكي و ليا كلام مع ابوكي لانه محتاج يقص لسانك شويه
تقي…..بقولك ايه سوق وانت ساكت وبلاش غلط
عدي…..اسوق وانا ايه ااااااه لا انتي واضح انك فهماني غلط انا هرجعك و ابقي اعملب انتي اللي يريحك بدل ما ارتكب جنايه عالطريق
تقي….ترجعني ده ايه كمل بقولك
نسمه…..عدي عشان خاطري انا كمل و متردش و هي هتسكت خلاص اسكتي بقي شويه
بصلها عدي بغضب و بعدين بص لنسمه
عدي….عشان خاطرك بس يا نسمه بس ياريت مسمعش صوتها بدل ما نتقلب علي الطريق
تقي….هو ايه اللي مسمعش صو….
حطت نسمه ايدها علي بوئها وابتسمت لعدي
نسمه…..امشي يا عدي يلا
بصلها ولف وشه و بعدين دور و طلع
بعدت تقي ايد نسمه و ربعت ايدها بغضب و بصت من الشباك جنبها.
………….
بعد ما وليد قفل مع عدي اتصل علي عشري لمحت ليله اسمه قربت خدت الموبايل و رجعت نامت علي كتف عشري و ادتلوا الموبايل
عشري…..مش هتردي ؟
هزت راسها بلأ
عشري…..فتح الخط الووو
وليد…..ازبك يا عشري عامل ايه
عشري…..بخير يا وليد انت اخبارك ايه طمني عليك
وليد…..بخير الحمد لله عدي قالك علي تقي
عشري….اه قالي و هي جايه في الطريق معاه اطمن
وليد….اطمن ايه يا عشري دي مجنونه و مكانش ينفع تقول لعدي يجيبها هتسخن ليله
عشري….اطمن يا وليد انا هتكلم معاها بهدوء
وليد….طيب اجيلكم
عشري….تنور يا غالي طبعاً بس ارتاح مش مستاهله و بعدين جايه بيت عمتها الموضوع بسيط ان شاء الله هتقعد معانا شويه و هخلي عدي يوصلها لحد عندك هي و اخت نعيمه
وليد….تمام بس ابقي طمني
عشري….حاضر متقلقش
وليد….ليله بخير
عشري….حط كفه علي خدها بهدوء بخير و زي الفل اطمن
وليد….ماشي يا حبيبي يلا هسيبك الوقت
عشري…..تمام بالسلامه
وليد….سلام.
مسك عشري خدها بصوابعه بهدوء
عشري…..كلمتي اميمه و قمر اشمعني وليد
اتنهدت ليله تنهيده طويله و مردتش عليه سكت عشري و رفع كفه علي شعرها بحب.
…………………….
مر وقت بسيط اوي و قبل ما عدي يدخل علي البيت عدي من قدام الكافيه فا لمحوا فضل و سليم و محمود مشي و راح علي البيت و قبل ما يقرب و يركن كان ماسك موبايله واتصل علي عشري.
بمجرد ما ركن نزلت تقي و نزلت وراها نسمه فتح عدي الباب و هو بيرد.
عدي…..ايوه يا اخوي احنا تحت البيت
عشري….طيب طلعهم
عدي….حالاً سلام
قفل عشري و بصلها
عشري…..طالعين
ليله….بهدوء تمام
دخل عدي وراهم بسرعه و فتح الاسانسير و طلعوا علي فوق.
ثواني بسيطه و جرس الباب خبط
راحت ليله بهدوء فتحت تقي كانت واقفه قدام و نسمه وراها و عدي واقف وراهم
اول ما فتحت ابتسمت ليله بهدوء بصتلها تقي ثواني و بعدين قربت منها حضنتها وقف عشري بهدوء في مكانه و هو خاطت ايده علي الجرح
……………
فضل…..يعني ايه مش فاهم
نعيمه….يعني مكانتش تعرف كل ده يا فصل و لما عرفت راحت علي بيت نادين و لما ملقتهاش جات علي هنا و بالصدفه شافت عدي هنا و صممت تروح معاه مرضيش قالت هتروح هي علي الكافيه و هتسأل من هناك علي البيت قولتله يجري وراها و نسمه قالتلي هتروح معاها يعني متقلقش نسمه ملهاش علاقه بحاجه هي رايحه بس عشان متسيبش تقي لوحدها
فضل….طيب اعمل ايه الوقت اروحلهم و لا ايه
نعيمه….والله يا فضل مش عارفه انا حاولت اتصل علي عشري اداني غير متاح معرفش دي شبكه ولا كان بيتكلم
فضل…..طيب اقفلي هشوف كده الدنيا فيها ايه
نعيمه….طيب ابقي طمني والنبي و لو عرفت تخليهم يمشوا و تلم الموقف قبل ما تقي تسخن ليله يبقي احسن..
فضل….تمام شويه و هتصل بيكي
نعيمه…..تمام باي
فضل….سلام.
محمود….ايه ؟
فضل….خليني اروح اشوف في ايه بيحصل عندهم عشري تعبان و مش لازم يتعصب و تقي نعيمه بتقولي متعصبه خايف تقول كلمه خايسه لعشري عدي يتعصب و تبقي مشكله
سليم…..طيب بقولك ايه هو الموضوع بسيط يعني خليك انت و انا هروح اشوف في ايه كأني شوفت سياره عدي و انا معدي او طالع اطمن علي عشري
فضل…..تمام روح و حكايني بهدوء لو الچو متكهرب عرفني
سليم….طيب تمام يلا سلام.
………………..
عند ليله و عشري بعد ما حضنتها تقي سلمت علي نسمه و دخلتهم و قالت لعدي يدخل قفل عدي الباب و فضل واقف جنبه قرب عشري بهدوء
يسلم عليهم.
