لقاء كارثي

الظابط….اكيد هنحتاج كل ده بس لازم الاول نرجع يا محمد

عشري…..يلا يلا وراك يا افندم علي طول..

مشي الزابط و راح ركب العربيه و ثواني و العربيتين اتحركوا مسك عشري ليله من كفها و فضل مسك نعيمه و عدوا الشارع و وليد معاهم

عشري…..وليد عربيه ليله معاها مش كده ؟

وليد….اه معاها بس خدها معاك انت و سيبلي انا العربيه هجيبها بس هطلع الاول ابلغهم و اشوف رقم المحضر و جاي وراكم اطمن بس علي اخواتي و اخليهم يروحوا

عشري……ماشي احنا في زايد

وليد….ماشي ماشي جاي وراكم علي طول نعيمه هتروحي معاهم

نعيمه……اه انا معايا عربيتي

فضل….هاتي المفتاح انا جاي مع عشري من غير عربيه.

نعيمه….اهو امسك

وليد…..مسك وش ليله انا جاي وراكي حالا ماشي هطمن علي اخواتك و هخليهم يروحوا الاول بس ماشي يا حبيبتي

ليله….بتعب متسيبهمش الا لما يروحوا

وليد…..متقلقيش يلا عشري خد بالك منها

عشري….متخافش

وليد…هاتي مفتاح عربيتك

فتحت ليله الشنطه اللي علي وسطها ادتلوا المفتاح و عرفتوا مكان العربيه و بعدين مشيوا و راحت ركبت مع عشري و هي خلاص جايبه اخرها و مش حاسه من كتر التعب..

اتحرك عشري و وراه فضل و نعيمه.

عشري…..بهدوء حط ايدها علي راسها و بصلها انتي كويسه

هزت ليله راسها من غير ما تبصلوا

طبطب علي شعرها و بعدين مسك ايدها باسها بحب و خوف.

في العربيه عند نعيمه و فضل حكت ليه كل اللي حصل كان مصدوم من اللي قالتوا علي عمر ابن اخت ليله و الرعب اللي عاشتوا ليله واخواتها

نعيمه……فضل حاول تتصل برشيد تخليه يتطمن علي ايمي او يروحلها مريم قالت لليله اطمنتي علي صاحبتك الحامل انا خايفه تكون كانت باعته حد ليها و انا مش عايزه اتصل بايمي اقلقها ليله محلفاني كمان محدش خالص يعرف بس علي الاقل اتصل برشيد و قولوا ميقولش لاي حد.

فضل….ماشي ماشي

مسك فضل التليفون و اتصل علي رشيد.

……………..

طلع وليد علي فوق تاني و عرفهم اللي حصل كله و ان مريم اتقبض عليها خلاص و عرف رقم المحضر و اسم الظابط عشان يتواصلوا معاه و ياخدوا منه كل التسجيلات بشكل رسمي و بعدين اتحركوا ساب وليد عربيتوا مركونه و قال يبقي يجي ياخدها اي وقت و اتحرك بعربيه ليله و تقي مرضيتش تسيبوا

……………..

في المطعم عند ريهام قبل كام ساعه لما محمود خرج وراح عليها وصل و طلع علي فوق خبط علي المكتب و فتح علي طول لقاها بتعيط