لقاء كارثي

لقاء كارثي
أميره أسامه
صاحبة البطل الواحد

. البارت المئه 121.

………………………..

من بدايه اليوم خالص نزل مصطفي علي الساعه تسعه الصبح علي المكان بتاعه عشان يستعد للأفتتاح طبعاً لما صحي عرف اللي حصل و دخل اطمن علي سلامه و كان حابب يأجل بس سلامه قالوا لازم تروح و كلنا حابين نفصل و كده كده الموضوع خلاص و طمنوا علي الاخر لحد ما اقنعوا انه يروح و يجهز كل حاجه عشان يبدأ يستقبل الناس قبل معاد الافتتاح وقالوا هنخلص مشوار النيابه و هرجع اغير و هيروحوا عليه علي طول..

وفعلاً نزل مصطفي و راح و علي الساعه اتنين و نص نزلت حنان و راحت هي علي مصطفي مكانتش حابه تزعلوا و تخليه واقف لوحده حبت تروح تشجعوا لحد ما اخواته يرجعوا اما ريهام فا نزلت من بدري و خدت معاها غيار و قالت هتلبس من هناك في المطعم خصوصا لما صحيت و ملقتش رساله من ليله عرفت ان هي فعلا مشغوله و الموضوع غصب عنها و قررت تكون قد المسؤوليه و تروح هي علي هناك و هي كمان راحت..

اما عشري و فضل و عمر فا كانوا راجعين بالشاب تاني علي قسم زايد
للمره التانيه بس المرادي بدليل و اعتراف في نفس الوقت اللي عشري كان ملخوم و بيحصل معاه كده كانت ليله كمان في دنيا تانيه محدش فيهم كلم التاني و لا حد فيهم يعرف المصيبه اللي كل واحد فيها…

عشري كان معاه الشاب و راجع بيه

وليله بتجري زي المجنونه في الشارع و وراها وليد و حمزه و سايبه احمد و سامح قالبين المول جوه بس هي مقدرتش تستني و خافت يكون خرج بره عشان كده بقت تجري في الشارع تقي كمان وصلت و اتصلت علي حمزه و عرفت مكانهم و قابلتهم و بقت تجري معاهم و يدخلوا المحلات..

نفس التوقيت بيحصل فيه مصيبه مختلفه بس الفرق ان مريم كانت مبسوطه اوي و هي شايفه من بعيد ليله عماله تجري و كانت مراقبها و سعيده اوي بالحاله اللي هي واصله ليها لذه الانتقام و الانتصار اللي كانت حاسه بيها كانت كبيره جداً كأنها اكبر عدو ليها..

كانت راكبه عربيه مش بتاعتها و كلها متفيمه و قاعده وراء.

مريم….بهدوء بصت للشاب اللي معاها سايق اتصل علي ياسين و شوفوا قدر يخلص المطلوب منه ولا لا.

الشاب….تحت امرك

اتصل الشاب علي الولد اللي مع عشري بص عشري علي الموبايل و بصلوا في المرايا

عشري……مين خالد ؟