عشري…..كيفك يا تقي
بصتلوا تقي بغضب و سكتت
نسمه….حبت تنقذ الموقف اخبارك ايه يا عشري الف سلامه عليك
عشري…..بابتسامه بخير يا نسمه الله يسلمك اتفضلوا نورتوا
تقي…..نتفضل فين احنا مش هنتفضل بصت لليله يلا يا ليله خلينا نمشي من هنا
ليله….بابتسامه هاديه نمشي نروح فين؟
تقي…..ترجعي بيتك نروح ليله والله العظيم انا مكنتش اعرف اي حاجه حصلت غير من كام ساعه كملت بدموع و حياة ربنا يا ليله انا لو كنت عرفت مكنتش وافقت و بابا عشان عارف اني كنت هقولك عشان كده مقالش قدامي
ليله…..هو انتي ممكن تهدي بتعيطي ليه اصلاً انا مش فاهمه حاجه؟
تقي……عشان مكانش ينفع يحصل معاكي كده و عشان انا لو كنت عرفت كنت قولتلك بس خلاص انا معاكي و يلا عشان ترجعي بيتك بصت لعشري و هي بتمسح دموعها ومفيش حد هيقدر يمنعك
ليله….بأبتسامه ارجع بيتي امال انا فين يا تقي ما انا في بيتي
تقي…..لا يا ليله ده مش بيتك بيتك انتي دخلتي هنا من غير ما تعرفي اتضحك عليكي
عشري…..تقي ممكن تيجي تقعدي و تهدي شويه و نتكلم
تقي…..انت متدخلش بينا اصلا و ملكش دعوه بيا
ليله……تقي خيرررررر
تقي….ايه مش هو سبب كل ده و بعدين انا بتكلم معاكي بيتدخل ليه وانتي ليه بتدافعي عنه ليله هو في ايه انتي قاعده هنا متهدده ولا غصب عنك
عدي……لا حول ولا قوة الا بالله رافعين عليها سلاح يعني ده بيتها
عشري….عدي
بصلوا عدي و سكت
تقي….بصتلوا انت مالك انت كمان هو انت مش وصلتني اتفضل امشي يلا
عدي….ايه قلة الذوق دي علي فكره انا مش السواق الخاص بتاعك
تقي…..احترم نفسك انت اللي قليل الذوق و قليل الادب
ليله…تقييييييي انتي ايه اللي جرالك
عدي….بابتسامه هاديه انا مبردش علي حريم
تقي….حرررريم هو ايه اللي حريم انت عبيط
ليله….تقييييييي يا تقيييي حطي لسانك في بوئك و أتكلمي بأدب بدل ما انا اقلب علي الوش التاني
نسمه…تقي عشان خاطري خلينا نمشي
تقي……اوعي كده بصت لليله انا اللي جرالي ايه انتي اللي فيكي ايه عملولك ايه هو انتي مصدومه و ده تأثير الصدمه و لا انا اللي مش عارفه افهمك
ليله….مالي يا تقي ما انا قدامك بخير اهو
تقي….لا مش بخير ليله اللي اعرفها مش كده ليله فوقي صحابك اتفقوا عليكي و خانوا ثقتهم فيكي اخواتك كمان يا ليله باعوكي انا مقدره صدمتك بس والله ما هسيبك هنا
ليله…..و لو انتي عرفاني كويس لازم تبقي متأكده اني لو في حاجه مش علي مزاجي مش هعملها
عدي….سمعتي
تقي…..انتتتتت مااااالك بتتحشر ليه يا بني ادم
عشري…..مسك الجرح بايده عدي يا تسكت يا تنزل
عدي….لا مش نازل بقي و من فضلك يا تسكتي يا تقعدي تتكلمي بهدوء علي الاقل راعي اللي واقف قدامك مش قادر
تقي…..انت مين انت عشان تقولي اسكتي؟
ليله….تقي ده اخر انذار ليكي و يا تعملي زي ما عدي قالك يا تمشي
تقي…..امشي!! كمان!! طب انا مش ماشيه يا ليله لاني عارفه انك مش في وعيك ومش هسيبك
ليله…..يبقي تحترمي بيت الراجل اللي انتي واقفه فيه و تحترمي تعبه و تتكلمي بطريقه كويسه مع عدي لو انتي خايفه علي عمتك هو خايف علي اخوه كلامك معايا انا
تقي…..بس كده تماااام انا هسكت بس ممكن يلا تيجي معايا
ليله….اجي معاكي علي فين انتي مجنونه يا تقي
رن جرس الباب سكتوا كلهم و بصوا علي الباب فتح عدي
دخل سليم بهدوء وهو بيبصلهم.
سليم….مساء الخير كيفك يا نسمه كيف يا تقي
نسمه…تمام
سليم….خير انت كويس يا اخوي لمحت سياره عدي قولت لا تكون تعبان
عشري……لا يا سليم انا بخير تعالي
ليله….ادخل يا سليم
سليم…كيفك يا غاليه
ليله….الحمد لله تمام ممكن بس نروح نقعد عشان عشري ميتعبش
سليم…..اساعدك
تقي….يروح يقعد محدش قاله يقف و من فضلك يلا خلينا نمشي من هنا
سليم….ساب دراع عشري و بص علي تقي بهدوء يلا علي فين يا بت الغالي عندك مشوار لو عندك انا بوصلك و لو مش ضروري معلش يتأجل اكيد ليله مش هتقدر تيجي و تترك جوزها لحاله
تقي….ليله هتيجي معايا و نمشي من هنا مش هنروح مشوار و بعدين هو في ايه بجد انتوا مالكم ملمومين كده ليه حوالينا انتي مخطوفه يا ليله ولا ايه بالظبط
ليله….بابتسامه هو انتي ممكن تيجي معايا طيب نتكلم بعيد عنهم
تقي….لا مش هنتكلم بعيد عنهم لو انتي خايفه من حاجه انا معرفهاش انا مش خايفه
عدي….يا بت الحلال احنا عصابه اخوي قاعد في بيته و انا اللي جايبكم وسليم شاف السياره تحت فا طلع يتطمن علي اخوه يعني مش مترتبه مش عصابه احنا
تقي….لا عصابه و خاطفينها و ليله اللي اعرفها مش هي اللي واقفه قدامي دي هي اصلا سابت اخوك يعني مش عيزاه و مضت علي جوازها من غير ما تعرف يعني الموضوع كله غلط ومرعب
سليم….تقي اهدي شويه مرت اخوي فوق راسنا هي في دارها اخوي عنديها ضيف هي صاحبه الدار و كلنا بنحبها و محدش فينا يقدر يجبرها علي حاجه
ليله….تقي انا بدأت افقد اعصابي اهدي لو حابه نتكلم بهدوء
سابتها و راحت مدت كفها لعشري اللي كان واقف مش قادر
ليله….تعالي اقعد يا عشري
مشي بهدوء معاها وراحت قعدته و تقي واقفه باصه عليها هتتجنن لانها حافظه كويس ليله و مكانتش مستوعبه ان يحصل فيها كل ده و تبقي بالهدوء ده ..
