لقاء كارثي

الشاب….بتعب واضح هو ده اللي متفق معايا اكيد عايز يعرف عملت ايه

ركن عشري بسرعه علي جنب و ركن فضل كمان لما لقاه وقف

عشري…..هترد عليه و هتتكلم عادي و اياك تقول كلمه مش علي مزاجي قسماً بمن احل القسم هق,تلك في مكانك هتقولوا انك نفذت و جريت

الشاب……طيب طيب

فضل….في ايه

عشري….استني اسكت

فتح عشري الاسبيكر و داس علي التسجيل.

ياسين….الووو ايوووه يا خالد

خالد…..نفذت

ياسين….بصلهم اه اه خلاص

خالد….انت بتنهج كده ليه مال صوتك

خبطت مريم علي كتف خالد و مدت ايدها عشان تاخد الموبايل

خالد…..امسك المدام هتكلم

مريم…..الوووو

بصوا لبعض كلهم و عشري اتصدم

ياسين…ااا ايوه ايوه يا مدام

مريم…..نفذت المطلوب منك

ياسين….حصل

مريم…..امال متصلتش ليه و مال صوتك اوعي تكون فشلت في اللي طلبتوا او غلطت

عمر هز راسه بلا و زنق المسدس في جنبه

ياسين….اا لا لا كله تمام انا بس جريت بسرعه عشان في واحد طلع معايا بالعربيه بس متقلقيش انا توهتوا و بعدين مشيت

مريم……متأكد ان محدش لحقك

ياسين….متأكد يا مدام انا بعدت خالص و خلعت منه مقدرش يلحقني اطمني

مريم…..اتأكدت انك خبطت اللي معاك في الصوره

ياسين….ايوه ايوه بس هو بصراحه يعني انا خبطت اتنين

مريم….اتنين مين يا غبيييي

قرب فضل منه و سحب راسه و همس في ودنه بهدوء

فضل…..قولها اللي في الصوره و بنت معاه اسمها رهف.

ياسين…..هو كان واقف و معاه بنت سمعتهم بيقولوا رهف

مريم….بابتسامه ررررهف مملت بضحك انت متأكد

ياسين….اه يا مدام متأكد

مريم…..براڤو عليك يعني خبطتين في الراس طيب قولي اوعي تكون موتهم انا قولت عايزه عاهه اذي حاجه تعطل الدنيا حواليهم شويه

عشري…..بهمس يا بنت الكلللللللب

قرب فضل من الشباك عند عشري و سحب راسه و سند بجبهته عليه

فضل….بهمس اهديييي اوعي تنطق يا اخويا هتبوظ كل حاجه

عشري….هق,تلها يا فضل

فضل….خليك اذكي منها العب بنفس طريقتها الوس,خه قت,لها مش هيفيدنا زي ما هي بالظبط بتلعب بنفس الطريقه القت,ل مش هيفيدها هي عايزه اذي وجع مش هنديها الفرصه

عشري….خدتها خلااااص وياعالم البت حصل فيها ايه

فضل…..محصلش فيها حاجه انا متأكد صدقني اهدي عشان خاطرنا

مريم….بهدوء تمام يا ياسين باقي فلوسك هتتحول حالا و زي ما قولتلك تختفي انت والعربيه ماشي