لقاء كارثي

خلود…..حاضر

قامت ليله بهدوء و سابت عمر في حضن قمر قام سامح بهدوء خدوا من حضنها و شالوا و هو. ساكت خالص عمر نام علي كتفه و مسك فيه بقوه .

بصت ليله للبنات بهدوء.

ليله….شكرا ليكم بجد

خلود…العفو حمد الله علي سلامته

كاميليا….ربنا يطمنكم عليه الحمد لله جات سليمه

ليله….الحمد لله هو ممكن يعني رقم تليفونكم لو احتجنا ليكم في اي حاجه ولا هيبقي صعب

خلود…..لا طبعاً مش صعب اي حاجه انا معاكم والله في اي حاجه تحتاجوها اللي هقدر عليه هعملوا

ليله…..ميرسي بجد

رنت البنت علي موبايل ليله و بعدين الكل شكرهم و هما راحوا مع الامن

سامح…..هو حضرتك هتحتاجنا في اي حاجه تاني زي ما حضرتك شايف الولد تعبان و كفايه عليه و علينا كده.

الظابط….هو حاليا اهم حاجه ان الولد رجع بس معلش في كام سؤال كده حابب اسالهم لعمر جايز نقدر نوصل منه لاي حاجه و متقلقش انا مش هتعبوا كام سؤال بس و اكيد هحتاج حد فيكم بس لحد ما نوصل للكاميرات جايز تتعرفوا علي الشاب

سامح…..تمام يا باشا.

خرجت ليله وقفت بره المكتب و سندت راسها بتعب و ايدها علي جنبها..

قرب منها وليد و طبطب علي راسها.

وليد…..انتي كويسه

ليله…..بهدوء هزت راسها متقلقش عليا هبقي بخير

وليد…..كل ده ليه يا ليله حصل بينكم حاجه توصلها للشر ده

ليله…..و لا اي حاجه ظهرت من تاني و هي حابه دور الضحيه و عايزه تنتقم و شايفه ان ظهوري في حياة عشري هو اللي خلاه يبعد عنها

وليد….البت دي لازم تتجاب مينفعش تفضل بره كده

ليله….هتتجاب متقلقش انا بس عايزه اوصلها باي طريقه

وليد….سيبي الشرطه اللي توصلها يا ليله ابعدي انتي عن كل ده بلاش تحطي نفسك في مشاكل انتي في غني عنها في قانون

بصتلوا ليله و سكتت

وليد….بلاش البصه دي مقصدتش بكلامي انك تبعدي عن المشاكل يعني وجع الدماغ و الكلام ده بس انا مش عايزك تدخلي نفسك في حاجه و انتي خلاص فرحك قرب هي عايزه توديكي في داهيه متديهاش الفرصه

ليله…..بهدوء طول عمري يا وليد ببقي قاعده ساكته و في حالي و المشاكل بتيجي لحد عندي و تخبط الباب صدقني مقربتش منها و سيبت حقي لنا تعبت و الدنيا باظت بيني و بين عشري سيبت حق امي و انت عارف كويس ان امي خط احمر بالنسبالي ظهرت قدامي انا وعشري تاني في مره و عادت نفس الكلام و حاولت تستفزني و تنكشني و انا قررت اسيبها لربنا و يمكن اكون اتعاطفت معاها كمان و كنت حابه اساعدها قررت اعيش في هدوء و راحه و ابعد عن الوش والمشاكل زي ما انت بتقول بس هي معجبهاش و قررت تنكشني بالكريقه اللي كانت واثقه انها هتجيب معايا و هي نقطه ضعفي هددتني بيكم و بالبنات و فعلا نفذت يا وليد محل ايه ادمر الشباب و بقت فضيحه في المكان و كمان بيلبسوها مصيبه و كل ده مكفهاش قررت تمسكني من نقطه ضعف اكبر و تمسك عشري كمان من نفس نقطه الضعف انا في ابن اختي