ليله….تعالوا اتفضلوا تعالي يا سليم يلا يا نسمه عدي تعالوا اقعدوا خلينا نقعد شويه مع بعض قربي يا تقي
تقي….لا لا لا ابتسمت بصدمه هو كده في حاجه غلط ماهو لا سحر اسود لا انتي متخدره لا في حاجه غير مفهومه بجد
ليله….طيب انتي عايزه ايه الوقت عيزاني اقولك معاكي حق و يلا بينا نمشي و انا هنا محبوسه و انقذيني قامت وقفت وقربت منها بهدوء شايفه البيت ده كله انا لو قاعده هنا و مقفول عليا باقفال و مفيش شباك واحد و كل محاولاتي فشلت في الهروب بردوا مش هستسلم و لو طولت اني اموت نفسي عشان متجبرش علي حاجه هعملها وانتي عارفه كده كويس.
تقي…..طب فهميني ليه قاعده؟
ليله….عشان ده بيتي و بيت جوزي يا تقي هو ايه اللي ليه قاعده؟
تقي…..ده مش جوزك يا ليله اصلاً هو متحرم عليكي انتي موافقتيش بمزاجك علي الجواز
عشري….تقي ليله مراتي علي سنة الله و رسوله
تقي….يا فرحتي بس من غير ما تعرف ضحكتوا عليها كلكم
ليله…جايز معاكي حق يا تقي بس انا عرفت و يمكن في الاول اضايقت مش هكدب عليكي بس اضايقت لاني كنت لسه زعلانه منه لسه بس انا فرحت يا تقي عشان بقيت مع عشري و بقيت مراته و انتي عارفه دماغي كويس لما بتقفل بتبقي جزمه قديمه و علي قد ما اضايقت من البنات ومن ابوكي و من عماتك بس لما هديت اديني قدامك اهو مبسوطه و خفيت ده لو لاحظتي يعني اني رجعت اتكلم كويس
بصتلها تقي بتركيز و افتكرت انها كانت تعبانه
ليله…ااااا و انا و عشري كنا قاعدين و زي ما انتي شايفه مبسوطين و بنتفرج علي التلفزيون و الدنيا تمام
تقي…..بضحك ليله انتي كويسه؟
عشري…..طيب تقولك ايه اكتر من اللي قالته عشان تصدقي انها كويسه ياتقي
عدي…..هاتلها المصحف تحلف عليه عشان تصدق.
عشري…بهدوء عدددي
عدي….بغضب بسيط مش سامع حكيها اللي يعصب
تقي….انت مااااااالك انت عمال تهاجم فيا ليه و واخد.وضع الدفاع لاخوك
عدي….هو احنا في ماااااتش دفاع و هجوم ايه
سليم….عدي يا تسكت يا تنزل
عشري….خدوا وانزل يا سليم انا مش قادر اتكلم
عدي….قام وقف انا مش هسكت يا محمد اللي بتقول بهاجمها هي اللي من وقت ما شافتني و مسكتتش بص لليله اسألي ميدو يا مرت اخوي لو مش مصدقاني كان هناك و شاهد بهدلت نعيمه و بهدلت نادين مرت ميدو لدرجه ان ميدو اللي مبيتعصبش اتعصب و سمعت البنت كلام زي الزفت صح يا نسمه ولا انا بكدب
ليله…..انتي عملتي ايه في نعيمه و نادين يا تقي ؟
تقي…..معملتش حاجه اللي عملتوا كانزا يستاهلوا اصلاً و بالذات نادين
ليله….عملتي ايه في نادين هااا قولتيلها ايه انطقي
عدي…..ها سكتي ليه قولي
سليم….خلاص يا عدي
ليله…..قالتلها ايه يا نسمه
بصت نسمه لتقي و بعدين رفعت كتفها بهدوء
نسمه…اااا هي مش زعلانه لا هي و لا نعيمه انتي عارفه انهم بيحبوا تقي تقي بس اللي كانت متعصبه شويه و خايفه عليكي
ليله….قالت ايه لنادين يا عدي؟
عدي بص لتقي بصتلوا بنفس نظره الغضب بس عينها كانت رايحه جايه كأنها بتقولوا متقولش حاجه.
عدي….اااا هي كانت طايحه في الكل مش مهم اللي اتقال خلاص.
سند عشري عشان يقوم
سليم….رايح فين براحه علي مهلك
قرب عشري من تقي بهدوء و مسك ايديها
عشري…..تعالي يا تقي انا عايزك
تقي….اااا لا انا مش عايزه اتكلم
ليله….روحي مع عشري يا تقي
بصتلها تقي و راحت معاه دخل عشري علي المجلس و راح قعد معاها يتكلم.
