لقاء كارثي

ليله….بهمس و هي بتنهج ايه عرفتي اني مليش في دور الضحيه هاااا حاولتي تستغلي الموقف وان الكل مشغول عشان ميبقاش حد معايا طب انا لوحدي اهو و خليتك عبره يا اوسخ خلق الله تربيه المره اديتك درس عمرك قولتلك مليش في دور الضحيه انا بلعب دور الست القادره
اديتها اخر ضربه في وشها قبل ما الشرطه نجري و تدخل بسرعه

قربوا بسرعه الظباط بعدوا ليله و سحبوها بالقوه و الظباط اللي في العربيه التانيه جريوا عليهم و لما الناس بعدت شويه لمح فضل نعيمه من بعيد

فضل……عشري نعيمه هناك شكلهم هما ..

قفل عشري الباب و طار هو وفضل و علي ما وصلوا كان اتنين من الظباط مسكوا ليله بالقوه بعدوها عن مريم اللي اول ما سابتها وقعت علي الارض مغابتش عن الوعي بس كانت خلصانه مكانتش قادره تقف جري عشري و قرب بسرعه هو وفضل..

عشري…..ليله ليله جري عليها بسرعه و قرب منها سحبها من ايد الاتنين اللي ماسكينها و هي عماله تاخد في نفسها و عينها علي مريم

فضل……مسك نعيمه من ايدها و بعد راح وقف جنبهم

طبعا الظباط التانين عارفين عشري و فضل هما من نفس دايرتهم و معروفين جدا في زايد و الكل بيحبهم و بيحترمهم و البلاغ ده اصلا طالع بسببهم

واحد فيهم امرهم ياخدوا مريم و الشاب علي البوكس و بعدين قرب من عشري وليله كان في ظابط تاني اللي وصل بسبب الزحمه كان بيزعق و عايز ياخد ليله هو مش فاهم حاجه

و عشري واخد ليله في حضنه و باصص علي اللي هي عملاه في مريم و مصدوم.

قرب الظباط اللي كانوا جايين يقبضوا علي مريم و وقفوا مع الظابط شويه علي جنب اتكلموا معاه و عرفوا ان في بلاغ ضدها وهي هربانه و خطفت و ضربت بالعربيه و عليها كذا بلاغ هنا الظابط فهم ان في حوار اكبر من انه خناقه و بعد كلام دار بينهم هز الظابط راسه و اتحرك بالعربيه و مشيوا

الظابط قرب من عشري بهدوء.

الظابط…..لازم تيجوا ورانا عشان نثبت حاله يا محمد انت عارف اكيد

عشري……اكيد يا باشا متقلقش وراك علي طول

بص الظابط عليها و لمح دم كتير علي هدومها

الظابط….هي كويسه؟

عشري…..ايوه كويسه الحمد لله بس مريم خاطفه ابن اختها يا افندم و مش عارفين هو فين لسه

وليد….بهدوء رجع رجت خلاص يا عشري الحمد لله جيبناه

الظابط…..طيب في محضر باختطافه

وليد….اه يا باشا في المول كان مقلوب من الساعه واحده و اتعمل محضر و في تسجيلات كاميرات كمان لو عايز حضرتك رقم المحضر و اسم الظابط اللي عمل المحضر هجيبوا لسيادتك