لقاء كارثي

ريهام……طيب مش هتبقي تعبان شكلك يعني محتاج ترتاح شويه

محمود…..لا متقلقيش انا بخير والله يلا بقي بلاش رغي ظبطي نفسك و انا هنزل تحت لحد ما تخلصي

ريهام….بابتسامه ماشي

نزل محمود علي تحت تابع الشغل و اطمن ان كل حاجه ماشيه تمام و اتكلم مع واحد من اللي بيشتغلوا كبير شويه و فاهم في كل حاجه و اوقات هو الي بيبقي مسؤول عن المكان في غيابهم عرفوا انه عندهم مناسبه هو وريهام و لما يمشوا هو يتابع الشغل .

بعد مده بسيطه اتصلت ريهام علي محمود وعرفتوا انها خلصت قفل معاها وطلع و اول ما شافها ابتسم كانت لابسه فستان اسود لحد ركبتها و تحت شراب اسود كلون و ماسكه علي ايدها بالطو اسود و شكلها كان حلو اوي..

محمود …بابتسامه شكلك حلو

ريهام…. بابتسامه بجد و لا اوڤر

محمود….لا والله زي القمر

ابتسمت ريهام باحراج بسيط

ريهام…اااا طيب متأكد انك مش محتاج مني اي حاجه

محمود…..لا والله سلامنك انا فهمتهم تحت ان عندنا مناسبه و هما هيتعاملوا وهبقي معاهم بالتليفون يعني مش هتأخر عليكم

ريهام…..تمام امشي انا بقي

محمود…..خدي بالك من نفسك و ىكزي بس عشان البت دي لسه متقبضش عليها مش عايزين اي قلق تاني

ريهام…..لا ميغركش الفستان و جو الليدي ده وقت الجد هقلب متشرده

محمود…..بضحك مش محتاجه وقت جد عشان تبقي متشرده

ريهام…..قصدك اني متشرده علي طول

محمود….بضحك لا مقدرش بسحب كلمتي احسن تتجنني عليا ويلا عشان متتأخريش يا مصيبه

ريهام….بابتسامه اوك متتأخرش

محمود…..مش هتأخر يا ستي عايزه حاجه اجيبهالك

ريهام…..بضحك عايزه شوكولاته و متنساش اللبن و العيش كملت بطريقه مضحكه انت راجع علي البيت هعوز ايه يعني متتأخرش بس

محمود…..بضحك تصدقي انا علطان عشان بتكلم معاكي بعقل يلا امشي انجري من هنا

ريهام….بضحك باي

محمود…..باي يا ستي

……………….

الوقت كان بيعدي الشباب و البنات راحوا علي مصطفي ليله و عشري وصلوا القسم بتاع زايد و قالت ليله كل اللي حصل الشاب اللي مع مريم اعترف بكل حاجه و قال علي مكان الراجل اللي كان واخد عمر …

واجهوا مريم باللي حصل بس من كلامها حسوا انها غير متزنه نفسياً شويه تضحك و شويه تسند راسها علي المكتب بتعب و شويه تبص للظابط و مش عايزه تتكلم و اتحولت للمستشفي تحت حراسه مشدده لانها كانت تعبانه جدا و صحياً مش هيقدروا ياخدوا منها اي كلمه…