ليله…..عدي قولي انت و نسمه قالت ايه للبنات
نسمه….ليله انتي عارفه ان تقي مجنونه و زي ما قولتلك هي اتصدمت لما عرفت واضايقت ان ابوها خبي عليها واصلا بهدلتني انا كمان عشان مقولتلهاش
ليله….طيب انا عايزه اعرف اتعصبت عليهم و قالت ايه بالذات لنادين انا عارفه انها لو قالت حاجه لنعيمه نعيمه هتسكت و هتعدي او هتبهدلها بس نادين لا
نسمه….نعيمه اصلا زعقتلها لما اتكلمت كده مع نادين.
عدي…..قالتلها انتي خاينه و مش جدعه و ليله وقفت معاكي في حجات كتير و طول الوقت شايله همك و بتخاف عليكي و مش بتسيبك لوحدك و انتي بعتيها و ناقص تاخدي فلوسها
بصتلوا ليله و حطت ايدها علي قورتها و مشتها علي راسها بغضب بسيط
عدي….عسال حاول يسكتها بس هي مسكتتش و نادين قالتله سيبها تقول اللي عيزاه بس كان باين عليها انها بجد اتضايقت
سليم….ليله اللي حصل حصل معلش في النهايه هي بتحبك و اكيد لما عرفت اضايقت
ليله…..انا عارفه يا سليم تقي اصلا في بالي من امبارح و كنت مستغربه انها سكتت و وافقت بس عرفت انهارده من اميمه اختي ان هي و حمزه ابن اميمه مكانوش يعرفوا لاني كنت متأكده انهم لو عرفوا كانوا قالوا و انا مقدره عصبيتها و صدمتها..
بس في ناس معينه يا سليم مينفعش مهما كنا متعصبين نجرحهم و نوجعهم بكلمه جايز نادين تديها عذرها بس وجع الكلمه هيفضل معلم جواها بصي يا سليم انا معترفه ان اسوء عيب فيا اني عصبيه انا في عصبيتي و غضبي صعبه اوي و محدش يتحملني ابداً غير اللي بجد بيحبني وقت غضبي حقيقي بتعمي و عقلي بيغيب
بس بيفضل في جزء جوايا واعي بيحسس علي الكلام و هو طالع لاني هقول كلمه وقت غضب بس هجرح شخص و اوجعه و يفضل معلم جواه كتير فا لازم قبل ما اثور و اغضب اتحكم في انفعالي اشتم ابهدل لكن مهايرش موجعش مكسرش و انا واثقه ان نادين اتوجعت و حاسه بيها لان سبب وجعي كله كانت كلمه من مريم عن امي و لما حد بيلمس وجع جواك و هو قاصد بتتوجع اوي
سليم….عارف والله بس نادين كبيره و فاهمه و تقي لسه صغيره و جايز مفهمتش الموضوع كويس و خدت بس نقط بسيطه و اتعصبت بسببها
عدي….بقولك ايه بتقولوا ان هي نسختك والله اللي قال كده ظلمك ده انتي جنبها ملاك
ليله….بابتسامه خد بالك هي طيبه والله بس هي مندفعه و عشان سنها صغير بردوا
نسمه…..علي فكره والله هي طيبه اوي بس بتحب ليله اوي و يمكن اتصدمت من باباها اكتر لانها سألت علي ليله اكتر من مره و كانت عايزه تعرف حصل ايه بعد الفرح و هو مريحاش فا غصب عنها هي صحيح تقلت شويه علي نادين بس انا عارفه ان نادين مش هتزعل والله اسألي عدي بهدلتني انا كمان في العربيه
عدي…معندهاش فرمله و مبتسكتش و عصبتني بجد انا من وقت ما وصلت منطقتش و كنت ساكت بس هي طاحت في الكل و شتمت في محمد و معرفتش اتكلم و كنت هرجعها
ليله….متزعلش حقك عليا انا لو ضايقتك او لو قالت كلمه عن عشري امسحها فيا
عدي….والله مش زعلان هي مجنونه اه بس انا سكت لاني قدرت غضبها المهم تهدأ و تسكت
ليله….ان شاء الله عشري يتكلم معاها المهم طمنيني علي نعيمه يا نسمه ايدها عامله ايه؟
نسمه…..علي فكره محدش فينا كان يعرف بردوا ان هي اتحرقت غير انهارده جات عندنا و عشان كده انا روحت معاها هو انا مشوفتش ايدها بس واضح انه حرق كبير
ليله….يعني لسه تاعبها
نسمه…..هي بتقول انها احسن بكتير عن الاول بس شادد عليها شويه
سليم….ربنا يكمل شفاها علي خير الحرق بياخد وقت.
رن جرس الباب قامت ليله عشان تفتح
عدي….خليكي يا ليله انا بفتح
قرب عدي و فتح لقي فضل
فضل…..ايه الدنيا
عدي….مع عشري جوه بيتكلموا كانت مبهدله الدنيا
ليله….تعالي يا فضل ادخل.
