لقاء كارثي

ماهو بصراحه يعني الوقت بيجري و يا حرام مفيش عروسه في الدنيا تقدر تتجوز في كم المصايب اللي بتعيشها واللي لسه هتعيشها و انا بصراحه متوصيه بيكي شويه

ابقي قولي بقي لعشري ميتعبش نفسه في التجهيزات خلاص مبقاش ينفع للاسف قدامكم اسبوع و انا اوعدك الاسبوع ده هتشوفي فيه اللي محدش شافوا

ليله…..بابتسامه و ياتري بقي محضرالي ايه مينفعش يعني تكشفي عن مفجأه واحده.

مريم….بضحك والله انتي عشان غاليه عندي ممكن اقولك اني بفكر في فضيحه جديده مثلا لاختك صاحبتك هي مش عندها عياده بردوا امممممم او ايه رايك في صاحبتك اللي حامل توجع مش كده و بيتهيألي هي اكتر واحده هتحس بيا لاني حصل فيا اللي هيحصل فيها ان شاء الله بس تعرفي هتصعب عليا لا بجد هتصعب عليا اوي اصل هي بردوا اكبر و كمان فرصتها في الحمل مش كبيره يعني الكسره فيها ملهاش علاج كان نفسي بقي اقولك هعمل ايه في عشري و اللي عنده بس كفايه عليكي كده اتشغلي بنفسك زي ما هو طول اليوم انهارده مشغول بنفسه و مش سأل فيكي و سايبك يا حرام رايحه جايه لوحدك

ليله….بابتسامه و ايه كمان

وقفت بره المول و هي بتبص شمال و يمين و قدامها علي اسم المكان اللي الشاب قال عليه ((مونتانا))

ابتسمت بشر اول ما لمحت اسم الكافيه من الصف التاني كان كافيه في الدور الاول و كله زجاج

بصت لوليد و نعيمه و ابتسمت بشر..

مريم….وايه كمان يا مريم و ايه كمان ؟؟ لا كفايه عليكي مفاجات لحد كده انهارده كان يوم طويل عليكي انا قولت بس العب معاكي شويه و الكل مشغول عنك و اشوفك مذلوله و بتموتي قدامي كل لحظه

ليله…..بابتسامه مريم هو انتي متخيله انتي لو وقعتي تحت ايدي هعمل فيكي ايه ؟ عيزاكي كده تعدي علي ايدك ايه اللي ممكن يحصل مني ايه ابشع السينايروهات اللي ممكن تيجي في بالك..

مريم…..وماله أعدلك بس قبل ما أعد عايزه بس أعرفك انك للأسف مش هتلحقي تعملي كده أينعم انا واثقه في قدراتك بس يعني مش هديكي الفرصه مش هتلاقي وقت تقومي فيه علي رجلك

ليله….وماله مش يمكن يجيلي وقت و فرصه

مريم….ولو انه صعب عشان للاسف سبقتك بخطوات كتير و اه صح نسيت اقولك جاسر وصل رسالتك لحد تبعي بس احب اقولك ان رسالتك مش مظبوطه احنا مش واحد صفر يا ليله خلينا نقول انك قدرتي تلحقي ايه بس متنكريش ان قدرت ابوظ حياتكم اليوم ده