لقاء كارثي

ليله…..مش اوي انا بخير

نعيمه….علي فكره وليد اخوكي جاي تاني قال لفضل هيروح يجيب عربيته و يرجع

ليله…..ماشي

نعيمه….يلا متتأخريش يا قلبي

خرجت نعيمه و سابتها لوحدها طلعتلها غيار و بعدين خرجت بره الاوضه.

عشري….بهدوء طيب الحمد لله يعني هي بخير

علي….بخير والله و زي الفل متقلقش هي بس عماله تعيط و زعلانه عايزه تخرج عشان بعد بكره عندها امتحان و مش عارف بصراحه هينفع تخرج ولا لا

عشري….متخرجش يا علي قبل ما نطمن عليها في داهيه الامتحان و الماده تتعوض

علي……ان شاء الله خير المهم ليله كويسه كان باين انها مش بخير

عشري…..هتبقي كويسه ان شاء الله

علي…..بابتسامه ابقي قولها علي بيشكرك عشان جيبتي حق الكل و حق بنتي

عشري….بابتسامه ماشي هقولها بقولك ايه فين سليم و عدي

علي…..قولتلهم يروحوا يشوفوا الشغل قعدتهم ملهاش لازمه و روحت امك و البنات كمان هي معاها امها و انا و سليمان و ابوك اللي هنا لسه بقولك ايه اتصل عليهم خليهم يروحوا الافتتاح بتاع الواد انا قولتلهم بس قالوا مش هينفع خليهم يروحوا حرام يفرحوا الواد

عشري….ما انا بسأل عليهم عشان كده ماشي هتصل عليهم الوقت

علي….ماشي يا حبيبي

عشري….شويه واطمن علي رهف

علي….تمام يلا بالسلامه انت

عشري…..سلام

قفل عشري واتصل علي سليم.

سليم….هلا يا اخوي

عشري….فينك انت وعدي

سليم…..احنا في الكافيه

عشري…..طيب ما تاخد اخوك و اطلع علي مصطفي حرام الواد فرحتوا تضيع كان عامل حسابه ان الكل رايح روحوا فرحوا يا حبيبي و اقفوا معاه ده عازم الكل و ميعرفش اللي حصل معانا ممكن يزعل

سليم…..والله كنت هروح يا عشري انا و عدي بس يعني معقول اروح في الظروف دي

عشري……مالها الظروف بس كل حاجه بقت زينه خلاص رهف بخير و اطمنا عليها و عمر ابن اخت ليله رجع و الحيوانه دي اتقبض عليها يلا يا بااااه خد اخوك و روح للواد الساعه لسه تسعه في وقت يلا

سليم…..اللي تشوفوا يا اخوي بنتحرك الوقت و بنروح حالاً

عشري….ماشي يلا و اوعي تعرف اي حد فيهم حاجه متضيعش فرحتهم

سليم…..حاضر يلا سلام

عشري….سلام
بص عشري لنعيمه ليله كويسه يا نعيمه

نعيمه…..والله يا عشري مش عارفه هي ساكته و حاسه انها مصدومه او مش مستوعبه اليوم ده بس بتقول انها بخير

عشري…..كنتي خليكي معاها