فضل….سلام عليكم كيفك يا ليله
ليله….الحمد لله
فضل….بص لنسمه ايه يا نسمه في ايه؟
نسمه….مفيش انا مليش دعوه والله انا جايه مع تقي بس عشان مسيبهاش لوحدها
فضل…..طيب ايه اللي حصل
عدي….مفيش هي عرفت انهارده فا متعصبه و جايه تاخد ليله
فضل….تاخدها علي فين ؟ ليله في بيتها ولا ايه يا ليله
ليله….بابتسامه ايه جاي تتأكد اني علي وضعي
فضل….بضحك بصي احنا بقينا نفهم علي بعض و بما انك فهمتيني فا مش هكدب صراحه اه
ليله….بضحك اه بلاش كدب خليك صريح معايا عشان ابقي صريحه معاك
فضل…..طيب قوليلي و صاريحيني باللي جواكي يا ست البنات
ليله….بابتسامه ايه نعيمه عدتك ما احنا اتكلمنا و قولتلك اللي فيها مصدقتنيش ولا ايه
فضل…..لا صدقتك بس نعيمه كلمتني و قالتلي علي اللي حصل و بصراحه خايفه ان تقي تسخنك و ترجع تخليكي تغضبي من تاني
ليله…..فضل اسمعني كويس انت و هما و انتي كمان عشان تبقي تطمني اختك انا بالنسبالي الموضوع خلص و مش حابه افتحوا تاني لا معاكم ولا حتي مع نفسي انا صحيح اضايقت و اتصدمت من الطريقه اللي اتجوزت بيها عشري و كنت رافضه الموضوع نهائي بس انا الوقت نسيت كل حاجه انا هنا في بيتي و بيت جوزي و مش هتكسف اني اقولها قدامك انا بحب عشري
و مقدرش اتخيل حياتي من غيره
اه زعلت و ثورت و اتجننت و اتعصبت بس لما بفكر في الموضوع مش لاقيه حل يرضيني غير اني اسامح عادي ممكن ابعد و اقول خلاص خلصت بس لما سألت نفسي هبقي مرتاحه ملاقتش غير رد واحد لا اكيد لا فا الموضوع بالنسبالي اتقفل انا مش زعلانه منكم يا فضل مش زعلانه من البنات و لا حتي من اخواتي و بجد انا الفتره اللي فاتت بالنسبالي كانت صعبه و عيشت تحت ضغط فظيع خلاني نفسياً متدمره فا انا عايزه ارجع عيزاكم تساعدوني زي ما ساعدتوا عشري كده و وقفتوا معاه اقفوا معايا عايزه الموضوع ده يتقفل عايزه انسي عايزه حياتي انا وعشري ترجع هاديه زي ما كانت لا عايزه اعاتب و لا الوم اي شخص انا اتكلمت انا وعشري و هو وضحلي كل حاجه بهدوء و فهمته و انا خرجت كل اللي جوايا و ارتاحت فا خلاص عايزه الموضوع يتقفل حتي مع البنات لو هما فاكرين اني هعاتب و الوم فا طمنهم يا فضل انا اول مقابله ليا معاهم بعد اللي حصل مش هفتح الموضوع يمكن في حاجه انا حابه اقولها بس ليهم و ليكم بس مستنيه ايمي ترجع
و بعدها هنقفل الموضوت نهائي ونرجع احسن ما كنا.
فضل….بابتسامه يعني لا فيها حبس ولا عيش و حلاوه والله ما متطمنلك
ليله….بضحك لا يا سيدي مفيهاش حبس ولا عيش و حلاوه فكرتني بأيمي المستفزه اتصلت عليا تقولي انا مش بحب العيش والحلاوه ممكن تحبيلي توست و عسل و نوتيلا
ضحكوا كلهم علي ايمي
فضل…..دي مصيبه والله و تساهل تتحبس بقي
ليله…..متصلتش عليكم
فضل…..لا هو حسان بعت رساله طمني كانت علي الشات عشري مشفهاش
ليله….لا عرفنا انهم وصلوا انا بحسب اتكلموا يعني
فضل…..لا لسه اكيد مجابوش رقم
ليله…..ان شاء الله يطمنونا عليهم عندي فضول اعرف عملت ايه في رشيدي و هي في الطياره
فضل….هي بجد بتخاف
ليله…..يالهوي دي بتترعب و معرفش ايه السبب يعني ايمي معندهاش فوبيا من الادوار العاليه عموما اه مش بتحبها بس مش لدرجه فوبيا بس الطياره فظيعه مبحبش اسافر معاها بتفضحني
فضل…..بضحك رشيد اكيد هيفضحها بس لما نشوفهم
خرج عشري بهدوء من غير تقي
عشري…..هلا فضل
فضل….هلا بالغالي
عشري….ليله روحي لتقي
ليله….طب ايه هديت ولا
عشري….بابتيامه اطمني بس روحيلها
ليله….بصت لنسمه و ابتسمت خلي في دم و قومي اعملي حاجه تتشرب
نسمه….بابتسامه انا
ليله….اه انتي روحي يلا اعملي اي واجب كده
نسمه….بضحك هو انا مش هعرف بس اشطا هحاول تشربوا ايه
عشري….بابتسامه بصي ادخلي المطبخ هتلاقي قدامك رف زجاج كبير في فناجين شبه دي هاتيلهم و تعالي.
نسمه….ماشي
…………..
