لقاء كارثي

وليد….ايه يا احمد مفيش اخبار

احمد…..لا لسه بس شوفنا الكاميرات الراجل اللي ظاهر مع عمر مش باين ملامحه لابس كاب و كمامه علي وشه

وليد…..يعني ايه الواد مخطوف مش تايه

احمد…..لا مش تايه يا وليد للاسف في واحد وقف كلموا قدام المحل زي ما قمر قالت و بعد كده مشي كام خطوه و عمر راح وراه نزلوا من السلم المتحرك الكاميرا اللي في الدور اللي تحت جابته بيكمل نزول علي الدور الثاني و في الدور الاول مسك ايده و بعدين شاورلوا علي محل بتاع العاب راحوا وقفوا عنده من بره و بعد كده كلموا قالوا حاجه و شاولوا علي الباب و خرجوا علي بره خالص من المول

ليله كانت بتسمع و هي خلاص قلبها بيقف و لسانها متلجم مش قادره تنطق او تسأل

وليد ….يعني ايه خرجوا طيب بره مفيش كاميرات نعرف راحوا علي فين بعد ما خرجوا يعني ركبوا عربيه وقفوا مع حد بيتكلم مع حد اي حاجه

الظابط……متقلقش احنا هناصرف و الكاميرات اللي بره المول اكيد الوقت هنعرف منها كل حاجه ولو في عربيه ركبوها هنجيبها من الرقم بس انا عايز افهمكم ان لو الولد تاه فا دي سهله لكن كده دي عمليه خطف و سألت والد الطفل و والدته قالوا مفيش اي عداوه مع اي شخص فا لو حد فيكم عنده اي معلومه او في حد ممكن يعمل كده لازم نعرف عشان نحدد ده خطف مدبر ولا ده شخص عادي خطف الولد عشوائي

يعني جالكم اي تليفون اي تهديد اي مساومه علي فلوس مثلا

ليله…..بتعب اه اه في حد خطف ابن اختي

احمد…..مين يا ليله انتي عارفه حاجه حد كلمك

ليله….لا بس انا واثقه

الظابط….طيب عارفه ايه او شاكه في مين قولي جايز تقدري تساعدينا
وقفت ليله قالت للظابط اللي حصل

في الداخل.

قمر….بانهيار و هي ماسكه قلبها قلبي هيقف يا اميمه روحي بتتسحب مني ابني ضاع خلاص مني

اميمه….بدموع مضاعش ولا حاجه هنلاقيه و الله هنلاقيه

نعيمه…..والنبي كفايه يا قمر انتي هتقعي من طولك و بعدين عشان خاطر علي ابنك هيموت من العياط و خايف

قمر…..ابني ضايع مني من اربع ساعات يا نعيمه من الساعه واحده و محدش قدر يوصل لحاجه لسه

نعيمه….ما هما راجعوا الكاميرات و اكيد هيتصرفوا و كمان الظابط طمنك هيجيبوا الوقت تسجيلات الكاميرات بره و هيعرفوا راحوا فين

قمر…..و لما يعرفوا مشيوا ازاي هيلاقوه بسهوله ده لو رايح بيه اخر الدنيا زمانه راح هو اللي خطف ابني يا نعيمه هيفضل واقف بره مستني الظابط يقبض عليه كملت بانهيار و هي بتخبط علي رجليها هيعمل في ابني ايه هيبيعوا و لا ياخد اعضائه و لا هيسرح بيه و لا هيق,تل ابني و لا هيتحر,ش بيه ااااااااااه