لقاء كارثي

و هو في اخوه اه الحمد لله مجاتش في عدي بس جات في بت صغيره ملهاش ذنب في اي حاجه تفتكر يا ابن امي و ابويا ليله اللي انت تعرفها هتقدر تيجي علي نفسها اكتر من كده ده انا كده عداني العيب و زياده سكت و اتحملت و صبرت لحد ما استنزفت كل الفرص اللي جوايا ليها

انا عمري ما جيت علي حد يا وليد

وليد….عارف يا ليله و الله عارف

ليله…..مريم لعبت معايا و استخدمت عمر في لعبتها دمرت اعصابي في كام ساعه كل ثانيه عدت كنت بموت كل الافكار البشعه فكرت فيها و في الاخر هي قاعده بره شيفاني و مبسوطه بالحاله اللي كنت فيها و انا مش هنكر انها قدرت تعمل ده و تشوفني في اضعف حالاتي فا لو انت بتحبني بلاش تقولي سيبيها

وليد…..مش هقولك سيبيها بس تفتكري لما تروحي في مصيبه انتي او جوزك هنبقي مبسوطين و مرتاحين اكيد لا يا ليله عايزه تبوظ فرحك و فرحتك متديهاش الفرصه اوعي تروحي في داهيه و تسلمي رقبتك لعدوك

ليله…..اكيد مش هعمل كده بس انت عارف اني مش هكون مرتاحه الا لو جبت حقي و طلعت اللي جوايا ده علي جتتها و قبل ما تكمل كلامها اتصلت مريم عليها.

ليله…..متعملش صوت هي

وليد…..طب افتحي الاسبيكر و ابعدي من هنا شويه

ليله….متتكلمش طيب

وليد….مش هتكلم والله.

بعدوا شويه عن الباب و فتحت ليله الخط.

و اول ما فتحت سمعت صوت كام شاب و واحد فيهم قال جمله علقت في دماغها.

الشاب…..ياعم ماهو مونتانا اهو خلينا ندخل نقعد شويه انا تعبت

مريم…..بابتسامه حمد الله علي سلامه ابن اختك يا ليله اظن انا كده طلعت جدعه معاكي اوي و رجعتهولك صاغ سليم و اه بالمناسبه
محصلش فيه حاجه انا بس حبيت العب معاكي انتي شويه اصل بصراحه مبسوطه اوي وانا بدمر اعصابك يا عروسه

ليله….بابتسامه شر و تفتكري قدرتي

مريم…..بضحكه شر افتكر جدا انا نسيت اقولك اني كنت بصورك و انتي عماله تجري شمال و يمين و مش قادره اتخطي جمال ملامحك اللي كانت مرعوبه

ليله… اتحركت علي بره و هي بتكلمها

نعيمه….وليد رايحين فين

وليد….شششش استني

جريت نعيمه وراهم

ليله….بيتهيألي يا مريم انا اللي مش هقدر اتخطي اللي هعملوا فيكي طول عمري هفضل طول الوقت متكيفه واوي كمان من اللي هيحصل فيكي علي ايدي

مريم…..بضحك هنشوف يا ليله مين فينا اللي هيبقي عايش مش قادر يتخطي جمال ملامح التاني بس انا بدعي ربنا انك تكملي معايا شويه كمان اصل انا مقولتلكيش انا محضرتلك مفاجات اكتر من كده بكتير اللي حصل ده يا ليله كان تسخين مش اكتر انما اللي جاي كبير اوي كل يوم في مفجأه اصل انا ناويه كمان ان فرحك يبوظ يا قلبي