دخلت ليله و هي رافعه حاجبها بابتسامه بسيطه لتقي كانت قاعده و باين علي وشها انها كانت معيطه
ليله….اهلا بالقطر اللي بيدوس علي اي حد زي الثور يارب نكون هدينا و عقلنا
تقي…..بابتسامه يعني
ليله….يعني ايه يعني الراجل قاعد معاكي كل ده و وجعتي قلبه و بتقولي يعني
تقي…..ايه بتدافعي عنه كتير انتي
ليله….طب انا راضيه ذمتك تعرفي عني اني بتغصب علي حاجه
تقي….بس هما غصبوكي يا ليله
ليله….اه عشان حافظين دماغي الوسخه عشان عارفين اني ادام وصلت للحاله دي مش هعرف اقف و عشان عارفين كمان ان كرامتي علي طول ناقحه عليا لو هموت علي عشري مش هقرب منه طلعوا حافظني اكتر من بنت اخويا الخايبه
تقي….يعني بجد انتي مبسوطه
ليله…..هتصدقيني ولا هتقولي اني متهدده و متخدره
تقي….لا هصدقك
ليله….ورحمة امي يا تقي ان قلبي سامح و صفيت ونسيت من قبل حتي ما اعرف انهم هيعملوا كده لما رجعت و بدأت افوق لنفسي و سمعت رسايلكم كلكم حسيت ان جزء كبير من كرامتي رجعلي كلام عشري و رسايله و توضيحه لكل حاجه ريحني انا تقريبا لما فتحت الموبايل مفيش حد لاقيته مش باعت و انا اه كنت مضايقه منه بس انا عارفه انه مش بيكدب و عارفه انه عمل كده حب يمكن الطريقه وجعتني بس مستحيل انكر اني صدقت و سامحت و لولا اتفاقه مع وليد انه ميقربش مني و اني اتجوزه قدام الكل و ارجع ادخل البيت ده و انا راضيه وموافقه مكنتش هديت شويه من عملتهم دي
تقي….طب انتي مبسوطه مع عشري بجد ؟ انا عارفه انك بتحبيه اصلا و عارفه كمان انه بيحبك بس انا عايزه اعرف بجد انتي مبسوطه
ليله….اوي اوي تقي عشري مرايتي اللي بقف قدامها نصي الحلو توأمي و توأم روحي بحبه و مقدرش ابعد عنه زعلت بس قلبي سامح لانه مستحيل يعرف يعيش من غيره و الله العظيم لو في كلمه واحده بقولها كدب مكنتش هبقي هنا انتي عرقاني كويس مبعرفش اكدب مصدقاني
تقي….بابتسامه مصدقاكي بس بردوا مش طايقه اخوكي
ضربتها بالقلم بضحك
ليله…..اتلمي يابت متقوليش كده علي اخويا هو صحيح يعني انا مش طيقاه انا كمان ضحكت هي و تقي بس بصراحه يعني بحبه و اول مره احس انه عمل حاجه عدله
تقي….بضحك كمان راضيه علي اللي عملوا فيكي
ليله….اه يا تقي اول مره يقف قدام عندي و دماغي الناشفه و ميسبنيش لنفسي زي كل مره بس سيبك من ابوكي الوقت انا بجد زعلانه منك اوي اوي يا تقي
تقي…..ليه
ليله…..اولا عشان طريقتك مع عشري و عدي بس الاهم اللي عملتيه في نعيمه و نادين بالاخص
تقي…..كنت متعصبه منهم اوي و من نادين بالذات لاني متوقعتش تعمل فيكي كده
ليله….نادين بتحبني و اوي كمان و لو عملت كده عملت كده عشان هي مش عيزاني ابعد عن عشري بس انتي جرحتيها و جرح نادين او اي حد من البنات يوجعني يا تقي نادين غاليه عندي واللي يوجعها يوجعني انا مش هعاتبك كتير ولا هفتح في الموضوع بس لو ليله غاليه عندك تروحي تراضيها و تراضيها من قلبك
انا مجربه المعايره في الوجع يا تقي و اتوجع منك لو عملتي في نادين كده سمعتيني
تقي…..حاضر والله هروحلها و هصالحها هي و نعيمه كمان بس بقولك ايه
ليله…..قولي
قربت منها تقي و ابتسمت بشقاوه
تقي…..بضحك بصراحه ليكي حق تحبي عشري
ليله….بضحك اشمعني
تقي….كنت عامله زي الثور الهابج بره بس لما دخلت اتكلمت معاه حسيت نفسي واطيه القمر ده حد يزعلوا او يزعل منه
ليله….بضحك ضمتها اه يا مصيبه ياواطيه
تقي…..بضحك لا والله و الشهاده لله اخواته قمر اوي يا ليله و عدي صحيح مش طيقاه بس دول بينوروا في الضلمه
ليله….بضحك و ده كمان هتعتذريلوا و خلي عندك دم و بعدين الواد مووز وقمر دبش كده علي طول
تقي….بضحك هو موووز وقمر بس مستفز
ليله….والله طيب و غلبان و دمه خفيف
تقي…..ماشي هعتذر بس لو قال كلمه انتي عرفاني
ليله….لا مش هيقول يا اختي يلا خلينا نخرج
تقي…..ماشي يلا.
قاموا خرجوا بهدوء كانوا عمالين يضحكوا مع بعض بره و نسمه قاعده معاهم .
ليله….ايه يا نسمه عرفتي تعملي الواجب و لا خيبه زي نعيمه
فضل….بضحك خيبه زي نعيمه
نسمه…لا والله عرفت
عشري…..تعالي يا تقي
تقي….اااا متزعلش مني حقك عليا
عسري…بابتسامه مقدرش يا ليله يا صغيره
تقي….بصت لعدي وانت هتفضل مريح كتير يلا قوم وصلني
عدي……بابتسامه هز راسه شمال و يمين والله لولا ابوكي و عمتك كنت رديت عليكي
تقي….لا وانت هتعرف ترد
فضل….بضحك هي ماسكه عليك شيكات
عدي….بضحك والله ما عارف بتعاملني علي اني السواق بتاعها بقولك ايه روحي لحالك
تقي…..لحالي ايه انت اللي جايبني
عدي….انتي اللي صممتي تركبي معايا مصيبه و اتحدفت عليا
تقي…..انت هتاخد و تدي كتير اخلص الوقت اتأخر و انتي مريحه ليه قومي انا بابا هينفخني
نسمه….بضحك طب يلا انا مستنياكي
عدي….يارب ينفخك و يكسر عضمك كمان
عشري….بص لليله وهو بيضحك قلبي مش مرتاح لاجوز دول
ليله….بضحك قربت منه قعدت علي ايد الكرسي ولا انا
فضل…..طيب خلبني انا اروح اوصل نسمه عند نعيمه عشان انت لسه هتروح لوليد و الوقت هيتأخر
سليم…اااا خليك انت انت ضهرك تعبان من بدري انا هروح واوصلها
فضل….بابتسامه ااا ماشي روح و ماله
عشري و ليله مانوا عمالين يضحكوا و يبصوا لفضل و هو كمان بيضحك
قاموا سلموا عليهم و بعدين نزلوا و نزل معاهم فضل عشان يروح لمحمود يقفلوا و يطلع يرتاح.
