لقاء كارثي

زقهم وطار ركب العربيه و اتحرك قبل ما الشباب توصلهم

خلود…..قولتلك قولتلك خاطفه

عمر….بعياط مسك فيها و هو مرعوب وديني لماما لو سمحت

كاميليا…..اهدا اهدا متخافش با حبيبي

سألوهم الشباب حصلهم حاجه و اطمنوا عليهم و بعدين شكروهم البنات و مشيوا و خدوا عمر علي المول بسرعه .

كاميليا…..انتي بتقولي من بدري يعني تفتكري هتلاقي مامته

خلود…اسكتي متخوفيهوش اكيد هنلاقيها مش هتسيب ابنها ضايع و تروح يعني او علي الاقل بلغت في المول و كانوا بيدوروا عليه بصت لعمر اللي ماشي يترعش في ايدها عمر انت عارف رقم مامتك

عمر….بدموع انا نسيت كله الارقام

كاميليا…طيب اهدا ان شاء الله هنروح نلاقي ماما و لو ملقينهاش اهدا عشان تقدر تفتكر و متقلقش احنا معاك لحد ما ترجع ماشي متخافش يا حبيبي..

كلهم كانوا فوق في المكتب و ليله كانت مع تقي في الحمام.

دخلوا البنات علي المول و لمحوا واحد من الامن.

خلود….لو سمحت من فضلك في حد هنا باغ عن طقل تاه من مامته في المول

الامن….ايوه ايوه هما فوق في مكتب الامن وقالبين عليه الدنيا من بدري

خلود….طيب الولد اهو معايا منكن تعرفني اروح فين

الامن….تعالي تعالي انا هوديكي محمود اقف مكاني لحظه

خلود….بابتسامه متقلقش ماما فوق اهدا بقي

بصلها عمر و هو مرعوب و سكت.

طلعوا جري وراء الامن و كل ما حد من صحابه يشوفوا بيجري في دور يسألوا في ايه يقولهم لقينا الولد اللي اتخطف

سبقهم بسرعه وراح علي المكتب الباب كان مفتوح و البنتين لسه بيحاول ا يلحقوا بس عمر مش قادر يجري

خبط الامن علي الباب.

الامن…..يا باشا الولد رجع

اتنفضوا كلهم من مكانهم و لمحت قمر عمر في ايد بنتين جريت عليه و هو جري عليها انهارت من العياط و هو كان في حاله هيستريا و خوف و رعب و بيصرخ و هو ماسك فيها

قعد سامح اخيرا علي الكرسي و رمي نفسه و هو حاطت راسه وسط ايده

اميمه….يا حبيبي يا ابني يا حبيبي

قمر……الحمد لله يارب الحمد لله

كلهم حالتهم كانت وحشه جريت نعيمه تفرح ليله بسرعه

خلود…. بتأثر حمد الله علي سلامته

احمد….الله يسلمك شكرا بجد جزاكي الله كل خير

وليد….كان فين لوحده ولا مع حد جبتيه ازااااي ؟

جريت ليله هي و تقي و نعيمه وقفت علي الباب سندت براحه و هي شايفه عمر من ضهره دخل بهدوء و نزلت علي ركبها خدتوا من حضن قمر حضنتوا من ضهره و قعدتوا علي رجلها