لقاء كارثي

نعيمه…..والله ما هيحصل كل ده و الله هنلاقيه و بلاش تقولي كده والنبي اهدي شويه ادعي ادعي كتير

اميمه…..ياااارب ملناش غيرك متحرقش قلبنا علي ولادنا يارب خليك معانا يارب
خدتها اميمه في حضنها و هي واقفه

قمر……بتعب من كتر العياط و الكلام قلبي هيقف يا ناس قلبي هيقف يارتني ما نزلت يارتني ما اتحركت من البيت يارب

دخلوا علي جوه تاني و وقف الظابط مع الامن يتكلموا و يعمل اتصالات

سامح كان واقف ساكت و هيتجنن متماسك بس هيموت زي قمر

احمد……اهدي يا قمر اهدي ان شاء الله هتتحل

وليد…..قمر كفايه عياط هتتعبي

قمر…..ابني يا وليد ابني يا اخويا راح مني قلبي بيقف كل ثانيه بتعدي عليا بموت والله

وليد…..بتأثر قرب منها و ضم راسها طيب اهدي اهدي هيرجع احنا تقريبا عرفنا مين اللي عملها

بعدت عنه وبصتلوا

قمر….مين مين يا وليد

اميمه…..يعني ايه عرفتوا يعني اللي خطفوا ده قاصد مين

وليد…..خطيبه عشري الاولي هي اللي وراها هددت ليله من كام يوم و ليله سجلتلها قالتلها هتحرق قلبك انتي و عشري علي اعز ما ليكم و امبارح بدأت بايه كسرولها المحل و اتهموها انها موتت كلب

قمر…..خبطتت علي صدرها وبصت لليله كانت واقفه بره مع الظابط يعني ايه هي ممكن تخطف عيل

قمر……طب هتخطف ابني ليه ده عيل صغير اذاها في ايه

احمد…..طيب بصوا اهدوا لان ليله مش ناقصه و علي اخرها و بعدين هي شاكه و احنا لسه مش متأكدين خصوصا ان اللي عمر مشي معاه وشه مش باين احنا الوقت عايزين نشوف الكاميرات لو خد الولد في عربيه هنجيبه بالنمره عايزين بس نهدأ الاول شويه

دخلت ليله و بصت لقمر بحزن كبير هتموت علي اختها و منظرها

قمر…..بدموع عمر راح مني يا ليله

هزت لياه راسها وقربت منها قعدت قدامها علي ركبها مسكت ايدها و باست كفها

ليله….بتماسك ابتسمت بهدوء انا عمري وعدتك و عد و مكنتش قده عمر هيرجع و عد مني هيرجع و وحياة حرقه قلبك و قلبنا و حياة كل دمعه نزلت منك و كل ثانيه عدت عليكي و انتي خايفه لا هدفع اللي عملها عمره

قمر…..بدمزع ابني لومات يا ليله كنت هقول الحمد لله و هرضي علي اللقل هدفنوا بايدي واعرف مكانه بس ابني اتخطف

ليله….بوجع و تأثر بعد الشررر متقوليش كده هيرجع و رحمه امي و امك هيرجع

تقي و نعيمه كانوا واقفين مربعين ايدهم و دموعهم نازله مش عارفين يعملوا ايه و نعيمه كانت حاسه بالوجع اللي ليله حاسه بيه و عارفه انها هتموت و مفيش حاجه في ايدها تعملها