عدي….سليم بقولك تعالي انت و نسمه نروح نوصلها بسرعه الاول و بعدين نوصل نسمه
سليم….ايه متأخره اوصلك ولا نروح معاهم
نسمه…اااا تمام خلبنا نروح معاهم
سليم….ماشي يلا هنيجي يا عدي تعالي بقي اركب معايا
عدي…..اتفضلي اركبي
تقي…..شكرااااا
عدي…..اللهم طولك ياروح
ركبوا هما الاربعه و اتحركوا
…………..
عشري….بضحك والله فكروني بيا انا وانتي
ليله….بابتسامه ليله و عشري النسخه الصغيره
عشري….بس احنا الاصل صح
ليله….صح قولي بقي مش جعان
عشري….هو انا جعان بس مش اكل
ليله….بابتسامه امال جعان ايه
عشري….حضن انا بقول بقي نقفل هنا و ندخل نرتاح جوه شويه
ليله….امممم بس انا مش عندي نوم الساعه واحده
عشري….ولا انا عندي نوم احنا هنقعد جوه هاخدك في حضني نتكلم شويه كده يعني ماشي
ليله….امممم اوك ماشي ادخل براحه اسبقني لحد ما ارتب المكان و اشيل كل الحاجه دي
عشري……طيب انا هروح اتصل علي وليد اطمنوا و اعرفزا انها راجعه و مستنيكي متتأخريش عليا
ليله….عيوني
ابتسم بحب و مشي بهدوء علي الاوضه.
وهي راحت تظبط البيت و تشيل كل اللي علي التربيزه.
……………
اتصل عسال علي نادين ڤديو كول يشوفها كان قاعد في العربيه
دخلت بهدوء علي الاوضه و فتحت و ردت عليه.
عسال….بابتسامه اوبااااااا ايه الكت ده ده إغراء
ابتسمت نادين بهدوء ورفعت السويت شيرت علي كتفها
نادين….علي فكره بقي انت ظلمتني عشان هو استايل الترنج كده بس انت مش شايفه كويس
عسال…..لا بس جامد بس يعني الحو مش برد عليكي يا قلبي
نادين….هو مكانش برد اوي بس حاسه الوقت انه برد
عسال…..اه برد و بتمطر بره كمان
نادين…..بجد
عسال….اه والله بتمطر
نادين….طب انت قاعد في العربيه ليه
عسال….بابتسامه والله مش عارف بس و حشتني مكالمه العربيه و افتكرت بنوتي العبيطه لما كانت في البيت و بتفتح معايا اي حاجه جديده و تفرجني فا قولت اتصل عليكي و اشوفك و انا في العربيه
نادين….طيب اقفل الشباك اللي جنبك ده شويه
عسال…..بشرب سيجاره قوليلي بقي القمر بتاعي بيعمل ايه
نادين…..امممم ولا حاجه انت اللي بتعمل ايه صحيح و كنت فين كل ده من وقت ما نزلت مروحتش ليه
عسال…..انا كنت بصيع شويه مع البنات
نادين….بضحكه جميله و صيعت
عسال…..اممم يعني صياعه سريعه كده
حطت نادين مخده علي ركبتها و سندت دراعها علي المخده
نادين….اممممم طيب و عملت ايه في الصياعه السريعه دي.
عسال…..لا مش هينفع بقي اقول انتي لسه صغيره لما تكبري شويه
نادين….طيب قول اي حاجه
عسال….امممم خرجت مع بنتين
نادين….اتنين مره واحده
عسال…..مبنضيعش وقت احنا
نادين….بأبتسامه عملت ايه بقي معاهم
عسال…..يعني كلمتين حلوين بوسه حضن غنتلهم شويه و بس
نادين…بأبتسامه رفعت حاجبها ميدو
صحيح انت ليه مش بتغنيلي
عسال…..بضحكه عاليه خدي يابت انتي هنا تعالي
نادين…بشحك في ايه ؟
عسال…..يعني انا عمال انكشك و اقولك بنات و بوسه و حضن و ملفتش نظرك غير اني مغنتلكيش
نادين….بضحكه عبيطه لا ماهو انا يعني عارفه انك بتهزر و سيبتك ترخم عليا لاني عارفه انك بتحبني انا بس و وانا واثقه فيك بس فكرتني بالاغاني
عسال….رفع حاجبه و ابتسم واثقه فياااااا اه اللي يشوف القمر ده امبارح يقول مفيش ثقه بجنيه
نادين….بضحك لا اسمع عشان دماغك متروحش لبعيد اللي حصل ده مكانش قلة ثقه و لا شك انا بس زعلت عشان حسيت انك واخد الموضوع عادي و شايف ان مش لازم يكون في حدود و حقي اغير عليك بس ده مش معناه اني مش بثق فيك
عسال….يعني القمر بتاعي بيثق فيا
نادين….اكيد
عسال….اكيد
نادين….امممم اكيد
عسال…..طب انا عايزه بوسه
ابتسمت و باسته بوسه علي الهواء
عسال…..بنظره حب عيزاني اغنيلك يعني
نادين…امممم اه بس اكيد مش في الموبايل انا عيزاك تغنيلي وانت معايا.
