لقاء كارثي

الظابط….ما انا قولت يا محمد مفيش الاحتمال ده لأننا مش معتمدين على دليل واحد في جريمة حصلت بالفعل وبنت أخوهم في المستشفى وده لوحده واقعة مثبتة

عشري….طيب معلش سؤال يا محمد باشا الوقت هي اتصلت من موبايل غير موبايلها و التحويل بتاع الفاوس مش من رقمها ده من نفس رقم الشاب يعني بيتهيألي ممكن تلعب علي الحته دي هي اتعاملت بذكاء و مستخدمتش موبايلها عشان متثبتش حاجه عليها

الظابط…..اطمن من الناحيه دي معانا تسجيل ليها بصوتها و هي بتقولوا هحولك المبلغ و المبلغ بالفعل اتحول بعد كام دقيقه من زمن تسجيل المكالمه وحتي لو الرقم مش بتاعها فا هي استخدمتوا بإرادتها و معانا المكالمه يعني اتكلمت و كمان قالت هتحول فا التهمه مش محتاجه اثبات اكتر من كده كمان اعتراف المتهم التاني اللي معاها بيكمل صوره اعتراف المتهم الاول اللي نفذ جريمته و معانا الوقت الفلوس بقي اتحولت منين هي بتتواصل معاهم من اي خط مش مهم القانون هنا واضح يعني اطمنوا القضيه دي متقفله قانونياً و مفيش باب للخروج

ده غير القضيه الاولي اللي قولتلي عليها الصبح و هيبقي في صالحنا جداً لو الشباب اللي اتقبض عليهم اعترفوا ان هي اللي حرضتهم علي تلفيق موت الكلب و هي اللي قالتلهم يكسروا المكان و كمان دفعالهم

عشري….حلو يعني التحايل علي القانون هنا مش هيبقي محسوب

الظابط….طبعاً القانون بيشوف الفعل مش الأداة طالما الاتفاق موجود والتحريض ثابت و التنفيذ حصل يبقى الشراكة بينهم قائمة حتى لو استخدمت تليفون غيرها.

عمر…. تمام الحمد اله مفيش ثغره و دي اهم حاجه

الظابط……مستحيل قولتلكم القضيه متقفله قانونياً الوقت بقي عايزكم تمشوا و تطمنوا و سيبولي انا القضيه دي بمجرد ما اعرف مكان الرقم اللي اتصلت منه هيتعمل عليهم حامله قويه يعني كلها ساعات و بامر الله هتشرف عندنا

عمر…..تمام يا باشا و معلش احنا عاملين ازعاج انهارده جامد

الظابط…..متقولش كده المهم طمن الحاج عشري و الف سلامه علي بنت اخوكم

عمر….الله يسلمك يا باشا

عشري…..شكراً يا محمد باشا مش عارف اقولك ايه

الظابط….ولا اي حاجه ده شغلي و ده حقكم

ثواني و كانوا استأذنوا و جريوا علي المستشفي بسرعه..

………….

بعد ما خرج عشري من القسم كان مرتاح نوعاً ما عن الاول خصوصا ان المرادي خلاص مريم بقت متهمه و الظابط قالوا كلها ساعات و يمكن اقل تكون مقبوض عليها ركب عربيته و فضل ركب مع عمر تاني و اتحركوا علي المستشفي مكانش مركز في الساعه و لا مركز ان ليله متصلتش او صحيت او حتي نزلت المطعم زي ما قالت اللي حصل مع رهف بنت اخوه و غضبه من الشاب و مريم و الموقف كله كان مخليه مش دريان بأي حاجه خصوصا انه كل ده مكانش اطمن علي رهف و علي عارف حصلها ايه..