لقاء كارثي
لقاء كارثي
فضل…طيب يبقي تاكل الاول
نعيمه….طيب هشوف هأكلها ايه او هطلب اي حاجه انا مش قادره اصلاً اعصابي باظت من الصبح.
عشري……سيبي الاكل الوقت انا هطلب روحيلها بس يا نعيمه وخليكي معاها
نعيمه….طيب تمام هشوفها و هرجعلكم..
سابتهم نعيمه و فضلت تقي واقفه قدامهم.
تقي….اااا تشربوا قهوه
عشري…..بابتسامه هاديه اه ياريت يا تقي
تقي…..حاضر فضل تشرب قهوه ولا عايز حاجه تانيه
فضل…..لا ياريت قهوه بردوا
تقي….حاضر بتشربوها ازاي
عشري…..انا ساده
فضل…..و انا سكر خفيف اوي
تقي….حاضر ..
في الداخل دخلت نعيمه علي الاوضه بتاعت ليله سمعت صوت الدش خبطت بهدوء عليها
نعيمه……ليله اساعدك في اي حاجه؟
مسمعتش رد
نعيمه…..ليه سمعاني محتاجه حاجه
مردتش حست نعيمه بقلق
نعيمه….ليله ردي عليه طيب ليله انا هفتح
فتحت نعيمه بسرعه و هي خايفه يكون اغم عليها فتحت لاقتها قاعده جوه البانيو ضامه رجليها و حضناها بايدها و سانده راسها علي ركبها و تحت المايه بلبسها
نعيمه…..حرام عليكي يا شيخه وقفتي قلبي قربت منها بهدوء ليله يا قلبي انتي كويسه
حطت نعيمه ايدها علي شعرها بهدوء و طبطبت عليها
نعيمه……لولي متخوفنيش عليكي فيكي ايه و ليه ساكته كده انتي تعبانه طيب
رفعت ليله راسها بهدوء و رجعت شعرها لوراء و هي بتغمض عينها و بتاخد نفس طويل
نعيمه….بهدوء طيب ممكن اساعدك اقلعي التيشرت ده كله دم يا ليله يلا يلا
سحبت نعيمه التيشرت و فضلت ليله بالبرا
نعيمه……ممكن تقومي تقلعي بالبنكلون طيب خليكي بلبسك اللي تحت
ليله….بهدوء نعيمه انا كويسه روحي انتي بس هاتيلي غيار انا مخدتش
نعيمه….حاضر هطلعلك بس ممكن اساعدك
ليله…..قولتلك انا كويسه
نعيمه….طيب زي ما تحبي انا هسيبك وانتي قومي كده خدي شاور وفوقي عشان خاطري شويه
ليله…..نعيمه اطمنتي علي ايمي ؟
نعيمه….متقلقيش زي الفل فضل كلم رشيد و قالوا كل اللي حصل و رشيد كلمها زوزو و حماده كانوا عندها هي هي بخير متقلقيش و معرفتش حاجه
ليله…..طيب والبنات كويسين ؟
نعيمه…كلهم بخير كلموني وانا اتصلت علي نادين و راحوا علي الافتتاح عند مصطفي و مقولتش حاجه والله متخافيش
ليله…..طيب تمام يلا روحي معاهم بره متسيبهمش
نعيمه….طيب مش محتجاني
ليله….لا شكراً
نعيمه….هجهزلك اللبس و اسيبوا علي السرير خلصي بسرعه و تعالي يلا عشان تاكلي و تاخدي مسكن لجنبك ده صحيح هو لسه تاعبك