عسال…..بس كده عيوني طيب بنوتي كلت ولا لا
نادين….لا اكل ايه تاني حرام عليك دي حنون اكلتني كتير خالص هي وريهام
عسال…..بالف هنا يا عمري
نادين….طيب اطلع بقي عشان تاكل
عسال…..ايه زهقتي مني
نادين….لا والله بس الجو برد عليك خايفه تبرد
عسال…..لا متقلقيش صحيح بكره يومك ماشي ازاي
نادين….انا بكره عندي يوم طويل اوي و في كذا مشوار
عسال…..ايه قولي
نادين…اممم اولاً في شقه هتتأجر و شقه هستلمها من الساكن اللي كان فيها و هجيب حد ينضفها و بعدين هروح علي المخزن لان في تسليم اوردرات كتير متأجل من وقت ما نوني اتحرقت و بما ان نسمه موجوده فا فرصه عشان الناس ملهاش ذنب في التأخير ده كمان محتاجن اشوف ايه الموجود و افرز الشغل كمان في حجات كتير نقصت
و لسه مش عارفه هعمل ايه لو قدرت اوفرهم اون لاين هعمل كده مقدرتش يبقي هحتاج اني اسافر قريب
عسال…امممممم تسافري
نادين….بضحكه هاديه ايه بقولك قبلها بفتره اهو انا لا حددت و لا عارفه هعمل ايه لسه اصلا
عسال….يبقي بنوتي القمر تشوف هتعمل ايه و تعرفني قبلها بكام يوم عشان مش هتروح لوحدها
نادين….بابتسامه ااا احمم ايه هتيجي معايا
عسال…..اكيد مش هسيبك و بعدين انا عايز اعمل شوبينج انتي مالك
نادين….بضحك طيب يا سيدي تعالي انا قولت حاجه انت بقي عندك ايه بكره
عسال…..بكره انا و فضل و سلامه هنروح نخلص شويه حجات مع التوكيل بتاع العربيات لان المفروض خلال يومين ثلاثه نستلم العربيات
و بعدها شغل بقي و كام مشوار يعني انا كمان بكره يومي مليان دوشه
نادين…..طيب و حسان مش هيجي معاكم
عسال….حسان هيبقي في المعرض التانب و كمان محتاس في موضوع الشقه اللي عايز يأجرها و كمان محتاج يلم حاجته بسرعه عشان كام يوم و تامر هيبدأ
نادين….هو لسه ملقاش الشقه
عسال….شاف كام شقه بس بعيد شويه عن البيت و هو عايز يكون قريب
نادين….اممم ربنا معاه ان شاء الله خير
عسال….يارب يا قلبي قوليلي بقي القمر بتاعي لسه مضايق
نادبن….بأبتسامه تجنن امممم يعني مينفعش تسألني سؤال زي ده بعد ما كلمتني و خدتني من موضوع لموضوع و توهتني
عسال…بضحك ايه قفشتيني
نادين….اكيد و كنت عارفه اصلا انت متصل ليه و كنت مستنيه مكالمتك كمان
عسال…..ابتسم و بص علي الشبك و هو بينفخ الدخان و بعدين بصلها بحب حلو يعني اننا بقينا نفهم بعض
نادين….اكيد و عموماً اطمن يا احلي بابي في الدنيا انا مش مضايقه
عسال…..بجد
نادين….والله العظيم بجد يمكن لو كنت سمعت الكلام ده قبل ما اشوف ماما و بابا و الدنيا تظبط بينا كنت اتوجعت بس الوقت لا والله
عسال…..بس انا حسيت انك اضايقتي
نادؤن….مضايقتش من كلام تقي قد ما خوفت يكون معاها حق و اكون فكرت بطريقه مش صح و خونت ليله و بعتها خوفت انها تروح وهي متعصبه كده و تقول كده تاني قدام ليله فا ليله ترجع تزعل مني تاني لكن والله مزعلتش من كلامها نفسه
عسال….انتي لا بيعتي ولا خونتي و ليله مش من النوع اللي بيسخن و انتي عارفه كده كويسه عارفه لو نوني هقولك مجنونه و سريعة الانفعال بس ليله لا
نادين….الحمد لله عدت علي خير و نعيمه قالتلي ان فضل كلمها و طمنها و خلاص مفيش حاجه و مشيوا كمان
عسال…..اه انا كلمتوا و قالي علي اللي ليله قالته يعني اطمني انا صح ليله لا سخنت ولا زعلت
نادين….الحمد لله ممكن بقي تطلع علي فوق هتبرد والله
عسال…..ماشي يا عمري هطلع والله خلاص اوعي تنامي الوقت
نادين….لا مش هنام انا لسه قاعده شويه
عسال…..تمام ياروحي هطلع في السريع كده اخد شاور و هاكل و اكلمك
نادين….تمام يا حبيبي بحبك
عسال….بابتسامه تجنن و انا بعشقك باي يا عمري
نادين….باي
……………….
في العربيه عند تقي و الشباب
نسمه كانت قدام جنب سليم و عدي وراء مع تقي.
المطر كان بيمطر و الجو برد و الدنيا هاديه اوي اتصل وليد علي تقي يشوفها فين و كان متعصب شويه عليها و هي كانت متعصبه لسه منه قفلت معاه و هي مش طايقه نفسها.
نسمه…..ايه متعصب صح؟
تقي….اه عشان الوقت اتأخر
سليم…انا مش عايز اجري اكتر من كده والله عشان المطر
تقي….لا لا هو مضايق اني روحت اصلاً بقولك ايه انتي هتطلعي معايا
نسمه….انا لا انا مالي ابوكي متعصب هيرميني من فوق معاكي
سليم….بضحك لا حرام وليد طيب و بعدين هي تقي مبتسكتش يعني مش هتديلوا فرصه
بصت جنبها لمحت عدي بيضحك بهدوء.
تقي…..انت بتضحك علي ايه ؟
عدي….انتب مالك و مالي الوقت
تقي….انا مجتش جنبك بس شيفاك بتضحك يعني و فرحان اوي
عدي…..صراحه شمتان فيكي و يارب ياكلك علقه
تقي….مين ده بابا لا متقلقش.مش للدرجادي
عدي….بضحك والله صوته كان خارج من الموبايل مش بعيد و بيني وبينك تستاهلي هفرح فيكي
تقي….طب علي فكره بقي انت اللي هتطلعني
عدي…..بضحك اناااا وانا مالي لو عليا عايزك تتروقي هطلع كمان اوصلك انا لو طلعت هسخنه عليكي اكتر وبعدين ما كنتي عامله فيها سبع رجاله و لسانك طول كده قلبتي قطه و خايفه منه ليه
ضحكوا كلهم و هي ابتسمت بغيظ
